2. Ang Iyong Nilalaman. Nagbibigay-daan sa iyo ang marami sa aming Mga Serbisyo na gawin, i-store, o ibahagi ang Iyong Nilalaman o makatanggap ng materyal mula sa iba. Hindi namin inaangkin ang pagmamay-ari sa Iyong Nilalaman. Sa iyo lang ang Iyong Nilalaman at ikaw ang may pananagutan dito.

• a. Kapag ibinahagi mo ang Iyong Nilalaman sa ibang tao, nauunawaan mo na maaari nilang magamit, ma-save, ma-record, magawan ng kopya, ma-broadcast, maipadala, maibahagi, at maipakita saanman sa mundo ang Iyong Nilalaman sa dahilan kung bakit mo ginawang available ang Iyong Nilalaman sa Mga Serbisyo, nang hindi ka binabayaran. Kung ayaw mong magawa ito ng iba, huwag gamitin ang Mga Serbisyo para ibahagi ang Iyong Nilalaman. Ipinapahayag at ginagarantiyahan mo na habang may bisa ang Mga Tuntuning ito, mayroon ka (at magkakaroon ka) ng lahat ng karapatang kinakailangan para sa Iyong Nilalaman na ina-upload, sino-store, o ibinabahagi sa o sa pamamagitan ng Mga Serbisyo at hindi lalabag sa anumang batas o mga karapatan ng iba ang pangongolekta, paggamit, at pagpapanatili sa Iyong Nilalaman. Hindi pagmamay-ari, kinokontrol, kinukumpirma, binabayaran, ineendorso, o inaako ng Microsoft ang anumang sagutin sa Iyong Nilalaman at hindi ito mapapanagot sa Iyong Nilalaman o materyal na ina-upload, sino-store, o ibinabahagi ng iba gamit ang Mga Serbisyo.
• b. Sa saklaw na kailangan upang maibigay ang Mga Serbisyo sa iyo at sa iba, upang maprotektahan ka at ang Mga Serbisyo, at upang mapahusay ang mga produkto at serbisyo ng Microsoft, binibigyan mo ang Microsoft ng isang pandaigdigan at walang royalty na lisensiya sa intelektwal na ari-arian upang gamitin ang Iyong Nilalaman, halimbawa, upang gumawa ng kopya ng, panatilihin, ilipat, i-reformat, ipakita, at ipamahagi sa pamamagitan ng mga tool sa komunikasyon ang Iyong Nilalaman sa Mga Serbisyo. Kung ipa-publish mo ang Iyong Nilalaman sa mga lugar ng Mga Serbisyo kung saan malawak itong available online nang walang paghihigpit, maaaring lumabas ang Iyong Nilalaman sa mga demonstrasyon o materyal na nagpo-promote sa Serbisyo. Sinusuportahan ng pag-advertise ang ilan sa Mga Serbisyo. Available ang mga kontrol sa kung paano pine-personalize ng Microsoft ang pag-advertise sa https://choice.live.com. Hindi namin ginagamit ang mga sinasabi mo sa email, chat, mga video call o voice mail, o sa iyong mga dokumento, larawan, o iba pang personal na file upang mag-target ng pag-advertise sa iyo. Tinatalakay nang detalyado sa aming Mga Pahayag ng Pagiging Pribado ang aming mga patakaran sa pag-advertise.

3. Kodigo ng Asal. Mananagot ka para sa iyong asal at nilalaman kapag ginagamit mo ang Mga Serbisyo.

• a. Sa pamamagitan ng pagsang-ayon sa Mga Tuntuning ito, pumapayag ka na, kapag gumagamit ka ng Mga Serbisyo, susundin mo ang mga patakarang ito:
  • i. Huwag gumawa ng anumang ilegal, o subukang bumuo o magbahagi ng content na ilegal.
  • ii. Huwag makilahok sa anumang aktibidad na nananamantala, nanakit, o nagbabantang manakit ng mga bata.
  • iii. Huwag magpadala ng spam o makisangkot sa phishing, o subukang bumuo o mamahagi ng malware. Ang spam ay mga hindi gusto o hindi hinihinging maramihang email, posting, hiling na maging contact, SMS (text message), instant message, o katulad na electronic na komunikasyon. Ang phishing ay pagpapadala ng mga email o iba pang electronic na komunikasyon upang hikayatin ang mga makakatanggap sa paraang mapanloko o labag sa batas na magbigay ng personal o sensitibong impormasyon, gaya ng mga password, petsa ng kapanganakan, Social Security number, numero ng passport, impormasyon ng credit card, pinansyal na impormasyon, o iba pang sensitibong impormasyon, o upang magkaroon ng access sa mga account o talaan, pagkuha ng mga dokumento o iba pang sensitibong impormasyon, pagbabayad, at/o pinansyal na pakinabang. Kasama sa malware ang anumang aktibidad na idinisenyo upang magdulot ng teknikal na pinsala, gaya ng paghahatid ng mga nakakapinsalang executable, paghahanda ng mga pag-atakeng denial of service, o pamamahala ng mga command at control server.
  • iv. Huwag ipakita sa publiko o gamitin ang Mga Serbisyo upang bumuo o magbahagi ng hindi naaangkop na nilalaman o materyal (halimbawa, kahubaran, bestiality, pornograpiya, nakakasakit na pananalita, graphic na karahasan, pananakit sa sarili, o kriminal na aktibidad) o ng Iyong Nilalaman o materyal na hindi sumusunod sa mga lokal na batas o regulasyon.
  • v. Huwag makisangkot sa aktibidad na mapanloko, peke, o nakakapanlinlang (hal., paghingi ng pera sa maling dahilan, panggagaya ng ibang tao, paggawa ng mga pekeng account, pag-automate ng hindi totoong aktibidad, pagbuo o pagbabahagi ng content na sadyang mapanloko, pagmamanipula sa mga Serbisyo para dumami ang pag-play, o maapektuhan ang mga ranking, rating, o komento) o nakakalibelo o mapanirang-puri.
  • vi. Huwag iwasan ang anumang paghihigpit sa pag-access, paggamit, o availability ng Mga Serbisyo (hal., pagtatangkang “i-jailbreak” ang isang system ng AI o hindi mapapahintulutang pag-scrape).
  • vii. Huwag makisangkot sa aktibidad na makakasama sa iyo, sa Mga Serbisyo, o sa iba (hal., pagpapadala ng mga virus, pangso-stalk, pagtatangkang bumuo o magbahagi ng nilalamang nangha-harass, nambu-bully, o nagbabanta sa iba, pag-post ng nilalaman mula sa terorista o marahas na extremist, pagpapaabot ng mapoot na pananalita, o pagsusulong ng karahasan laban sa iba).
  • viii. Huwag labagin o suwayin ang mga karapatan ng iba (hal., hindi awtorisadong pagbabahagi ng naka-copyright na musika o iba pang naka-copyright na materyal, muling pagbebenta o iba pang pamamahagi ng mga mapa ng Bing, o pagkuha ng mga litrato o video/audio recording ng iba nang walang pahintulot nila para sa pagpoproseso ng mga biometric identifier/impormasyon ng isang indibidwal o anupamang layunin gamit ang alinman sa Mga Serbisyo).
  • ix. Huwag makisangkot sa aktibidad na lumalabag sa mga karapatan sa pagiging pribado o proteksyon ng data ng iba.
  • x. Huwag tulungan ang iba na lumabag sa mga patakarang ito.
• Makikita ang higit pang impormasyon tungkol sa aming mga patakaran, mga proseso ng pag-moderate at pagpapatupad, at mga tuntuning partikular sa serbisyo sa aka.ms/trustandsafety.

4. Paggamit sa Mga Serbisyo at Suporta.

• a. Account sa Microsoft. Kakailanganin mo ng account sa Microsoft para ma-access ang marami sa Mga Serbisyo. Nagbibigay-daan sa iyo ang iyong account sa Microsoft na mag-sign in sa mga produkto, website at serbisyo na ibinibigay ng Microsoft at ng ilang partner ng Microsoft.
  • i. Paggawa ng Account. Maaari kang gumawa ng account sa Microsoft sa pamamagitan ng pag-sign up online. Kinukumpirma mo na hindi ka gagamit ng anumang hindi totoo, hindi tumpak o nakakapanlinlang na impormasyon kapag nag-sign up ka para sa iyong account sa Microsoft. Sa ilang kaso, posibleng nagtalaga sa iyo ang isang third party, tulad ng iyong Internet service provider, ng isang account sa Microsoft. Kung natanggap mo mula sa isang third party ang iyong account sa Microsoft, maaaring may mga karagdagang karapatan ang third party sa iyong account, tulad ng kakayahang i-access o i-delete ang iyong account sa Microsoft. Pakisuri ang anumang karagdagang patakaran na ibinigay sa iyo ng third party, dahil walang pananagutan ang Microsoft tungkol sa mga karagdagang patakaran na ito. Kung gagawa ka ng account sa Microsoft sa ngalan ng isang entity, tulad ng iyong negosyo o employer, isinasaad mo na mayroon kang legal na kakayahang bigyang-bisa ang entity na iyon sa Mga Patakarang ito. Hindi mo maaaring ilipat sa ibang user o entity ang mga kredensyal ng iyong account sa Microsoft. Para maprotektahan ang iyong account, panatilihing kumpidensyal ang mga detalye ng iyong account at password. Responsable ka sa lahat ng aktibidad na mangyayari sa iyong account sa Microsoft.
  • ii. Paggamit sa Account. Dapat gamitin mo ang iyong account sa Microsoft para mapanatili itong aktibo. Nangangahulugan ito na dapat mag-sign in ka nang kahit isang beses sa loob ng dalawang taon upang mapanatiling aktibo ang iyong account sa Microsoft, at mga nauugnay na Serbisyo, maliban na lang kung may ibinigay na mas mahabang panahon sa patakaran sa aktibidad ng account sa Microsoft sa https://go.microsoft.com/fwlink/p/?linkid=2086738 o sa isang alok para sa isang binabayarang bahagi ng Mga Serbisyo. Kung hindi ka magsa-sign in sa panahong ito, ipagpapalagay naming di-aktibo ang iyong account sa Microsoft at isasara namin ito para sa iyo. Pakitingnan ang seksyon 4.a.iv.2 para sa mga kahihinatnan ng isinarang account sa Microsoft. Dapat kang mag-sign in sa iyong Outlook.com inbox at sa iyong OneDrive (nang hiwalay) nang kahit isang beses sa loob ng isang taon, kung hindi ay isasara namin ang iyong Outlook.com inbox at ang OneDrive mo para sa iyo. Kung may dahilan kami para paghinalaang nanganganib ang iyong account sa Microsoft na magamit ng isang third party sa panloloko (halimbawa, bilang resulta ng pagkakompromiso sa account), maaaring suspindihin ng Microsoft ang iyong account hanggang sa mabawi mo ang pagmamay-ari nito. Batay sa likas na kalagayan ng kompromiso, maaari kaming atasang i-disable ang access sa ilan o sa lahat ng Iyong Nilalaman. Kung nagkakaroon ka ng problema sa pag-access sa iyong account sa Microsoft, pakibisita ang website na ito: https://go.microsoft.com/fwlink/?LinkId=238656.
  • iii. Mga Bata at Account. Sa pamamagitan ng paggawa ng account sa Microsoft o paggamit sa Mga Serbisyo, tinatanggap mo at sumasang-ayon kang mapailalim sa Mga Tuntuning ito at isinasaad mong nasa "hustong gulang" ka na o nasa edad ka nang may "legal na pananagutan" kung saan ka nakatira o sumasang-ayon ang iyong magulang o legal na tagapag-alaga na mapailalim sa Mga Tuntuning ito para sa iyo. Kung hindi mo alam kung nasa "hustong gulang" ka na o nasa edad ka nang may "legal na pananagutan" kung saan ka nakatira, o kung hindi mo nauunawaan ang seksyong ito, humingi ng tulong sa iyong magulang o legal na tagapag-alaga. Kung ikaw ang magulang o legal na tagapag-alaga ng isang menor de edad, tinatanggap ninyo at pumapayag kayo ng menor de edad na mapailalim sa Mga Tuntuning ito at responsable kayo sa lahat ng paggamit sa account sa Microsoft o Mga Serbisyo, kasama ang mga pagbili, ang account man ng menor de edad ay bukas na o gagawin pa lang.
  • iv. Pagsasara ng Iyong Account.
    • 1. Magagawa mong magkansela ng mga partikular na Serbisyo o isara ang iyong account sa Microsoft anumang oras at sa anumang dahilan. Para isara ang iyong account sa Microsoft, bumisita sa https://go.microsoft.com/fwlink/p/?linkid=618278. Kapag sinabihan mo kaming isara ang iyong account sa Microsoft, mapipili mong ilagay ito sa suspindidong kalagayan nang 30 o 60 araw kung sakali lang na magbago ang isip mo. Pagkalipas ng 30 o 60 araw na iyon, isasara ang iyong account sa Microsoft. Tingnan ang seksyon 4.a.iv.2 sa ibaba para sa paliwanag kung ano ang mangyayari kapag isinara ang iyong account sa Microsoft. Kapag nag-log in ka sa loob ng panahon ng pagsususpinde, mare-reactivate ang iyong account sa Microsoft.
    • 2. Kung isasara (mo o namin) ang iyong account sa Microsoft, may ilang bagay na mangyayari. Una, agad na mahihinto ang iyong karapatang gamitin ang account sa Microsoft para i-access ang Mga Serbisyo. Ikalawa, ide-delete namin ang Data o ang Iyong Nilalaman na nauugnay sa iyong account sa Microsoft o kaya ay aalisin namin ang kaugnayan nito sa iyo at sa iyong account sa Microsoft (maliban na lang kung aatasan kami ng batas na panatilihin, ibalik, o ilipat ito sa iyo o sa isang third party na tutukuyin mo). Mayroon ka dapat ng isang regular na backup na plano dahil hindi na mababawi ng Microsoft ang Iyong Nilalaman o Data kapag naisara na ang iyong account. Ikatlo, maaari kang mawalan ng access sa mga produktong nakuha mo.
• b. Pag-moderate at Pagpapatupad. Marami sa aming Mga Serbisyong nagbibigay-daan sa iyong nakipag-interact, gumawa, bumuo, at magbahagi ng nilalaman sa iba ay gumagamit ng mga pangkaligtasang system para maprotektahan ang aming Mga Serbisyo at iba pang user.
  • i. Mga Patakaran. Tinutukoy ng aming Kodigo ng Asal kung ano ang ipinagbabawal kapag ginagamit ang aming Mga Serbisyo. Makikita ang aming mga patakaran sa nilalaman at asal dito (http://approjects.co.za/?big=DigitalSafety/policies). Ang mga partikular na Serbisyo ay may mga karagdagang patakaran at pamantayan sa komunidad na nalalapat sa mga user ng mga ito, na makikita rito (https://aka.ms/trustandsafety).
  • ii. Pag-uulat ng Alalahanin. Maaari kang mag-ulat ng nakakapag-alalang nilalaman o asal na maaaring lumabag sa aming Kodigo ng Asal dito (https://aka.ms/reportconcerns).
  • iii. Pagsusuri. Kapag naaangkop, maaari kaming gumamit ng mga naka-automate na system at tao para magsuri ng nilalaman para makatukoy ng pinaghihinalaang spam, mga virus, panloloko, phishing, malware, pag-jailbreak, o iba pang ilegal o mapaminsalang nilalaman o asal.
  • iv. Pagpapatupad. Nakalaan sa amin ang karapatang tumangging magbigay ng nilalaman kung lampas ito sa mga limitasyon sa storage o laki ng file na pinapayagan ng Serbisyo. Maaari kaming mag-block, mag-alis, o tumangging magpakita ng nilalaman kung mukhang lumalabag ito sa aming Kodigo ng Asal o iba pang patakaran sa Serbisyo o kapag iniaatas ng batas. Kung lalabag ka sa mga tuntunin o sa Mga Patakarang ito (https://aka.ms/trustandsafety), maaari kaming kumilos laban sa account. Maaaring kasama rito ang paglimita sa access sa ilang partikular na feature o Serbisyo, paghinto sa pagbibigay ng Mga Serbisyo, pagsasara kaagad ng iyong account sa Microsoft, o paghadlang sa pagpapadala ng komunikasyon (tulad ng email, pagbabahagi ng file, o instant message) sa o mula sa Mga Serbisyo. Ang pagsasara ng iyong access sa isang Serbisyo o sa iyong account ay maaaring humantong sa pagpapawalang-bisa ng mga lisensiya sa nilalaman, nauugnay na nilalaman, mga membership, at mga balanse sa account sa Microsoft na nauugnay sa account. Kapag nagsusuri ng pinaghihinalaang paglabag sa Mga Tuntuning ito, nakalaan sa Microsoft ang karapatang magsuri ng nilalaman para malutas ang isyu. Gayunpaman, hindi namin masusubaybayan at susubukang subaybayan ang lahat ng Serbisyo. Para sa higit pang impormasyon tungkol sa mga proseso ng pag-moderate at pagpapatupad (http://approjects.co.za/?big=DigitalSafety/moderation-and-enforcement), Mga tuntuning partikular sa Serbisyo, Mga karagdagang patakaran at alituntunin (http://approjects.co.za/?big=DigitalSafety/policies/additional-guidelines), at mga apela (http://approjects.co.za/?big=DigitalSafety/moderation-and-enforcement/appeals), tingnan ang https://aka.ms/trustandsafety. Maaaring makita ang impormasyon tungkol sa aming patakaran kaugnay ng mga habol ng paglabag sa intelektwal na ari-arian sa MGA ABISO.
• c. Mga Account sa Trabaho o Paaralan. Maaari kang mag-sign in sa ilang partikular na serbisyo ng Microsoft gamit ang email address sa trabaho o paaralan. Kung gagawin mo ito, sumasang-ayon ka na ang may-ari ng domain na nauugnay sa iyong email address ay maaaring maabisuhan tungkol sa pagkakaroon mo ng account sa Microsoft at mga nauugnay nitong subscription, kumontrol at mangasiwa sa iyong account, at mag-access at magproseso sa iyong Data, kabilang ang mga nilalaman ng iyong mga pakikipag-ugnayan at file, at maaaring abisuhan ng Microsoft ang may-ari ng domain kung nakompromiso ang account o Data. Sumasang-ayon ka rin na maaaring mapasailalim ang paggamit mo sa mga serbisyo ng Microsoft sa mga kasunduan sa pagitan mo o ng iyong organisasyon at ng Microsoft at maaaring hindi malapat ang Mga Tuntuning ito. Kung mayroon ka nang account sa Microsoft at gumagamit ka ng hiwalay na email address sa trabaho o paaralan para i-access ang Mga Serbisyong saklaw ng Mga Tuntuning ito, maaari kang ma-prompt na i-update ang email address na nauugnay sa iyong account sa Microsoft para patuloy na ma-access ang naturang Mga Serbisyo.
• d. Karagdagang Equipment/Data Plan. Para magamit ang marami sa Mga Serbisyo, kakailanganin mo ng koneksyon sa internet at/o data/cellular plan. Maaaring kailanganin mo rin ng karagdagang equipment, tulad ng headset, camera o mikropono. Ikaw ang responsable sa pagbibigay sa lahat ng koneksyon, plan, at equipment na kinakailangan para magamit ang Mga Serbisyo at sa pagbabayad sa mga sinisingil ng (mga) provider ng iyong mga koneksyon, plan, at equipment. Ang mga bayaring iyon ay dagdag sa mga bayaring ibinabayad mo sa amin para sa Mga Serbisyo at hindi namin ibabalik ang bayad para sa mga nasabing bayarin. Itanong sa iyong (mga) provider para matukoy kung may mga ganoong bayarin na maaaring naaangkop sa iyo.
• e. Mga Notification ng Serbisyo. Kapag may kailangan kaming sabihin sa iyo tungkol sa isang Serbisyo na ginagamit mo, magpapadala kami sa iyo ng mga notification ng Serbisyo. Kung ibinigay mo sa amin ang iyong email address o numero ng telepono kaugnay ng iyong account sa Microsoft, maaari kaming magpadala sa iyo ng mga notification ng Serbisyo sa pamamagitan ng email o SMS (text message), pati na rin para i-verify ang pagkakakilanlan mo bago irehistro ang numero ng telepono mo at i-verify ang iyong mga pagbili. Maaari ka rin naming padalhan ng mga notification ng Serbisyo sa ibang paraan (halimbawa, sa pamamagitan ng mga mensahe sa produkto). Maaaring may malapat na mga rate sa data o messaging kapag nakakatanggap ng mga notification sa pamamagitan ng SMS.
• f. Suporta. Available ang suporta sa customer para sa ilang Serbisyo sa https://support.microsoft.com. Maaaring mag-alok ang ilang partikular na Serbisyo ng hiwalay o karagdagang suporta sa customer, na napapailalim sa mga tuntuning makikita sa https://microsoft.com/support-service-agreement, maliban na lang kung may ibang nakasaad. Maaaring walang suporta para sa mga bersyong preview o beta ng mga tampok o Serbisyo. Maaaring hindi tugma ang Mga Serbisyo sa software o mga serbisyong inilalaan ng mga third party, at may pananagutan kang maging pamilyar sa mga kinakailangan sa pagiging compatible.
  • i. Para sa mga consumer na naninirahan sa Australia: Kung gumagamit ka na ng produkto o serbisyo na napapailalim sa Telecommunications Consumer Protection Code, may karapatan kang gumamit ng Advocate para makipag-ugnayan sa Microsoft; ang isang taong kumikilos bilang iyong Advocate ay walang kapangyarihang kumilos sa iyong ngalan o i-access ang impormasyon mo nang wala ang iyong presensya at pagsang-ayon sa nasabing pagkilos. May karapatan ka ring magtalaga ng Awtorisadong Kinatawan na may kapangyarihang i-access ang iyong impormasyon at kumilos sa iyong ngalan bilang ahente mo.
• g. Pagwawakas sa Mga Serbisyo mo. Kung kakanselahin (mo o namin) ang iyong Mga Serbisyo, una, agad na mahihinto ang iyong karapatang i-access ang Mga Serbisyo at magwawakas ang iyong lisensiya para sa software na nauugnay sa Mga Serbisyo. Ikalawa, ide-delete namin ang Data o ang Iyong Nilalaman na nauugnay sa Serbisyo mo o kaya ay aalisin namin ang kaugnayan nito sa iyo at sa iyong account sa Microsoft (maliban na lang kung aatasan kami ng batas na panatilihin, ibalik, o ilipat ito sa iyo o sa isang third party na tutukuyin mo). Bilang resulta, maaaring hindi mo na ma-access ang alinman sa Mga Serbisyo (o ang Iyong Nilalaman na na-store mo sa Mga Serbisyong iyon). Dapat ay mayroon kang regular na backup na plano. Ikatlo, maaari kang mawalan ng access sa mga produktong nakuha mo. Kung kinansela mo ang iyong account sa Microsoft at wala ka nang iba pang account na may access sa Mga Serbisyo, maaaring makansela agad ang Mga Serbisyo mo.

5. Paggamit sa Mga Third-Party na App at Serbisyo. Sa pamamagitan ng Mga Serbisyo, maaari mong magawang mag-access o kumuha ng mga produkto, serbisyo, website, link, nilalaman, materyal, laro, kakayahan, integration, bot, o application mula sa mga independent na third party (mga kumpanya o tao na hindi Microsoft) ("Mga Third-Party na App at Serbisyo"). Marami sa aming Mga Serbisyo ang makakatulong din sa iyong maghanap, humiling, o makipag-ugnayan sa Mga Third-Party na App at Serbisyo at maaaring magbigay-daan o mag-atas sa iyong magbahagi ng Iyong Nilalaman o Data sa mga nasabing Third-Party na App at Serbisyo, at nauunawaan mo na sa pamamagitan ng paggamit sa aming Mga Serbisyo, ginagamit mo ang mga ito para gawing available sa iyo ang Mga Third-Party na App at Serbisyo. Maaari ding magbigay-daan o mag-atas sa iyo ang Mga Third-Party na App at Serbisyo na i-store ang Iyong Nilalaman o Data sa publisher, provider, o operator ng Mga Third-Party na App at Serbisyo. Maaari ding magbigay sa iyo ang Mga Third-Party na App at Serbisyo ng patakaran sa pagiging pribado o kaya ay mag-atas sa iyong tanggapin ang kanilang mga tuntunin bago mo ma-install o magamit ang Third-Party na App at Serbisyo. Tingnan ang seksyon 13.b para sa mga karagdagang tuntunin para sa mga application na nakukuha sa pamamagitan ng ilang partikular na Store na pagmamay-ari o pinapatakbo ng Microsoft o mga affiliate nito (kasama ang, pero hindi limitado sa, Office Store, Microsoft Store sa Xbox, at Microsoft Store sa Windows. Dapat mong suriin ang mga tuntunin at patakaran sa pagiging pribado ng third-party bago kunin, gamitin, hilingin, o i-link ang iyong Account sa Microsoft sa anumang Third-Party na App at Serbisyo. Hindi binabago anumang tuntunin ng third party ang Mga Tuntuning ito. Hindi nagbibigay sa iyo ng lisensiya sa intelektwal na ari-arian ang Microsoft bilang bahagi ng anumang Third-Party na App at Serbisyo. Pumapayag kang akuin ang lahat ng panganib at pananagutang nagmumula sa iyong paggamit ng Mga Third-Party na App at Serbisyo at walang pananagutan ang Microsoft para sa anumang isyu na nagmumula sa iyong paggamit sa mga ito. Walang responsibilidad o pananagutan ang Microsoft sa iyo o sa iba pa para sa impormasyon o mga serbisyong ibinibigay ng anumang Third-Party na App at Serbisyo.

6. Availability ng Serbisyo.

• a. Ang Mga Serbisyo, Third-Party na App at Serbisyo, o materyal o mga produkto na inaalok sa pamamagitan ng Mga Serbisyo ay maaaring hindi available paminsan-minsan, maaaring i-alok nang limitado, o maaaring magbago batay sa iyong rehiyon o device. Kung babaguhin mo ang lokasyong nauugnay sa iyong account sa Microsoft, maaaring kailanganin mong kunin muli ang materyal o mga application na available sa iyo at binayaran mo sa iyong nakaraang rehiyon. Pumapayag kang huwag mag-access o gumamit ng materyal o Mga Serbisyo na ilegal o hindi lisensyado para gamitin sa bansa kung saan na-access o ginamit mo ang materyal o Mga Serbisyo, o itago o magbigay nang maling impormasyon sa iyong lokasyon o pagkakakilanlan upang i-access ang nasabing materyal o Mga Serbisyo.
• b. Nagsisikap kaming mapanatiling gumagana ang Mga Serbisyo; gayunpaman, ang lahat ng mga serbisyo sa online ay dumaranas ng paminsan-minsang pagkakaantala at pagkawala, at walang pananagutan ang Microsoft sa pagkakaantala at pagkawala na resulta nito. Kung nagkaroon ng pagkawala, maaaring hindi mo mabawi ang Iyong Nilalaman o Data na iyong inimbak. Inirerekomenda naming i-back up mo nang regular ang Iyong Nilalaman at Data na iniimbak mo sa Mga Serbisyo o iniimbak mo gamit ang Mga App at Serbisyo ng Third Party.

7. Mga Update sa Mga Serbisyo o Software, at Mga Pagbabago sa Mga Tuntuning Ito.

• a. Maaari naming baguhin ang Mga Patakarang ito anumang oras, at sasabihin namin sa iyo kapag ginawa namin iyon. Ang paggamit ng Mga Serbisyo pagkatapos magkabisa ng mga pagbabago ay nangangahulugang sumasang-ayon ka sa mga bagong patakaran. Kung hindi mo tinatanggap ang mga bagong tuntunin, dapat mong ihinto ang paggamit sa Mga Serbisyo, isara ang iyong account sa Microsoft at, kung isa kang magulang o tagapangalaga, tulungan ang iyong menor de edad na anak na isara ang kanyang account sa Microsoft.
• b. Kung minsan, mangangailangan ka ng mga update sa software upang patuloy na magamit ang Mga Serbisyo. Maaari naming awtomatikong tiyakin ang iyong bersyon ng software at mag-download ng mga software update o mga pagbabago sa configuration. Maaari ring kailanganin mong i-update ang software upang patuloy na magamit ang Mga Serbisyo. Ang mga update na iyon ay napapailalim sa Mga Patakaran na ito, maliban na lang kung mayroong kasamang ibang patakaran ang mga update, sa kasong iyon, malalapat ang mga patakaran na iyon. Walang obligasyon ang Microsoft na gawing available ang anumang update at hindi nito ginagarantiya na susuportahan namin ang bersyon ng system kung para saan mo binili o nilisensyahan ang software, mga app, nilalaman o iba pang produkto. Maaaring hindi tugma ang mga update sa mga software o serbisyo na inilalaan ng mga third party. Maaari mong bawiin ang iyong pagpayag sa mga software update sa hinaharap sa anumang oras sa pamamagitan ng pag-uninstall sa software.
• c. Dagdag pa rito, maaaring magkaroon ng mga pagkakataon na kailangan naming magtanggal o magbago ng mga tampok o functionality ng Serbisyo o tuluyang ihinto ang pagbibigay ng isang Serbisyo o access sa Mga App at Serbisyo ng Third Party. Maliban sa saklaw na iniaatas ng naaangkop na batas, wala kaming obligasyong magbigay ng muling pag-download o kapalit ng anumang materyal, Mga Digital na Produkto (tinukoy sa seksyon 13.i), o mga application na binili dati. Maaari naming i-release ang Mga Serbisyo o ang mga feature ng mga ito sa isang preview o beta na bersyon, na maaaring hindi gumana nang maayos o nang katulad ng panghuling bersyon.
• d. Para magamit mo ang materyal na pinoprotektahan ng digital rights management (DRM), tulad ng ilang musika, laro, pelikula, aklat, at marami pang iba, maaaring awtomatikong makipag-ugnayan ang DRM software sa isang online na server ng mga karapatan at maaari itong mag-download at mag-install ng mga update sa DRM.

8. Lisensiya ng Software. Maliban kung may kasama itong hiwalay na kasunduan sa lisensya ng Microsoft (halimbawa, kung gumagamit ka ng Microsoft application na kasama at bahagi ng Windows, nasasaklawan ng Mga Tuntunin sa Lisensya ng Microsoft Software para sa Operating System ng Windows ang naturang software), napapailalim sa Mga Tuntuning ito ang anumang software na ibibigay namin sa iyo bilang bahagi ng Mga Serbisyo. Ang mga application na nakukuha sa pamamagitan ng ilang partikular na Store na pagmamay-ari o pinatatakbo ng Microsoft o mga affiliate nito (kasama ang, ngunit hindi limitado sa Office Store, Microsoft Store sa Windows, at Microsoft Store sa Xbox) ay napapailalim sa seksyon 13.b.i sa ibaba.

• a. Kung sumusunod ka sa Mga Patakaran na ito, binibigyan ka namin ng karapatang i-install at gumamit ng isang kopya ng software sa bawat device sa isang pandaigdigang batayan ng paggamit ng isang tao lang kada oras bilang bahagi ng iyong paggamit sa Mga Serbisyo. Para sa ilang partikular na device, maaaring naka-install na ang naturang software para sa iyong personal at hindi pangkomersyal na paggamit sa Mga Serbisyo. Ang software o website na bahagi ng Mga Serbisyo ay maaaring magsama ng third-party na code. Anumang third-party na script o code, nauugnay o isinangguni mula sa software o website, ay inilisensiya sa iyo ng mga third party na nagmamay-ari ng code, hindi ng Microsoft. Ang mga abiso, kung mayroon man, para sa third party na code ay isinama para sa iyong impormasyon lang.
• b. Lisensiyado, hindi ibinenta, ang software, at nasa Microsoft ang lahat ng karapatan sa software na hindi hayagang ibinigay ng Microsoft, ipinapahiwatig man, sa pamamagitan ng estoppel, o iba pa. Ang lisensiyang ito ay hindi nagbibigay sa iyo ng anumang karapatan na, at hindi mo maaaring:
  • i. dayain o lampasan ang anumang teknolohikal na pamamaraan ng pagprotekta sa o kaugnay sa software o Mga Serbisyo;
  • ii. kalasin, i-decompile, i-decrypt, i-hack, i-emulate, pakinabangan, o i-reverse engineer ang anumang software o ibang bahagi ng Mga Serbisyo na kasama sa na-a-access sa pamamagitan ng Mga Serbisyo, maliban na lang at sa saklaw lang na pinapayagan ng naaangkop na batas sa copyright;
  • iii. paghiwalayin ang mga component ng software o Mga Serbisyo upang gamitin sa iba't ibang device;
  • iv. i-publish, kopyahin, rentahan, arkilahin, ibenta, i-export, i-import, ipamahagi, o ipahiram ang software o ang Mga Serbisyo, maliban kung hayagan kang binigyan ng pahintulot ng Microsoft upang gawin ito;
  • v. ilipat ang software, anumang lisensiya sa software, o anumang karapatan na i-access o gamitin ang Mga Serbisyo;
  • vi. gamitin ang Mga Serbisyo sa isang hindi awtorisadong paraan na maaaring makaantala sa paggamit ng sinuman o magkaroon ng access sa anumang serbisyo, data, account, o network;
  • vii. i-enable ang access sa Mga Serbisyo o baguhin ang anumang device na awtorisado ng Microsoft (hal., mga Xbox console, Microsoft Surface, atbp.) sa pamamagitan ng mga hindi awtorisadong third-party na application.

9. Mga Patakaran sa Pagbabayad. Kung bumili ka ng isang Serbisyo, nalalapat ang mga patakaran sa pagbabayad na ito sa iyong pagbili at sumasang-ayon sa mga ito.

• a. Mga Singil. Kung mayroong singil kaugnay sa isang bahagi ng Serbisyo, pumapayag ka na bayaran ang sinisingil na iyon sa perang tinukoy. Hindi kasama sa presyong isinaad para sa Mga Serbisyo ang lahat ng nalalapat na buwis at pagsasaayos sa palitan ng pera, maliban kung isinaad. Kasama na ang mga nalalapat na buwis sa lahat ng presyo ng mga binabayarang produkto ng Skype, maliban kung isinaad. Ikaw lang ang may may pananagutan para sa pagbabayad sa naturang mga buwis o iba pang singil. Kinakalkula ng Skype ang mga buwis batay sa panresidensyal na address na nauugnay sa iyong impormasyon sa pagsingil. Responsibilidad mong siguruhing napapanahon at tumpak ang address na ito. Maliban sa mga produkto ng Skype, kinakalkula ang mga buwis batay sa lokasyon mo sa panahon ng pagpaparehistro sa iyong account sa Microsoft maliban na lang kung nag-aatas ang lokal na batas ng ibang batayan para sa kalkulasyon. Maaari naming suspindihin o kanselahin ang Mga Serbisyo kung hindi kami makakatanggap ng nasa tamang panahon at buong pagbabayad mula sa iyo. Ang pagsuspinde o pagkansela sa Mga Serbisyo dahil sa hindi pagbabayad ay maaaring magresulta sa pagkawala ng access at paggamit sa iyong account at sa nilalaman nito. Maaaring mag-iba ang mga singil kaysa sa mga ipinapakita para sa aktwal na lokasyon mo kapag kumonekta ka sa Internet sa pamamagitan ng isang pangkorporasyon o iba pang pribadong network na nagtatago sa lokasyon mo. Depende sa iyong lokasyon, ang ilang transaksyon ay maaaring mangailangan ng conversion ng foreign currency o kailangang iproseso sa ibang bansa. Maaaring maningil ang iyong bangko ng karagdagang singil para sa mga serbisyong pinaggagamitan mo ng debit o credit card. Mangyaring makipag-ugnayan sa iyong bangko para sa mga detalye.
• b. Iyong Account sa Pagsingil. Upang bayaran ang mga singil para sa isang Serbisyo, hihilingin sa iyong magbigay ng paraan ng pagbabayad sa panahong mag-sign up ka para sa Serbisyong iyon. Para sa lahat ng Serbisyo maliban sa Skype, maa-access at mababago mo ang iyong impormasyon sa pagsingil at paraan ng pagbabayad sa website para sa pamamahala ng account sa Microsoft (https://go.microsoft.com/fwlink/p/?linkid=618281) at, para sa software at mga produkto ng Skype, sa pamamagitan ng pagsa-sign in sa portal ng iyong account sa https://skype.com/go/myaccount. Bilang karagdagan, pumapayag kang pahintulutan ang Microsoft na gamitin ang anumang na-update na impormasyon ng account tungkol sa iyong piniling paraan ng pagbabayad na ibinigay ng iyong nagbibigay na bangko o ng naaangkop na network ng pagbabayad. Sumasang-ayon ka na maagap na ia-update ang iyong account at iba pang impormasyon, kasama ang iyong email address at mga detalye sa paraan ng pagbabayad, upang matapos namin ang iyong mga transaksyon at makipag-ugnayan sa iyon kung kinakailangan, kaugnay ng iyong mga transaksyon. Ang mga pagbabagong ginawa sa iyong account sa pagsingil ay hindi makakaapekto sa mga singil na isinusumite namin sa iyong account sa pagsingil bago kami magsagawa ng makatuwirang pagkilos sa iyong mga pagbabago sa iyong account sa pagsingil.
• c. Pagsisingil. Sa pamamagitan ng pagbibigay sa Microsoft ng paraan ng pagbabayad, (i) ipinapahayag mo na awtorisado kang gamitin ang paraan ng pagbabayad na ibinigay mo at na totoo at tumpak ang anumang impormasyon sa pagbabayad na ibibigay mo; (ii) pinapahintulutan mo ang Microsoft na singilin ka para sa Mga Serbisyo o available na nilalaman gamit ang iyong paraan ng pagbabayad; at (iii) pinapahintulutan mo ang Microsoft na singilin ka para sa anumang may bayad na feature ng Mga Serbisyo kung para saan mo pipiliing mag-sign up o pipiliin mong gamitin habang may bisa ang Mga Tuntuning ito. Maaari ka naming singilin (a) nang maaga; (b) sa panahon ng pagbili; (c) kaagad pagkatapos ng pagbili; o (d) sa nauulit na batayan para sa Mga Serbisyo ng subscription. Bukod pa rito, maaari ka rin naming singilin sa halaga na pinayagan mo, at sasabihan ka namin nang maaga tungkol sa anumang pagbabago sa halaga na sisingilin para sa nauulit na Mga Serbisyo ng subscription. Maaari ka naming singilin nang sabay para sa higit sa isa sa iyong mga naunang panahon ng pagsingil para sa mga halagang hindi pa napoproseso.
• d. Mga Nauulit na Pagbabayad. Kapag binili mo ang Mga Serbisyo sa pamamagitan ng subscription (hal., buwan-buwan, kada 3 buwan, o taun-taon), kinukumpirma mo na pinapahintulutan mo ang mga umuulit na pagbabayad, at babayaran ang Microsoft sa pamamagitan ng paraan at ayon sa palugit ng pagbabayad na sinang-ayunan mo, hanggang sa wakasan mo o ng Microsoft ang subscription para sa Serbisyong iyon. Dapat mong kanselahin ang iyong Mga Serbisyo bago ang susunod na petsa ng pagsingil upang hindi na masingil upang ituloy ang iyong Mga Serbisyo. Bibigyan ka namin ng mga tagubilin sa kung paano mo maaaring kanselahin ang Mga Serbisyo. Sa pamamagitan ng pagpapahintulot sa mga umuulit na pagbabayad, pinapahintulutan mo ang Microsoft na iproseso ang mga naturang pagbabayad bilang mga electronic na debit o fund transfer, o bilang mga electronic na draft mula sa nakatalaga mong account (para sa Automated Clearing House o mga katulad na pagbabayad), o bilang mga pagsingil sa nakatalaga mong account (para sa credit card o mga katulad na pagbabayad) (sama-samang tinatawag na "Mga Electronic na Pagbabayad"). Karaniwang sinisingil ang mga bayarin sa subscription bago ang naaangkop na panahon ng subscription. Kung lalabas na hindi pa nababayaran ang anumang pagbabayad o kung tatanggihan o hindi tatanggapin ang anumang credit card o katulad na transaksyon, nakalaan sa Microsoft o sa mga provider ng serbisyo nito ang karapatan na mangolekta ng anumang naaangkop na kapalit na item, bayarin sa hindi pagkatanggap, o bayarin sa hindi sapat na pondo at iproseso ang anumang ganoong pagbabayad bilang Electronic na Pagbabayad.
• e. Online na Statement at Mga Error. Para sa lahat ng Serbisyo maliban sa Skype, bibigyan ka ng Microsoft ng isang online na statement sa pagsingil sa website para sa pamamahala ng account sa Microsoft (https://go.microsoft.com/fwlink/p/?linkid=618282), kung saan mo matitingnan at mapi-print ang iyong statement. Para sa Skype, maa-access mo ang iyong online na statement sa pamamagitan ng pagsa-sign in sa iyong account sa www.skype.com (https://www.skype.com). Ito lang ang tanging statement sa pagsingil na ibinibigay namin. Kung mayroon kaming error sa iyong bill, dapat sabihin mo sa amin sa loob ng 90 araw matapos unang lumitaw ang error sa iyong bill. Agad naming sisiyasatin ang paratang. Kung hindi mo sasabihin sa amin sa loob ng panahong iyon, pinapalaya mo kami sa lahat ng pananagutan at habol ng pagkawala na dulot ng error at hindi namin kakailanganing itama ang error o magbigay ng refund, maliban kung hinihiling ng batas. Kung makatukoy ang Microsoft ng error sa pagsingil, itatama namin ang error na iyon sa loob ng 90 araw. Hindi maaapektuhan ng patakarang ito ang anumang karapatan ayon sa batas na maaaring ilapat.
• f. Patakaran sa Refund. Maliban kung isinaad ng batas o ng mga tuntunin ng isang partikular na alok na Serbisyo, pinal at hindi mare-refund ang lahat ng pagbili. Kung sa tingin mo ay mali ang pagsingil sa iyo ng Microsoft, dapat kang makipag-ugnayan sa amin sa loob ng 90 araw ng pagsingil. Walang ibibigay na refund para sa anumang singil na mas matagal pa sa 90 araw, maliban kung hinihilin ng batas. May karapatan kaming magbigay ng mga refund o credit ayon sa aming pagpapasya maliban kung iniaatas ng batas. Kung nagbigay kami ng refund o credit, wala kaming obligasyon na magbigay ng parehong refund sa hinaharap. Hindi maaapektuhan ng patakaran sa refund na ito ang anumang karapatan ayon sa batas na maaaring ilapat. Para sa karagdagang impormasyon tungkol sa refund, pakibisita ang aming paksa ng tulong (https://go.microsoft.com/fwlink/p/?linkid=618283). Kung naninirahan ka sa Taiwan o Israel, pakitandaan na alinsunod sa Consumer Protection Act at mga kaugnay nitong regulasyon, ang lahat ng pagbili na ukol sa digital na nilalaman na inihahatid sa pamamagitan ng hindi mahahawakang anyo at/o mga online na serbisyo ay hindi na mababawi at hindi mare-refund kapag ang nasabing nilalaman o serbisyo ay naibigay on line. Wala kang karapatang maghabol sa anumang panahong cooling off o anumang refund.
• g. Pagkansela sa Mga Serbisyo. Maaari mong kanselahin ang isang Serbisyo anumang oras, nang mayroon o walang dahilan. Kapag nagkansela ng mga bayad na Serbisyo, mahihinto ang mga pagsingil sa hinaharap upang ituloy ang Serbisyo. Upang magkansela ng Serbisyo at humiling ng refund, kung ikaw ay may karapatan dito, bisitahin ang website ng Microsoft sa pamamahala ng account. Para sa Skype, pakisagutan ang Form sa Pag-withdraw gamit ang impormasyong ibinigay rito (https://go.microsoft.com/fwlink/p/?linkid=618286). Dapat kang muling sumangguni sa alok na naglalarawan sa Mga Serbisyo dahil (i) maaaring hindi ka makatanggap ng refund sa panahon ng pagkansela; (ii) maaaring kailanganin mong magbayad ng mga singil sa pagkansela; (iii) maaaring kailanganin mong bayaran ang lahat ng sisingilin sa iyong account sa pagsingil para sa Mga Serbisyo bago ang petsa ng pagkansela; at (iv) maaaring hindi mo ma-access at magamit ang iyong account kapag kinansela mo ang Mga Serbisyo; o, kung nakatira ka sa Taiwan o Israel, (v) maaari kang makatanggap ng refund sa halagang katumbas ng mga hindi nagamit na singil na binayaran mo para sa isang Serbisyo na kinalkula sa panahon ng pagkansela. Kung nakatira ka sa Israel, maaari kang magkansela sa pamamagitan ng alinman sa mga paraang nakalista sa https://support.microsoft.com/help/4027815. Makipag-ugnayan sa isang kinatawan ng Microsoft sa telepono upang makakuha ng refund kung kwalipikado ka para dito. Ipoproseso namin ang Data mo gaya ng inilalarawan sa itaas sa seksyon 4. Kung magkakansela ka, matatapos ang iyong access sa Mga Serbisyo sa katapusan ng kasalukuyan mong panahon ng Serbisyo o, kung pana-panahon naming sinisingil ang iyong account, sa katapusan ng panahon kung kailan ka nagkansela. Kung magpapasimula ka ng chargeback o reversal sa iyong bangko para sa bayad mo sa Mga Serbisyo, ituturing ka naming nagkansela mula sa petsa kung kailan ginawa ang orihinal na pagbabayad, at pinapahintulutan mo kaming kanselahin kaagad ang iyong serbisyo at/o bawiin ang anumang nilalamang ibinigay sa iyo kapalit ng nasabing bayad.
• h. Mga Alok ng Panahon ng Pagsubok. Kung lumalahok ka sa anumang alok ng panahon ng pagsubok, maaari mong kailanganing kanselahin ang (Mga) Serbisyo ng pagsubok sa loob ng panahong ipinaalam sa iyo noong tinanggap mo ang alok upang maiwasang masingil upang magpatuloy sa (Mga) Serbisyo sa katapusan ng panahon ng pagsubok.
• i. Mga Alok na Pampromosyon. Paminsan-minsan, maaaring i-alok nang libre ng Microsoft ang Mga Serbisyo para sa isang panahon ng pagsubok. Nakalaan sa Microsoft ang karapatan na singilin ka para sa mga naturang Serbisyo (sa normal na rate) kung mapag-alaman ng Microsoft (sa makatuwirang pagpapasya nito) na inaabuso mo ang mga tuntunin ng alok.
• j. Mga Pagbabago sa Presyo. Maaari naming baguhin ang presyo ng Mga Serbisyo anumang oras at kung mayroon kang umuulit na pagbili, aabisuhan ka namin sa pamamagitan ng email, o sa iba pang makatuwirang paraan, 15 araw o mas matagal pa bago ang pagbabago sa presyo. Kung hindi ka sumasang-ayon sa pagbabago sa presyo, dapat mong kanselahin at ihinto ang paggamit ng Mga Serbisyo bago magkabisa ang mga pagbabago sa presyo. Kung may tiyak na tagal at presyo para sa iyong alok na Serbisyo, ipapatupad pa rin ang presyo para sa tiyak na tagal.
• k. Mga Pagbabayad sa Iyo. Kung may utang kaming pagbabayad sa iyo, sumasang-ayon kang ibigay sa amin ang anumang impormasyong kinakailangan namin sa tamang panahon at nang tumpak para maibigay sa iyo ang pagbabayad na iyon. Sang-ayon sa naaangkop na batas, responsibilidad mo ang anumang buwis at singil na maaari mong maipon bilang resulta ng pagbabayad na ito sa iyo. Dapat ka ring sumunod sa anumang iba pang kundisyon na aming itinatakda sa iyong karapatan sa anumang pagbabayad. Kung makakatanggap ka ng pagbabayad nang mali, maaari naming ipawalang-bisa o kailanganin ang pagbabalik ng pagbabayad. Sumasang-ayon kang makipagtulungan sa amin sa aming pagsisikap na isagawa ito. Maaari rin naming bawasan ang kabayaran sa iyo nang walang abiso upang magsaayos para sa anumang nakaraang sobrang pagbabayad.
• l. Mga Gift Card. Ang pagkuha at paggamit ng mga gift card (maliban sa mga Skype gift card) ay pinamamahalaan ng Mga Patakaran at Kundisyon sa Gift Card ng Microsoft (https://support.microsoft.com/help/10562/microsoft-account-gift-card-terms-and-conditions). Available ang impormasyon tungkol sa mga gift card ng Skype sa pahina ng Tulong (https://go.microsoft.com/fwlink/?LinkId=615383) ng Skype.
• m. Paraan ng Pagbabayad na Bank Account. Maaari kang magrehistro ng kwalipikadong bank account sa iyong account sa Microsoft para magamit ito bilang paraan ng pagbabayad. Kabilang sa mga kwalipikadong bank account ang mga account na pinapangasiwaan sa isang institusyon sa pananalapi na may kakayahang tumanggap ng mga direct debit entry (hal., isang institusyon sa pananalapi sa Estados Unidos na may suporta para sa mga automated clearing house ("ACH") entry, isang institusyon sa pananalapi sa Europe na may suporta para sa Single Euro Payments Area ("SEPA" o "iDEAL" sa Netherlands). Nalalapat din ang mga tuntuning sinang-ayunan mo noong idinagdag mo ang iyong bank account bilang isang paraan ng pagbabayad sa iyong account sa Microsoft (hal., ang "mandate" sa kaso ng SEPA). Ipinapahayag at ginagarantiya mo na nakapangalan sa iyo ang inirehistro mong bank account o awtorisado kang irehistro at gamitin ang bank account na ito bilang isang paraan ng pagbabayad. Sa pamamagitan ng pagrerehistro o pagpili sa iyong bank account bilang paraan ng pagbabayad mo, pinapahintulutan mo ang Microsoft (o ang ahente nito) na magsagawa ng isa o higit pang debit para sa kabuuang halaga ng binili mo o singil sa subscription mo (alinsunod sa mga tuntunin ng iyong serbisyo sa subscription) sa iyong bank account (at, kung kinakailangan, magsagawa ng isa o higit pang credit sa iyong bank account para magwasto ng mga error, mag-isyu ng refund, o katulad na layunin), at pinapahintulutan mo ang institusyon sa pananalapi na nangangasiwa sa iyong bank account na ikaltas ang mga naturang debit o tanggapin ang mga naturang credit. Nauunawaan mo na mananatiling ganap na may bisa ang pahintulot na ito hanggang sa alisin mo ang impormasyon ng iyong bank account sa iyong account sa Microsoft. Makipag-ugnayan sa suporta sa customer tulad ng nakabalangkas sa itaas sa seksyon 4.e sa lalong madaling panahon kung naniniwala ka na hindi ka dapat siningil. Maaari ding malimitahan ng mga batas na ipinapatupad sa iyong bansa ang pananagutan mo para sa anumang mapanlinlang, mali, o hindi awtorisadong transaksyon mula sa iyong bank account. Sa pamamagitan ng pagrerehistro o pagpili ng isang bank account bilang paraan ng pagbabayad mo, kinukumpirma mo na nabasa, nauunawaan, at tinatanggap mo ang Mga Tuntuning ito.

10. Nakikipagkontratang Entity, Pagpili ng Batas, at Lokasyon para sa Pagresolba ng mga Di-pagkakasundo. Para sa iyong paggamit ng libre at bayad na mga Serbisyong pang-consumer na may brand ng Skype, kung nakatira ka sa labas ng Europe, Middle East, at Africa, nakikipagkontrata ka sa, at ang lahat ng pagbanggit sa "Microsoft" sa Mga Tuntuning ito ay tumutukoy sa, Skype Communications S.à.r.l, 23 – 29 Rives de Clausen, L-2165 Luxembourg maliban kung may ibang tinukoy sa ibaba. Para sa libre o bayad na mga Serbisyong pang-consumer na may brand ng Skype, kung nakatira ka sa labas ng Europe, Middle East, at Africa, umiiral ang batas ng Luxembourg sa interpretasyon ng Mga Tuntuning ito at mga paghahabol sa paglabag sa mga ito, anuman ang mga alituntunin sa salungatan ng batas. Pinamamahalaan ng mga batas ng probinsya o bansang tinitirhan mo ang iba pang mga paghahabol (kabilang ang proteksyon ng consumer, hindi patas na kumpetisyon, at mga tort na paghahabol). Kung nakatira ka sa labas ng Europe, Middle East, at Africa, tayo ay permanenteng sumasang-ayon sa ekslusibong hurisdiksyon at lugar ng mga korte sa Luxembourg para sa lahat ng di-pagkakasundong magmumula o nauugnay sa mga Serbisyong pang-consumer na may brand ng Skype. Para sa lahat ng iba pang Mga Serbisyo, nasa ibaba ang entity kung kanino ka nakikipagkontrata, ang umiiral na batas, at ang lokasyon para sa pagresolba sa mga di-pagkakasundo:

• a. Canada. Kung nakatira ka sa (o kaya, kung isa kang negosyo, ang iyong pangunahing lugar ng negosyo ay nasa) Canada, at gumagamit ka ng mga may bayad na Serbisyong pang-consumer na may brand ng Skype, o kung gumagamit ka ng mga libreng bahagi ng Microsoft Teams, nakikipagkontrata ka sa Skype Communications US Corporation, 2215-B Renaissance Drive, Las Vegas, NV 89119, United States. Para sa lahat ng iba pang libre at bayad na Serbisyong pang-consumer, nakikipagkontrata ka sa Microsoft Corporation, One Microsoft Way, Redmond, WA 98052, U.S.A. Pinamamahalaan ng mga batas ng probinsyang tinitirhan mo (o kaya, kung isa kang negosyo, ng iyong pangunahing lugar ng negosyo) ang interpretasyon sa Mga Tuntuning ito, mga paghahabol sa paglabag sa mga ito, at iba pang paghahabol (kabilang ang proteksyon ng consumer, hindi patas na kumpetisyon, at mga tort na paghahabol), anuman ang mga alituntunin sa salungatan ng mga batas. Tayo ay permanenteng nagpapahintulot sa ekslusibong hurisdiksyon at lugar ng mga korte sa Ontario para sa lahat ng di-pagkakasundong nagmumula o may kaugnayan sa Mga Tuntuning ito o sa Mga Serbisyo.
• b. North o South America sa labas ng United States at Canada. Kung nakatira ka sa (o kaya, kung isa kang negosyo, ang iyong pangunahing lugar ng negosyo ay nasa) North o South America sa labas ng United States at Canada, nakikipagkontrata ka sa Microsoft Corporation, One Microsoft Way, Redmond, WA 98052, U.S.A. Pinamamahalaan ng batas ng Estado ng Washington ang interpretasyon sa Mga Tuntuning ito at mga paghahabol sa paglabag sa mga ito, anuman ang mga napiling prinsipyo ng batas. Pinamamahalaan ng mga batas ng bansa kung saan namin ibinibigay ang iyong Mga Serbisyo ang lahat ng iba pang paghahabol (kabilang ang proteksyon ng consumer, hindi patas na kumpetisyon, at mga tort na paghahabol).
• c. Middle East, Africa, o Europe. Kung nakatira ka sa (o kaya, kung isa kang negosyo, ang iyong pangunahing lugar ng negosyo ay nasa) Middle East, Africa, o Europe hindi kasama ang European Union (EU), Iceland, Lichtenstein, Norway, Switzerland, at United Kingdom, at gumagamit ka ng mga libreng bahagi ng Mga Serbisyo (tulad ng Bing at MSN), nakikipagkontrata ka sa Microsoft Corporation, One Microsoft Way, Redmond, WA 98052, U.S.A., maliban na lang kung gumagamit ka ng mga libreng bahagi ng Skype, nakikipagkontrata ka sa Microsoft Ireland Operations Limited, One Microsoft Place, South County Business Park, Leopardstown, Dublin 18, Ireland. Kung nagbayad ka upang gumamit ng bahagi ng Mga Serbisyo, nakikipagkontrata ka sa Microsoft Ireland Operations Limited, One Microsoft Place, South County Business Park, Leopardstown, Dublin 18, Ireland. Para sa mga libre o bayad na Serbisyo, pinamamahalaan ng mga batas ng Ireland ang interpretasyon ng Mga Tuntuning ito at mga paghahabol sa paglabag sa mga ito, anuman ang mga alituntunin sa salungatan ng mga batas. Pinamamahalaan ng mga batas ng bansa kung saan namin ibinibigay ang iyong Mga Serbisyo ang lahat ng iba pang paghahabol (kabilang ang proteksyon ng consumer, hindi patas na kumpetisyon, at mga tort na paghahabol). Tayo ay permanenteng sumasang-ayon sa ekslusibong hurisdiksyon at lugar ng mga korte ng Ireland para sa lahat ng di-pagkakasundong nagmumula o may kaugnayan sa Mga Tuntuning ito o sa Mga Serbisyo.
• d. Asia o South Pacific, maliban kung partikular na binanggit ang bansa mo sa ibaba. Kung nakatira ka sa (o kaya, kung isa kang negosyo, ang iyong pangunahing lugar ng negosyo ay nasa) Asia (maliban sa China, Japan, Republic of Korea, o Taiwan), o South Pacific, at gumagamit ka ng mga libreng bahagi ng Mga Serbisyo (tulad ng Bing at MSN), nakikipagkontrata ka sa Microsoft Corporation, One Microsoft Way, Redmond, WA 98052, U.S.A., hangga't, kung gumagamit ka ng mga libreng bahagi ng Microsoft Teams at nakatira ka sa (o kaya, kung isa kang negosyo, ang iyong pangunahing lugar ng negosyo ay nasa) Australia, nakikipagkontrata ka sa Microsoft Ireland Operations Limited, One Microsoft Place, South County Business Park, Leopardstown, Dublin 18, Ireland (na nakarehistro sa Companies Registration Office sa Ireland sa ilalim ng numerong 256796, VAT registration number. IE 8256796 U, na may nakarehistrong address na 70 Sir John Rogerson’s Quay, Dublin 2, Ireland). Kung nagbayad ka para makagamit ng isang bahagi ng Mga Serbisyo, o ginagamit mo ang libreng serbisyo ng Outlook.com sa Singapore o Hong Kong, nakikipagkontrata ka sa Microsoft Regional Sales Pte Ltd., isang korporasyong itinatag sa ilalim ng mga batas ng Singapore, na may nakarehistrong address sa 182 Cecil Street, #13-01 Frasers Tower, Singapore 069547; hangga't, kung nakatira ka sa (o kaya, kung isa kang negosyo, ang iyong pangunahing lugar ng negosyo ay nasa) Australia, nakikipagkontrata ka sa Microsoft Pty Ltd, 1 Denison St, North Sydney, NSW 2060, Australia at kung nakatira ka sa (o kaya, kung isa kang negosyo, ang iyong pangunahing lugar ng negosyo ay nasa) New Zealand, nakikipagkontrata ka sa Microsoft New Zealand Limited, Level 5, 22 Viaduct Harbour Avenue, PO Box 8070 Symonds Street, Auckland, 1150 New Zealand. Para sa mga libre at bayad na Serbisyo, nasasaklawan ng batas ng Washington State ang interpretasyon sa Mga Tuntuning ito at ang mga paghahabol para sa paglabag sa mga ito, anuman ang mga alituntunin sa salungatan ng mga batas. Pinamamahalaan ng mga batas ng bansa kung saan namin ibinibigay ang iyong Mga Serbisyo ang lahat ng iba pang paghahabol (kabilang ang proteksyon ng consumer, hindi patas na kumpetisyon, at mga tort na paghahabol). Ang anumang di-pagkakasundong nagmumula sa o nauugnay sa Mga Tuntuning ito o sa Mga Serbisyo bukod pa sa Skype, kasama na ang anumang katanungan tungkol sa pag-iral, pagkatotoo, o pagtatapos nito, ay isasangguni sa at reresolbahin ng arbitraryo sa Singapore na naayon sa Arbitration Rules of the Singapore International Arbitration Center (SIAC), na kung saan ang mga alituntunin ay pinaniniwalaang isinama sa pagsangguni sa clause na ito. Ang Hukuman ay magkakaroon ng isang tagahatol na itatalaga ng Pangulo ng SIAC. Ingles ang magiging wika ng arbitrasyon. Ang desisyon ng tagahatol ay pinal, tiyak, at hindi na matututulan, at maaari itong gamitin bilang basehan sa pagbibigay ng hatol saanmang bansa o rehiyon.
• e. Japan. Kung nakatira ka sa (o kaya, kung isa kang negosyo, ang iyong pangunahing lugar ng negosyo ay nasa) Japan, at gumagamit ka ng mga libreng bahagi ng Mga Serbisyo (tulad ng Bing at MSN), nakikipagkontrata ka sa Microsoft Corporation, One Microsoft Way, Redmond, WA 98052, U.S.A. Kung nagbayad ka upang gumamit ng isang bahagi ng Mga Serbisyo, nakikipagkontrata ka sa Microsoft Japan Co., Ltd (MSKK), Shinagawa Grand Central Tower, 2-16-3 Konan Minato-ku, Tokyo 108-0075. Para sa libre at bayad na Mga Serbisyo, pinapamahalaan ng mga batas ng Japan ang Mga Tuntuning ito at ang anumang mga usaping nagmumula o nauugnay sa mga ito o sa Mga Serbisyo. Tayo ay permanenteng sumasang-ayon sa orihinal na ekslusibong hurisdiksyon at lugar ng Korte ng Distrito ng Tokyo para sa lahat ng mga di-pagkakasundong nagmumula o nauugnay sa Mga Tuntuning ito at Mga Serbisyo.
• f. Republic of Korea.
  • i. Kung nakatira ka sa (o kaya, kung isa kang negosyo, ang iyong pangunahing lugar ng negosyo ay nasa) Republic of Korea, at gumagamit ka ng mga libreng bahagi ng Mga Serbisyo (tulad ng Bing at MSN), nakikipagkontrata ka sa Microsoft Corporation, One Microsoft Way, Redmond, WA 98052, U.S.A. Kung nagbayad ka para gumamit ng isang bahagi ng Mga Serbisyo, nakikipagkontrata ka sa Microsoft Korea, Inc., 12th Floor, Tower A, The K-Twin Tower, Jongro 1 gil 50, Jongro-gu, Seoul, Republic of Korea, 03142. Para sa mga libre at bayad na Serbisyo, pinamamahalaan ng mga batas ng Republic of Korea ang Mga Tuntuning ito at ang anumang mga usaping nagmumula o nauugnay sa mga ito o sa Mga Serbisyo. Tayo ay permanenteng sumasang-ayon sa hindi ekslusibong orihinal na hurisdiksyon at pagdudulugan sa Seoul Central District Court para sa lahat ng di-pagkakasundong magmumula o nauugnay sa Mga Tuntuning ito o sa Mga Serbisyo.
  • ii. Kung nakatira ka sa Republic of Korea, ayon sa batas, posibleng mayroon kang ilang partikular na karapatang hindi maaaring limitahan ng isang kontrata gaya ng Mga Tuntuning ito. Ang Mga Tuntuning ito ay hinding-hindi nakalaan para paghigpitan ang mga karapatang iyon o paghigpitan ang mga sagutin ng Microsoft na iniaatas ng batas. Sa kabila ng anumang salungat sa nilalaman nito, ipapatupad ang Mga Tuntuning ito hanggang sa saklaw na pinapahintulutan ng batas. Ang anumang pagbabago sa Mga Tuntuning ito (at ang anumang pagbabago sa halagang sisingilin para sa mga nauulit na Serbisyo sa subscription, kung naaangkop) ay gagawin alinsunod sa mga kinakailangan ng batas.
• g. Taiwan. Kung nakatira ka sa (o kaya, kung isa kang negosyo, ang iyong pangunahing lugar ng negosyo ay nasa) Taiwan, at gumagamit ka ng mga libreng bahagi ng Mga Serbisyo (tulad ng Bing at MSN), nakikipagkontrata ka sa Microsoft Corporation, One Microsoft Way, Redmond, WA 98052, U.S.A. Kung nagbayad ka upang gumamit ng isang bahagi ng Mga Serbisyo, nakikipagkontrata ka sa Microsoft Taiwan Corp., 18F, No. 68, Sec. 5, Zhongxiao E. Rd., Xinyi District, Taipei 11065, Taiwan. Para sa libre at bayad na Mga Serbisyo, umiiral ang mga batas ng Taiwan sa Mga Tuntuning ito at sa anumang mga usaping nagmumula o nauugnay sa mga ito o sa Mga Serbisyo. Para sa higit pang detalye tungkol sa Microsoft Taiwan Corp., pakitingnan ang website na ibinigay ng Ministry of Economic Affairs R.O.C. (https://gcis.nat.gov.tw/mainNew/). Permanente nating itinatalaga ang Korte ng Distrito ng Taipei bilang hukuman na may hurisdiksyon sa mga magiging di-pagkakasundong nagmumula sa o may kaugnayan sa Mga Tuntuning ito o Mga Serbisyo, hanggang sa saklaw na pinapayagan ng mga batas ng Taiwan.

Ang iyong mga lokal na batas ng consumer ay maaaring mag-atas sa mga lokal na batas na mamahala o bigyan ka ng karapatang magresolba ng mga di-pagkakasundo sa ibang forum sa kabila ng Mga Tuntuning ito. Kung oo, malalapat ang pagpili ng batas at mga probisyon ng forum sa seksyon 10 hangga't pinapayagan ng iyong mga lokal na batas ng consumer.

11. Mga Warranty.

• a. ANG MICROSOFT, AT AMING MGA KAAKIBAT, RESELLER, TAGAPAMAHAGI, AT VENDOR, AY HINDI GUMAGAWA NG MGA WARRANTY, HAYAGAN MAN O IPINAHIWATIG, MGA GARANTIYA O KUNDISYON KAUGNAY SA IYONG PAGGAMIT NG MGA SERBISYO. NAUUNAWAAN MO NA ANG PAGGAMIT SA MGA SERBISYO AY NASA IYONG SARILING PASYA AT IBINIBIGAY NAMIN ANG MGA SERBISYO NANG "GANOON MISMO" NA "KASAMA ANG LAHAT NG KAMALIAN" AT "KUNG AVAILABLE." HINDI GINAGARANTIYA NG MICROSOFT ANG KATUMPAKAN O PAGIGING NAPAPANAHON NG MGA SERBISYO. MAAARING MAYROON KANG ILANG PARTIKULAR NA KARAPATAN SA ILALIM NG IYONG LOKAL NA BATAS. WALA SA MGA PATAKARANG ITO ANG MAY LAYUNING MAAPEKTUHAN ANG MGA KARAPATANG IYON, KUNG NAAANGKOP ANG MGA IYON. KINIKILALA MONG MAY KAMALIAN ANG COMPUTER AT ANG MGA SYSTEM NG TELECOMMUNICATION AT NAGAGANAP ANG PANA-PANAHONG PAGKAKATAON NG HINDI PAGGANA. HINDI NAMIN GINAGARANTIYA NA ANG MGA SERBISYONG ITO AY HINDI MAAANTALA, NASA TAMANG ORAS, SECURE O WALANG ERROR O NA HINDI MAGAGANAP ANG PAGKAWALA NG NILALAMAN AT HINDI RIN NAMIN GINAGARANTIYA ANG ALINMANG KONEKSYON SA O PAGPAPADALA MULA SA MGA COMPUTER NETWORK.
• b. SA SAKLAW NA PINAHINTULUTAN SA ILALIM NG IYONG LOKAL NA BATAS, IBINUBUKOD NAMIN ANG ANUMANG IPINAHIWATIG NA MGA WARRANTY, KASAMA ANG PARA SA PAGIGING AKMA PARA SA PAMIMILI AT PAGBENTA, KASIYA-SIYANG KALIDAD, PAGIGING ANGKOP PARA SA ISANG PARTIKULAR NA LAYUNIN, MAHUSAY NA PAGSISIKAP, AT HINDI PAGLABAG.
• c. Para sa mga consumer na naninirahan sa Australia: Mayroong kasamang mga garantiya ang aming mga produkto at serbisyo na hindi maaaring ibukod sa ilalim ng Batas sa Consumer ng Australia. Para sa malalaking kabiguan sa serbisyo, may karapatan ka:
  • na kanselahin ang iyong kontrata ng serbisyo sa amin; at
  • sa refund para sa hindi nagamit na bahagi, o sa kabayaran para sa nabawas nitong halaga.

  May karapatan ka ring pumili ng refund o kapalit na mga produkto para sa mga malaking kabiguan. Kung hindi katumbas ng malaking kabiguan ang isang kabiguan sa mga produkto o serbisyo, may karapatan kang ipawasto ang kabiguan sa loob ng makatuwirang panahon. Kung hindi ito nagawa, may karapatan ka sa refund para sa mga produkto at karapatang kanselahin ang kontrata para sa serbisyo at makakuha ng refund ng anumang hindi nagamit na bahagi. May karapatan ka ring mabayaran para sa anumang makatuwirang mapaghahandaang kawalan o pinsala dahil sa isang pagkabigo sa mga produkto o serbisyo.

• d. Sa mga consumer na nakatira sa New Zealand, mayroon kayong mga karapatan ayon sa batas sa ilalim ng New Zealand Consumer Guarantees Act, at wala sa mga Mga Patakarang ito ang naglalayon na maapektuhan ang mga karapatang iyon.

12. Limitasyon ng Pananagutan.

• a. Kung mayroon kang anumang basehan para sa pagbawi sa mga pinsala (kabilang ang paglabag sa Mga Tuntuning ito), hangga't pinapahintulutan ng naaangkop na batas, kinukumpirma mo na ang tanging remedyo mo ay kunin sa Microsoft o anumang affiliate, reseller, distributor, provider ng Mga App at Serbisyo ng Third Party, at vendor nito ang mga direktang pagbabayad-pinsala na hanggang sa halagang katumbas ng iyong bayarin sa Mga Serbisyo para sa buwan kung kailan nangyari ang pagkalugi o paglabag (o hanggang USD$10.00 kung libre ang Mga Serbisyo).
• b. Sa saklaw na pinahihintulutan ng naaangkop na batas, hindi mo maaaring bawiin ang anumang (i) kahihinatnang pagkawala o pinsala; (ii) pagkawala ng aktwal o inaasahang tubo (direkta man o hindi direkta); (iii) pagkawala ng aktwal o kita (direkta man o hindi direkta); (iv) pagkawala ng kontrata o negosyo o iba pang pagkawala o pinsala mula sa iyong paggamit sa Mga Serbisyo sa hindi personal na kapasidad; (v) espesyal, hindi direkta, insidente, mga maparusang pagkawala o pinsala; at (vi) sa saklaw na pinahihintulutan ng batas, mga direktang pagkawala o pinsala na higit pa sa limitasyong tinukoy sa seksyon 12.a sa itaas. Nalalapat ang mga limitasyon at pagbubukod na ito kung hindi sapat na nakakabayad ang remedyo para sa anumang pagkawala o kung nabigo ang remedyo sa tunay nitong layunin o kung alam namin o alam dapat sana namin ang tungkol sa posibilidad ng mga pinsala. Hangga't pinahihintulutan ng batas, nalalapat ang mga limitasyon at pagbubukod sa anumang bagay o paghahabol na nauugnay sa Mga Patakaran na ito, sa Mga Serbisyo, o sa software na nauugnay sa Mga Serbisyo.
• c. Walang pananagutan ang Microsoft sa alinmang pagkabigo sa paggawa o delay sa pagsasagawa sa mga obligasyon nito sa ilalaim ng Mga Patakarang ito kung ang pagkabigo o delay ay hindi wala sa kontrol ng Microsoft (tulad ng mga di-pagkakasundo sa labor, acts of God, giyera o aktibidad ng terorista, malisyosong pinsala, mga aksidente o pagsunod sa alinmang nalalapat na batas o utos ng pamahalaan). Sisikapin ng Microsoft na mabawasan ang mga epekto ng alinman sa mga pangyayaring ito at gawin ang mga obligasyon na hindi naaapektuhan.

13. Mga Tuntuning Partikular sa Serbisyo. Ang mga tuntunin bago at pagkatapos ng seksyon 13 ay karaniwang nalalapat sa lahat ng Serbisyo. Ang seksyon na ito ay naglalaman ng mga tuntuning partikular sa serbisyo na maidaragdag sa mga pangkalahatang tuntunin. Ang mga tuntuning partikular sa serbisyo na ito ang sasaklaw kung may anumang pagsasalungat sa mga pangkalahatang tuntunin.

• a. Xbox.
  • i. Personal at Hindi Komersyal na Paggamit. Para lang sa iyong personal at hindi komersyal na paggamit ang online na serbisyo ng Xbox, mga laro sa Xbox Game Studios (kasama ang Mojang Games) (https://www.xbox.com/xbox-game-studios), mga application, mga subscription (hal., mga alok na serbisyo sa subscription ng Xbox Game Pass), mga serbisyo (hal., Xbox Cloud Gaming), at nilalamang ibinibigay ng Microsoft (kapag sama-sama, ang "Mga Serbisyo ng Xbox").
  • ii. Mga Serbisyo ng Xbox. Kapag nag-sign up ka para makatanggap ng Mga Serbisyo ng Xbox, ang impormasyon tungkol sa iyong game play, mga aktibidad, at paggamit sa mga laro at Mga Serbisyo ng Xbox ay susubaybayan at ibabahagi sa mga naaangkop na third party, kasama na ang mga developer at publisher ng laro, para maihatid ng Microsoft ang Mga Serbisyo ng Xbox at para mapatakbo ng mga third party ang mga laro at serbisyong hindi sa Microsoft. Dagdag pa rito, kapag na-access ang Mga Serbisyo ng Xbox sa pamamagitan ng mga third-party na platform, ang impormasyon tungkol sa iyong game play, mga aktibidad, at paggamit sa mga laro at Mga Serbisyo ng Xbox ay maaaring subaybayan at ibahagi ng mga nasabing third-party na platform, sang-ayon sa anumang tuntunin at patakaran sa pagiging pribado ng third party. Kung pipiliin mong i-link ang iyong account sa Mga Serbisyo ng Microsoft Xbox sa iyong account sa isang serbisyong hindi sa Microsoft o magsa-sign in ka sa iyong account sa Mga Serbisyo ng Xbox para mag-access ng Serbisyong hindi sa Microsoft (halimbawa, isang publisher ng laro ng Mga App at Serbisyo ng Mga Third-Party na hindi Microsoft), sumasang-ayon ka na: (a) Maaaring magbahagi ang Microsoft ng limitadong impormasyon kaugnay ng account at paggamit (kasama nang walang limitasyon ang gamertag, gamerscore, history ng laro, data ng paggamit, at listahan ng mga kaibigan), sa nasabing party na hindi Microsoft gaya ng nakasaad sa Pahayag ng Pagiging Pribado ng Microsoft, at (b) kung pinapayagan ng iyong mga setting ng pagiging pribado sa Xbox, maaaring mayroon ding access ang partidong hindi Microsoft sa Iyong Nilalaman mula sa mga in-game na komunikasyon o iba pang application na ginagamit mo kapag naka-sign ka sa iyong account sa partidong hindi Microsoft. Bukod pa rito, kung pinapayagan sa iyong mga setting ng pagiging pribado ng Xbox, maaaring i-publish ng Microsoft ang iyong pangalan, gamertag, gamerpic, motto, avatar, mga gameclip, at mga nilaro sa mga pakikipag-ugnayan sa mga taong papayagan mo.
  • iii. Iyong Nilalaman. Bilang bahagi ng pagtataguyod sa komunidad ng Mga Serbisyo ng Xbox, binibigyan mo ang Microsoft, at ang mga affiliate at sublicensee nito, ng libreng karapatan saanman sa mundo na gamitin, baguhin, gawan ng kopya, ipamahagi, i-broadcast, ibahagi, at ipakita ang Iyong Nilalaman o ang iyong pangalan, gamertag, motto, o avatar na na-post mo para sa anumang Serbisyo ng Xbox.
  • iv. Mga Game Manager. Maaaring gumamit ng mga game manager, ambassador, o host ang ilang laro. Hindi kinikilalang tagapagsalita ng Microsoft ang mga game manager at host. Hindi ipinapakita ng kanilang mga pananaw ang mga pananaw ng Microsoft.
  • v. Mga Bata sa Xbox. Kung ikaw ay isang menor de edad na gumagamit sa Mga Serbisyo ng Xbox, maaaring may kontrol ang iyong magulang o tagapag-alaga sa maraming aspeto ng iyong account sa platform ng Xbox at maaari silang makatanggap ng mga ulat tungkol sa iyong paggamit sa Mga Serbisyo ng Xbox. Eksklusibo ang mga tampok na ito sa Mga Serbisyo ng Xbox at hindi ito maaaring ilipat sa iba pang platform.
  • vi. Currency sa Laro o Mga Virtual na Produkto. Maaaring kasama sa Mga Serbisyo ng Xbox ang isang virtual na currency sa laro, (gaya ng ginto, mga coin, o mga puntos), na maaaring bilhin mula sa o sa ngalan ng Microsoft gamit ang totoong pera kung ikaw ay nasa hustong gulang na kung saan ka nakatira. Maaaring kasama rin sa Mga Serbisyo ng Xbox ang mga virtual at digital na item o produkto na maaaring bilhin mula sa o sa ngalan ng Microsoft gamit ang totoong pera o gamit ang currency sa laro. Hindi maaaring i-redeem ang currency sa laro at mga virtual na produkto kapalit ng totoong pera, mga produkto, o iba pang item na may perang halaga mula sa Microsoft o iba pang partido. Bukod sa limitado, personal, mababawi, hindi maililipat, hindi mapapa-sublicense na lisensiya na gamitin ang currency sa laro at mga virtual na produkto sa Mga Serbisyo ng Xbox lang, wala kang karapatan o titulo sa anumang nasabing currency sa laro o virtual na produkto na lumalabas o nagmumula sa Mga Serbisyo ng Xbox, o anupamang attribute na nauugnay sa paggamit sa Mga Serbisyo o naka-store sa Mga Serbisyo ng Xbox. Anumang oras, maaaring pamahalaan, kontrolin, baguhin, at/o alisin ng Microsoft ang currency sa laro at/o mga virtual na produktong nauugnay sa anumang isa o higit pang laro o app sa Xbox kung sa tingin nito ay naaangkop iyon ayon sa sarili nitong pagpapasya hanggang sa sagad na saklaw na pinapahintulutan ng iyong mga lokal na batas.
  • vii. Mga Update sa Software. Para sa anumang device na maaaring kumonekta sa Mga Serbisyo ng Xbox, maaari naming awtomatikong suriin ang iyong bersyon ng software ng Xbox console o software ng Xbox app at i-download ang mga update o pagbabago sa configuration ng software ng Xbox console o Xbox app, kasama ang mga pumipigil sa iyong i-access ang Mga Serbisyo ng Xbox, gumamit ng mga hindi awtorisadong laro ng Xbox o Xbox app, o gumamit ng mga hindi awtorisadong hardware peripheral device sa isang Xbox console.
  • viii. Software para sa Pandaraya at Pakikialam. Para sa anumang device na nakakakonekta sa Mga Serbisyo ng Xbox, maaari naming awtomatikong suriin ang iyong device para malaman kung mayroon itong hindi awtorisadong hardware o software na nagbibigay-daan sa pandaraya o pakikialam na lumalabag sa Kodigo ng Asal o sa Mga Tuntuning ito, at i-download ang mga update sa software o pagbabago sa configuration ng Xbox app, kabilang ang mga pipigil sa iyong i-access ang Mga Serbisyo ng Xbox, o gumamit ng hindi awtorisadong hardware o software na nagbibigay-daan sa pandaraya o pakikialam.
  • ix. Mga Karagdagang Tuntunin at Kundisyon sa Subscription. Napapailalim ang mga subscription sa Mga Serbisyo ng Xbox sa mga karagdagang tuntunin at kundisyon na itinakda sa Mga Tuntunin at Kundisyon ng Mga Subscription sa Xbox | Xbox (https://www.xbox.com/legal/subscription-terms).
  • x. Mga Hindi Aktibong Subscription sa Serbisyo ng Xbox. Posibleng i-off ng Microsoft ang iyong nauulit na pagsingil at posible nitong ihinto ang mga nauulit na singil sa mga piling bansa kung hindi mo gagamitin ang iyong subscription sa Mga Serbisyo ng Xbox sa loob ng isang partikular na yugto ng panahon. Bibigyan ka ng abiso ng Microsoft bago nito i-off ang nauulit na pagsingil. Para sa higit pang impormasyon, kasama na ang naaangkop na tagal ng kawalan ng aktibidad, tingnan ang FAQ sa kawalan ng aktibidad sa subscription | Suporta sa Xbox (https://support.xbox.com/en-GB/help/subscriptions-billing/manage-subscriptions/xbox-subscription-inactivity-policy).
  • xi. Mga karagdagang kasunduan sa lisensiya ng end user at kodigo ng asal. Posibleng may mga sariling tuntunin ng paggamit at kodigo ng asal ang ilang Serbisyo ng Xbox.

• b. Store. Tumutukoy ang "Store" sa Serbisyong nagbibigay-daan sa iyong mag-browse, mag-download, bumili, at mag-rate at review ng mga application (kabilang sa terminong "application" ang mga laro) at iba pang digital na nilalaman. Sinasaklawan ng Mga Tuntuning ito ang paggamit ng ilang partikular na Store na pagmamay-ari o pinatatakbo ng Microsoft o mga affiliate nito (kabilang ang, ngunit hindi nalilimitahan sa, Office Store, Microsoft Store sa Windows, at Microsoft Store sa Xbox). Tumutukoy ang “Office Store” sa Store para sa mga produkto ng Office at mga app para sa Office, Microsoft 365, SharePoint, Exchange, Access, at Project (mga bersyong 2013 o mas bago), o anumang iba pang karanasang may brand na Office Store. Tumutukoy ang “Microsoft Store sa Windows” sa Store na pagmamay-ari at pinatatakbo ng Microsoft o mga affiliate nito para sa mga Windows device tulad ng telepono, PC, at tablet, o anupamang karanasang may brand na Microsoft Store at naa-access sa mga Windows device tulad ng telepono, PC, o tablet. Tumutukoy ang “Microsoft Store sa Xbox” sa Store na pagmamay-ari at pinatatakbo ng Microsoft o mga affiliate nito para sa mga Xbox console o anupamang karanasang may brand na Microsoft Store at ginawang available sa Xbox console.
  • i. Mga Tuntunin sa Lisensya. Kikilalanin namin ang publisher ng bawat application na available sa nauugnay na Store. Maliban na lang kung may ibang mga tuntunin ng lisensya na ibinigay kasama ang application, ang mga Tuntunin sa Lisensya ng Standard na Application (Standard Application License Terms o "SALT") sa katapusan ng Mga Tuntuning ito ay isang kasunduan sa pagitan mo at ng publisher ng application na nagtatakda sa mga tuntunin ng lisensya na nalalapat sa application na iyong na-download sa pamamagitan ng anumang Store na pagmamay-ari o pinatatakbo ng Microsoft o mga affiliate nito (maliban sa Office Store). Upang linawin, saklaw ng Mga Tuntuning ito ang paggamit sa, at ang mga serbisyong ibinibigay ng, Mga Serbisyo ng Microsoft. Ang seksyon 5 ng Mga Tuntuning ito ay nalalapat din sa anumang App at Serbisyo ng Third Party na kukunin sa pamamagitan ng isang Store. Ang mga application na na-download sa pamamagitan ng Office Store ay hindi saklaw ng TKAL at mayroong hiwalay na mga tuntunin sa lisensya na nalalapat.
  • ii. Mga Update. Awtomatikong maghahanap at magda-download ang Microsoft ng mga update sa iyong mga application, kahit na hindi ka naka-sign sa nauugnay na Store. Maaari mong baguhin ang iyong mga setting sa Store o system kung mas gusto mong hindi makatanggap ng mga awtomatikong update sa mga application ng Store. Gayunpaman, ang ilang application ng Office Store na buo o bahagiang naka-host online ay maaaring i-update sa anumang oras ng application developer at maaaring hindi kailanganin ang iyong pahintulot upang i-update.
  • iii. Mga Rating at Review. Kung nag-rate o nag-review ka ng isang application o iba pang Digital na Produkto sa Store, maaari kang makatanggap ng email mula sa Microsoft na may nilalaman mula sa publisher ng application o Digital na Produkto. Magmumula sa Microsoft ang anumang ganoong email; hindi namin ibabahagi ang iyong email address sa mga publisher ng mga application o iba pang Digital na Produkto na kukunin mo sa pamamagitan ng Store.
  • iv. Babala sa Kaligtasan. Upang maiwasan ang posibleng kapahamakan, sama ng pakiramdam o eye strain, dapat kang magkaroon ng pana-panahong pagpapapahinga sa paggamit ng mga laro o iba pang mga application, lalo na kung nakararamdam ka ng pananakit o pagkapagod dahil sa paggamit ng mga ito. Kung sumama ang iyong pakiramdam, magpahinga. Kasama sa sama ng pakiramdam ang pagkaduwal, pagkahilo kapag gumagalaw, pagkahilo, pagkalito, sakit ng ulo, pagkapagod, eye strain o nanunuyong mga mata. Maaari kang maabala at makaharang sa mga nakapaligid sa iyo ang paggamit ng mga application. Iwasan ang mga pagkakatisod, hagdanan, mababang kisame, mga delikado at mahalagang bagay na maaaring masira. Maaaring makaranas ng mga seizure ang ilang tao kapag na-expose sa ilang visual na larawan tulad ng mga kumikislap na ilaw o pattern na maaaring lumabas sa mga application. Kahit ang mga taong walang kasaysayan ng seizure ay maaaring mayroong hindi na-diagnose na kundisyon na nagdudulot ng mga seizure na ito. Ang mga sintomas ay maaaring pagkahilo, nag-ibang paningin, pagkibot, panginginig ng anumang bahagi ng katawan, pagkataranta, pagkalito, pagkawala ng malay, o mga kombulsyon. Agad na ihinto ang paggamit at kumonsulta sa isang doktor kung nararanasan mo ang alinman sa mga sintomas na ito, o kumonsulta sa isang doktor bago gamitin ang mga application kung nakaranas ka na dati ng mga sintomas na nauugnay sa mga seizure. Dapat subaybayan ng mga magulang ang paggamit ng kanilang mga anak sa mga application para sa mga senyales ng sintomas.

• c. Mga Pampamilyang Tampok ng Microsoft. Maaaring gamitin ng mga magulang at bata ang mga pampamilyang tampok ng Microsoft kasama ang Microsoft Family Safety, para magtaguyod ng tiwala batay sa pag-unawa kung anong mga gawi, website, app, laro, pisikal na lokasyon, at paggastos ang angkop sa kanilang pamilya. Maaaring gumawa ang mga magulang ng isang pamilya sa pamamagitan ng pagpunta sa https://account.microsoft.com/family (o sa pamamagitan ng pagsunod sa mga tagubilin sa kanilang Windows device o Xbox console) at pag-imbita sa mga bata o iba pang magulang na sumali. Maraming feature na magagamit ang mga miyembro ng pamilya, kaya pakisuri nang mabuti ang impormasyong nakasaad kapag pumayag kang gumawa o sumali sa isang pamilya at kapag bumili ka ng Mga Digital na Produkto na maa-access ng pamilya. Sa pamamagitan ng paggawa o pagsali sa isang pamilya, kinukumpirma mo na gagamitin mo ang pamilya nang naaayon sa layunin nito at hindi mo ito gagamitin sa hindi awtorisadong paraan para labag sa batas na magkaroon ng access sa impormasyon ng ibang tao. Eksklusibo ang Mga Pampamilyang Tampok ng Microsoft sa Mga Serbisyo ng Microsoft at hindi ito maililipat sa iba pang platform. Halimbawa, ang mga setting ng Kaligtasan ng Pamilya na partikular sa Xbox ay malalapat sa Xbox console o sa pamamagitan ng Xbox sa PC o Mobile device pero hindi ito maaaring malapat sa iba pang platform.

• d. Panggrupong Pagmemensahe. Pinapayagan ka ng iba't-ibang serbisyo ng Microsoft na magpadala ng mga mensahe sa iba sa pamamagitan ng voice o SMS ("mga mensahe"), at/o pinapayagan ang Microsoft at ibang affiliate na pinangangasiwaan ng Microsoft na magpadala ng ganitong mga mensahe sa iyo at sa isa o higit pang mga user para sa iyo. KAPAG INATASAN MO ANG MICROSOFT AT ANG MGA AFFILIATE NA PINANGANGASIWAAN NG MICROSOFT NA MAGPADALA NG GANITONG MGA MENSAHE SA IYO O SA IBA, KINAKATAWAN MO AT GINAGARANTIYA MO SA AMIN NA IKAW AT ANG BAWAT TAONG PINAPADALHAN MO NG MENSAHE SA AMIN AY PUMAPAYAG NA MAKATANGGAP NG GANITONG MGA MENSAHE AT ANUMANG IBA PANG KAUGNAY NA ADMINISTRATIBONG TEXT MESSAGE MULA SA MICROSOFT AT SA MGA AFFILIATE NA PINANGANGASIWAAN NG MICROSOFT. Ang "mga administratibong text message" ay mga pana-panahong, pantransaksyong mensahe mula sa isang partikular na serbisyo ng Microsoft, kabilang ngunit hindi limitado sa isang "pagbating mensahe" o mga tagubilin sa kung paano makakahinto sa pagtanggap ng mga mensahe. Ikaw o ang mga miyembro ng grupong ayaw nang makatanggap ng mga ganitong mensahe ay maaaring mag-opt out sa pagtanggap pa ng mga mensahe mula sa Microsoft o sa mga affiliate na pinangangasiwaan ng Microsoft anumang oras sa pamamagitan ng pagsunod sa mga ibinigay na tagubilin. Kung ayaw mo nang makatanggap ng mga ganitong mensahe o lumahok sa grupo, ikaw ay sumasang-ayon na mag-o-opt out ka sa pamamagitan ng mga tagubiling ibinibigay ng kinauukulang programa o serbisyo. Kung matibay ang paniniwala mo na may isang miyembro ng grupo na ayaw nang makatanggap ng mga ganitong mensahe o lumahok sa grupo, ikaw ay sumasang-ayon na alisin sila sa grupo. Kinakatawan at ginagarantiya mo rin sa amin na ikaw at ang bawat tao na pinapadalhan mo sa amin ng mensahe ay nakakaunawa na ang bawat miyembro ng grupo ay mananagot para sa mga gastusin ng anumang mga singil sa mensahe na tinasa ng kaniyang mobile carrier, kabilang ang anumang mga singil sa internasyonal na mensahe na maaaring ilapat kapag ipinadala ang mga mensahe sa mga numerong nakabase sa US.

• e. Skype, Microsoft Teams, at GroupMe.
  • i. Mga Serbisyong Pang-emergency. May mahahalagang pagkakaiba sa pagitan ng mga tradisyonal na serbisyo sa teleponong mobile o landline at ng Skype, Microsoft Teams, at GroupMe. May mga limitadong obligasyon ang Microsoft sa ilalim ng mga naaangkop na lokal o pambansang panuntunan, regulasyon, o batas na mag-alok ng access sa mga serbisyong pang-emergency, gaya ng emergency na pagtawag sa 911 o 112 ("Mga Serbisyong Pang-emergency")sa pamamagitan ng Skype, Microsoft Teams, at GroupMe. Mga limitadong bersyon ng software lang ng tampok na Skype to Phone ng Skype ang maaaring sumuporta sa mga tawag sa Mga Serbisyong Pang-emergency sa napakalimitadong bilang ng mga bansa, at depende sa ginagamit na platform. Makakakita ka ng mga detalye tungkol sa availability at kung paano i-configure ang tampok na ito rito: https://www.skype.com/go/emergency. Kung nakakonekta ang iyong emergency na pagtawag sa Skype to Phone, kakailanganin mong ibigay ang mga detalye ng iyong pisikal na lokasyon upang mabigyang-daan ang mga serbisyong pang-emergency na tumugon sa iyo.
  • ii. Mga API or Pagbo-broadcast. Kung gusto mong gamitin ang software at mga produkto ng Skype kaugnay ng anumang broadcast, dapat kang sumunod sa "Broadcast TOS" sa https://www.skype.com/go/legal.broadcast. Kung gusto mong gumamit ng anumang application program interface ("API") na na-expose o ginawang available ng Skype dapat kang sumunod sa mga nalalapat na tuntin sa paglilisensya, na available sa www.skype.com/go/legal.
  • iii. Mga Patakaran sa Patas na Paggamit. Maaaring mailapat ang mga patakaran sa patas na paggamit sa iyong paggamit ng software at mga produkto ng Skype. Pakisuri ang mga patakarang ito na idinesenyo upang magbigay proteksyon laban sa panloloko at pag-abuso at maaaring maglagay ng limitasyon sa uri, tagal o dami ng mga tawag o mensahe na maaari mong isagawa. Ipinaloob ang mga patakarang ito bilang sanggunian sa Mga Tuntuning ito. Makikita mo ang mga patakarang ito sa https://www.skype.com/go/terms.fairusage/.
  • iv. Pagmamapa. Mga tampok ng software at mga produkto ng Skype na nagbibigay-daan sa iyong magsumite ng impormasyon sa, o i-plot ang iyong sarili sa isang mapa gamit ang isang serbisyo ng pagmamapa. Sa pamamagitan ng paggamit sa mga tampok na iyon, pumapayag ka sa mga Tuntunin na ito at sa mga tuntunin ng Google Maps terms na available sa https://www.google.com/intl/en_ALL/help/terms_maps.html o ng ganoong mga tuntunin sa Google Maps na available sa iyong bansa.
  • v. Personal/Hindi Pangkomersyal na Paggamit. Ang paggamit sa software at mga produkto ng Skype ay para sa iyong personal at hindi pangkomersyal na paggamit. Maaari mong gamitin ang Skype sa trabaho para sa sarili mong mga komunikasyong pangnegosyo.
  • vi. Skype Number/Skype To Go. Kung binigyan ka ng Microsoft ng isang Skype Number o Skype To Go number, pumapayag ka na hindi mo pagmamay-ari ang numero o wala kang karapatang panatilihin ang numerong iyon nang habambuhay. Sa ilang bansa, maaaring may ibigay sa iyong numero ang isang kasosyo ng Microsoft sa halip na Microsoft, at maaaring kailanganin mong magkaroon ng hiwalay na kasunduan sa kasosyong iyon. Para sa higit pang mga detalye tungkol sa Skype Number, tingnan ang https://go.skype.com/home.skype-number.
  • vii. Skype Manager. Gagawa at mamamahala ka ng "Skype Manager Admin Account," at kikilos ka bilang indibidwal na administrator ng isang pangkat ng Skype Manager at hindi bilang entity ng negosyo. Maaari mong i-link ang iyong indibidwal na account sa Microsoft sa isang pangkat ng Skype Manager ("Naka-link na Account"). Maaari kang magtalaga ng karagdagang administrator sa iyong pangkat ng Skype Manager kung tatanggapin nila ang mga Tuntuning ito. Kung maglilipat ka ng mga Skype Number sa isang Naka-link na Account, ikaw ang may pananagutan sa pagsunod sa anumang kinakailangang nauugnay sa tinitirhan o lokasyon ng iyong mga Naka-link na Account user. Kung pipiliin mong mag-unlink ng Naka-link na Account sa isang pangkat ng Skype Manager, hindi na mababawi ang anumang nakalaang subscription, Skype Credit o Skype Number at hindi mo na maa-access ang Iyong Nilalaman o materyal na nauugnay sa na-unlink na account. Pumapayag kang iproseso ang alinmang personal na impormasyon ng iyong mga Naka-link na Account user alinsunod sa lahat ng mga nalalapat na batas sa pagprotekta sa data.
  • viii. Mga Singil ng Skype. Kasama na ang mga nalalapat na buwis sa lahat ng presyo ng mga binabayarang produkto ng Skype, maliban kung isinaad. Ang mga singil na babayaran para sa pagtawag sa mga teleponong hindi kasama sa isang subscription ay binubuo ng isang bayarin sa pagkonekta (isinisingil isang beses sa bawat tawag) at isang rate sa bawat minuto gaya ng nakasaad sa www.skype.com/go/allrates. Ibabawas ang mga singil ng tawag sa iyong balanse sa Skype Credit. Maaaring baguhin ng Microsoft ang mga rate sa tawag nito anumang oras sa pamamagitan ng pag-post sa naturang pagbabago sa www.skype.com/go/allrates. Ilalapat ang bagong rate sa iyong susunod na tawag pagkatapos ng pagsasapubliko ng mga bagong rate. Mangyaring suriin ang mga pinakahuling rate bago ka tumawag. Ira-round up sa susunod na whole na unit ang mga fractional na minuto ng tawag at mga fractional na singil. Sa ilang bansa, ibinibigay ng lokal na kasosyo ng Microsoft ang mga bayad na produkto ng Skype at ang mga tuntunin ng kasosyo ang malalapat sa mga naturang transaksyon. Sa kabila ng nabanggit, maaaring may karapatan ka, sa ilalim ng naaangkop na batas, sa refund, kapag hiniling, ng anumang pre-paid na balanse sa subscription kapag inilipat mo ang iyong Skype Number sa ibang provider.
  • ix. Credit sa Skype. Hindi ginagarantiya ng Microsoft na magagamit mo ang iyong balanse sa Skype Credit upang mabili ang lahat ng binabayarang produkto ng Skype. Kung hindi mo gagamitin ang iyong Skype Credit sa loob ng 180 araw, gagawing hindi aktibo ng Microsoft ang status ng Skype Credit mo. Maaari mong i-reactivate ang Credit sa Skype sa pamamagitan ng pagsunod sa link sa pag-reactivate sa https://www.skype.com/go/store.reactivate.credit. Kung nasa Japan ka at bumili ka ng Skype Credit sa website ng Skype, hindi nalalapat sa iyo ang naunang dalawang pangungusap at mag-e-expire ang iyong Skype Credit 180 araw pagkalipas ng petsa ng pagbili. Kapag nag-expire na ang iyong credit, hindi mo na ito mare-reactivate o magagamit. Maaari mong i-enable ang tampok na Awtomatikong Pag-recharge kapag bumili ka ng Credit sa Skype sa pamamagitan ng paglalagay ng check sa naaangkop na kahon. Kung na-enable, sisingilin ulit ang balanse ng Skype Credit mo ng parehong halaga at ang pinili mong paraan ng pagbabayad sa tuwing bababa ang balanse mo sa Skype sa limitasyong pana-panahong itinatakda ng Skype. Kung bumili ka ng isang subscription gamit ang isang paraan ng pagbabayad na mas luma pa sa credit card, PayPal o Moneybookers (Skrill), at pinagana mo ang Awtomatikong Pag-recharge, mare-recharge ang iyong balanse sa Skype Credit sa halagang kailangan upang bilhin ang iyong susunod na subscription. Maaari mong i-disable ang Awtomatikong Muling Paniningil anumang oras sa pamamagitan ng pag-access at pagbabago sa mga setting mo sa portal ng iyong account sa Skype.
  • x. Mga Singil sa Internasyonal na Mensahe. Kasalukuyang gumagamit ang GroupMe ng mga numerong nakabase sa US para sa bawat pangkat na nagagawa. Ang bawat text message na ipinapadala o natatanggap mula sa isang GroupMe na numero ay ibibilang bilang internasyonal na text message na ipinadala sa o natanggap mula sa United States. Depende sa iyong lokasyon, posibleng gumagamit ang Microsoft Teams ng isang numero ng telepono na maaaring ituring na international na text message. Mangyaring makipag-ugnayan sa iyong provider para sa mga kaugnay na internasyonal na rate.
  • xi. SMS ng Microsoft Teams. Maaaring gumamit ang Microsoft Teams ng mga numero sa Australia na ibinibigay ng Belgacom International Carrier Services SA. na may pangunahing lugar ng negosyo sa Boulevard du Roi Albert II, 27 1030, Bruxelles Belgium ("BICS"), para sa mga mensaheng ipinadala sa mga tatanggap na may mga numero sa Australia. Hindi nauugnay sa BICS ang Microsoft at ang mga subsidiary nito.

• f. Bing at Microsoft Start (kasama ang MSN).
  • i. Mga Materyal ng Bing at Microsoft Start. Para lang sa iyong personal at hindi pangkomersyal na paggamit ang mga artikulo, text, larawan, mapa, video, video player, at materyal ng third party na available sa Bing at Microsoft Start, kasama ang makukuha sa pamamagitan ng mga bot, application, at program ng Microsoft. Ang iba pang paggamit, kabilang ang pagda-download, pagkopya, o pamamahagi sa iba ng mga materyal na ito, o paggamit sa mga materyal o produkto na ito para bumuo ng mga sarili mong produkto, ay pinapayagan lang hangga't partikular na pinapahintulutan ng Microsoft o ng mga may-ari ng mga karapatan, o hangga't pinapahintulutan ng naaangkop na batas sa copyright. Nasa Microsoft o iba pang may hawak ng karapatan ang lahat ng karapatan sa materyales na hindi hayagang ibinibigay ng Microsoft sa ilalim ng mga tuntunin ng lisensya, ipinapahiwatig man, sa pamamagitan ng estoppel o iba pa.
  • ii. Bing Maps. Hindi mo maaaring gamitin ang Bird's eye imagery ng United States, Canada, Mexico, New Zealand, Australia o Japan para sa paggamit ng pamahalaan nang walang hiwalay na nakasulat na pahintulot mula sa amin.
  • iii. Bing Places. Kapag ibinigay mo ang iyong Data o ang Iyong Nilalaman sa Bing Places, binibigyan mo ang Microsoft ng pandaigdigan at walang royalty na lisensya sa intelektwal na ari-arian na gamitin, gayahin, i-save, baguhin, isama, i-promote, ilipat, ipakita, at ipamahagi ang iyong Data at ang Iyong Nilalaman (kasama ang mga karapatan sa intelektwal na ari-arian sa iyong Data at sa Iyong Nilalaman), at i-sublicense ang anuman o lahat ng nabanggit na karapatan sa mga third party.

• g. Cortana.
  • i. Personal at Hindi Pangkomersyal na Paggamit. Si Cortana ay ang personal assistant na Serbisyo ng Microsoft. Para lang sa iyong personal at hindi pangkomersyal na paggamit ang mga feature, serbisyo, at nilalaman na ibinibigay ni Cortana (sama-samang tinatawag na "Mga Serbisyo ni Cortana").
  • ii. Functionality at Nilalaman. May iba't ibang feature si Cortana, at naka-personalize ang ilan sa mga ito. Maaari kang mabigyang-daan ng Mga Serbisyo ni Cortana na mag-access ng mga serbisyo, impormasyon, o functionality na ibinibigay ng iba pang Serbisyo ng Microsoft o App at Serbisyo ng Third-Party. Nalalapat din ang Mga Tuntunin ng seksyon 13 na partikular sa serbisyo sa paggamit mo ng mga naaangkop na Serbisyo ng Microsoft na naa-access sa pamamagitan ng Mga Serbisyo ni Cortana. Ibinibigay ni Cortana ang impormasyong para lang sa iyong layunin na pagpaplano at dapat mong gamitin ang sarili mong pagpapasya kapag sinusuri at inaasahan ang impormasyong ito. Hindi ginagarantiya ng Microsoft ang pagiging maaasahan, available ,o napapanahon ng mga naka-personalize na karanasang ibinibigay ni Cortana. Walang pananagutan ang Microsoft kung may makaantala o humadlang sa iyo na feature ng Cortana sa pagtanggap, pagsusuri, o pagpapadala ng komunikasyon o notification, o pagkuha ng serbisyo.
  • iii. Mga App at Serbisyo ng Third Party. Bilang bahagi ng paghahatid sa Mga Serbisyo ni Cortana, si Cortana ay maaaring magmungkahi sa iyo ng at tumulong sa iyong makipag-ugnayan sa Mga App at Serbisyo ng Third Party (mga kakayahan ng third-party o mga nauugnay na serbisyo). Kung pipiliin mo, maaaring makipagpalitan si Cortana ng impormasyon sa Mga App at Serbisyo ng Third Party, gaya ng iyong zip code at mga query at tugon na ibinabalik ng Mga App at Serbisyo ng Third Party, para makatulong sa iyo na kumuha ng mga hinihiling na serbisyo. Maaaring kang bigyang-daan ni Cortana na bumili sa pamamagitan ng Mga App at Serbisyo ng Third Party gamit ang mga kagustuhan at setting ng account na direkta mong itinakda sa Mga App at Serbisyo ng Third Party na iyon. Puwede mong idiskonekta ang iyong Serbisyo ni Cortana sa Mga App at Serbisyo ng Third-Party anumang oras. Ang paggamit mo sa Mga Serbisyo ni Cortana upang kumonekta sa Mga App at Serbisyo ng Third Party ay napapailalim sa seksyon 5 ng Mga Tuntuning ito. Maaaring baguhin o ihinto ng mga publisher ng Mga App at Serbisyo ng Third Party ang functionality o mga tampok ng kanilang Mga App at Serbisyo ng Third Party o ang pagsasama sa Mga Serbisyo ni Cortana. Walang responsibilidad o pananagutan ang Microsoft para sa software o firmware na mula sa manufacturer.
  • iv. Mga Device na Naka-enable si Cortana. Ang mga device na na-enable para kay Cortana ay mga produkto o device na naka-enable para ma-access ang Mga Serbisyo ni Cortana, o ang mga produkto o device na tugma sa Mga Serbisyo ni Cortana. Kabilang sa mga device na naka-enable si Cortana ang mga device o produkto ng third party na hindi pagmamay-ari, ginawa, o binuo ng Microsoft. Walang responsibilidad o pananagutan ang Microsoft para sa mga device o produkto ng third party na ito.
  • v. Mga Update sa Software. Maaari naming awtomatikong alamin ang iyong bersyon ng software ng Mga Serbisyo ni Cortana at i-download ang mga update sa software o pagbabago sa configuration o atasan ang anumang manufacturer ng mga device kung saan naka-enable si Cortana na panatilihing napapanahon ang software ng mga Serbisyo ni Cortana.

• h. Mga App at Serbisyo ng Microsoft 365.
  • i. Mga Tuntunin ng Paggamit. Para sa iyong personal at hindi pangkomersyal na paggamit ang Microsoft 365 Family, Microsoft 365 Personal, Microsoft 365 Basic, Sway, OneNote.com, at anupamang app o Serbisyo ng Microsoft 365 o Serbisyong may brand na Office, maliban na lang kung mayroon kang mga karapatan sa pangkomersyal na paggamit alinsunod sa isang hiwalay na kasunduan sa Microsoft. Ang paggamit sa mga app gaya ng Word, Excel, PowerPoint, Outlook, OneDrive, Access, at Publisher sa Microsoft 365 Family, Microsoft 365 Personal, at anumang iba pang app o Serbisyong may subscription sa Microsoft 365 ay pinapamahalaan ng mga karagdagang tuntunin ng lisensya sa https://aka.ms/useterms kasama ng Mga Tuntuning ito.
  • ii. Mga Karagdagang Tuntunin ng Outlook. Kasama sa Outlook ang paggamit sa Bing Maps. Anumang nilalamang ibinibigay sa pamamagitan ng Bing Maps, kasama na ang mga geocode, ay maaari lang gamitin sa produkto kung saan ibinibigay ang nilalaman. Ang iyong paggamit sa Bing Maps ay nasasaklawan ng Mga Tuntunin ng Paggamit ng End User ng Bing Maps na available sa go.microsoft.com/?linkid=9710837 at ng Pahayag ng Pagiging Pribado ng Microsoft na available sa go.microsoft.com/fwlink/?LinkID=248686.

• i. Mga Digital na Produkto. Sa pamamagitan ng Microsoft Groove, Microsoft Movies & TV, Store, Xbox Services, at anupamang kaugnay at panghinaharap na serbisyo, maaari kang bigyang-daan ng Microsoft na kumuha, makinig, manood, mag-play o magbasa (kung ito man ang sitwasyon) ng musika, mga larawan, video, text, mga libro, mga laro, o iba pang materyal ("Mga Digital na Produkto") na maaari mong makuha sa digital na anyo. Ang Mga Digital na Produkto ay para sa iyong personal na paggamit at hindi para sa pangkomersyal na libangan. Ikaw ay sumasang-ayon na hindi mo ire-redistribute, ibo-broadcast, itatanghal sa publiko o ipapakita o ililipat sa publiko ang anumang kopya ng Mga Digital na Produkto. Ang Mga Digital na Produkto ay maaaring pag-aari ng Microsoft o ng mga third party. Sa lahat ng sitwasyon, nauunawaan at tinatanggap mo na ang iyong mga karapatan sa Mga Digital na Produkto ay nililimitahan ng Mga Tuntuning ito, ng batas sa copyright, at ng Mga Patakaran sa Paggamit na makikita sa https://go.microsoft.com/fwlink/p/?LinkId=723143. Pumapayag kang hindi mo susubukang baguhin ang anumang Digital Goods na nakuha sa pamamagitan ng alinman sa Mga Serbisyo sa anumang dahilan, kasama na ang layuning itago o baguhin ang pagmamay-ari o pinagmulan ng Mga Digital na Produkto. Ang Microsoft at/o ang mga may-ari ng Mga Digital na Produkto ay maaaring paminsan-minsan, magtanggal ng Mga Digital na Produkto mula sa Mga Serbisyo nang walang abiso.

• j. Microsoft Storage.
  • i. Paglalaan ng Storage sa OneDrive. Kung mas marami kang naka-store na nilalaman sa iyong OneDrive kaysa sa ibinibigay sa iyo sa ilalim ng iyong libre o bayad na serbisyo sa subscription para sa storage sa Microsoft at hindi ka tumugon sa abiso mula sa Microsoft na ayusin ang iyong account sa pamamagitan ng pag-aalis ng sobrang nilalaman o paglipat sa bagong subscription plan na mas malaki ang storage, nakalaan sa amin ang karapatang isara ang iyong account at i-delete o i-disable ang pag-access sa Iyong Nilalaman sa OneDrive. Magbasa pa tungkol sa mga quota ng storage sa Microsoft dito (https://prod.support.services.microsoft.com/office/how-does-microsoft-storage-work-2a261b34-421c-4a47-9901-74ef5bd0c426).
  • ii. Pagganap ng Serbisyo ng OneDrive. Depende sa mga salik gaya ng iyong mga equipment, koneksyon sa internet at sa mga pagsisikap ng Microsoft na mapanatili ang pagganap at integridad ng serbisyo nito, maaari kang makaranas ng paminsan-minsang pagkaantala sa pag-upload o pag-sync ng nilalaman sa OneDrive.
  • iii. Paglalaan ng Storage sa Outlook.com. Kung lalampas ka sa quota ng storage ng iyong mailbox sa Outlook.com o sa quota ng storage mo sa Microsoft na ibinibigay sa iyo sa ilalim ng libre o bayad na subscription, hindi ka makakapagpadala o makakatanggap ng mga mensahe hangga't hindi ka nag-aalis ng sobrang nilalaman o lumilipat sa bagong subscription na may sapat na storage. Kung hindi ka mag-aalis ng sobrang content o kukuha ng sapat na karagdagang storage pagkatapos mong makatanggap ng abiso mula sa Microsoft, nakalaan sa amin ang karapatang i-delete o i-disable ang access sa Iyong Nilalaman. Magbasa pa tungkol sa mga quota ng storage sa Microsoft dito (https://prod.support.services.microsoft.com/office/how-does-microsoft-storage-work-2a261b34-421c-4a47-9901-74ef5bd0c426).

• k. Microsoft Cashback. Ang programang Microsoft Cashback (“Cashback”) ay nagbibigay-daan sa mga customer ng Microsoft na makakuha ng mga cashback award kapag namimili sa mga kalahok na retailer gamit ang ilang partikular na produkto at serbisyo ng Microsoft gaya ng Bing.com at Microsoft Edge. Sa pamamagitan ng pag-enroll sa Cashback o pag-activate ng alok sa Cashback, tinatanggap at sinasang-ayunan mo ang Mga Tuntunin at Kundisyon ng Cashback (http://approjects.co.za/?big=bing/rebates-terms). Nalalapat ang ilang partikular na pamantayan sa pagiging kwalipikado, paghihigpit, at iba pang limitasyon sa iyong paglahok sa Cashback; para sa higit pang impormasyon, tingnan ang FAQ sa Cashback (https://www.bing.com/rebates/faq).

• l. Microsoft Rewards.
  • i. Pangkalahatang Impormasyon. Libreng sumali sa Microsoft Rewards ("Rewards Program"), at nagbibigay-daan ito sa iyong makakuha ng mga puntos ("Mga Puntos") para sa mga partikular na aktibidad at para sa personal na paggamit sa ilang partikular na produkto at serbisyo ng Microsoft. Kung mayroon kang account sa Microsoft at ikaw ay nasa isang kalahok na Rehiyon (tinukoy sa ibaba), awtomatiko kang na-enroll sa Rewards Program at makakapagsimula kang makakuha agad ng Mga Puntos. Maaari mong kanselahin ang iyong paglahok sa Rewards Program anumang oras sa pamamagitan ng pagsunod sa mga tagubilin sa ibaba.
  • ii. Maaari mong i-redeem ang iyong Mga Puntos sa iba't ibang paraan ("Mga Opsyon sa Pag-redeem"), kasama na ang para sa mga partikular na produkto at serbisyo na nakalista sa Page ng Pag-redeem at https://aka.ms/redeemrewards ("Mga Reward"). Para maging kwalipikadong i-redeem ang iyong Mga Puntos para sa anumang Opsyon sa Pag-redeem, dapat mo munang i-activate ang iyong Rewards Account Program ("Rewards Account") sa Dashboard sa Rewards sa https://rewards.microsoft.com/ o sa ilan pang ibang site at page ng Microsoft. Walang gastos sa pag-activate ng iyong Rewards Account.
  • iii. May ilang partikular na paghihigpit at limitasyon na nalalapat sa pagkuha, pag-redeem, at iba pang paggamit sa Mga Puntos sa Rewards Program. Para sa higit pang impormasyon, tingnan ang seksyong Rewards sa https://support.microsoft.com ("FAQ").
  • iv. Mga Kinakailangan. Kailangan mo ng valid na account sa Microsoft at dapat nakatira ka sa isa sa mga heograpikong lugar na nakalista sa FAQ ("Mga Rehiyon") para ma-activate ang iyong Rewards Account at para makakuha, makapag-redeem, o makagamit ng Mga Puntos. Isang Rewards Account lang ang maaari mong buksan at gamitin, kahit na marami kang email address. Bawat sambahayan ay limitado sa anim na Rewards Account. Ang Rewards Program ay para lang sa iyong personal at hindi komersyal na paggamit. Ang paggamit ng virtual private network (VPN) o iba pang teknolohiya o serbisyong magagamit para i-mask o palabuin ang iyong heograpikong lokasyon ay maaaring humantong sa pagkansela sa iyong Rewards Account at pagpapawalang-bisa ng mga naipon mong Puntos.
  • v. Pagkuha ng Mga Puntos. Maaari kang bigyan ng mga pagkakataong makakuha ng Mga Puntos para sa ilang partikular na kwalipikadong aktibidad ("Mga Alok"), gaya ng Mga Paghahanap, Pagkuha, paggamit ng mga partikular na produkto at serbisyo ng Microsoft, at iba pang pagkakataon mula sa Microsoft. Dapat mayroon kang aktibong Rewards Account para masulit mo ang mga nasabing Alok. Pagkatapos makumpleto ang mga kinakailangan para sa ilang partikular na Alok, maaaring kailanganin mong i-claim ang Mga Puntos sa Dashboard ng Rewards bago makuha at maidagdag ang Mga Puntos sa iyong Rewards Account. Kapag hindi mo na-claim ang Mga Puntos sa loob ng panahong tinukoy ng Microsoft, posibleng mapawalang-bisa ang Mga Puntos. Maaaring mag-iba-iba ang Mga Kwalipikadong Alok ayon sa Rehiyon at maaaring available lang ang mga ito sa loob ng partikular na panahon o maaaring nasasaklawan ang mga ito ng iba pang limitasyon. Dapat kang sumunod sa lahat ng tuntunin at kundisyon ng isang partikular na Alok para makuha ang Mga Puntos na ibinibigay sa Alok na iyon. Maaari kang bigyan ng Mga Alok nang direkta sa Dashboard ng Rewards o kapag gumamit ka ng mga partikular na produkto at serbisyo ng Microsoft. Paminsan-minsan, maaaring mag-alok o magkaloob sa iyo ang Microsoft ng mga karagdagang Puntos sa sarili nitong pagpapasya at nang mayroon o walang paunang abiso, pati na para sa matutukoy ng Microsoft bilang Mga Paghahanap nang may mabuting loob at iba pang interaksyon sa mga serbisyo ng Microsoft.
  • vi. Para sa mga layunin ng Rewards Program, ang "Paghahanap" ay ang pagkilos ng isang indibidwal na user na manu-manong naglalagay ng text para sa may mabuting loob na layuning makakuha ng mga resulta ng paghahanap sa Bing para sa mga sariling layunin sa pananaliksik ng nasabing user; hindi kasama sa “Paghahanap” ang mga query na hindi nakalaan o ginagamit para sa mga tunay na layunin ng personal na pananaliksik nang may mabuting loob o isang query na inilagay ng isang bot, macro, o iba pang naka-automate o mapanlokong paraan na kahit anong uri. Para sa mga layunin ng Rewards Program, ang "Pagkuha" ay ang proseso ng pagbili ng mga produkto o pag-download at pagkuha ng lisensiya para sa digital na nilalaman nang direkta mula sa Microsoft, libre man o may bayad. Hindi nag-aalok ng Mga Puntos para sa bawat Pagkuha mula sa Microsoft, at posibleng may malapat na mga partikular na paghihigpit.
  • vii. Mga Paghihigpit at Limitasyon sa Mga Puntos. Nagbibigay ang Microsoft ng Mga Puntos sa mga indibidwal na Rewards Account at hindi maililipat ang mga ito sa sinupamang tao o entity. Sa kabila ng nabanggit, ang Microsoft ay maaaring magpahintulot sa iyo paminsan-minsan sa sarili nitong pagpapasya na (i) ibahagi ang iyong Mga Puntos sa iyong sambahayan (maaaring may mga limitasyon), (ii) iambag ang iyong Mga Puntos para sumuporta sa isang nonprofit na organisasyon na nakalista sa Page ng Pag-redeem, o (iii) depende sa iyong Rehiyon at sang-ayon sa iba pang tuntunin at kundisyon, i-redeem ang lahat ng Puntos mo o ilang Puntos mo kapalit ng mga puntos sa ilan pang ibang rewards o loyalty program, kasama ang mga program na pinapatakbo ng Microsoft o mga awtorisadong third party. Ang Mga Puntos ay at mananatiling pag-aari ng Microsoft sa lahat ng pagkakataon, at hindi ito bahagi ng iyong personal na pag-aari; wala itong cash na halaga, at hindi ka maaaring kumuha ng anumang cash o pera kapalit ng mga ito. Ibinibigay sa iyo ang Mga Puntos batay lang sa promosyon. Hindi ka maaaring bumili ng Mga Puntos. Maaaring limitahan ng Microsoft ang dami ng Mga Puntos o Reward na maaaring makuha o i-redeem ng bawat tao, bawat sambahayan, o sa loob ng nakatakdang panahon (hal., isang araw), hangga't hindi ka dehado sa paglabag sa mabuting loob; sumangguni sa FAQ para sa mga kasalukuyang naaangkop na limitasyon. Maliban na lang kung iba ang hayagang isinasaad ng isang Alok o Opsyon sa Pag-redeem, ang Mga Puntos na makukuha sa Program ay hindi valid sa, at hindi maaaring gamitin kasabay ng, anumang iba pang program na iniaalok ng Microsoft o mga third party. Ang mga hindi na-redeem na Puntos na nauugnay sa iyong Rewards Account ay mag-e-expire kung hindi ka makakakuha o magre-redeem ng anumang Puntos sa iyong Rewards Account sa loob ng 18 sunod-sunod na buwan.
  • viii. Mga Pag-redeem. Gagawing available sa iyo ang Mga Opsyon sa Pag-redeem sa Page ng Pag-redeem at sa ilan pang ibang site at page ng Microsoft. Dapat mong makuha at gawing available sa iyong Rewards Account ang lahat ng Puntos na kinakailangan para sa isang Opsyon sa Pag-redeem bago mo ma-redeem ang iyong Mga Puntos para sa Opsyon sa Pag-redeem na iyon. Maaaring may limitadong bilang ng partikular na Reward na available, at ihahatid ang Mga Reward na iyon batay sa kung sino ang mauuna. Maaari kang atasang magbigay ng karagdagang impormasyon, tulad ng mailing address mo at isang numero ng telepono (maliban sa isang VOIP o toll-free na numero), at maaari ding hilingin sa iyo na maglagay ng code para sa pagpigil sa panloloko o lumagda sa mga karagdagang legal na dokumento para makapag-redeem ng Mga Puntos para sa ilang partikular na Opsyon sa Pag-redeem. Kapag na-redeem mo ang iyong Mga Puntos, hindi mo maaaring kanselahin o isauli ang Opsyon sa Pag-redeem para sa refund ng Mga Puntos maliban na lang kung depektibo ang mga produkto o kung iniaatas ito ng naaangkop na batas. Kung pumili ka ng Opsyon sa Pag-redeem na wala nang stock o hindi available sa iba pang dahilan, maaari kaming magpalit ng Opsyon sa Pag-redeem na may katumbas na halaga o maaari naming i-refund ang mga puntos mo sa sarili naming pagpapasya.
  • ix. Maaaring i-update o ihinto ng Microsoft ang pag-aalok ng mga partikular na Opsyon sa Pag-redeem anumang oras sa anumang dahilan. Ang ilang Opsyon sa Pag-redeem ay posibleng may mga kinakailangan sa pagiging kwalipikado sa edad o Rehiyon, o iba pang tuntunin o kundisyon sa pag-redeem o paggamit sa mga ito. Isasama ang anumang katulad na kinakailangan o kundisyon sa nauugnay na alok sa pag-redeem. Responsibilidad mo ang lahat ng pederal na buwis, buwis sa estado, at lokal na buwis at anumang iba pang gastos sa pagtanggap at paggamit sa Opsyon sa Pag-redeem. Ipapadala ang Mga Reward sa email address na nauugnay sa iyong account sa Microsoft, kaya panatilihing napapanahon ang email address mo. Ang Mga Reward na hindi maihahatid ay hindi muling ibibigay at samakatuwid ay ipapawalang-bisa. Hindi maaaring muling ibenta ang Mga Reward. Hindi ka maaaring mag-redeem ng mahigit 550,000 Puntos bawat taon sa kalendaryo sa Rewards Program.
  • x. Pagkansela sa iyong Rewards Account. Kung ayaw mo nang lumahok sa Rewards Program, sundin ang mga tagubilin sa page para sa pag-opt out (https://account.microsoft.com/rewards/optout?confirm=false) para kanselahin ang iyong Rewards Account. Kung kakanselahin mo ang iyong Rewards Account, agad mong ipapawalang-bisa ang lahat ng iyong nakuhang Puntos at mawawala sa iyo ang kakayahan mong makakuha ng mga bagong Puntos sa hinaharap. Para magsimulang makakuha ulit ng Mga Puntos, dapat kang magbukas ng bagong Rewards Account (pero hindi ibabalik ng Microsoft ang anumang dating ipinawalang-bisang Puntos). Maaaring makansela ang iyong Rewards Account (at maaaring mapawalang-bisa ang iyong Mga Puntos) kung hindi ka magla-log in sa iyong account sa Microsoft sa loob ng 18 sunod-sunod na buwan.
  • xi. Mga Pagbabago sa Program o Paghinto ng Program. Nakalaan sa Microsoft ang karapatang ibahin, baguhin, ihinto, o kanselahin ang Rewards Program o anumang bahagi noon anumang oras, sa sarili nitong pagpapasya, at nang walang paunang abiso. Gayunpaman, kung makakansela o ihihinto ang Rewards Program, magsasagawa kami ng mga makatuwirang pagsisikap na abisuhan ka sa email at sa Dashboard ng Rewards at bigyan ka ng kahit 90 araw para i-redeem ang iyong mga naipong Puntos, maliban na lang kung matutukoy namin na dapat magkabisa agad ang nasabing pagkansela sa mga dahilang legal o panseguridad.
  • xii. Iba pang Mga Tuntunin. Nakalaan sa Microsoft ang karapatang kanselahin agad ang iyong Rewards Account, i-disqualify ka sa paglahok sa Rewards Program sa hinaharap, ipawalang-bisa ang lahat ng nakuha mong Puntos, at kanselahin o suspindihin ang anumang Opsyon sa Pag-redeem na nakuha mo sa pamamagitan ng Rewards Program kung naniniwala ang Microsoft na pinakialaman mo, inabuso mo, o pineke mo ang anumang aspeto ng Rewards Program o nilabag mo ang mga tuntuning ito. Nakalaan din sa Microsoft ang karapatang kanselahin o suspindihin ang anumang Opsyon sa Pag-redeem na nakuha mo o tinangka mong kunin sa pamamagitan ng Rewards Program kung matutukoy ng Microsoft na hindi ka kwalipikadong makatanggap ng Opsyon sa Pag-redeem na iyon sa mga dahilang legal (gaya ng mga batas sa pag-export). Bagama't ginagawa ng Microsoft ang lahat ng pagsisikap para matiyak ang katumpakan, nagkakaroon ng mga pagkakamali paminsan-minsan. Samakatuwid, nakalaan sa Microsoft ang karapatang itama ang mga nasabing pagkakamali anumang oras, kahit na nakakaapekto ito sa mga kasalukuyang Alok o sa iyong mga nakabinbin, nakuha, o na-redeem na Puntos o Reward. Kapag may anumang hindi pagkakatugma o pagkakaiba sa mga tuntuning ito ng Rewards Program o iba pang pahayag na nilalaman ng anumang kaugnay na materyal o pag-advertise, ang mga tuntuning ito ang mananaig, mamahala, at magkokontrol.

• m. Azure. Ang iyong paggamit sa serbisyo ng Azure ay pinapamahalaan ng mga tuntunin at kundisyon ng hiwalay na kasunduan kung saan mo nakuha ang mga serbisyo, gaya ng idinedetalye sa pahina ng Legal na Impormasyon ng Microsoft Azure sa https://aka.ms/AA7z67v.

• n. Microsoft Soundscape. Tinatanggap mo na ang Microsoft Soundscape ay (1) hindi idinisenyo, nakalaan, o ginawang available bilang medikal na device, at (2) hindi idinisenyo o nakalaan para maging pamalit sa propesyonal na medikal na payo, diagnosis, paggamot, o paghuhusga at hindi dapat ito gamitin para palitan o bilang pamalit sa propesyonal na payo, diagnosis, paggamot, o panghuhusga.

• o. Power Platform. Ang iyong paggamit sa serbisyo ng Power Platform ay pinapamahalaan ng mga tuntunin at kundisyon ng hiwalay na kasunduan kung saan mo nakuha ang mga serbisyo, gaya ng idinedetalye sa pahina ng Legal na Impormasyon ng Power Platform sa Microsoft Power Platform (https://powerplatform.microsoft.com/en-us/business-applications/legal/).

• p. Dynamics 365. Ang iyong paggamit sa serbisyo ng Dynamics 365 ay pinapamahalaan ng mga tuntunin at kundisyon ng hiwalay na kasunduan kung saan mo nakuha ang mga serbisyo, gaya ng idinedetalye sa pahina ng Legal na Impormasyon ng Dynamics 365 sa Microsoft Dynamics 365 (https://dynamics.microsoft.com/business-applications/legal/).

• q. Mga Karanasan sa Copilot AI. Ang iyong paggamit sa Mga Karanasan sa Copilot AI (maliban sa Copilot na may komersyal na proteksyon ng data) ay pinapamahalaan ng mga karagdagang tuntunin at kundisyon kung saan napapailalim ang pagkuha mo sa mga serbisyong iyon gaya ng nakadetalye sa Copilot - Mga Tuntunin ng Paggamit (bing.com) (https://www.bing.com/new/termsofuse#content-policy) kasama ng Mga Tuntuning ito. Kung isa kang Microsoft Copilot na may user ng komersyal na proteksyon ng data, pakibisita ang page na ito para suriin ang mga tuntunin ng paggamit na naaangkop sa iyo, kasama ng Mga Tuntuning ito: https://aka.ms/BCETermsOfUse.

• r. Mga Serbisyo ng AI. Ang "mga serbisyo ng AI" ay mga serbisyong nilagyan ng label o inilalarawan ng Microsoft na may kasama, gumagamit, pinapagana, o isang system ng Artificial Intelligence ("AI").
  • i. Assistive AI. Ang mga serbisyo ng AI ay hindi idinisenyo, nakalaan, o dapat gamitin bilang ng mga pamalit sa propesyonal na payo.
  • ii. Pag-reverse Engineer. Hindi mo maaaring gamitin ang mga serbisyo ng AI para tumuklas ng anumang pinagbabatayang bahagi ng mga modelo, algorithm, at system. Halimbawa, hindi mo maaaring subukang tukuyin at alisin ang mga weight ng mga modelo o i-extract ang anumang bahagi ng mga serbisyo ng AI mula sa iyong device.
  • iii. Pag-extract ng Data. Maliban na lang kung hayagang pinapahintulutan, hindi ka maaaring gumamit ng mga paraan ng web scraping, web harvesting, o web data extraction para mag-extract ng data mula sa mga serbisyo ng AI.
  • iv. Mga limitasyon sa paggamit ng data mula sa Mga Serbisyo ng AI. Hindi mo maaaring gamitin ang mga serbisyo ng AI, o ang data mula sa mga serbisyo ng AI, para gumawa, magsanay, o magpahusay (nang direkta o hindi direkta) ng anupamang serbisyo ng AI.
  • v. Paggamit ng Iyong Nilalaman. Bilang bahagi ng pagbibigay ng mga serbisyo ng AI, ipoproseso at iso-store ng Microsoft ang iyong mga input sa serbisyo, pati na rin ang output mula sa serbisyo, para sa mga layunin ng pagsubaybay at pagpigil sa mga mapang-abuso o mapaminsalang paggamit o output ng serbisyo.
  • vi. Pagmamay-ari ng Nilalaman. Hindi inaako ng Microsoft ang pagmamay-ari ng anumang nilalamang ibibigay, ipo-post, ilalagay, isusumite, o matatanggap mo mula sa mga serbisyo ng AI (kasama ang feedback at mga suhestyon). Kakailanganin mong bumuo ng sarili mong pagpapasya tungkol sa mga karapatan sa intelektwal na ari-arian na mayroon ka sa iyong output na nilalaman at sa kakayahan nitong magamit, nang isinasaalang-alang ang (mga) sitwasyon ng paggamit mo at ang mga batas ng naaangkop na hurisdiksyon, bukod sa iba pang bagay. Isinasaad at pinapatunayan mo na pagmamay-ari mo o kinokontrol mo ang lahat ng karapatan sa iyong nilalaman gaya ng inilalarawan sa Mga Tuntuning ito kasama, nang walang limitasyon, ang lahat ng karapatang kinakailangan para maibigay, ma-post, ma-upload, mailagay, o maisumite mo ang nilalaman.
  • vii. Mga kredensyal ng nilalaman. Kapag gumamit ka ng AI para bumuo ng ilang partikular na nilalaman sa aming mga serbisyo ng AI, nagso-store ang Microsoft ng impormasyon tungkol sa paggawa dito at iniuugnay nito ang impormasyong ito at ang nilalaman sa kredensyal ng nilalaman. Hindi ka maaaring gumawa ng nilalaman nang may layuning alisin o baguhin ang mga kredensyal ng nilalaman o iba pang paraan, marka, o senyales ng pinagmulan na nagsasaad na ang isang output ay binuo ng mga serbisyo ng AI, o gamitin ang mga serbisyo ng AI para gumawa ng nilalaman para linlangin ang ibang tao kung mga serbisyo ng AI ba ang bumuo sa isang output.
  • viii. Mga habol ng third party. Ikaw lang ang responsable sa pagsagot sa anumang habol ng third party tungkol sa Iyong paggamit sa mga serbisyo ng AI alinsunod sa mga naaangkop na batas (kasama ang, pero hindi limitado sa, paglabag sa copyright o iba pang habol kaugnay ng output ng nilalaman habang ginagamit Mo ang mga serbisyo ng AI).

14. Iba pa. Ang seksyong ito, at ang seksyon 1, 9 (para sa mga halagang maiipon bago magwakas ang Mga Tuntuning ito), 10, 11, 12, 15, 17 at mga seksyong malalapat alinsunod sa mga tuntunin ng mga ito kapag nagwakas ang Mga Tuntuning ito ay hindi mawawalan ng bisa kapag winkasan o kinansela ang Mga Tuntuning ito. Sa saklaw na pinahihintulutan ng naaangkop na batas, maaari naming itakda ang Kasunduang ito, i-subcontract ang aming mga obligasyon sa ilalim ng Kasunduang ito, o i-sublicense ang aming mga karapatan sa ilalim ng Mga Patakaran na ito, nang buo o bahagya, sa anumang oras nang walang pag-abiso sa iyo. Hindi mo maaaring itakda ang Mga Patakaran na ito o ilipat ang anumang karapatan para gamitin ang Mga Serbisyo. Ito ang buong kasunduan sa pagitan mo at ng Microsoft para sa iyong paggamit sa Mga Serbisyo. Pumapalit ito sa anumang naunang kasunduan sa pagitan mo at ng Microsoft tungkol sa iyong paggamit sa Mga Serbisyo. Sa pagpasok sa Mga Patakaran na ito, hindi ka umaasa sa alinmang pahayag, representasyon, pagkakaintindi, pamamahala, pangako o katiyakan maliban sa kung ano ang hayag na nakatakda sa Kasunduang ito. Ang lahat ng bahagi ng Mga Patakaran na ito ay nalalapat hanggang pinapayagan ng naaangkop na batas. Kung napagpasyahan ng isang korte o tagahatol na hindi namin maipapatupad ang isang bahagi ng Mga Patakaran na ito tulad ng nasusulat, maaari naming palitan ang mga tuntuning iyon ng mga kaparehong tuntunin sa sukdulang maipapatupad sa ilalim ng naaangkop na batas, ngunit hindi mababago ang ibang bahagi ng Mga Patakaran na ito. Ang Mga Patakaran na ito ay para lang sa iyo at sa aming kapakinabangan. Hindi para sa kapakinabangan ng ibang tao ang Mga Patakaran na ito, maliban sa mga kahalili at itinalaga ng Microsoft. Para sa iyong pagsangguni lang ang mga heading seksyon at walang legal na epekto.

15. Dapat Maihain ang mga Paghahabol sa Loob ng Isang Taon. Anumang paghahabol na nauugnay sa Mga Tuntuning ito o sa Mga Serbisyo ay dapat ihain sa hukuman (o sa arbitrasyon kung nalalapat ang seksyon 10.d) sa loob ng isang taon mula sa petsa kung kailan mo maaaring ihain ang paghahabol sa unang pagkakataon, maliban na lang kung nangangailangan ng mas mahabang oras upang maghain ng mga paghahabol ang iyong lokal na batas. Kung hindi maihain sa loob ng takdang panahon, permanente na itong ipagbabawal.

16. Mga Batas sa Pag-export. Dapat kang sumunod sa lahat ng domestiko at international na batas at regulasyon sa pag-export na nalalapat sa software at/o Mga Serbisyo, kasama ang mga paghihigpit sa mga patutunguhan, mismong user, at mismong paggamit. Para sa karagdagang impormasyon sa mga paghihigpit sa heyograpiya at pag-export, bisitahin ang http://approjects.co.za/?big=exporting.

17. Paglalaan ng Mga Karapatan at Feedback. Maliban kung malinaw na nakasaad sa Mga Tuntuning ito, hindi ka binibigyan ng Microsoft ng lisensya o anumang iba pang karapatan, anuman ang uri, sa ilalim ng anumang patent, kasanayan, copyright, trade secret, trademark o iba pang intelektwal na ari-arian na pagmamay-ari o kinokontrol ng Microsoft o anumang nauugnay na entity, kabilang ang, ngunit hindi limitado sa, anumang pangalan, trade dress, logo, o katumbas ng mga ito. Kung magbibigay ka sa Microsoft ng anumang ideya, panukala, suhestyon, o feedback, kabilang ang, ngunit hindi limitado sa, mga ideya para sa mga bagong produkto, teknolohiya, promosyon, pangalan ng produkto, feedback sa produkto, at pagpapahusay sa produkto ("Feedback"), binibigyan mo ang Microsoft, nang walang bayad, royalty, o iba pang obligasyon sa iyo, ng karapatang gawin, ipagawa, paghanguan, gamitin, ibahagi, at pagkakitaan ang iyong Feedback sa anumang paraan at para sa anumang layunin. Hindi ka magbibigay ng Feedback na napapailalim sa isang lisensya na nag-aatas sa Microsoft na ilisensya ang software, mga teknolohiya o dokumentasyon nito sa anumang third party dahil isinama sa mga ito ng Microsoft ang iyong Feedback.

Mga abiso at pamamaraan sa paghahabol ng paglabag sa intelektwal na ari-arian. Nirerespeto ng Microsoft ang mga karapatan sa intelektwal na ari-arian ng mga third party. Kung gusto mong magpadala ng abiso sa paglabag sa intelektwal na ari-arian, kasama ang mga habol sa paglabag sa copyright, pakigamit ang aming mga pamamaraan sa pagsusumite ng Mga Abiso sa Paglabag (http://approjects.co.za/?big=en-us/legal/intellectualproperty/infringement) na ang mga pamamaraan ay bumubuo sa bahagi ng Mga Tuntuning ito. ANG MGA TANONG LANG NA MAY KAUGNAYAN SA PAMAMARAANG ITO ANG MAKAKATANGGAP NG TUGON.

Ginagamit ng Microsoft ang mga prosesong itinalaga ng Title 17, United States Code, Section 512, at, kapag naaangkop, Chapter III ng Regulation (EU) 2022/2065, para tumugon sa mga abiso sa paglabag sa copyright. Sa mga naangkop na sitwasyon, maaari ding i-disable o wakasan ng Microsoft ang mga account ng mga user ng mga serbisyo ng Microsoft na posibleng may mga naulit na paglabag. Dagdag pa rito, sa mga naaangkop na sitwasyon, maaaring suspindihin ng Microsoft ang pagpoproseso ng mga abiso ng mga indibidwal o entity na madalas na nagsusumite ng mga walang batayang abiso. Isang karagdagang paliwanag ng mga naaangkop na pamamaraan para sa isang partikular na Serbisyo, kasama na ang mga posibleng pagwawasto para sa mga desisyong isinagawa ng Microsoft bilang bahagi ng mga pamamaraang ito, ay maaaring makita sa Mga Abiso sa Paglabag (http://approjects.co.za/?big=legal/intellectualproperty/infringement).

Mga abiso at pamamaraan tungkol sa mga alalahanin sa intelektwal na ari-arian sa pag-advertise. Pakisuri ang aming Mga Alituntunin sa Intelektwal na Ari-arian (https://go.microsoft.com/fwlink/?LinkId=243207) tungkol sa mga alalahanin sa intelektwal na ari-arian sa aming network ng pag-advertise.

Mga abiso sa copyright at trademark. Ang Mga Serbisyo ay copyright © ng Microsoft Corporation at/o ng mga supplier nito, One Microsoft Way, Redmond, WA 98052, USA. Reserbado ang lahat ng karapatan. Kasama sa Mga Tuntunin ang Mga Alituntunin sa Trademark at Brand ng Microsoft (http://approjects.co.za/?big=en-us/legal/intellectualproperty/trademarks/usage/general.aspx) (na pana-panahong inaamyendahan). Ang Microsoft at ang mga pangalan, logo, at icon ng lahat ng produkto, software, at serbisyo ng Microsoft ay maaaring mga hindi nakarehistro o nakarehistrong trademark ng pangkat ng mga kumpanya ng Microsoft sa United States at/o iba pang hurisdiksyon. Ang sumusunod ay hindi kumpletong listahan ng mga trademark ng Microsoft sa http://approjects.co.za/?big=en-us/legal/intellectualproperty/trademarks/EN-US.aspx. Ang mga pangalan ng mga aktwal na kumpanya at produkto ay maaaring mga trademark ng kanya-kanyang may-ari ng mga ito. Reserbado ang anumang karapatang hindi hayagang ibinigay sa Mga Tuntuning ito. Ang ilang partikular na software na ginagamit sa ilang partikular na server ng website ng Microsoft ay bahagyang nakabatay sa gawa ng Independent JPEG Group. Copyright © 1991-1996 Thomas G. Lane. Reserbado ang lahat ng karapatan. Ang “gnuplot” na software na ginagamit sa ilang partikular na server ng website ng Microsoft ay copyright © 1986‑1993 Thomas Williams, Colin Kelley. Reserbado ang lahat ng karapatan.

Abisong medikal. Hindi nagbibigay ang Microsoft ng medikal o anupamang payo sa pangangalaga sa kalusugan, diagnosis o panggagamot. Laging humingi ng payo sa iyong doktor o iba pang kwalipikadong tagapagbigay ng pangangalaga sa kalusugan sa anumang katanungang mayroon ka tungkol sa isang kundisyong medikal, diyeta, fitness o wellness program. Huwag kailanman balewalain ang propesyonal na payong medikal o antalahin ang paghingi nito dahil sa impormasyong na-access mo sa o sa pamamagitan ng Mga Serbisyo.

Mga stock quote at index data (kasama na ang mga index value). Ang pampinansyal na impormasyong ibinibigay sa pamamagitan ng Mga Serbisyo ay para lang sa iyong personal at hindi pangkomersyal na paggamit. Hindi mo maaaring gamitin ang alinman sa data o mga marka ng pananalapi ng sinumang third-party na tagalisensiya kaugnay ng pagbibigay, paggawa, pag-sponsor, pagkakalakalan, pagma-market, o pag-promote ng anumang pampinansyal na instrumento o produkto ng pamumuhunan (halimbawa, mga index, derivative, structured na produkto, pondo sa pamumuhunan, pondo sa palitan-kalakalan, portfolio sa pamumuhunan, atbp., kung saan ang presyo, pagbalik at/o pagganap ng instrumento o produkto ng pamumuhunan ay nakabatay, nauugnay, o nilalayong sumubaybay sa alinman sa data ng pananalapi) nang walang hiwalay na nakasulat na kasunduan kasama ng third-party na tagalisensiya.

Abiso hinggil sa pananalapi. Hindi isang broker/dealer o nakarehistrong tagapayo sa pamumuhunan ang Microsoft sa ilalim ng mga pederal na batas ng United States sa mga security o mga batas sa mga security ng ibang hurisdiksyon at hindi ito nagbibigay ng payo sa mga indibidwal tungkol sa pamumuhunan sa, pagbili, o pagbebenta ng mga security o iba pang pinansiyal na produkto o serbisyo. Walang napapaloob sa Mga Serbisyo na alok o panghihikayat na bumili o magbenta ng anumang security. Wala sa Microsoft o mga tagalisensya nito ng mga stock quote o index data ang nag-eendorso o nagrerekomenda ng anumang partikular na pinansiyal na produkto o serbisyo. Walang napapaloob sa Mga Serbisyo na ginawa para ituring na propesyonal na payo, kabilang ang, ngunit hindi limitado sa, payo sa pamumuhunan o buwis.

Abiso tungkol sa Mga Pamantayan sa Video na H.264/AVC at VC-1. Maaaring kasama sa software ang teknolohiya ng codec na H.264/AVC at/o VC-1 na lisensiyado ng MPEG LA, L.L.C.. Ang teknolohiyang ito ay isang format para sa pag-compress ng data ng impormasyon sa video. Kinakailangan ng MPEG LA, L.L.C. ang abisong ito:

MAY LISENSYA ANG PRODUKTONG ITO SA ILALIM NG MGA LISENSYA NG PORTFOLIO NG PATENT NG H.264/AVC AT VC-1 PARA SA PERSONAL AT HINDI PANGKOMERSYAL NA PAGGAMIT NG CONSUMER UPANG (A) MAG-ENCODE NG VIDEO ALINSUNOD SA MGA PAMANTAYAN (“MGA PAMANTAYAN SA VIDEO”) AT/O (B) MAG-DECODE NG H.264/AVC, MPEG-4 VISUAL, AT VC-1 VIDEO NA NA-ENCODE NG CONSUMER NA NAKIKILAHOK SA ISANG PERSONAL AT HINDI PANGKOMERSYAL NA AKTIBIDAD AT/O NAKUHA MULA SA ISANG PROVIDER NG VIDEO NA MAY LISENSYA UPANG IBIGAY ANG NABANGGIT NA VIDEO. WALANG LISENSYANG IBIBIGAY O ILALAAN PARA SA ANUMANG IBA PANG PAGGAMIT. MAAARING MAKAKUHA NG KARAGDAGANG IMPORMASYON MULA SA MPEG LA, L.L.C. TINGNAN ANG WEBSITE NG MPEG LA (https://www.mpegla.com).

Para lang sa mga layunin ng paglilinaw, hindi nililimitahan o tinatanggal ng abisong ito ang paggamit sa software na ibinigay sa ilalim ng Mga Patakaran na ito para sa mga karaniwang paggamit ng negosyo na personal sa negosyong iyon na hindi kinabibilangan ng (i) muling pamamahagi ng software sa mga third party, o (ii) paggawa ng materyal gamit ang mga teknolohiyang sumusunod sa MGA PAMANTAYAN NG VIDEO para sa pamamahagi sa mga third party.

Abiso tungkol sa Pamantayan sa Video na H.265/HEVC. Posibleng may kasamang teknolohiya sa pag-code na H.265/HEVC ang software na ito. Kinakailangan ng Access Advance LLC ang abisong ito:

KUNG KASAMA ITO, ANG TEKNOLOHIYA NG H.265/HEVC NA NASA SOFTWARE NA ITO AY SAKLAW NG ISA O HIGIT PANG HABOL NG MGA PATENT NG HEVC NA NAKALISTA SA: PATENTLIST.ACCESSADVANCE.COM. DEPENDE KUNG PAANO MO NAKUHA ANG SOFTWARE, POSIBLENG LISENSIYADO ANG PRODUKTONG ITO SA ILALIM NG PORTFOLIO NG PATENT NG HEVC ADVANCE.

Kung naka-install ang software na ito sa isang Microsoft device, makikita ang karagdagang impormasyon sa paglilisensiya sa: aka.ms/HEVCVirtualPatentMarking.

MGA KARANIWANG PATAKARAN NG LISENSIYA PARA SA APPLICATION

MICROSOFT STORE, MICROSOFT STORE SA WINDOWS, AT MICROSOFT STORE SA XBOX

Ang mga patakaran sa lisensya na ito ay isang kasunduan sa pagitan mo at ng publisher ng application. Pakibasa ang mga ito. Nalalapat ang mga ito sa mga application ng software na ida-download mo mula sa Microsoft Store, sa Microsoft Store sa Windows o sa Microsoft Store sa Xbox (bawat isa sa mga ito ay tutukuyin sa mga tuntunin ng lisensiyang ito bilang "Store"), kasama ang anumang update o supplement para sa application, maliban kung may mga hiwalay na tuntunin ang application, at sa ganoong sitwasyon, ang mga tuntuning iyon ang nalalapat.

SA PAMAMAGITAN NG PAG-DOWNLOAD O PAGGAMIT NG APPLICATION, O PAGTATANGKANG GAWIN ANG ANUMAN SA MGA ITO, TINATANGGAP MO ANG MGA PATAKARANG ITO. KUNG HINDI MO SILA TINATANGGAP, WALA KANG KARAPATAN SA AT HINDI DAPAT I-DOWNLOAD O GAMITIN ANG APPLICATION.

Ang publisher ng application ay nangangahulugang ang entity na naglilisensiya sa iyo ng application, gaya ng tinukoy sa Store.

Kung sumusunod ka sa mga patakaran ng lisensya na ito, mayroon kang mga karapatan sa ibaba.

• 1. MGA KARAPATAN SA PAG-INSTALL AT PAGGAMIT; PAG-EXPIRE Maaari mong i-install at gamitin ang application sa mga Windows device o Xbox console gaya ng inilalarawan sa Mga Alituntunin sa Paggamit (https://go.microsoft.com/fwlink/p/?LinkId=723143) ng Microsoft. May karapatan ang Microsoft na baguhin ang Mga Alituntunin sa Paggamit (https://go.microsoft.com/fwlink/p/?LinkId=723143) ng Microsoft anumang oras.
• 2. MGA SERBISYO NA INTERNET-BASED.
  • a. Pahintulot para sa mga Internet-based o wireless na serbisyo. Kung kumokonekta ang application sa mga computer system sa Internet, na maaaring sa pamamagitan ng wireless network, ang paggamit sa application ay nangangahulugang pinahihintulutan mo ang karaniwang impormasyon ng device (kasama na ngunit hindi limitado sa teknikal na impormasyon tungkol sa iyong device, system at application software, at mga peripheral) para sa mga Internet-based o wireless na serbisyo. Kung ang ibang tuntunin ay ibinibigay na may kaugnayan sa iyong paggamit ng mga serbisyong na-access gamit ang application, nalalapat din ang mga tuntuning iyon.
  • b. Hindi tamang paggamit ng mga serbisyong Internet-based. Hindi mo maaaring gamitin ang anumang serbisyo na internet-based sa anumang paraan na maaaring ikapahamak nito o mahadlangan ang paggamit dito ng ibang tao o ng wireless network. Hindi mo maaring gamitin ang serbisyo upang subukang makakuha ng hindi pinahihintulutang access sa anumang serbisyo, data, account o network sa anumang paraan.
• 3. SAKLAW NG LISENSYA. Lisensyado ang application, hindi ibinebenta. Binibigyan ka lang ng kasunduang ito ng ilang karapatan upang gamitin ang application. Kung hindi pinapagana ng Microsoft ang kakayahang magamit ang mga application sa iyong mga device alinsunod sa iyong kasunduan sa Microsoft, magwawakas ang anumang nauugnay na mga karapatan sa lisensiya. Nakalaan sa publisher ng application ang lahat ng iba pang karapatan. Maliban kung binibigyan ka ng higit na mga karapatan ng naaangkop na batas sa kabila ng limitasyong ito, maaari mo lang gamitin ang application kung hayagang ipinahintulot sa kasunduang ito. Sa pagsasagawa nito, dapat kang sumunod sa anumang teknikal na limitasyon sa application na pinapayagan ka lang na gamitin ito sa ilang partikular na paraan. Hindi mo maaaring:
  • a. Alisin ang anumang teknikal na limitasyon sa application.
  • b. Baligtarin ang pagkagawa, i-decompile, o i-disassemble ang application, maliban sa at tanging sa sakaw na hayagang pinapayagan ng batas, sa kabila ng limitasyong ito.
  • c. Gumawa ng higit pang kopya ng application kaysa sa tinukoy sa kasunduang ito o pinayagan ng naaangkop na batas, sa kabila ng limitasyong ito.
  • d. I-publish o kung hindi man ay gawing available ang application upang makopya ng iba.
  • e. Rentahan, arkilahin, o ipahiram ang application.
  • f. Ilipat ang application o ang kasunduang ito sa anumang third party.
• 4. DOKUMENTASYON. Kung ang dokumentasyon ay ibinigay kasama ang application, maari mong kopyahin at gamitin ang dokementasyon para sa iyong personal na pagsangguni.
• 5. MGA PAGHIHIGPIT SA TEKNOLOHIYA AT PAG-EXPORT. Maaaring isailalim ang application sa mga batas at regulasyon sa pag-export ng Estados Unidos o pang-international. Dapat kang sumunod sa lahat ng domestiko at pang-international na batas at regulasyon sa pag-export na nalalapat sa teknolohiyang ginamit o sinuportahan ng application. Kasama sa mga batas na ito ang mga paghihigpit sa mga patutunguhan, mga mismong user, at mismong paggamit. Para sa impormasyon sa mga branded na produkto ng Microsoft, pumunta sa website sa pag-e-export ng Microsoft (https://go.microsoft.com/fwlink/?linkid=868967).
• 6. MGA SERBISYONG PANSUPORTA. Makipag-ugnayan sa publisher ng application upang tukuyin kung anong serbisyong pansuporta ang available. Ang Microsoft, ang tagagawa ng iyong hardware at ang iyong wireless carrier (maliban kung isa sa kanila ang publisher ng application) ay hindi responsable sa pagbibigay ng mga serbisyong pansuporta para sa application.
• 7. BUONG KASUNDUAN. Ang kasunduang ito, ang anumang naaangkop na patakaran sa pagiging pribado, ang anumang karagdagang mga tuntunin na kasama ng application at ang mga patakaran sa mga dagdag at update ay ang buong kasunduan sa lisensya sa pagitan mo at ng publisher ng application para sa application.
• 8. NAAANGKOP NA BATAS.
  • a. Estados Unidos at Canada. Kung nakuha mo ang application sa Estados Unidos o Canada, ang mga batas ng estado o probinsyang tinitirhan mo (o, kung isang negosyo, kung nasaan ang pangunahing lugar ng negosyo) ang namamahala sa interpretasyon sa kasunduang ito at nalalapat sa mga claim sa paglabag sa mga ito, at lahat ng iba pang claim (abilang ang proteksyon ng consumer, hindi patas na kumpetisyon, at mga tort na claim) mayroon mang di-pagkakasundo sa mga prinsipyo ng batas.
  • b. Labas ng Estados Unidos at Canada. Kung nakuha mo ang application sa ibang bansa, ang batas ng bansang iyon ang ilalapat.
• 9. LEGAL NA EPEKTO. Inilalarawan ng kasunduang ito ang ilang partikular na legal na karapatan. Maaaring mayroon kang iba pang karapatan sa ilalim ng mga batas ng iyong estado o bansa. Hindi binabago ng kasunduang ito ang iyong mga karapatan sa ilalim ng mga batas ng iyong estado o bansa kung hindi pinapayagan ng mga batas ng iyong estado bansa na isagawa ito.
• 10. DISCLAIMER NG WARRANTY. Sang-ayon sa naaangkop na batas, lisensyado ang application nang "ganoon mismo," na "kasama ang lahat ng kamalian" at "kung available." Nasa iyo ang lahat ng pananagutan sa paggamit nito. Ang publisher ng application, sa ngalan ng sarili nito, ang Microsoft (kung hindi Microsoft ang publisher ng application), ang mga wireless carrier kung saang network ibinigay ang application, at bawat isa sa aming mga kaanib, vendor, ahente at supplier ("Mga Nasasaklaw na Partido"), ay hindi nagbibigay ng mga hayag na warranty, garantiya, o kundisyon kaugnay ang application. Ang buong pakikipagsapalaran sa kalidad, kaligtasan, ginhawa at pagganap ng application ay nasa iyo. Kung napatunayang depektibo ang application, ikaw ang magbabayad ng lahat ng gastu para sa pagserbisyo at pagkumpuni. Maaaring mayroon kang karagdagang karapatan ng consumer sa ilalim ng iyong mga lokal na batas na hindi mababago ng kasunduang ito. Sa saklaw na pinahihintulutan sa ilalim ng iyong mga lokal na batas, ibinubukod ng mga Nasasaklaw na Partido ang anumang ipinahihiwatig na warranty o kundisyon, kasama na ang pagiging akma para sa pamimili at pagbenta, pagiging angkop para sa isang partikular na layunin, kaligtasan, ginhawa at hindi paglabag.
• 11. LIMITASYON SA AT PAGBUBUKOD NG MGA REMEDYO AT PINSALA. Sa saklaw na hindi ipinagbabawal ng batas, kung mayroon kang batayan sa pagbawi sa mga pinsala, maaari mong mabawi mula sa publisher ng application ang mga direktang pinsala hanggang sa halagang binayaran mo para sa application o USD$1.00, kung anuman ang mas malaki. Sang-ayon sa naaangkop na batas, hindi mo susubukan, at isinusuko mo ang anumang karapatang subukang bawiin ang anupamang danyos, kasama ang mga kahihinatnan, nawalang kita, espesyal, hindi direkta, o nagkataong danyos mula sa publisher ng application. Kung nagpapataw ng warranty, garantiya, o kundisyon ang iyong mga lokal na batas kahit na hindi iyon ginagawa ng mga tuntuning ito, sang-ayon sa naaangkop na batas, ang tagal nito ay limitado sa 90 araw mula sa pag-download mo ng application.

Inilalapat ang mga limitasyong ito sa:

• Anumang nauugnay sa application op mga serbisyo na ginawang available sa pamamagitan ng application; at
• Mga claim para sa paglabag sa kontrata, paglabag sa warranty, garantiya, o kundisyon; mahigpit na pananagutan, kapabayaan, o iba pang tort; paglabag sa isang batas o regularsyon; hindi patas na pagpapayaman; o sa ilalim ng anumang teorya; lahat sa saklaw na pinapayagan ng naaangkop na batas.

Nalalapat din ito kahit na:

• Ang remedyong ito ay hindi ka nabayaran nang buo para sa anumang pagkawala; o
• Dapat alam ng publisher ng application ang tungkol sa posibilidad ng mga pinsala.

Saklaw ang mga sumusunod na produkto, app at serbisyo ng Kasunduan sa Mga Serbisyo ng Microsoft, pero maaaring hindi available sa iyong market.

• Account sa Microsoft
• Account.microsoft.com
• Ang libreng bersiyon ng Microsoft 365
• App ng SMS Organizer
• Bing Apps
• Bing Dictionary
• Bing Image and News (iOS)
• Bing Maps
• Bing Search APIs/SDKs
• Bing Search app
• Bing Translator
• Bing Webmaster
• Bing.com
• Bingplaces.com
• Clipchamp
• Cortana skills by Microsoft
• Cortana
• Default Homepage and New Tab Page on Microsoft Edge
• Dev Center App
• Device Health App
• Dictate
• education.minecraft.net
• Face Swap
• Feedback Intake Tool for Azure Maps (aka “Azure Maps Feedback”)
• Forms.microsoft.com
• forzamotorsport.net
• Groove Music Pass
• Groove
• GroupMe
• Image Creator mula sa Microsoft Designer
• Kalusugan sa Microsoft
• Kasama ang mga app at serbisyo sa Microsoft 365 Basic
• Kasama ang mga app at serbisyo sa Microsoft 365 Family
• Kasama ang mga app at serbisyo sa Microsoft 365 Personal
• Kasama sa mga app at serbisyo ang mga subscription sa Microsoft 365 consumer
• LineBack
• Link sa Telepono
• Link sa Windows
• Maps App
• Mga Koleksyon ng Microsoft
• Mga Koleksyon
• Mga laro ng Minecraft
• Mga laro, app at website ng Xbox Game Studios
• Mga laro, app at website sa Windows na pina-publish ng Microsoft
• Mga Page ng Bing
• Mga Rebate sa Bing
• Microsoft 365 Business Standard, Microsoft 365 Business Basic, Microsoft 365 Apps, Microsoft 365 app, Microsoft 365 Copilot and Microsoft 365 Copilot Chat^*
  • ^*Until a commercial domain is established for use of these services, at which time separate Microsoft commercial terms will govern instead.
• Microsoft 365 Consumer
• Microsoft 365 Family
• Microsoft 365 para sa web
• Microsoft 365 Personal
• Microsoft Academic
• Microsoft Add-Ins for Skype
• Microsoft Bots
• Microsoft Copilot
• Microsoft Defender para sa mga indibidwal
• Microsoft Educator Community
• Microsoft Launcher
• Microsoft Loop
• Microsoft Math Solver
• Microsoft Pay
• Microsoft Pix
• Microsoft Reading Coach
• Microsoft Research Interactive Science
• Microsoft Research Open Data
• Microsoft Rewards
• Microsoft Soundscape
• Microsoft Sway
• Microsoft Teams
• Microsoft Translator
• Minecraft Realms Plus and Minecraft Realms
• Mixer
• MSN (dating tinatawag na Microsoft Start)
• MSN Balita
• MSN Dial Up
• MSN Explorer
• MSN Kalusugan at Fitness
• MSN Pagkain at Inumin
• MSN Paglalakbay
• MSN Pampalakasan
• MSN Panahon
• MSN Pananalapi
• MSN Premium
• MSN.com
• Office Store
• OneDrive.com
• OneDrive
• OneNote.com
• Opsyonal na karanasan sa koneksyon ng Microsoft 365
• Outlook.com
• Paghahanap sa Microsoft sa Bing
• Paint 3D
• Pamilya sa Microsoft
• Pelikula at TV sa Microsoft
• Presentation Translator
• rise4fun
• Seeing AI
• Send
• Skype in the Classroom
• Skype Manager
• Skype.com
• Skype
• Smart Search
• Snip Insights
• Spreadsheet Keyboard
• Store ng Windows
• Store
• Suporta at Assistant sa Pagbawi para sa Office 365 ng Microsoft
• Susunod na Lock Screen
• Sway.com
• to-do.microsoft.com
• Translator for Microsoft Edge
• Translator Live
• Universal Human Relevance System (UHRS)
• UrWeather
• ux.microsoft.com
• Video Breakdown
• Visio Online
• Wallpaper sa Microsoft
• Web Translator
• whiteboard.office.com
• Windows Live Mail
• Windows Live Writer
• Windows Movie Maker
• Windows Photo Gallery
• Xbox Game Pass
• Xbox Live Gold
• Xbox Live
• Xbox Music
• Xbox Store