2. D'Inneachar. Ceadaíonn mórchuid dár Seirbhísí duit D'Inneachar a chruthú, a stóráil nó a roinnt nó ábhar ó dhaoine eile a fháil. Ní mhaímid gur muidne úinéirí D'Inneachair. Is leatsa D'Inneachar i gcónaí agus is tusa atá freagrach as.

• a. Nuair a roinneann tú D’Inneachar le daoine eile, tuigeann tú go mb’fhéidir go mbeidh siad in ann, ar bhonn domhanda, D’Inneachar a úsáid, a shábháil, a thaifeadadh, a atáirgeadh, a chraoladh, a tharchur, a roinnt agus a thaispeáint chun na críche ar chuir tú D’Inneachar ar fáil ar na Seirbhísí, gan tú a chúiteamh. Mura dteastaíonn uait go mbeadh an cumas sin ag daoine eile, ná húsáid na Seirbhísí chun D'Inneachar a chomhroinnt. Léiríonn tú agus barántaíonn tú go bhfuil (agus go mbeidh) gach ceart is gá agat fad a mhaireann na Téarmaí seo is gá maidir le do chuid Inneachair a uaslódáiltear, a stóráiltear nó a chomhroinntear ar nó trí na Seirbhísí agus nach sáróidh bailiú, úsáid, agus coimeád do chuid Inneachair trí na Seirbhísí aon dlí ná ceart atá ag daoine eile. Molaimid go láidir duit cóip chúltaca a dhéanamh de do chuid Inneachair. Ní féidir le Microsoft a bheith freagrach as do chuid Inneachair ná na hábhair a uaslódálann, a stórálann agus a chomhroinneann daoine eile lenár Seirbhísí.
• b. Sa mhéid is gá chun na Seirbhísí a chur ar fáil duitse agus do dhaoine eile (athrú ar mhéid, cruth nó formáid do chuid Inneachair san áireamh chun feabhas chur ar stóráil nó taispeáint do chuid Inneachair), chun tusa agus na Seirbhísí a chosaint, agus chun táirgí agus seirbhísí Microsoft a fheabhsú, deonaíonn tú ceadúnas maoine intleachtúla domhanda agus saor ó ríchíosanna do Microsoft chun do chuid Inneachair a úsáid, mar shampla, chun cóipeanna a dhéanamh de do chuid Inneachair, é a choimeád, a tharchur, a athfhormáidiú nó a dháileadh trí uirlisí cumarsáide, agus a thaispeáint ar na Seirbhísí. Má fhoilsíonn tú D'Inneachar i réimsí den tSeirbhís ina gcuirtear ar fáil é ar líne go poiblí nó gan srianadh, is féidir go mbeidh D'Inneachar le feiceáil i léirithe nó in ábhair trína gcuirtear an tSeirbhís chun cinn. Tacaítear le cuid de na seirbhísí trí fhógraíocht. Gheofar rialuithe faoin tslí a ndéanann Microsoft fógraíocht a phearsantú ag https://choice.live.com. Ní úsáidimid an méid a deir tú i ríomhphoist, comhráite, glaonna físe ná glórphost, nó do dhoiciméid, grianghraif ná comhaid pearsanta eile chun fógraíocht a dhíriú ort. Tugtar mionchuntas ar ár mbeartais fógraíochta sa Ráiteas Príobháideachais.

3. Cód Iompair. Tusa atá cuntasach as d'iompar agus as d'inneachar agus na Seirbhísí in úsáid agat.

• a. Ní cheadaítear inneachar, ábhar ná gníomhaíochtaí a sháraíonn na Téarmaí seo. Trí ghlacadh leis na Téarmaí seo, ceanglaítear ort déanamh de réir na rialacha seo:
  • i. Ná déan rud ar bith atá mídhleathach, nó ná déan iarracht inneachar mídhleathach a ghiniúint ná a chomhroinnt.
  • ii. Ná déan rud ar bith lena ndéantar dúshaothrú ná díobháil do leanaí, nó a bhagraíonn díobháil a dhéanamh dóibh.
  • iii. Ná seol turscar, ná déan fioscaireacht agus ná déan iarracht bogearraí mailíseacha a ghiniúint ná a scaipeadh. Is éard is turscar ann bulc-ríomhphost, postálacha, iarratais ar theagmháil, SMS (teachtaireachtaí téacs), teachtaireachtaí meandracha nó cumarsáidí leictreonacha den sórt céanna, a sheoltar gan iarraidh. Is ionann fioscaireacht agus ríomhphost nó cumarsáidí leictreonacha eile a chur amach chun faighteoirí a mhealladh go calaoiseach nó go mídhleathach chun faisnéis phearsanta nó faisnéis íogair a nochtadh, leithéidí pasfhocail, dátaí breithe, uimhreacha slándála sóisialta, uimhreacha pas, faisnéis cárta creidmheasa, faisnéis airgeadais, nó faisnéis íogair eile, nó chun rochtain a fháil ar chuntais nó ar thaifid, doiciméid nó faisnéis íogair eile a ghoid, íocaíocht agus/nó buntáiste airgeadais a fháil. Áirítear le bogearraí mailíseacha aon ghníomhaíocht atá deartha chun díobháil theicniúil a dhéanamh, dála earraí inrite mailíseacha a sheachadadh, diúltuithe maidir le hionsaithe seirbhíse a eagrú nó freastalaithe ordaithe agus rialaithe a bhainistiú.
  • iv. Ná cuir na Seirbhísí ar taispeáint go poiblí agus ná bain úsáid as na Seirbhísí chun aon ábhar míchuí nó ábhar eile a ghiniúint nó a roinnt (lena n-áirítear, mar shampla, nochtacht, béistiúlacht, pornagrafaíocht, teanga maslach, foréigean grafach, féindochar, nó gníomhaíocht choiriúil).
  • v. Ná déán rud ar bith atá calaoiseach, bréagach nó míthreorach (m.sh., airgead a iarraidh faoi chomharthaí bréagacha, duine eile a phearsantú, cuntais bhréige a chruthú, gníomhaíocht neamhdhlisteanach a uathoibriú, ábhar atá cluanach d’aon ghnó a ghiniúint nó a roinnt, na Seirbhísí a ionramháil chun líon na seinntí a mhéadú, nó chun difear a dhéanamh d'aicmithe, rátálacha, nó tuairimí).
  • vi. Ná téigh timpeall d'aon ghnó ar aon srianta ar rochtain, úsáid nó infhaighteacht na Seirbhísí (m.sh., iarracht a dhéanamh "sárú srianta" a dhéanamh i gcás córas AI, nó scríobadh neamhcheadaithe).
  • vii. Ná déan rud ar bith a dhéanfaidh dochar duit féin, do na Seirbhísí nó do dhaoine eile (m.sh., víris a tharchur, stalcaireacht, iarracht a dhéanamh ábhar trína ndéantar daoine eile a chiapadh, bulaíocht orthu, nó a chur faoi bhagairt a ghiniúint nó a roinnt, ábhar sceimhlitheoireachta nó antoisceach foréigneach a phostáil, fuathchaint a chur in iúl, nó foréigean in aghaidh daoine eile a mholadh).
  • viii. Ná sáraigh cearta daoine eile (m.sh., ceol cóipchirt nó ábhar cóipchirt eile a roinnt go neamhúdaraithe, léarscáileanna Bing a athdhíol nó a dháileadh ar bhealach eile, nó grianghraif nó fístaifeadtaí fuaime/físeán a ghlacadh de dhaoine eile gan a dtoiliú chun aitheantóirí/faisnéis bhithmhéadrach duine eile a phróiseáil nó aon chuspóir eile a úsáideann aon cheann de na Seirbhísí).
  • ix. Ná déan rud ar bith a sháraíonn príobháideacht daoine eile.
  • x. Ná cabhraigh le daoine chun na rialacha seo a bhriseadh.
• Gheofar tuilleadh eolais faoinár mbeartais, faoi mhodhnóireacht agus faoi phróisis forfheidhmithe agus téarmaí seirbhísí ar leith ag aka.ms/trustandsafety.

4. Na Seirbhísí a Úsáid & Tacaíocht.

• a. Cuntas Microsoft. Beidh cuntas Microsoft de dhíth ort chun cuid mhór de na Seirbhísí a rochtain. Ceadaíonn do chuntas Microsoft duit síniú isteach i dtáirgí, suíomhanna Gréasáin agus seirbhísí a chuireann Microsoft agus comhpháirtithe Microsoft ar fáil.
  • i. Cuntas a Chruthú. Is féidir leat cuntas Microsoft a chruthú trí chlárú ar líne. Aontaíonn tú gan aon fhaisnéis bhréagach, mhíchruinn nó mhíthreorach a sholáthar agus tú ag clárú le haghaidh chuntas Microsoft. I gcásanna áirithe, d’fhéadfaí go mbeidh cuntas Microsoft sainithe ag tríú páirtí duit, amhail do Sholáthróir Seirbhísí Idirlín. Más rud é go bhfuair tú do chuntas Microsoft ó thríú páirtí, d’fhéadfaí go mbeidh cearta breise ag an tríú páirtí i leith do chuntais, amhail an cumas chun do chuntas Microsoft a rochtain nó a scriosadh. Athbhreithnigh aon téarmaí breise a sholáthraigh an tríú páirtí duit; níl aon fhreagracht ag Microsoft as na téarmaí breise sin. Má chruthaíonn tú cuntas Microsoft ar son eintitis, amhail do ghnó nó d’fhostóir, dearbhaíonn tú go bhfuil an t-údarás dlíthiúil agat chun na Téarmaí sin a cheangal ar an eintiteas sin. Ní fhéadfaidh tú faisnéis aitheantais do chuntais Microsoft a aistriú chuig úsáideoir ná eintiteas eile. Coinnigh do shonraí cuntais agus pasfhocal faoi rún chun do chuntas a chosaint. Is tusa atá freagrach as gach gníomhaíocht a dhéantar ar do chuntas Microsoft.
  • ii. Úsáid an Chuntais. Ní mór duit do chuntas Microsoft a úsáid lena choinneáil gníomhach. Chuige sin, ní mór duit síniú isteach ar a laghad uair amháin i dtréimhse dhá bhliain chun do chuntas Microsoft agus na Seirbhísí lena mbaineann a choinneáil gníomhach, ach amháin má fhoráiltear le haghaidh tréimhse níos faide i mbeartas gníomhaíochta an chuntais Microsoft ag https://go.microsoft.com/fwlink/p/?linkid=2086738 nó i dtairiscint do sciar íoctha de na Seirbhísí nó mar a éilítear ar aon slí eile faoin dlí. Mura síníonn tú isteach le linn an ama sin, glacfaimid leis go bhfuil do chuntas Microsoft neamhghníomhach agus dúnfaimid é. Féach alt 4.a.iv.2 maidir le hiarmhairtí cuntas Microsoft a dhúnadh. Ní mór duit síniú isteach i do bhosca isteach Outlook.com agus OneDrive (go leithleach) ar a laghad uair amháin i dtréimhse bliana, nó dúnfaimid do bhosca isteach Outlook.com agus do OneDrive ar do shon. Má tá amhras réasúnta orainn go bhfuil baol ann go n-úsáidfidh tríú páirtí do chuntas Microsoft ar bhealach calaoiseach (mar shampla, mar thoradh ar do chunta a haiceáil), féadfaidh Microsoft do chuntas a chur ar fionraí go dtí go n-éilíonn tú úinéireacht arís. Bunaithe ar nádúr an chomhréitigh, is féidir go mbeidh orainn rochtain ar D'Inneachar, nó ar chuid de, a dhíchumasú. Má tá fadhb agat ó thaobh do chuntas Microsoft a rochtain, oscail an láithreán gréasáin seo: https://go.microsoft.com/fwlink/?LinkId=238656.
  • iii. Leanaí agus Cuntais. Trí chuntas Microsoft a chruthú nó na Seirbhísí a úsáid, glacann tú agus aontaíonn tú a bheith faoi cheangal ag na Téarmaí seo agus léiríonn tú go bhfuil "lánaois" bainte amach agat i gcás ina gcónaíonn tú nó ina n-aontaíonn do thuismitheoirí nó do chaomhnóir dlíthiúil a bheith faoi cheangal ag na Téarmaí seo ar do shon. Murab eol duit an bhfuil an lánaois sroichte agat san áit a bhfuil cónaí ort, nó mura dtuigeann tú an t-alt seo, ná cruthaigh cuntas Microsoft go dtí go bhfuil cabhair faighte agat ó do thuismitheoir nó caomhnóir dlíthiúil. Más tusa tuismitheoir nó caomhnóir dlíthiúil mionaoisigh, glacann agus aontaíonn tusa agus an mionaoiseach a bheith faoi cheangal ag na Téarmaí seo agus gur tusa a bheidh freagrach as maoirseacht a dhéanamh ar an leanbh mionaoiseach agus é nó í ag úsáid an chuntais Microsoft nó na Seirbhísí, ceannacháin san áireamh, is cuma cé acu an bhfuil cuntas an mhionaoisigh ar oscailt anois nó cibé an gcruthaítear é níos déanaí.
  • iv. Do Chuntas a Dhúnadh.
    • 1. Chomh maith le haon chearta atá agat a chealú mar atá sonraithe sa roinn “Beartas Aisíocaíochta” thíos (cuid 9.g), is féidir leat Seirbhísí sonracha a chealú nó do chuntas Microsoft a dhúnadh am ar bith agus ar chúis ar bith. Más mian leat do chuntas Microsoft a dhúnadh, gabh chuig https://go.microsoft.com/fwlink/p/?linkid=618278. Nuair a iarrann tú orainn do chuntas Microsoft a dhúnadh, is féidir leat rogha a dhéanamh go gcuirfimid ar fionraí é ar feadh 30 nó 60 lá ar eagla go dtiocfadh athrú intinne ort. Tar éis na tréimhse 30 nó 60 lá sin, dúnfar do chuntas Microsoft. Féach alt 4.a.iv.2 thíos chun míniú a fháil ar an méid a tharlaíonn nuair a dhúntar do chuntas Microsoft. Má logálann tú ar ais isteach le linn na tréimhse fionraí sin, athghníomhachtófar do chuntas Microsoft.
    • 2. Má dhúntar do chuntas Microsoft (is cuma cé acu an tusa nó muidne a dhún), tarlóidh cúpla rud. Ar an gcéad dul síos, cailleann tú láithreach do chead chun an cuntas Microsoft a úsáid chun na Seirbhísí a rochtain. Lena chois sin, scriosfaimid Sonraí nó D'Inneachar a ghabhann le do chuntas Microsoft nó déanfaimid é a dhícheangal ar bhealach eile uait agus ó do chuntas Microsoft (ach amháin má éilítear orainn faoin dlí é a choinneáil, é a thabhairt ar ais duitse nó do thríú páirtí atá aitheanta agat). Dá thoradh sin, is féidir nach mbeidh rochtain agat níos mó ar aon cheann de na Seirbhísí (ná ar D'Inneachar a stóráil tú ar na Seirbhísí sin) a éilíonn cuntas Microsoft. Ba cheart duit plean cúltaca rialta a bheith agat. Sa tríú háit, d’fhéadfá rochtain ar tháirgí atá faighte agat a chailleadh.
• b. Modhnóireacht agus Forfheidhmiú. Go leor dár Seirbhísí ann trínar féidir leat idirghníomhú le hinneachar, é a chruthú, a ghiniúint agus a roinnt le daoine eile, úsáideann siad córais sábháilteachta chun ár Seirbhísí agus úsáideoirí eile a chosaint.
  • i. Beartais. Aithnítear inár gCód Iompair cad é atá toirmiscthe agus na Seirbhísí in úsáid. Gheofar ár mbeartais inneachair agus iompair anseo (http://approjects.co.za/?big=DigitalSafety/policies). Tá beartais breise agus caighdeáin phobail ag Seirbhísí ar Leith a bhaineann lena n-úsáideoirí agus atá ar fáil anseo (https://aka.ms/trustandsafety).
  • ii. Údar Imní a Thuairisciú. Is féidir leat inneachar nó iompar a d'fhéadfadh ár gCód Iompair a shárú a thuairisciú anseo (https://aka.ms/reportconcerns).
  • iii. Athbhreithniú. Nuair is infheidhme, féadfaimid córais uathoibrithe agus daoine a úsáid chun ábhar a athbhreithniú chun turscar, víris, calaois, fioscaireacht, bogearraí mailíseacha, sárú srianta amhrasta nó ábhar nó iompar mídhleathach nó díobhálach eile a shainaithint.
  • iv. Forfheidhmiú. Forchoimeádaimid an ceart diúltú d'inneachar má sháraíonn sé srianta ar stóráil nó méid comhaid arna gceadú ag an tSeirbhís. D’fhéadfaimis bac a chur ar ábhar, é a bhaint nó diúltú d’inneachar a thaispeáint má dhealraíonn sé go sáraíonn sé ár gCód Iompair nó beartas Seirbhíse eile nó nuair a éilíonn an dlí é. Má sháraíonn tú na téarmaí seo nó Beartais (https://aka.ms/trustandsafety), is féidir go ngníomhóimid maidir le do chuntas. D’fhéadfadh go n-áireofaí leis seo rochtain ar ghnéithe nó ar Sheirbhísí áirithe a theorannú, stop a chur le Seirbhísí a sholáthar, do chuntas Microsoft a dhúnadh láithreach nó bac a chur ar sheachadadh cumarsáide (amhail ríomhphost, comhroinnt comhaid nó teachtaireacht mheandarach) chuig na Seirbhísí nó uathu. Má dhúntar do rochtain ar Sheirbhís nó ar do chuntais, is féidir go gcaillfidh tú ceadúnais inneachair, inneachar gaolmhar, ballraíochtaí, agus iarmhéideanna cuntais Microsoft a bhaineann leis an gcuntas. Nuair a dhéantar athbhreithniú ar sháruithe líomhnaithe ar na Téarmaí seo, coimeádann Microsoft an ceart inneachar a athbhreithniú chun an cheist a réiteach. Mar sin féin, ní féidir linn monatóireacht a dhéanamh ar gach Seirbhís, agus ní dhéanaimid iarracht é sin a dhéanamh. Gheofar tuilleadh eolais ar na próisis mhodhnóireachta agus forfheidhmithe (http://approjects.co.za/?big=DigitalSafety/moderation-and-enforcement), Saintéarmaí seirbhíse, Beartais agus treoirlínte breise (http://approjects.co.za/?big=DigitalSafety/policies/additional-guidelines), agus achomhairc (http://approjects.co.za/?big=DigitalSafety/moderation-and-enforcement/appeals), ag https://aka.ms/trustandsafety. Gheofar faisnéis faoinár mbeartas maidir le mhaímh gur sáraíodh maoin intleachtúil ag FÓGRAÍ.
• c. Cuntais Oibre nó Scoile. Is féidir leat síniú isteach i seirbhísí áirithe Microsoft le seoladh ríomhphoist oibre nó scoile. Má dhéanann, aontaíonn gur féidir go bhfógrófar le húinéir an fhearainn a bhaineann le do sheoladh ríomhphoist go bhfuil cuntas Microsoft agat agus cad iad na síntiúis atá nasctha leis, gur féidir leis do chuntas a rialú agus a riaradh, agus do Shonraí a rochtain agus a phróiseáil, lena n-áirítear a bhfuil i do chumarsáidí agus do chomhaid, agus gur ceadmhach do Microsoft fógra a chur chuig úinéir an fhearainn má dhéantar an cuntas nó na Sonraí a dhamáistiú. Aontaíonn tú, leis, go bhféadfadh d'úsáid de sheirbhísí Microsoft a bheith faoi réir comhaontuithe atá ag Microsoft leat nó le d'eagraíocht agus gur féidir nach bhfuil feidhm ag na Téarmaí seo. Má tá cuntas Microsoft agat cheana agus má úsáideann tú seoladh ríomhphoist oibre nó scoile ar leith chun Seirbhísí a chlúdaítear faoi na Téarmaí seo a rochtain, is féidir go bhfaighidh tú leid chun an seoladh ríomhphoist a ghabhann le do chuntas Microsoft a nuashonrú chun leanúint ar aghaidh ag rochtain na Seirbhísí sin.
• d. Trealamh Breise/Pleananna Sonraí. Beidh nasc Idirlín agus/nó plean sonraí/fón póca ag teastáil uait chun cuid mhór de na Seirbhísí a úsáid. D’fhéadfadh trealamh breise a bheith de dhíth ort, amhail gléas cinn, ceamara nó micreafón. Is tusa atá freagrach as soláthar gach nasc, plean agus/nó píosa trealamh a theastaíonn chun na Seirbhísí a úsáid agus íoc as na táillí a ghearrann soláthraí do naisc, pleananna agus trealamh. Gearrtar na táillí sin i dteannta leis na táillí a íocann tú linn as na Seirbhísí agus ní thabharfaimid aisíocaíocht duit i leith na dtáillí sin. Seiceáil le do sholáthraí(the) lena dheimhniú an bhfuil aon táillí dá leithéid le gearradh ortsa.
• e. Fógraí Seirbhíse. Más gá dúinn rud éigin a rá leat faoi Sheirbhís a úsáideann tú, seolfaimid fógraí Seirbhíse agus an fhaisnéis nach mór dúinn a chur ar fáil de réir dlí. Má thug tú do sheoladh ríomhphoist nó d'uimhir fóin dúinn i dtaca le do chuntas Microsoft, ansin féadfaimid fógraí Seirbhíse a chur chugat trí ríomhphost nó SMS (teachtaireacht téacs), lena n-áirítear chun d'aitheantas a fhíorú sula gcláraímid d'uimhir fón póca agus sula bhfíoraítear do cheannacháin. Féadfaimid fógraí Seirbhíse a sheoladh chugat ar bhealaí eile (mar shampla trí theachtaireachtaí sa táirge). D’fhéadfadh rátaí sonraí nó curtha teachtaireachtaí a bheith i bhfeidhm agus fógraí trí SMS á bhfáil. Molaimid duit monatóireacht a dhéanamh ar an seoladh ríomhphoist a shonraigh, agus é a chothabháil. Mura dtoilíonn tú fógraí a fháil go leictreonach, ní mór duit stopadh de na Seirbhísí a úsáid.
• f. Tacaíocht. Tá tacaíocht do chustaiméirí do Sheirbhísí áirithe ar fáil ag https://support.microsoft.com. Féadfaidh Seirbhísí áirithe tacaíocht ar leith nó tacaíocht bhreise a thairiscint do chustaiméirí, faoi réir na dtéarmaí atá ar fáil ag https://microsoft.com/support-service-agreement, mura sonraítear a mhalairt. Is féidir nach mbeidh tacaíocht ar fáil do leaganacha réamhamhairc nó béite de ghnéithe nó Seirbhísí. Más san Eoraip atá cónaí ort is féidir leat gearán a chur ar aghaidh, leis, chuig ardán réiteach díospóide ar líne (http://ec.europa.eu/consumers/odr); úsáid MSODR@microsoft.com ar an bhfoirm ghearáin amháin, agus ní d'aon chuspóir eile.
• g. Deireadh a Chur le do Sheirbhísí. Má chealaítear do Sheirbhísí (cibé an tusa nó muidne a chealaíonn iad), cuirfear deireadh láithreach le do cheart chun na Seirbhísí a rochtain, agus le do cheadúnas le haghaidh na mbogearraí a bhaineann leis na Seirbhísí. Lena chois sin, scriosfaimid Sonraí nó D'Inneachair a bhaineann le do Sheirbhís nó déanfaimid é a dhícheangal ar bhealach eile uaitse agus ó do chuntas Microsoft (ach amháin má cheanglaítear muid faoin dlí é a choinneáil, é a thabhairt ar ais nó é a aistriú chugatsa nó chuig tríú páirtí atá aitheanta agat). Dá thoradh sin, ní fhéadfaidh tú rochtain a fháil níos mó ar aon cheann de na Seirbhísí (ná ar D'Inneachair a stóráil tú ar na Seirbhísí sin). Ba cheart duit plean cúltaca rialta a bheith agat. Sa tríú háit, d’fhéadfá rochtain ar tháirgí atá faighte agat a chailleadh. Más rud é gur chealaigh tú do chuntas Microsoft agus mura bhfuil aon chuntas eile agat atá in ann na Seirbhísí a rochtain, d’fhéadfaí do Sheirbhísí a chealú láithreach.

5. Feidhmchláir agus Seirbhísí tríú páirtí a úsáid. Féadfaidh na Seirbhísí ceadú duit táirgí, seirbhísí, suíomhanna Gréasáin, naisc, inneachar, ábhar, cluichí, scileanna, comhtháthuithe, botaí nó feidhmchláir a rochtain nó a fháil ó thríú páirtithe (cuideachtaí nó daoine nach Microsoft iad) (“feidhmchláir agus seirbhísí tríú páirtí”). Anuas air sin, cabhraíonn mórchuid dár Seirbhísí leat feidhmchláir agus seirbhísí tríú páirtí a aimsiú, iarratais a chur chucu, nó idirghníomhú leo agus féadann siad ceadú duit nó tú a chur faoi cheangal do chuid Inneachair nó Sonraí a chomhroinnt le feidhmchláir agus seirbhísí tríú páirtí dá sórt, agus tuigeann tú gurb ionann ár Seirbhísí a úsáid agus ordú dóibh feidhmchláir agus seirbhísí tríú páirtí a sholáthar duit. Féadfaidh na feidhmchláir agus seirbhísí tríú páirtí ceadú duit nó tú a chur faoi cheangal do chuid Inneachair nó Sonraí a stóráil le foilsitheoir, soláthraí nó oibreoir na bhfeidhmchlár agus seirbhísí tríú páirtí. Féadfaidh na feidhmchláir agus seirbhísí tríú páirtí polasaí príobháideachta a chur i do láthair nó tú a chur faoi cheangal chun glacadh lena dtéarmaí siúd sular féidir leat an feidhmchlár nó an tseirbhís tríú páirtí a shuiteáil nó a úsáid. Féach rannán 13.b le haghaidh téarmaí breise d'fheidhmchláir a cheannaítear trí shiopaí éagsúla atá faoi úinéireacht Microsoft nó a chuideachtaí cleamhnaithe nó á n-oibriú acu nó, (lena n-áirítear ach gan a bheith faoi theorainn ag Siopa Office, an Microsoft Store ar Xbox agus an Microsoft Store ar Windows). Ba chóir duit téarmaí agus polasaithe príobháideachta an tríú pháirtí a athbhreithniú sula ndéanann tú aon feidhmchláir agus seirbhísí tríú páirtí a fháil, a úsáid, a iarraidh, nó a nascadh le do chuntas Microsoft. Ní dhéanfaidh aon téarmaí tríú páirtí aon athrú ar na Téarmaí seo. Ní thugann Microsoft aon mhaoin intleachtúil duit ar cheadúnas mar chuid d’aon Feidhmchláir ná Seirbhísí tríú páirtí. Aontaíonn tú glacadh le gach riosca agus dliteanas a eascraíonn as aon úsáid a bhaineann tú as na feidhmchláir agus seirbhísí tríú páirtí agus nach mbeidh Microsoft freagrach nó faoi dhliteanas duitse ná do dhaoine eile as faisnéis nó seirbhísí a sholáthraíonn aon fheidhmchláir agus seirbhísí tríú páirtí.

6. Infhaighteacht seirbhíse.

• a. Féadfar nach mbeidh fáil ar Sheirbhísí, Feidhmchláir agus Seirbhísí tríú páirtí, nó ábhair agus táirgí a chuirtear ar fáil trí na Seirbhísí ó am go chéile, go ndéanfaí iad a thairiscint ar bhonn teoranta, nó a athrú de réir an réigiúin nó an ghléis, nó cúinsí seachtracha eile amhail an nasc idirlín nó líonra. Má athraíonn tú an suíomh a ghabhann le do chuntas Microsoft, is féidir go mbeidh ort na táirgí a bhí ar fáil duit agus a cheannaigh tú i do réigiún roimhe seo a athcheannach.
• b. Déanaimid iarracht na Seirbhísí a choinneáil beo agus ag rith; bíodh sin mar atá, níl leibhéal dearbhaithe ann maidir le cáilíocht na seirbhíse nuair a chuirtear ar fáil iad, ach cuirtear isteach ar gach seirbhís ar líne anois agus arís, agus bíonn éarthaí seirbhíse ann. I gcás bristigh nó cur isteach ar an tSeirbhís, is féidir nach mbeidh tú in ann do chuid Inneachair a fháil ar ais ar feadh tamaill. Molaimid duit do chuid Inneachair nó Sonraí a stórálann tú ar na Seirbhísí nó leis na feidhmchláir agus seirbhísí tríú páirtí a chúltacú go rialta.

7. Nuashonruithe ar na Seirbhísí nó Bogearraí agus Athruithe ar na Téarmaí seo.

• a. Cuirfimid fógra chugat má tá sé beartaithe againn na Téarmaí seo a athrú. Féadfaimid na Téarmaí seo a athrú más gá de bharr (i) an dlí is infheidhme, lena n-áirítear ach gan teorainn do, athrú ar an dlí sin; (ii) comhairle agus/nó ordú bunaithe ar an dlí is infheidhme; (iii) forbairt ar na Seirbhísí; (iv) cúiseanna teicniúla; (v) riachtanais oibríochtúla nó (vi) athrú téarmaí a théann chun sochair an úsáideora. Cuirfimid fógra chugat maidir leis an athrú beartaithe sula dtagann sé i bhfeidhm, tríd an gcomhéadan úsáideora, i dteachtaireacht ríomhphoist nó trí mhodhanna eile réasúnta. Tabharfaimid deis duit na Seirbhísí a chealú ar a laghad 30 lá roimh theacht i bhfeidhm an athraithe. Ach na Seirbhísí a úsáid tar éis do na hathruithe teacht i bhfeidhm, aontaíonn tú leis na téarmaí nua. Mura n-aontaíonn tú leis na téarmaí nua, ní mór duit stopadh de na Seirbhísí a úsáid agus do chuntas Microsoft i dhúnadh i gcomhréir le halt 4.a.iv. Díreoimid d‘aird air sin go sainráite san fhógra maidir leis an athrú beartaithe ar na Téarmaí seo.
• b. Féadfaimid do leagan de na bogearraí a sheiceáil go huathoibríoch, rud atá riachtanach chun na Seirbhísí a sholáthar, agus nuashonruithe bogearraí nó athruithe ar chumraíocht a íoslódáil, gan táille a ghearradh ort, chun na Seirbhísí a nuashonrú, a bhreisiú agus a fhorbairt tuilleadh. D’fhéadfaí go n-éileofaí ort nuashonrú a dhéanamh ar na bogearraí chun leanúint de na Seirbhísí a úsáid. Beidh nuashonruithe dá leithéid faoi réir na dTéarmaí seo ach amháin má ghabhann téarmaí breise nó téarmaí eile leis na nuashonruithe, agus sa chás sin, beidh na téarmaí eile i bhfeidhm. Má dhiúltaíonn tú leis na téarmaí breise nó le téarmaí eile a bhaineann leis na nuashonruithe, ní fhéadfaidh tú na nuashonruithe a fháil ná a úsáid. Níl aon oibleagáid ar Microsoft aon nuashonrú a chur ar fáil agus ní ráthaímid go dtacóimid leis an leagan den chóras lenar cheannaigh tú nó ar a chuir tú na bogearraí, feidhmchláir, inneachar nó táirgí eile ar cheadúnas. Is féidir go soláthrófar nuashonruithe uathoibríocha nó láimhe duit nach bhfuil riachtanach chun comhfhoirmeacht na Seirbhísí a chinntiú ar na cúiseanna atá leagtha amach sa roinn seo. Trí na Téarmaí seo a ghlacadh, glacann tú leis seo go soláthrófar nuashonruithe den sórt sin duit.
• c. Bímid ag obair go leanúnach chun feabhas a chur ar na Seirbhísí agus féadfaimid na Seirbhísí a athrú nó gnéithe a scriosadh nó stopadh de rochtain a sholáthar ar fheidhmchláir agus seirbhísí tríú páirtí ar an gcaoi sin uair ar bith, lena n-áirítear, ach gan a bheith teoranta dó, mura gceadaíonn ár gcomhaontuithe le tríú páirtithe dúinn a n-inneachar a chur ar fáil, mura bhfuil sé indéanta dúinn é a chur ar fáil, má théann an teicneolaíocht chun cinn, nó má léiríonn aiseolas ó chustaiméirí go bhfuil athrú de dhíth. Cuirfimid fógra chugat roimh ré más rud é go mbeidh sé mar thoradh ar athrú ar na Seirbhísí go gcaillfidh tú rochtain ar do chuid Inneachair. I gcás Seirbhísí íoctha, cuirfimid fógra chugat, leis, sula ndéantar aon athruithe tábhachtacha eile ar na Seirbhísí. Ach amháin sa mhéid is a éilítear é faoin dlí is infheidhme, níl sé d’oibleagáid orainn ath-íoslódáil nó athsholáthar a dhéanamh ar ábhar ar bith, ar earraí digiteacha (de réir mar a shainítear i Rannán 13.k) nó ar fheidhmchláir a ceannaíodh roimhe seo. Má chealaímid Seirbhís íoctha, tabharfaimid aisíocaíocht duit ar bhonn pro rata ar bhonn méid na n-íocaíochtaí atá déanta agat as an gcuid den tSeirbhís a fhágtar díreach roimh duit cealú.
• d. Ionas go bhféadfaidh tú ábhar cosanta faoi bhainistíocht ceart digiteach (DRM), amhail ceol, cluichí, scannáin, leabhair agus tuilleadh a úsáid, d’fhéadfadh bogearraí DRM teagmháil a dhéanamh le freastalaí cearta ar líne go huathoibríoch agus nuashonruithe DRM a íoslódáil agus a shuiteáil.

8. Ceadúnas Bogearraí. Ach amháin má bhíonn comhaontú ceadúnais ar leith Microsoft ag gabháil leis (mar shampla, má tá feidhmchlár Microsoft in úsáid agat atá san áireamh i Windows agus mar chuid de Windows, ansin rialaíonn Téarmaí Ceadúnais Bhogearraí Microsoft le haghaidh Córas Oibriúcháin Windows bogearraí den sórt sin) beidh aon bhogearraí a sholáthraímid duit mar chuid de na Seirbhísí faoi réir na dTéarmaí seo. Tá feidhmchláir a cheannaítear trí shiopaí áirithe atá faoi úinéireacht Microsoft nó a chuideachtaí cleamhnaithe nó á n-oibriú acu (lena n-áirítear ach gan a bheith faoi theorainn ag Microsoft Store on Windows agus Microsoft Store on Xbox) faoi réir alt 13.b.i thíos.

• a. Má dhéanann tú na Téarmaí seo a chomhlíonadh, deonaímid an ceart duit cóip amháin de na bogearraí a shuiteáil agus a úsáid ar gléas ar bith ar fud na cruinne do dhuine amháin sa turas mar chuid den úsáid a bhaineann tú as na Seirbhísí. I gcás gléasanna áirithe, d'fhéadfaí bogearraí den sórt sin a bheith réamhshuiteáilte chun gur féidir leat úsáid phearsanta, neamhthráchtála a bhaint as na Seirbhísí. D’fhéadfadh cód tríú páirtí a bheith sa bhogearraí nó sa suíomh Gréasáin atá mar chuid de na Seirbhísí. Is iad na tríú páirtithe ar leo na scripteanna nó an cód lena ndéantar nasc nó dá dtagraítear sna bogearraí nó suíomh Gréasáin a dheonaíonn ceadúnas duit, agus ní hé Microsoft. Is mar fhaisnéis duitse amháin a n-áirítear fógraí, más ann dóibh, maidir leis an gcód tríú páirtí.
• b. Deonaítear na bogearraí ar cheadúnas, ní dhíoltar iad, agus forchoimeádann Microsoft gach ceart i leith na mbogearraí nár dheonaigh Microsoft go sainráite faoi na Téarmaí seo. Ní thugann an ceadúnas seo aon cheart duit agus ní ceadmhach duit, go mídhleathach:
  • i. dul timpeall ar bhearta cosanta teicneolaíochta sa bhogearraí nó sa Seirbhísí nó lena mbaineann ná iad a shárú;
  • ii. aithris nó ais-innealtóireacht a dhéanamh ar aon bhogearraí nó aon ghné eile de na Seirbhísí a áirítear in nó atá ar fáil trí na Seirbhísí, nó iad a dhídhíolaim, a dhíchriptiú, a haiceáil, a shaothrú, ach amháin sa mhéid is a dtugtar cead faoin dlí cóipchirt infheidhme cead chun é sin a dhéanamh go sainráite;
  • iii. comhpháirteanna faoi leith de na bogearraí nó Seirbhísí lena n-úsáid ar ghléasanna éagsúla;
  • iv. bogearraí nó Seirbhísí a fhoilsiú, a chóipeáil, a chur ar cíos nó ar léas, a dhíol, a easpórtáil, a iompórtáil, a dháileadh nó a thabhairt ar iasacht, ach amháin má thugann Microsoft cead duit é sin a dhéanamh go sainráite;
  • v. na bogearraí, aon cheadúnais bhogearraí nó aon chearta ar rochtain nó úsáid na Seirbhísí a aistriú;
  • vi. na Seirbhísí a úsáid ar bhealach neamhúdaraithe a d’fhéadfadh teacht salach ar an úsáid a bhaineann daoine eile astu nó rochtain a fháil ar aon seirbhís, sonraí cuntas nó líonra;
  • vii. rochtain a chumasú ar na Seirbhísí nó aon ghléas atá údaraithe ag Microsoft a mhionathrú (m.sh. consóil Xbox, Microsoft Surface, etc.) ó fheidhmchláir neamhúdaraithe tríú páirtí.

9. Téarmaí Íocaíochta. Má cheannaíonn tú Seirbhís, beidh feidhm ag na téarmaí íocaíochta seo maidir le do cheannachán agus aontóidh tú leo.

• a. Muirir. Má ghearrtar muirear ar chuid de na Seirbhísí, aontóidh tú le híoc as an muirear sin. Áirítear le costas sonraithe na Seirbhísí na cánacha go léir atá infheidhme, ach amháin má shonraítear a mhalairt. Tusa amháin atá freagrach as na cánacha sin nó as muirir eile a íoc. Ríomhtar cánacha bunaithe ar do shuíomh ag an am a cláraíodh do chuntas Microsoft, ach amháin má shonraítear a mhalairt. Tar éis dúinn fógra a thabhairt duit nach bhfuaireamar íocaíocht iomlán in am uait, féadfaidh tú na Seirbhísí a chur ar fionraí nó a chealú mura ndéanann tú an íocaíocht iomlán laistigh den tréimhse ábhartha. Má chuirtear na Seirbhísí ar fionraí nó ar ceal de bharr neamhíocaíochta, seans nach mbeidh tú in ann do chuntas nó inneachar an chuntais a rochtain ná a úsáid. Má cheanglaítear leis an Idirlíon trí nasc corparáideach nó trí nasc príobháideach eile a fholaíonn do shuíomh, féadfar muirir a ghearradh ort atá difriúil ó na muirir a thaispeántar do do shuíomh iarbhír. Ag brath ar do shuíomh, féadfaidh tiontú ó airgeadra eachtrach a bheith de dhíth i gcás idirbhearta áirithe, sin nó próiseáil i dtír eile. Is féidir go ngearrfaidh do bhanc táillí breise ort as na seirbhísí sin nuair a úsáideann tú cárta dochair nó creidmheasa. Iarr sonraí ar do bhanc.
• b. Do chuntas billeála. Chun íoc as na muirir a ghearrtar i leith Seirbhíse, iarrfar ort modh íocaíochta a chur ar fáil nuair a chláróidh tú don tSeirbhís sin. I gcás gach seirbhíse seachas Skype, gheobhaidh tú d'fhaisnéis bhilleála agus do mhodh íocaíochta agus is féidir iad a athrú ar suíomh gréasáin um bainistíocht cuntas Microsoft (https://go.microsoft.com/fwlink/p/?linkid=618281) agus maidir le bogearraí agus táirgí Skype ach síniú isteach i do thairseach cuntais ag https://skype.com/go/myaccount. Ina theanna sin, aontaíonn tú le cead a thabhairt do Microsoft aon fhaisnéis nuashonraithe cuntais a úsáid, a bhaineann leis an modh íocaíochta atá roghnaithe agus arna cur ar fáil ag an mbanc eisiúna nó ag an líonra íocaíochta is infheidhme. Aontaíonn tú do chuntas agus faisnéis eile a nuashonrú go pras, lena n-áirítear do sheoladh ríomhphoist agus sonraí do mhodha íocaíochta, ionas gur féidir linn d'idirbhearta a chríochnú agus teagmháil a dhéanamh leat de réir mar is gá i gcás d'idirbhearta. Má insíonn tú dúinn stopadh de do mhodh íocaíochta a úsáid agus mura gcuireann tú modh íocaíochta eile ar fáil dúinn laistigh de thréimhse ama chuí, tar éis glacadh lenár bhfógra, féadfaimid an tSeirbhís a chur ar fionraí nó ar ceal ar chúis mhaith. Má athraítear do chuntas billeála, ní bheidh tionchar ag na hathruithe sin ar na muirir a ghearrfaimid ar do chuntas billeála sula mbeimid in ann gníomhú go réasúnta maidir leis na muirir a ghearrtar ar do chuntas billeála.
• c. Billeáil. Trí mhodh íocaíochta a chur ar fáil do Microsoft, (i) léiríonn tú go bhfuil údarás agat chun an modh íocaíochta a chuir tú ar fáil a úsáid agus go bhfuil an fhaisnéis íocaíochta a chuireann tú ar fáil fíor agus cruinn; (ii) údaraíonn tú do Microsoft chun muirear a ghearradh ort as na Seirbhísí nó as an inneachar atá ar fáil, ag úsáid an mhodha íocaíochta agat; agus (iii) údaraíonn tú Microsoft chun muirear a ghearradh ort as aon ghné íoctha de na Seirbhísí a roghnaíonn tú clárú di nó úsáid a bhaint aisti, le linn do na Téarmaí seo a bheith i ngníomh. Mar atá sonraithe, féadfaimid thú a bhilleáil (a) roimh ré; (b) tráth an cheannacháin; (c) go luath i ndiaidh an ceannachán a dhéanamh; nó (d) ar bhonn athfhillteach le haghaidh Seirbhísí síntiúis. Lena chois sin, féadfaimid táillí a ghearradh ort, suas go dtí an méid atá faofa agat, agus cuirfimid fógra chugat roimh aon athrú ar an méid a ghearrfar as Seirbhísí síntiúis athfhilltigh agus i gcás athrú praghais, mar atá leagtha amach i rannán 9.j. thíos. Féadfaimid thú a bhilleáil ag an am céanna as breis is ceann amháin de na tréimhsí billeála roimhe, i gcás suimeanna nár próiseáladh go fóill.
• d. Íocaíochtaí athfhillteacha. Nuair a cheannaíonn tú na Seirbhísí ar bhonn síntiúis (e.g. gach mí, gach trí mhí, nó gach bliain), aontaíonn tú go bhfuil tú ag údarú íocaíochtaí athfhillteacha, agus go ndéanfar íocaíochtaí chuig Microsoft tríd an mhodh íocaíochta a roghnaigh tú de réir na tréimhse athfhilltí a roghnaíonn tú, go dtí go gcuireann tusa nó Microsoft deireadh leis an síntiús don tSeirbhís. Ní mór duit do Sheirbhísí a chealú roimh an chéad dáta billeála eile le nach gearrfar táille ort chun leanúint de do Sheirbhísí. Cuirfimid treoracha ar fáil duit faoin gcaoi leis na Seirbhísí a chur ar ceal. Is féidir leat íocaíochtaí athfhillteacha do Sheirbhísí roghnaithe a bhainistiú i do chuntas Microsoft (https://account.microsoft.com/services). Ach íocaíochtaí athfhillteacha a údarú, tugann tú údarú do Microsoft d'ionstraim íocaíochta a stóráil agus na híocaíochtaí sin a phróiseáil mar dhochair leictreonacha nó aistriú ciste, nó mar dhréachtaí leictreonacha ó do chuntas ainmnithe (le haghaidh íocaíochtaí trí theach imréitigh uathoibríoch nó íocaíochtaí dá samhail), nó mar tháillí ar an gcuntas ainmnithe (le haghaidh íocaíochtaí cárta creidmheasa nó íocaíochtaí dá samhail) (dá ngairtear "Íocaíochtaí Leictreonacha" le chéile). Gearrfar táillí síntiúis roimh tús na tréimhse síntiúis atá i gceist. Má aischuirtear íocaíocht neamhíoctha nó má dhiúltaítear d’idirbheart cárta creidmheasa nó idirbheart comhchosúil, forchoimeádann Microsoft nó a sholáthraithe seirbhíse an ceart aon táille is infheidhme maidir le mír arna tabhairt ar ais, le diúltú nó le cistí neamhleor a bhailiú agus an íocaíocht sin a phróiseáil mar Íocaíocht leictreonach.
• e. Ráiteas ar Líne agus Earráidí. I gcás na Seirbhísí ar fad seachas Skype, cuirfidh Microsoft ráiteas billeála ar líne ar fáil duit ar an suíomh Gréasáin bainistíochta cuntas Microsoft (https://go.microsoft.com/fwlink/p/?linkid=618284), áit a mbeidh tú in ann amharc ar an ráiteas agus é a phriontáil. I gcás Skype, is féidir leat do ráiteas ar líne a oscailt ach síniú isteach i do chuntas ag www.skype.com (https://www.skype.com). Is é seo an t-aon ráiteas billeála a chuirimid ar fáil. D'fhéadfaí sonrasc le CBL a chur ar fáil, ag brath ar an tSeirbhís agus ar an tír. Má dhéanaimid earráid ar do bhille, réiteoimid an earráid go pras nuair a chuirfidh tú muid ar an eolas fúithi (nó nuair a thabharfaimid an earráid faoi deara) agus déanfaimid scrúdú ar an muirear. Molaimid duit é a rá linn laistigh de 120 lá tar éis earráid shoiléir a bheith le feiceáil ar do bhille de bhrí gur fusa dúinn an fhadhb a réiteach sa tréimhse sin. Is féidir leat d'iarratais chun na gcríoch sin a chur chuig an tseirbhís tacaíochta do chustaiméirí faoi mar a shainítear in alt 4.e.
• f. Polasaí Aisíocaíochta. Beidh tú i dteideal tréimhse chealaithe (ré aithrí) ceithre lá déag (14) ó lá an cheannaigh, le cúis nó gan chúis. Má bhíonn cuid den tSeirbhís curtha ar fáil tráth an chealaithe, gheobhaidh tú aisíocaíocht pro rata. Aithníonn tú go gcuirfear deireadh leis an ré aithrí nuair a bhíonn an tSeirbhís go léir curtha ar fáil duit, agus nach féidir aisíocaíocht a fháil don cheannachán ansin. Nuair a cheannaíonn tú ábhar digiteach uainn, ní bheidh cead agat a thuilleadh an ceannachán a chur ar ceal tar éis tús a chur leis an íoslódáil. Is ceannacháin chríochnaitheacha neamh-in-aisíoctha iad na ceannacháin uile, ach amháin má shonraítear a mhalairt de réir an dlí nó de réir tairisceana áirithe Seirbhíse. I gcás gach Seirbhíse ach amháin Skype, cuirtear faisnéis agus treoracha ar fáil ar an suíomh Gréasáin bainistíochta cuntais de chuid Microsoft (https://go.microsoft.com/fwlink/p/?linkid=618284) faoin gcaoi ar féidir Seirbhís a chur ar ceal agus aisíocaíocht a iarraidh ag úsáid na Foirme Aistarraingthe againn, sa chás go bhfuil an ceart agat aisíocaíocht a fháil. I gcás Skype, comhlánaigh an Fhoirm Aistarraingthe tríd an bhfaisnéis a chuirtear ar fáil anseo (https://go.microsoft.com/fwlink/p/?linkid=618286) a úsáid. Má chreideann tú go ngearradh muirear ort de thaisme ag Microsoft, beidh ort duit teagmháil a dhéanamh le Microsoft. Déanfaimid scrúdú ar an muirear ansin. Má eisítear aisíocaíocht nó creidmheas, ní bheidh d’oibleagáid orainn an aisíocaíocht chéanna nó aisíocaíocht chomhchosúil a eisiúint sa todhchaí. Ní chuireann an polasaí aisíocaíochta seo isteach ar na cearta a chuirtear ar fáil faoin dlí is infheidhme. Gheofar tuilleadh faisnéise ar aisíocaíochtaí ag topaic chabhrach (https://go.microsoft.com/fwlink/p/?linkid=618283).
• g. Na Seirbhísí a Fhoirceannadh. Is féidir leat na Seirbhísí a chealú ón leathanach bainistíochta seirbhísí agus síntiúis i do chuntas Microsoft (https://account.microsoft.com/) nó trí theagmháil a dhéanamh leis an tseirbhís do chustaiméirí mar a mhínítear thuas in alt 4.e. Nuair a chealaítear Seirbhísí íoctha ní ghearrtar táillí as leanúint de na Seirbhísí. Ba cheart duit féachaint siar ar an tairiscint ina ndéantar cur síos ar na Seirbhísí mar (i) go bhfuil seans ann nach bhfaighidh tú aisíocaíocht tráth an chealaithe; (ii) go gcuirfear d’oibleagáid ort muirir a íoc as cealú; (iii) go gcuirfear d’oibleagáid ort íoc as na muirir go léir a bhaineann leis na Seirbhísí, agus a cuireadh le do chuntas billeála roimh an dáta cealaithe; agus (iv) nach mbeidh rochtain agat ar do chuntas nó nach mbeidh tú in ann é a úsáid a thuilleadh sa chás go gcuirtear na Seirbhísí ar ceal. Próiseálfaimid do Shonraí mar a thuairiscítear thuas in alt 4. Má chealaíonn tú, beidh deireadh le do Sheirbhísí ag deireadh do thréimhse reatha Seirbhíse, nó má bhilleáiltear do chuntas go tréimhsiúil, nuair a bheidh deireadh leis an tréimhse inar chealaigh tú. Má chuireann tú aisíocaíocht nó aisiompú ar bun le do bhanc maidir le d’íocaíocht as Seirbhísí, glacfaimid leis gur chuir tú ar ceal é ar an dáta a rinneadh an chéad íocaíocht agus go dtugann tú cead dúinn an tseirbhís duit a chealú láithreach agus/nó aon inneachar a tugadh duit mar mhalairt ar íocaíocht mar sin a chúlghairm.
• h. Tairiscintí Tréimhse Trialaí. Má tá tú páirteach in aon tairiscint tréimhse trialaí, is féidir go n-iarrfar ort an tSeirbhís nó na Seirbhísí trialacha a chealú laistigh den tréimhse a cuireadh in iúl duit nuair a ghlac tú leis an tairiscint ionas nach ngearrfar táille ort as leanúint den tSeirbhís/na Seirbhísí a fháil ag deireadh na tréimhsí trialaí.
• i. Tairiscintí Fógraíochta. Ó am go ham, féadfaidh Microsoft Seirbhísí a chur ar fáil le haghaidh tréimhse tástála. Ní ghearrfaidh Microsoft aon mhuirear ort as na Seirbhísí don tréimhse sin. Forchoimeádann Microsoft an ceart chun táille a ghearradh as na Seirbhísí sin (ag an ngnáthráta) má sháraíonn tú téarmaí agus coinníollacha na tairisceana.
• j. Athruithe ar Phraghas. Má tá téarma agus praghas seasta ann i gcás do thairisceana Seirbhíse, ní thiocfaidh aon athrú ar an bpraghas sin sa téarma. Más mian leat leanúint ort ag úsáid na Seirbhísí, beidh ort aontú le tairiscintí agus le costais nua. Más ar bhonn tréimhsiúil atá na Seirbhísí agat (go míosúil, mar shampla), gan aon fhad tréimhse ama, agus más amhlaidh nach tairiscint trialach é, féadfaimid costas na Seirbhísí a athrú má athraímid gnéithe Seirbhíse nó má chuirimid gnéithe nua nó gnéithe feabhsaithe Seirbhíse leis, sa mhéid a d'athraigh costas soláthair na Seirbhíse dá réir, nó mar fhreagairt ar athruithe margaidh (mar shampla, de bharr costais saothair, luaineacht airgeadra, athruithe ar chánacha/rialacháin, boilsciú, táillí ceadúnais, costais infreastruchtúir agus riaracháin). Cuirfimid scéala chugat 30 lá roimh ré ar a laghad sula dtagann an athrú ar phraghas i bhfeidhm. Tá an ceart agat na Seirbhísí a chur ar ceal sula dtiocfaidh athrú ar an gcostas i gcomhréir le rannán 9.g thuas. Nuair a chuirfimid an t-athrú praghais in iúl duit, cuirfimid in iúl duit freisin cúiseanna agus raon feidhme an mhéadaithe ar phraghsanna agus meabhróidh muid duit conas is féidir leat na Seirbhísí a chur ar ceal. Ag brath ar do shuíomh, is féidir go n-iarrfaimid ort do thoiliú sainráite a sholáthar don athrú agus, mura bhfaightear an toiliú sin, go gcuirfear deireadh leis na Seirbhísí ag deireadh na tréimhse billeála reatha nó ar dháta éifeachta an athraithe praghais. I ngach cás eile, cuirfimid fógra chugat go dtiocfaidh an praghas nua i bhfeidhm mura gcealaíonn tú na Seirbhísí, agus meabhróimid duit conas is féidir leat na Seirbhísí a chealú.
• k. Íocaíochtaí Leatsa. Má tá íocaíocht ag dul duit, aontóidh tú le faisnéis chruinn a chur ar fáil dúinn go tráthúil, atá riachtanach chun an íocaíocht a chur chugat. Tá tú freagrach as na cánacha agus muirir go léir a d’fhéadfá a thabhú mar gheall ar an íocaíocht seo a chur chugat. Ní mór duit cloí leis na coinníollacha eile a chuirtear i bhfeidhm ar an gceart chun íocaíochta atá agat. Má fhaigheann tú íocaíocht de thaisme, féadfaimid an íocaíocht a fhreaschur nó aisíocaíocht a éileamh. Aontaíonn tú comhoibriú linn inár n-iarrachtaí chuige sin. Féadfaimid an íocaíocht a chuirtear chugat a laghdú freisin, gan fógra, chun aon ró-íocaíocht roimhe seo a chur san áireamh.
• l. Íocaíochtaí Déanacha. I gcás íocaíochtaí déanacha, ní mór duit íoc as na costais réasúnta a thabhaímid chun suimeanna thar téarma a bhailiú, lena n-áirítear táillí dlíodóirí agus táillí agus costais dhlíthiúla eile, sa mhéid a cheadaítear de réir an dlí agus na rialachán. Má theipeann ort íoc go hiomlán in am as an tsuim atá dlite, tar éis do mheabhrúchán a bheith seolta chugat – le bagairt ann go ndéanfaí na Seirbhísí a chur ar fionraí agus/nó ar ceal – chun d’íocaíocht a dhéanamh laistigh de thréimhse ama chuí, féadfaimid do chuid Seirbhísí a chur ar fionraí nó ar ceal. Má dhéantar an íocaíocht riachtanach laistigh den tréimhse ama chuí atá leagtha amach sa mheabhrúchán, ní chuirfear na Seirbhísí ar fionraí ná ar ceal. Más rud é nach bhfuil ach suim imeallach in easnamh, cuirfear nós imeachta eile i bhfeidhm. Measfar i gcónaí gur suimeanna imeallacha iad na suimeanna atá níos lú ná 2 chéatadán de luach iomlán an tsonraisc. Mura n-íocann tú as na Seirbhísí agus má chuirtear na Seirbhísí ar fionraí nó ar ceal dá bharr, seans nach mbeidh tú in ann do chuntas Microsoft a rochtain a thuilleadh.
• m. Cártaí Bronntanais. Rialaítear fuascailt agus úsáid cártaí bronntanais (ach amháin cártaí bronntanais Skype) le Téarmaí agus coinníollacha cártaí bronntanais de chuid Microsoft (https://support.microsoft.com/help/10562/microsoft-account-gift-card-terms-and-conditions). Tá faisnéis faoi chártaí bronntanais Skype le fáil ar leathanach cabhrach Skype (https://go.microsoft.com/fwlink/?LinkId=615383).
• n. Modh Íocaíochta le Cuntas Bainc. Is féidir leat cuntas bainc incháilithe a chlárú le do chuntas Microsoft agus é a úsáid mar mhodh íocaíochta. Áirítear leis na cuntais bainc incháilithe cuntais a choimeádtar in institiúid airgeadais ar féidir iontrálacha dochar díreach a íoc isteach ann (m.sh. institiúid airgeadais sna Stáit Aontaithe a thacaíonn le iontrálacha uathoibríocha teach imréitigh ("ACH"), institiúid airgeadais Eorpach a thacaíonn leis an Limistéar Aonair d'Íocaíochtaí Euro ("SEPA") nó "iDEAL" san Ísiltír). Beidh feidhm, leis, ag téarmaí ar aontaigh tú leo agus do chuntas bainc á chur leis mar mhodh íocaíochta i do chuntas Microsoft (e.g. an "sainordú" i gcás SEPA). Dearbhaíonn tú agus ráthaíonn tú go bhfuil do chuntas bainc i d'ainm féin nó go bhfuil tú údaraithe chun an cuntas bainc sin a chlárú agus a úsáid mar mhodh íocaíochta. Ach do chuntas bainc a chlárú nó a roghnú mar mhodh íocaíochta, údaraíonn do Microsoft (nó dá ghníomhaire) dochar amháin nó níos mó a thionscnamh do mhéid iomlán do cheannachán nó táille síntiús (i gcomhréir le téarmaí do sheirbhíse síntiúis) ó do chuntas bainc (agus, más gá, creidmheas amháin nó níos mó a thionscnamh chuig do chuntas bainc chun earráidí a cheartú, aisíocaíocht a eisiúint nó a leithéid), agus údaraíonn tú don institiúid airgeadais a bhfuil do chuntas bainc acu a leithéid de dhochair a asbhaint nó glacadh lena leithéid de chreidmheasanna. Tuigeann tú go mbeidh an t-údarú i bhfeidhm go hiomlán go dtí go mbaineann tú d'fhaisnéis cuntais bainc den chuntas Microsoft. Déan teagmháil le tacaíocht do chustaiméirí mar a leagtar amach in alt 4.e chomh luath agus is féidir má chreideann tú gur gearradh táille ort de bhotún. Is féidir go gcuirfidh na dlíthe infheidhme i do thír teorainn le do dliteanas as aon idirbhearta calaoiseacha, míchearta nó neamhúdaraithe ó do chuntas bainc. Ach cuntas bainc a chlárú nó a roghnú mar mhodh íocaíochta, aithníonn tú go bhfuil na Téarmaí seo léite agat, go dtuigeann tú iad agus go n-aontaíonn tú leo.

10. Eintiteas Conarthach, Rogha Dlí agus Áite chun Díospóidí a Réiteach. Má tá cónaí ort (nó más gnó thú a bhfuil do phríomháit ghnó) san Aontas Eorpach, san Íoslainn, i Lichtinstéin, san Iorua, san Eilbhéis nó sa Ríocht Aontaithe, agus go bhfuil Seirbhísí atá saor ó chostas nó íoctha á n-úsáid agat), tá tú ar conradh le Microsoft Ireland Operations Limited, One Microsoft Place, Páirc Ghnó an Chontae Theas, Baile na Lobhar, Baile Átha Cliath 18, Éire (cláraithe ag an Oifig um Chlárú Cuideachtaí in Éirinn faoin uimhir 256796, uimhir chláraithe CBL: IE 8256796 U, le seoladh cláraithe ag 70 Cé Sir John Rogerson, Baile Átha Cliath 2, Éire). Rialaíonn dlíthe na hÉireann gach éileamh a bhaineann le seirbhísí saor in aisce agus seirbhísí íoctha, ach ní bhainfidh sé seo díot na cosaintí éigeantacha do thomhaltóirí faoi dhlí na tíre dá dtreoraímid do Sheirbhísí mar a bhfuil gnáthchónaí ort (nó, i gcás gnólachta, mar a bhfuil do phríomháit ghnó suite). Maidir le dlínse, aontaíonn tusa agus Microsoft cúirteanna na tíre dá dtreoraímid do Sheirbhísí mar a bhfuil gnáthchónaí ort (nó, i gcás gnó, mar a bhfuil do phríomháit ghnó suite) a roghnú i gcás aon díospóide a éireoidh as nó a bhainfidh leis na Téarmaí seo, nó de rogha air sin, féadfaidh tú an chúirt fhreagrach a roghnú in Éirinn.

11. Barántaí. Más tomhaltóir thú, tá cearta áirithe agat faoin dlí. I measc na gceart sin, tá oibleagáid ar Microsoft aire agus scil réasúnach a úsáid agus na Seirbhísí á gcur ar fáil. Níl aon rud sna téarmaí seo ceaptha ár ndliteanas a theorannú nó a eisiamh as aon sárú ag Microsoft air seo agus bainfidh tú leas as an bharántas dlíthiúil comhréireachta agus lochtanna folaithe faoi dhlí na tíre a ndírímid do Sheirbhísí chuici. Foghlaim tuilleadh faoi do chearta reachtúla anseo (http://approjects.co.za/?big=en-gb/store/b/aboutwarranties). FAOI RÉIR AN BHARÁNTA THUAS AGUS SEACHAS I gCÁSANNA INA BHFUIL LOCHTANNA FOLAITHE AGAINN GO MÍMHACÁNTA NÓ GO BHFUIL LOCHTANNA TAR ÉIS ÚSÁID NA SEIRBHÍSÍ A DHÉANAMH DODHÉANTA, AGUS SEACHAS TÁIRGÍ ÍOCTHA SKYPE, CUIRIMID NA SEIRBHÍSÍ AR FÁIL “MAR ATÁ,” “LE GACH LOCHT” “MAR ATÁ SIAD AR FÁIL.” NÍ RÁTHAÍMID CRUINNEAS NÁ TRÁTHÚLACHT NA SEIRBHÍSÍ. AITHNÍONN TÚ AGUS AONTAÍONN TÚ NACH BHFUIL CÓRAIS RÍOMHAIREACHTA AGUS TEILEACHUMARSÁIDE GAN LOCHT AGUS GO mBÍONN TRÉIMHSÍ NEAMHFHÓNAIMH ANN Ó AM GO CHÉILE. NÍ FÉIDIR LINN A RÁTHÚ GO mBEIDH NA SEIRBHÍSÍ SIN GAN BHRISEADH, TRÁTHÚIL, SLÁN NÁ SAOR Ó EARRÁIDÍ. NÍ THUGAIMID NÁ ÁR gCLEAMHNAITHE, ATHDHÍOLTÓIRÍ, DÁILEOIRÍ NÁ DÍOLTÓIRÍ AON RÁTHAÍOCHT NÁ COINNÍOLLACHA CONARTHA. TÁ NA BARÁNTAÍ ÉIGEANTACHA GO LÉIR AGAT A THUARTAR DE RÉIR DLÍ, ACH NÍ THUGAIMID AON BHARÁNTA EILE DUIT. EISIAIMID AON BHARÁNTAÍ ÉIGEANTACHA INTUIGTHE, LENA N-ÁIRÍTEAR RÁTHAÍOCHTAÍ INDÍOLTACHTA, OIRIÚNACHT D‘FHEIDHM SHONRACH, IARRACHT CHEARDÚIL, AGUS NEAMHSHÁRÚ SA MHÉID IS A CHEADAÍTEAR FAOIN DLÍ INFHEIDHME.

12. Teorainn ar dhliteanas.

• a. Ní bheidh Microsoft freagrach as do chuid Inneachair, ábhar, ná ábhar eile tríú páirtí, lena n-áirítear naisc le suíomhanna Gréasáin tríú páirtí, agus gníomhaíochtaí a chuireann úsáideoirí ar fáil. Níl a leithéid d‘inneachar ná gníomhaíochtaí inchurtha i leith Microsoft agus ní léiríonn siad tuairim Microsoft.
• b. Ní bheidh Microsoft faoi dhliteanas ach amháin má sáraíodh oibleagáidí ábhartha an Chomhaontaithe, nó mar a cheanglaítear ar shlí éigin eile faoin dlí infheidhme.
• c. Ní bheidh Microsoft ná a ghníomhairí ionadacha agus/nó a ionadaithe dlíthiúla faoi dhliteanas as aon damáiste indíreach, caillteanas airgeadais san áireamh, amhail caillteanas brabúis, ach amháin más rud é gur ghníomhaigh Microsoft, a ghníomhairí ionadacha agus/nó a ionadaí dlíthiúil le mórfhaillí nó mí-iompar toiliúil.
• d. Ní bheidh tionchar ag an teorannú dliteanais ar dhliteanas reachtúil gan locht Microsoft, lena n-áirítear dliteanas reachtúil maidir le sárú baránta. Is amhlaidh an cás maidir le dliteanas Microsoft, a ghníomhairí ionadacha agus/nó a ionadaithe dlíthiúla i gcás calaoise nó faillí a bhfuil díobháil phearsanta nó bás mar thoradh orthu.
• e. Níl Microsoft freagrach ná faoi dhliteanas má theipeann air a chuid oibleagáidí faoi na Téarmaí seo a chomhlíonadh nó má tá moill air é sin a dhéanamh, sa mhéid is a bhfuil an teip nó an mhoill de thoradh chúinsí nach bhfuil faoi smacht réasúnta Microsoft (amhail díospóidí oibre, foiche Dé, cogadh nó gníomhaíochtaí sceimhlitheoireachta, damáiste mailíseach, timpistí nó comhlíonadh aon dlí nó ordú rialtais). Féachfaidh Microsoft le héifeachtaí na n-imeachtaí sin a íoslaghdú agus na hoibleagáidí nach bhfuil buailte leis a chomhlíonadh.

13. Téarmaí a bhaineann le Seirbhísí sonracha. Tá na téarmaí roimh agus tar éis Chuid 13 i bhfeidhm ar gach Seirbhís. Sa rannán seo, tá téarmaí a bhaineann le Seirbhísí sonracha agus a thagann i dteannta leis na téarmaí ginearálta. Beidh feidhm ag na téarmaí a bhaineann le seirbhísí sonracha má tá aon choinbhleacht leis na téarmaí ginearálta.

• a. Xbox.
  • i. Úsáid Phearsanta Neamhthráchtála. Maidir le seirbhís ar líne Xbox, cluichí Xbox Game Studios (https://www.xbox.com/xbox-game-studios) (lena n-áirítear cluichí Mojang), feidhmchláir, síntiúis (m.sh. tairiscintí seirbhíse síntiúis Xbox Game Pass), seirbhísí (m.sh. Xbox Cloud Gaming), agus inneachar atá á sholáthar ag Microsoft ("Seirbhísí Xbox" i dteannta a chéile), is le haghaidh d’úsáid phearsanta neamhthráchtála amháin iad.
  • ii. Seirbhísí Xbox. Nuair a chláraíonn tú chun Seirbhísí Xbox a fháil, déanfar faisnéis faoi do sheinm cluichí, gníomhaíochtaí agus úsáid na gcluichí agus na Seirbhísí Xbox a rianú agus a chomhroinnt le tríú páirtithe infheidhme, lena n-áirítear forbróirí agus foilsitheoirí cluichí, ionas gur féidir le Microsoft na Seirbhísí Xbox a sheachadadh agus gur féidir le tríú páirtithe cluichí agus seirbhísí neamh-Microsoft a oibriú. Ina theannta sin, má fhaightear rochtain ar Sheirbhísí Xbox trí ardáin tríú páirtí, féadfaidh ardáin tríú páirtí den sórt sin faisnéis faoi d'imirt cluichí, gníomhaíochtaí agus úsáid cluichí agus Seirbhísí Xbox a rianú agus a chomhroinnt, faoi réir aon téarmaí tríú páirtí agus beartais phríobháideachta. Má roghnaíonn tú do chuntas Seirbhísí Xbox Microsoft a nascadh le do chuntas ar sheirbhís nach seirbhís Microsoft é nó síniú isteach i do Sheirbhísí Xbox chun dul chuid Seirbhís nach Seirbhís Microsoft é (mar shampla, foilsitheoir cluiche nach Microsoft é agus a chuireann Feidhmchláir agus Seirbhísí tríú páirtí ar fáil), aontaíonn tú leis an méid seo a leanas: Féadfaidh Microsoft sonraí teoranta cuntais agus maidir le húsáid (lena n-áirítear ach gan a bheith teoranta do chlib chluichire, scór cluichire, scór cluiche, stair cluichí, sonraí úsáide agus liosta cairde) a chomhroinnt leis an bpáirtí nach Microsoft é mar atá sainráite i Ráiteas Príobháideachais Microsoft, agus (b) má cheadaítear é faoi do shocruithe príobháideachta Xbox, féadfaidh an páirtí nach Microsoft é rochtain a fháil ar D'Inneachar ó chumarsáidí sa chluiche nó ó fheidhmchláir eile a úsáideann tú nuair a bhíonn tú sínithe isteach i do chuntas leis an bpáirtí nach Microsoft é. Ina theannta sin, má cheadaítear é i do shocruithe príobháideachais Xbox, féadfaidh Microsoft do chlib chluichire, pictiúr cluichire, manna, abhatár, gearrthóga cluiche agus cluichí a d‘imir tú trí ríomhphost le daoine atá ceadaithe agat a fhoilsiú.
  • iii. Do chuid Inneachair. Chun an pobal Sheirbhísí Xbox a chothú, tugann tú ceart saor agus domhanda do Microsoft, a chleamhnaithe agus a cheadúnaithe do chuid Inneachair nó d‘ainm, clib chluichire, pictiúr cluichire, mana nó an t-abhatár a phostáil tú ar Sheirbhísí Xbox a úsáid, a mhionathrú, a atáirgeadh, a dháileadh, a chraoladh, a chomhroinnt agus a thaispeáint ina iomláine nó go páirteach trí aon mheán nó próiseas ar aon ábhar nó meán.
  • iv. Bainisteoirí Cluiche. D‘fhéadfadh cluichí áirithe bainisteoirí, ambasadóirí nó óstaigh cluichí a úsáid. Ní urlabhraithe údaraithe Microsoft iad na bainisteoirí ná na hóstaigh cluiche. Ní gá go léiríonn a ndearcthaí dearcadh Microsoft.
  • v. Leanaí ar Xbox. Más mionaoiseach thú agus go bhfuil tú ag úsáid Seirbhísí Xbox, d‘fhéadfadh smacht a bheith ag do thuismitheoir nó caomhnóir ar ghnéithe éagsúla do chuntais ar ardán Xbox agus seans go bhfaighidh siad tuairiscí maidir leis an gcaoi ina n-úsáideann tú Seirbhísí Xbox. Le Xbox Services amháin a fhaightear na gnéithe seo agus is féidir nach n-aistreofar iad chuig ardáin eile.
  • vi. Airgeadra cluiche nó earraí fíorúla. D‘fhéadfadh airgeadra fíorúil cluiche (amhail ór, boinn nó pointí) a bheith mar chuid de Sheirbhísí Xbox agus is féidir a cheannach ó Microsoft nó thar a cheann le fíorionstraimí airgeadais más duine fásta thú de réir an dlí i do thír chónaithe. D‘fhéadfadh míreanna nó earraí fíorúla digiteacha a bheith mar chuid de Sheirbhísí Xbox agus is féidir a cheannach ó Microsoft nó thar a cheann le fíorionstraimí airgeadais nó le hairgeadra an chluiche. Ní féidir airgeadra cluiche ná earraí fíorúla a fhuascailt in aghaidh fíorionstraimí airgeadais, earraí ná aon nithe eile lena ngabhann luach airgeadais ó Microsoft ná aon tríú páirtí eile. Seachas ceadúnas teoranta, pearsanta, in-aisghairthe, neamh-inaistrithe, agus nach féidir a fhocheadúnú lena dtugtar cead duit airgeadra an chluiche agus earraí fíorúla a úsáid mar chuid de Sheirbhísí Xbox amháin, níl aon cheart ná teideal agat in ná i leith aon airgeadra cluiche ná earraí fíorúla dá leithéid atá bainteach le cluiche nó feidhmchlár amháin Xbox nó níos mó a thaispeántar nó a thagann ó Sheirbhísí Xbox, ná aon tréithe eile a bhaineann le húsáid Seirbhísí Xbox nó a stóráiltear i Seirbhísí Xbox. Féadfaidh Microsoft a thairiscintí a athrú maidir le hairgeadra cluichí nó earraí fíorúla ó am go chéile.
  • vii. Nuashonruithe ar bhogearraí. I gcás aon ghléis ar féidir leis nascadh le Seirbhísí Xbox, féadfaimid do leagan de bhogearraí chonsól Xbox nó de na bogearraí feidhmchláir Xbox a sheiceáil go huathoibríoch agus nuashonruithe bogearraí chonsól Xbox nó feidhmchlár Xbox a íoslódáil, lena n-áirítear iad siúd a chrosann ort Seirbhísí Xbox a rochtain, ag úsáid cluichí Xbox nó feidhmchláir Xbox, nó ag úsáid gléasanna neamhúdaraithe forimeallacha crua-earraí le consól Xbox.
  • viii. Bogearraí Séitéireachta agus Crioscaíola. I gcás aon ghléis ar féidir leis nascadh le Seirbhísí Xbox, féadfaimid do ghléas a sheiceáil i gcomhair crua-earraí nó bogearraí neamhúdaraithe a chumasaíonn séitéireacht nó crioscaíl lena sáraítear an Cód Iompair nó na Téarmaí seo, agus nuashonruithe nó athruithe ar chumraíocht bhogearraí feidhmchláir Xbox a íoslódáil, lena n-áirítear iad siúd lena gcuirtear cosc ort Seirbhísí Xbox a rochtain nó crua-earraí nó bogearraí lena gcumasaítear séitéireacht nó crioscaíl.
  • ix. Téarmaí agus Coinníollacha Breise Ceadúnais. Tá síntiúis Sheirbhísí Xbox faoi réir téarmaí agus coinníollacha breise atá leagtha amach i dTéarmaí & Coinníollacha Shíntiúis Xbox (https://www.xbox.com/legal/subscription-terms).
  • x. Síntiúis Neamhghníomhacha Sheirbhísí Xbox. Féadfaidh Microsoft do bhilleáil athfhillteach a chasadh as agus muirir athfhillteacha i dtíortha roghnaithe a stopadh mura n-úsáideann tú do shíntiús Sheirbhísí Xbox ar feadh tamaill. Soláthróidh Microsoft fógra duit sula gcastar billeáil athfhillteach as. Gheofar tuilleadh eolais, lena n-áirítear an tréimhse infheidhme neamhghníomhaíochta in CC faoin mBeartas Neamhghníomhaíochta (https://support.xbox.com/help/subscriptions-billing/manage-subscriptions/xbox-subscription-inactivity-policy).
  • xi. Comhaontuithe breise ceadúnais úsáideora deiridh agus cóid iompair. Féadfaidh Xbox Services a dtéarmaí úsáide agus a gcóid iompair féin a bheith acu.

• b. Siopa. Tagraíonn an téarma "Siopa" do Sheirbhís a ligeann duit feidhmchláir (áirítear ar an téarma "feidhmchlár" cluichí) agus inneachar eile a bhrabhsáil, a íoslódáil, a cheannach agus a rátáil agus a léirmheas. Clúdaíonn na téarmaí seo úsáid siopaí áirithe atá faoi úinéireacht Microsoft nó a chuideachtaí cleamhnaithe nó á n-oibriú acu (lena n-áirítear ach gan a bheith faoi theorainn ag an Office Store, Microsoft Store on Windows agus Microsoft Store on Xbox). Ciallaíonn "Office Store" siopa ina ndíoltar táirgí agus feidhmchláir Office le haghaidh Office, Microsoft 365, SharePoint, Exchange, Access agus Project (leaganacha 2013 nó níos déanaí) nó aon eispéireas eile atá brandáilte le Office Store. Ciallaíonn "Microsoft Store on Windows" siopa, atá faoi úinéireacht Microsoft nó a chuideachtaí cleamhnaithe nó á n-oibriú, le haghaidh gléasanna Windows ar nós fón, ríomhairí agus táibléid, nó aon eispéireas eile atá brandáilte le Microsoft Store agus le fáil ar ghléasanna Windows ar nós fón, ríomhaire nó táibléad. Ciallaíonn "Microsoft Store on Xbox" siopa atá faoi úinéireacht Microsoft nó a chuideachtaí cleamhnaithe nó á n-oibriú acu agus a chuirtear ar fáil ar chonsóil Xbox nó aon eispéireas eile atá brandáilte le Microsoft Store agus a chuirtear ar fáil ar chonsól Xbox.
  • i. Téarmaí ceadúnais. Aithneoimid foilsitheoir gach feidhmchláir atá ar fáil sa Siopa i gceist. Is comhaontú idir tusa agus foilsitheoir an fheidhmchláir iad na Téarmaí Ceadúnais Caighdeánacha Feidhmchláir (‘TCCF’) ag deireadh na dTéarmaí seo ina leagann foilsitheoir an fheidhmchláir amach na téarmaí ceadúnais a bhaineann le feidhmchlár a íoslódálann tú trí aon siopa atá faoi úinéireacht Microsoft nó a chuideachtaí cleamhnaithe nó atá á oibriú acu (ach amháin an Office Store). Ar mhaithe le soiléire, clúdaíonn na Téarmaí seo úsáid Sheirbhísí Microsoft agus seirbhísí a chuireann Seirbhísí Microsoft ar fáil. Tá feidhm ag Rannán 5 de na Téarmaí seo, leis, maidir le haon Fheidhmchláir agus Seirbhísí Tríú Páirtí a fuarthas trí Store. Ní rialaíonn an TCCF feidhmchláir a íoslódáiltear trí Shiopa Office agus beidh téarmaí eile ceadúnais i bhfeidhm ina leith.
  • ii. Nuashonruithe. Déanfaidh Microsoft seiceáil ar agus íoslódálfaidh siad nuashonruithe ar d‘fheidhmchlár go huathoibríoch, fiú mura bhfuil tú sínithe isteach sa Siopa i gceist. Is féidir leat do shocruithe Siopa nó córais a athrú más fearr leat gan nuashonruithe uathoibríocha a fháil ar fheidhmchláir Shiopa. D‘fhéadfadh forbróirí feidhmchlár feidhmchláir áirithe Shiopa Office a óstáiltear go hiomlán nó i bpáirt ar líne a nuashonrú uair ar bith, áfach, agus seans nach n-éileoidh siad do chead chun an nuashonrú a dhéanamh.
  • iii. Rátálacha agus Léirmheasanna. Má chuireann tú isteach rátáil nó léirmheas ar fheidhmchlár nó aon Earra Digiteach eile sa Siopa, d‘fhéadfaí go bhfaighidh tú ríomhphost ó Microsoft ina bhfuil inneachar ó fhoilsitheoir an fheidhmchláir nó an Earra Dhigitigh. Tagann a leithéid de ríomhphoist ó Microsoft; ní dhéanaimid do sheoladh ríomhphoist a chomhroinnt le foilsitheoirí feidhmchlár ná Earraí Digiteacha eile a fhaigheann tú tríd an Siopa.
  • iv. Rabhadh sábháilteachta. Chun gortú, míchompord agus tuirse shúl a sheachaint, ba cheart duit sosanna tréimhsiúla a ghlacadh ó úsáid cluichí nó feidhmchlár eile, go háirithe má mhothaíonn tú pian nó tuirse de bharr úsáide. Má bhraitheann tú míchompordach, tóg sos. San áireamh i míchompord bheadh mothú samhnais, tinneas gluaisne, meadhrán, mearbhall, tinneas cinn, tuirse, tuirse shúl nó súile tirime. Is féidir le húsáid feidhmchlár tú a chur ar seachrán agus do thimpeallacht a bhacadh ort. Seachain guaiseacha tuisle, staighre, síleálacha ísle, rudaí sobhriste nó mórluachmhara a d'fhéadfaí a dhamáistiú. D‘fhéadfadh céatadán an-bheag de dhaoine taomanna a bheith acu agus íomhánna áirithe á nochtadh dóibh amhail soilse gealánacha nó patrúin a d‘fhéadfaí a thaispeáint i bhfeidhmchláir. Fiú i gcás duine nach raibh taom acu go dtí seo, d‘fhéadfadh fadhb neamhdhiagnóisithe a bheith acu a d‘fhéadfadh a bheith ina cúis le taomanna. I measc na siomptóm, tá meadhrán, fís athraithe, preaba, sracadh nó creath na ngéag, mearbhall, suaitheadh intinne, titim gan aithne agus tritheamh. Stop den feidhmchlár a úsáid agus faigh comhairle ó dhochtúir má mhothaíonn tú aon cheann de na siomptóim sin, nó faigh comhairle ó dhochtúir sula n-úsáideann tú na feidhmchláir más rud é go raibh siomptóim agat roimhe sin a bhfuil baint acu le taomanna. Ba cheart do thuismitheoirí faire a dhéanamh ar a leanaí chun siomptóim a aithint.

• c. Gnéithe Theaghlach Microsoft. Féadfaidh tuismitheoirí agus leanaí gnéithe teaghlaigh Microsoft, lena n-áirítear Microsoft Family Safety, a úsáid chun muinín a chothú bunaithe ar chomhthuiscint ar cad iad cineálacha iompair, na láithreáin Ghréasáin, na feidhmchláir, na cluichí, na láithreáin fhisiceacha agus an caiteachas is ceart don teaghlach. Féadfaidh tuismitheoirí teaghlach a chruthú trí ghabháil chuig https://account.microsoft.com/family (nó trí na treoracha ar an ngléas Windows nó consól Xbox a leanúint) agus cuireadh a thabhairt do leanaí agus tuismitheoirí eile clárú. Tá a lán gnéithe atá ar fáil do bhaill teaghlaigh, mar sin, scrúdaigh an fhaisnéis a chuireann tú ar fáil nuair a aontaíonn tú teaghlach a chruthú nó clárú do theaghlach agus nuair a cheannaíonn tú Earraí Digiteacha ar a mbeidh rochtain ag an teaghlach. Ach teaghlach a chruthú nó clárú leis, aontaíonn tú go n-úsáidfidh tú an teaghlach de réir na críche beartaithe agus nach n-úsáidfidh tú é ar bhealach neamhúdaraithe chun rochtain a fháil ar fhaisnéis duine éigin eile go neamhdhleathach. Le Seirbhísí Microsoft amháin a fhaightear Gnéithe Theaghlach Microsoft agus ní féidir iad a aistriú go hardáin eile. Mar shampla, beidh feidhm ag socruithe Sábháilteachta Teaghlaigh a bhaineann le X-box amháin, ar chonsól Xbox nó trí Xbox ar ríomhaire nó gléas móibíleach ach is féidir nach mbeidh feidhm leo ar ardáin eile.

• d. Cur Teachtaireachtaí Grúpa. Ceadaíonn seirbhísí éagsúla de chuid Microsoft duit teachtaireachtaí a chur chuig daoine eile trí ("teachtaireachtaí") glóir nó SMS, agus/nó ceadaíonn do chleamhnaithe Microsoft nó cleamhnaithe faoi rialú Microsoft teachtaireachtaí dá sórt a chur chugatsa agus chuig úsáideoir amháin nó níos mó ar do shon. NUAIR A THREORAÍONN TÚ MICROSOFT AGUS CLEAMHNAITHE FAOI RIALÚ MICROSOFT CHUN TEACHTAIREACHTAÍ DÁ SÓRT A SHEOLADH CHUGATSA NÓ DO DHAOINE EILE, CUIREANN TÚ IN IÚL AGUS BARÁNTAÍONN TÚ LINN GO DTOILÍONN TUSA AGUS GACH DUINE A DTREORAÍONN TÚ MUID LE TEACHTAIREACHT A CHUR CHUIGE/CHUICI TEACHTAIREACHTAÍ DÁ SÓRT A FHÁIL AGUS AON TEACHTAIREACHTAÍ TÉACS RIARACHÁIN EILE Ó MICROSOFT AGUS Ó CHLEAMHNAITHE DE CHUID MICROSOFT. Is ionann "Teachtaireachtaí téacs riaracháin" agus teachtaireachtaí tréimhsiúla trasghníomhaíochta ó sheirbhís áirithe de chuid Microsoft, lena n-áirítear ach gan a bheith teoranta do "teachtaireachta fháilte" nó treoracha ar an tslí le stop a chur le teachtaireachtaí a fháil. Féadfaidh tusa nó baill den ghrúpa roghnú gan tuilleadh teachtaireachtaí a fháil ó Microsoft nó ó chleamhnaithe de chuid Microsoft, más é sin atá uait/uaibh, uair ar bith ach na treoracha thíos a leanúint. Más amhlaidh nach mian leat teachtaireachtaí den sórt sin a fháil níos mó ná bheith rannpháirteach sa ghrúpa, aontaíonn tú go díliostálfaidh tú de réir na dtreoracha a chuireann an ríomhchlár nó seirbhís infheidhme ar fáil. Má tá fianaise agat nach mian le ball den ghrúpa teachtaireachtaí dá sórt a fháil níos mó ná a bheith rannpháirteach sa ghrúpa, aontaíonn tú iad a bhaint den ghrúpa. Cuireann tú in iúl agus barántaíonn tú linn, leis, go dtuigeann tusa agus gach duine ar threoraigh tú muid le teachtaireachtaí a chur chucu go bhfuil gach ball grúpa freagrach as costais aon táillí teachtaireachta a mheasúnaíonn a (h)iompróir móibíleach, lena n-áirítear aon táillí idirnáisiúnta teachtaireachta a d'fhéadfadh a bheith infheidhme nuair a tharchuirtear teachtaireachtaí ó uimhreacha sna SA.

• e. Skype, Microsoft Teams agus GroupMe.
  • i. Seirbhísí Éigeandála. Tá difríochtaí tábhachtacha idir seirbhísí traidisiúnta móibíleacha nó líne seasta teileafóin agus Skype, Microsoft Teams, agus GroupMe. Tá oibleagáidí teoranta ar Microsoft faoi rialacha, rialacháin nó dlí áitiúil nó náisiúnta is infheidhme chun rochtain a thairiscint ar sheirbhísí éigeandála ar nós glaonna éigeandála 911 nó 112 (“Seirbhísí Éigeandála”) trí Skype, Microsoft Teams, and GroupMe.
  • ii. Ní fhéadfaidh ach leaganacha teoranta bogearraí den ghné Skype to Phone tacú le glaonna ar na Seirbhísí Éigeandála i líon an-teoranta tíortha, agus ag brath ar an ardán a úsáidtear. Tá sonraí maidir le hinfhaighteacht agus conas an ghné seo a chumrú ar fáil anseo: http://www.skype.com/en/legal/emergency-calling/. Má dhéantar an glao éigeandála Skype to Phone a nascadh, beidh ort sonraí do shuímh fhisicigh a thabhairt le go bhféadfaidh na seirbhísí éigeandála cabhrú leat. Ní ráthaíonn Microsoft go nascfar do ghlao éigeandála. Faigh tuilleadh eolais maidir le glaoch ar 112, an uimhir éigeandála tiomnaithe don AE ag www.skype.com/go/emergency.
  • iii. Athruithe ar tháirgí íoctha Skype. Má dhéanaimid athrú ar tháirgí íoctha Skype a chuireann as duit, cuirfimid fógra duit tríocha lá ar a laghad roimh theacht i bhfeidhm an athruithe sin agus cuirfimid ar an eolas thú maidir leis an gceart atá agat an táirge lena mbaineann a athrú sula dtagann an t-athrú i bhfeidhm. Mura gcuireann tú deireadh leis an síntiús sula dtagann na hathruithe i bhfeidhm, meastar go n-aontaíonn tú leo. Beidh an méid sin luaite go sainráite san fhógra a chuirimid chugat.
  • iv. APInna nó Craoladh. Más mian leat Skype a úsáid i dtaca le craoladh, ní mór duit na "Broadcast TOS" ag https://www.skype.com/go/legal.broadcast a chomhlíonadh. Más mian leat úsáid a bhaint as aon chomhéadan ríomhchláir feidhmchláir ("API") a nochtann nó a chuireann Microsoft ar fáil, ní mór duit na téarmaí ceadúnaithe infheidhme a chomhlíonadh, téarmaí atá ar fáil ag www.skype.com/go/legal.
  • v. Polasaithe úsáide córa. Is féidir go mbeidh polasaithe maidir le húsáid chothrom i bhfeidhm maidir leis an úsáid a bhaineann tú as bogearraí agus táirgí Skype. Athbhreithnigh na polasaithe sin a cheaptar chun cosaint a dhéanamh in aghaidh calaoise agus mí-úsáide agus a d’fhéadfadh teorainn a chur le cineál, fad agus méid na nglaonna nó teachtaireachtaí is féidir leat a dhéanamh. Tá na polasaithe sin ina gcuid de na Téarmaí tagartha seo. Is féidir teacht ar na polasaithe sin ag https://www.skype.com/go/terms.fairusage.
  • vi. Mapáil. Tá gnéithe áirithe i mbogearraí agus táirgí Skype trínar féidir leat eolas a chur isteach chuig seirbhís mapála, nó d'áit féin a aimsiú ar léarscáil leis an tseirbhís sin. Ach na gnéithe sin a úsáid, aontaíonn tú leis na Téarmaí seo agus le téarmaí Google Maps atá ar fáil ag https://www.google.com/intl/en_ALL/help/terms_maps.html.
  • vii. Úsáid Phearsanta/Neamhthráchtála. Tá bogearraí agus táirgí Skype ceaptha le haghaidh d'úsáid phearsanta agus neamhthráchtála. Ceadaítear duit Skype a úsáid ag an obair le haghaidh do chumarsáid ghnó féin.
  • viii. Uimhir Skype/Skype To Go. Má sholáthraíonn Microsoft Uimhir Skype nó uimhir Skype To Go duit, aontaíonn tú nach leatsa an uimhir, agus nach bhfuil an ceart agat an uimhir sin a choimeád go brách. I dtíortha áirithe, is féidir go gcuirfidh comhpháirtí de chuid Microsoft seachas Microsoft uimhir ar fáil duit, agus is féidir go mbeidh ort dul isteach i gcomhaontú ar leith le páirtí den sórt sin. Chun tuilleadh mionsonraí a fháil faoi Uimhir Skype féach https://go.skype.com/home.skype-number.
  • ix. Bainisteoir Skype. Is éard is "Cuntas riarthóra Skype Manager" ann cuntas Skype a chruthaigh tú agus a bhainistíonn tú, mar riarthóir aonair ar ghrúpa Skype Manager agus ní mar eintiteas gnó. Is féidir leat do chuntas aonair Microsoft a nascadh le grúpa Skype Manager ("Cuntas nasctha"). Féadfaidh tú riarthóirí breise a cheapadh le do Skype Manager, ar chuntar go nglacann siad leis na Téarmaí seo. Má shannann tú Uimhreacha Skype do Chuntas nasctha, beidh tú freagrach as riachtanais a bhaineann le cónaí nó suíomh úsáideoirí do Chuntais nasctha a chomhlíonadh. Má roghnaíonn tú Cuntas nasctha a dhínascadh ó ghrúpa Skype Manager, d’fhéadfaí síntiúis shannta nó Creidmheas Skype nó Uimhreacha Skype a bheith caillte agus seans nach mbeidh do chuid Inneachair nó ábhar a bhaineann leis an gcuntas dínasctha ar fáil duit a thuilleadh. Aontaíonn tú aon fhaisnéis phearsanta maidir le húsáideoirí do Chuntais nasctha a phróiseáil i gcomhréir le gach dlí cosanta sonraí is infheidhme.
  • x. Muirir agus Aisíocaíochtaí Skype. Is iad táille nasctha a ghearrtar uair amháin in aghaidh gach glao agus ráta in aghaidh an nóiméid mar a leagtar amach in www.skype.com/go/allrates iad na muirir a íoctar as glaonna teileafóin a dhéantar lasmuigh de shíntiús. Bainfear na muirir glaonna ón iarmhéid Chreidmheas Skype. D’fhéadfadh Microsoft athrú a dhéanamh ar na rátaí chun glao a chur ar theileafóin agus uimhreacha ardráta nach gclúdaítear faoi shíntiús. Más athruithe substaintiúla iad a fhágfaidh tú faoi mhíbhuntáiste (m.sh. má dhéanaimid na rátaí a mhéadú), cuirfimid fógra chugat trí ríomhphost nó bealach eile cuí tríocha (30) lá ar a laghad sula dtéann na hathruithe ar an ráta i bhfeidhm. Tar éis tríocha (30) lá, beidh na rátaí nua i bhfeidhm ar an gcéad ghlao eile. Tá na rátaí atá i bhfeidhm faoi láthair ar fáil ag www.skype.com/go/allrates. Mura nglacann tú leis na rátaí nua, ní ceart duit glao a dhéanamh. Déanfar nóiméid chodánacha glao agus muirir cent chodánaigh a shlánú suas go dtí an chéad lánaonad eile. Áirítear na cánacha is infheidhme, CBL san áireamh, i ngach táirge íoctha Skype, ach amháin má shonraítear a mhalairt. Ríomhtar CBL ar bhonn an tseolta billeála a sholáthraítear. Tarscaoileann tú go sainráite aon cheart chun aisíocaíocht CBL a fháil ó Microsoft más rud é go bhfuil an méid nach mór do Microsoft a íoc leis na húdaráis chánach níos ísle, ar chúis ar bith, ná an méid CBL a bailíodh uait. Níl táirgí íoctha Skype ar fáil do chustaiméirí i Sliabh Athos, na hOileáin Chanáracha, na Ranna Francacha thar lear, Oileáin Aland, Oileáin Mhuir nIocht, Oileán Heligoland, Críoch Büsingen/Buesingen, Ceuta, Melilla, Livigno, Campione d’Italia ná Uiscí Iodálacha Loch Lugano. Más rud é gur bhain tú úsáid as táirge íoctha Skype, tiocfaidh deireadh leis an ré aithrí agus ní fhéadfar an ceannachán a chealú ná a aisíoc. Meastar gur ‘seachadadh iomlán’ agus/nó ‘úsáid’ táirge íoctha Skype iad caitheamh Chreidmheas Skype, sannadh Uimhir Skype nó úsáid méideanna síntiúis. Aontaíonn tú go sainráite gur féidir Uimhreacha Skype a shannadh roimhe dheireadh na Tréimhse suaimhnithe agus go mbeidh siad neamh-inaisíoctha a luaithe is a shanntar iad. Lasmuigh den Tréimhse shuaimhnithe, ní bheidh ach síntiús nár úsáideadh nó neamhéagtha in-aisíoctha faoi réir na dTéarmaí seo. Níl bhaineann an ré aithrí ná aisíocaíochtaí le táirgí íoctha Skype (i) a cheannaítear trí tríú comhpháirtí, (ii) a n-íoctar astu le hairgead tirim le modhanna íocaíochta tríú páirtí (amhail tiachóg íocaíochta airgid thirim), (iii) nach gceannaítear go díreach ar líne ó Microsoft (e.g. dearbháin nó cártaí réamhíoctha) nó (iv) a dhéanann tríú páirtí a chur le do chuntas. D'ainneoin a bhfuil anseo roimhe seo, féadfaidh tú, faoin dlí is infheidhme, a bheith i dteideal aisíocaíochta, nuair a iarrtar, maidir le haon iarmhéid síntiúis réamhíoctha sa chás go n-athraíonn tú do Uimhir Skype go soláthraí eile.
  • xi. Creidmheas Skype. Ní ráthaíonn Microsoft go bhféadfaidh tú d‘iarmhéid Chreidmheas Skype a úsáid chun gach táirge íoctha Skype a cheannach. Mura n-úsáideann tú do Chreidmheas Skype ar feadh 180 lá, athróidh Microsoft stádas an Chreidmheas Skype go stádas neamhghníomhach. Is féidir leat Creidmheas Skype a athghníomhachtú ach an nasc athghníomhaíochta https://www.skype.com/go/store.reactivate.credit a leanúint. Is féidir leat an ghné uath-athluchtaithe a chumasú nuair a cheannaíonn tú Creidmheas Skype trí tic a chur sa bhosca cuí. Má chumasaítear é, déantar an t-iarmhéid Creidmheasa Skype a athluchtú leis an méid céanna trí do rogha modha íocaíochta gach uair a thiteann an t-iarmhéid Skype faoin tairseach a shocraíonn Skype ó am go chéile. Más rud é gur cheannaigh tú síntiús le modh íocaíochta nach cárta creidmheasa, PayPal nó Moneybookers (Skrill) é, agus go bhfuil uath-athluchtú cumasaithe agat, déanfar d‘iarmhéid Chreidmheas Skype a athluchtú leis an méid is gá chun do chéad shíntiús eile athfhillteach a cheannach. Is féidir leat uath-athluchtú a dhíchumasú aon uair is mian leat trí do chuid socruithe a rochtain agus a athrú i do thairseach cuntais in Skype.
  • xii. Táillí Idirnáisiúnta Teachtaireachta. Faoi láthair, úsáideann GroupMe uimhreacha sna SA maidir le grúpa a cruthaítear. Áireofar gach teachtaireacht téacs a sheoltar nó a fhaightear ó uimhir GroupMe mar theachtaireachta téacs idirnáisiúnta a seoladh chuig nó a fuarthas ó na Stáit Aontaithe. Ag brath ar do shuíomh, is féidir go mbeadh uimhir theileafóin in úsáid ag Microsoft Teams a d'áireofaí mar theachtaireacht téacs idirnáisiúnta. Iar na rátaí idirnáisiúnta gaolmhara ar do sholáthraí.

• f. Bing agus Microsoft Start (MSN san áireamh).
  • i. Ábhair Thosaigh Bing agus Microsoft Start. Is do d'úsáid neamhthráchtála, phearsanta amháin iad na hailt, téacs, grianghraif, mapaí, físeáin, seinnteoirí físeáin agus ábhar tríú páirtí atá ar fáil ar Bing agus Microsoft Start, lena n-áirítear trí bhotaí, feidhmchláir agus ríomhchláir Microsoft. Ní cheadaítear úsáidí eile amhail na hábhair sin a íoslódáil, a chóipeáil nó a athdháileadh, ná na hábhair sin a úsáid le do tháirgí féin a thógáil, ach amháin sa mhéid is a cheadaíonn Microsoft nó sealbhóirí ceart é go sainráite, nó mar a cheadaítear faoin dlí cóipchirt is infheidhme. Forchoimeádann Microsoft agus sealbhóirí ceart eile gach ceart i leith an ábhair nach ndeonaíonn Microsoft go sainráite faoi na téarmaí ceadúnais.
  • ii. Mapaí Bing. Ní cheadaítear duit íomhánna ón aer de na Stáit Aontaithe, Ceanada, Meicsiceo, an Nua Shéalainn, an Astráil ná an tSeapáin a úsáid chun críche rialtais mura bhfaigheann tú formheas scríofa ar leith uainn.
  • iii. Áiteanna Bing. Nuair a chuireann tú do Shonraí nó D'Inneachar ar fáil d'Áiteanna Bing, deonaíonn tú ceadúnas domhanda saor ó dhleacht do Microsoft chun do Shonraí agus D'Inneachar a úsáid, a atáirgeadh, a shábháil, a mhodhnú, a chomhiomlánú, a chur chun cinn, a tharchur, a thaispeáint agus a dháileadh (lena n-áirítear cearta maoine intleachtúla i do Shonraí agus i D'Inneachar), agus focheadúnaíonn tú aon cheann nó gach ceann de na cearta thuas do thríú páirtithe.

• g. Cortana.
  • i. Úsáid Phearsanta Neamhthráchtála. Is seirbhís chúntóra phearsanta Microsoft é Cortana. Is chun d'úsáid phearsanta neamhthráchtála amháin iad na gnéithe, seirbhísí agus inneachar a chuireann Cortana ar fáil (dá ngairtear "Seirbhísí Cortana" le chéile).
  • ii. Feidhmiúlacht agus Inneachar. Cuireann Cortana raon gnéithe ar fáil, agus tá cuid de na gnéithe sin pearsantaithe. Is féidir go gcuirfidh Seirbhísí Cortana ar do chumas seirbhísí, faisnéis nó feidhmiúlacht a rochtain arna sholáthar ag Seirbhísí eile Microsoft nó feidhmchláir agus seirbhísí tríú páirtí. Tá feidhm ag Téarmaí sainseirbhíse alt 13, leis, maidir leis an úsáid a bhaineann tú as Seirbhísí Microsoft infheidhme a osclaítear trí Sheirbhísí Cortana. Cuireann Cortana faisnéis ar fáil chun críche pleanála amháin agus ba cheart duit do bhreithiúnas neamhspleách féin a úsáid agus tú ag athbhreithniú nó ag dul i muinín ar an bhfaisnéis sin. Ní thugann Microsoft ráthaíocht i dtaobh chruinneas, chríochnúlacht, iontaofacht, infhaighteacht ná thráthúlacht eispéiris pearsantaithe a chuireann Cortana ar fáil. Ní bheidh Microsoft freagrach má chuireann gné Cortana moill nó bac ort cumarsáid nó fógra a fháil, a athbhreithniú nó a sheoladh nó seirbhís a fháil.
  • iii. Feidhmchláir agus seirbhísí tríú páirtí. Mar chuid de Sheirbhísí Cortana a chur ar fáil, féadfaidh Cortana feidhmchláir agus seirbhísí tríú páirtí a mholadh duit agus cabhrú leas idirghníomhú leo (scileanna nó seirbhísí nasctha tríú páirtí). Má roghnaíonn tú é, féadfaidh Seirbhísí Cortana eolas a chur ar fail le feidhmchláir agus seirbhísí tríú páirtí, ar nós do chód poist agus ceisteanna agus freagraí a thugann feidhmchláir agus seirbhísí tríú páirtí, chun cabhrú leat na seirbhísí iarrtha a fháil. Féadfaidh Cortana tú a chumasú chun ceannacháin a dhéanamh trí fheidhmchláir agus seirbhísí tríú páirtí leis na sainroghanna cuntais agus na socruithe atá bunaithe agat go díreach leis na feidhmchláir agus seirbhísí tríú páirtí sin. Is féidir leat do Sheirbhís Cortana a dhícheangal ó fheidhmchláir agus seirbhísí tríú páirtí uair ar bith. Tá an úsáid a bhaineann tú as Seirbhísí Cortana chun nascadh le feidhmchláir agus seirbhísí tríú páirtí faoi réir roinn 5 de na téarmaí seo. Féadfaidh foilsitheoirí feidhmchláir agus seirbhísí tríú páirtí feidhmiúlacht nó gnéithe dá bhfeidhmchláir agus seirbhísí tríú páirtí a athrú nó a scor nó a chomhtháthú le Seirbhísí Cortana. Ní bheidh Microsoft freagrach ná faoi dhliteanas as bogearraí nó dochtearraí a sholáthraíonn déantóir.
  • iv. Gléasanna atá cumasaithe ag Cortana. Is ionann gléasanna Cortana-chumasaithe agus táirgí nó gléasanna atá cumasaithe chun Seirbhísí Cortana, nó táirgí nó gléasanna atá comhoiriúnach le Seirbhísí Cortana, a rochtain. Áirítear le gléasanna atá cumasaithe le haghaidh Cortana gléasanna tríú páirtí nó táirgí nach le Microsoft iad, nach ndéanann Microsoft agus nach bhforbraíonn Microsoft. Ní bheidh Microsoft freagrach ná faoi dhliteanas as na gléasanna nó táirgí tríú páirtí sin.
  • v. Nuashonruithe ar Bhogearraí. Is féidir go ndéanfaimid seiceáil uathoibríoch ar do leagan de bhogearraí Sheirbhísí Cortana mar is gá chun na Seirbhísí a sholáthar, agus go n-íoslódálfaimid nuashonruithe bogearraí nó athrú ar chumraíocht, gan táille a ghearradh ort, nó go n-éileoimid ar mhonaróirí gléasanna Cortana-chumasaithe na bogearraí Sheirbhísí Cortana a choinneáil chun dáta.

• h. Microsoft 365 Apps and Services.
  • i. Téarmaí Úsáide. Is do d'úsáid phearsanta, neamhthráchtála amháin Microsoft 365 Family, Microsoft 365 Personal, Microsoft 365 Basic, Sway, OneNote.com agus aon fheidhmchlár Microsoft 365 eile nó seirbhís nó seirbhís faoi bhrandáil Office, mura bhfuil cearta úsáide tráchtála agat faoi chomhaontú ar leith le Microsoft. Tá úsáid feidhmchlár ar nós Word, Excel, PowerPoint, Outlook, OneDrive, Access, agus Publisher i Microsoft 365 Family, Microsoft 365 Personal, agus in aon fheidhmchlár nó seirbhís síntiúis Microsoft 365 eile á rialú ag téarmaí ceadúnais forlíontacha atá suite ag https://aka.ms/useterms mar aon leis na Téarmaí seo.
  • ii. Téarmaí Breise Outlook. Tá úsáid Mapaí Bing mar chuid de Outlook. Maidir le haon inneachar a chuirtear ar fáil trí Mapaí Bing, geochóid san áireamh, ní féidir é a úsáid ach amháin taobh istigh den táirge trína gcuirtear an t-inneachar ar fáil. Tá an úsáid a bhaineann tú as Mapaí Bing á rialú ag Téarmaí Úsáide Úsáideora Deiridh Mapaí Bing atá ar fáil ag go.microsoft.com/?linkid=9710837 agus ag Ráiteas Príobháideachais Microsoft atá ar fáil ag go.microsoft.com/fwlink/?LinkID=248686.

• i. Botaí Sláinte. Ní gléasanna míochaine iad botaí sláinte ar féidir pleananna gníomhaíochta, faisnéis, meabhrúcháin agus gnéithe eile a bheith san áireamh iontu, agus níor ceapadh iad ach chun críoch folláine mar chuid de chlár a eisíonn soláthraí cúraim. Níor dearadh iad agus níl siad ceaptha mar mhalairt rogha ar chomhairle liachta ghairmiúil ná chun úsáid chun galar nó riocht eile a dhiagnóisiú, a leigheas, a mhaolú, a chosc ná a leigheas. Glacann tú gach cúram ort féin as botaí sláinte a úsáid. Ní bheidh Microsoft freagrach as aon chinneadh a dhéanann tú bunaithe ar fhaisnéis a fhaigheann tú ó bhotaí sláinte. Ba cheart duit comhairle dochtúra a fháil i gcónaí sula n-úsáideann tú botaí sláinte má tá aon cheisteanna atá agat maidir le riocht sláinte, aiste bia, corpacmhainne nó clár folláine. Ná déan neamhaird riamh de chomhairle leighis ghairmiúil agus ná fan le comhairle leighis ghairmiúil a lorg mar gheall ar fhaisnéis a fuair tú ar nó trí na Seirbhísí. Mar is fíor i gcás teicneolaíocht ar bith, is féidir nach n-oibreoidh botaí sláinte ar chúiseanna éagsúla lena n-áirítear má chailltear cumhacht nó nascacht.

• j. Earraí digiteacha. Trí Microsoft Groove, Scannáin agus cláir theilifíse Microsoft, Siopa, Seirbhísí Xbox nó aon seirbhísí eile gaolmhara nó todhchaí, féadfaidh Microsoft tú a chumasú chun ceol, íomhánna, físeáin, téacs, leabhair, cluichí nó ábhar eile ("Earraí digiteacha") a d'fhéadfá a fháil i bhfoirm dhigiteach, a fháil, a éisteacht, a fheiceáil, a sheinm nó a léamh (de réir mar a bheadh). Is le haghaidh d'úsáid phearsanta, neamhthráchtála, siamsaíochta amháin na hEarraí digiteacha. Aontaíonn tú gan aon chóipeanna de na hEarraí digiteacha a athdháileadh, a chraoladh, a sheinm nó a thaispeáint go poiblí, ná a aistriú. Féadfaidh Earraí digiteacha a bheith faoi úinéireachta Microsoft nó tríú páirtithe. I ngach cás, tuigeann tú agus admhaíonn tú go bhfuil do chearta maidir le hEarraí digiteacha faoi theorainn ag na Téarmaí seo, dlí cóipchirt agus rialacha úsáide atá suite ag https://go.microsoft.com/fwlink/p/?LinkId=723143. Aontaíonn tú nach ndéanfaidh tú iarracht na hEarraí digiteacha a fuarthas trí aon cheann de na Seirbhísí a mhionathrú ar chúis ar bith, lena n-áirítear chun úinéireacht nó foinse na nEarraí digiteacha a cheilt nó a athrú. Ó am go chéile, féadfaidh Microsoft agus/nó úinéirí na nEarraí digiteacha, na hEarraí digiteacha a bhaint ó na Seirbhísí gan fógra a thabhairt.

• k. Microsoft Storage.
  • i. Leithdháileadh Stórais OneDrive. Má tá níos mó inneachair stóráilte agat i do OneDrive ná mar a chuirtear ar fáil duit faoi théarmaí do sheirbhís síntiúis in aisce nó íoctha le haghaidh stóráil Microsoft agus ní fhreagraíonn tú fógra ó Microsoft chun do chuntas a dheisiú trí ró-inneachar a bhaint nó bogadh chuig plean nua síntiúis ina bhfuil tuilleadh stórála laistigh de 30 lá tar éis fógra a sholáthar duit (nó aon tréimhse níos faide a shonraítear san fhógra), forchoimeádaimid an ceart chun do chuntas a dhúnadh agus rochtain ar D’Inneachar ar OneDrive a scriosadh nó a dhíchumasú. Léigh tuilleadh faoi chuótaí stórála anseo (https://prod.support.services.microsoft.com/office/how-does-microsoft-storage-work-2a261b34-421c-4a47-9901-74ef5bd0c426).
  • ii. Feidhmíocht Seirbhíse OneDrive. Ag brath ar thosca amhail do threalamh, nasc idirlín agus iarrachtaí Microsoft chun feidhmíocht agus iomláine a sheirbhísí a choimeád, féadfar moill a chur ort uaireanta agus tú ag uaslódáil nó ag sioncronú inneachar ar OneDrive.
  • iii. Fógra Éagtha OneDrive. Tabharfaimid fógra míosa ar a laghad duit sula ndúntar do chuntas OneDrive as éighníomhaíocht faoi alt 4.a.ii. Má síntiúsóir íoctha thú, ní dhúnfaimid do chuntas as éighníomhaíocht le linn thréimhse ar bith mar a d'íoc tú as d'úsáid OneDrive.
  • iv. Athruithe ar Sheirbhísí. Cuirfimid in iúl duit 30 lá ar a laghad roimh ré má tharlaíonn aon athrú ar sheirbhísí stórála Microsoft saor in aisce nó íoctha go gcaillfidh tú rochtain ar D’Inneachar ar OneDrive.
  • v. Síntiúis Íoctha. Má laghdaímid do theorainneacha stórála Microsoft nó má chealaímid an tseirbhís OneDrive, is féidir leat do shíntiús íoctha a chealú agus cuirfimid aisíocaíocht pro-ráta ar fáil duit le haghaidh síntiús den sórt sin. Tabharfaimid fógra 30 lá ar a laghad duit maidir le haon athrú dá shórt agus ní mór duit cealú le linn na tréimhse a bheidh leagtha amach san fhógra.
  • vi. Leithdháileadh Stórála Outlook.com. Má sháraíonn tú do chuóta stórála bosca poist Outlook.com nó do chuóta stórála Microsoft a chuirtear ar fáil duit faoi shíntiús saor in aisce nó íoctha, ní bheidh tú in ann teachtaireachtaí a sheoladh ná a fháil go dtí go mbainfidh tú an barrachas inneachair nó go mbogfaidh tú chuig síntiús nua a bhfuil dóthain stórais ann. Má theipeann ort ábhar barrachais a bhaint nó dóthain stórála breise a fháil tar éis fógra a fháil ó Microsoft, coimeádaimid an ceart chun rochtain ar D'Inneachar a scriosadh nó a dhíchumasú. Léigh tuilleadh faoi chuótaí stórála anseo (https://prod.support.services.microsoft.com/office/how-does-microsoft-storage-work-2a261b34-421c-4a47-9901-74ef5bd0c426).

• l. Microsoft Cashback. Ceadaíonn clár Microsoft Cashback (“Cashback”) do chustaiméirí Microsoft duaiseanna airgid ar ais a thuilleamh agus iad ag siopadóireacht le miondíoltóirí rannpháirteacha ag baint úsáid as táirgí agus seirbhísí áirithe de chuid Microsoft amhail Bing.com agus Microsoft Edge. Trí chlárú in Cashback nó tairiscint Cashback a ghníomhachtú, glacann tú agus aontaíonn tú le Téarmaí & Coinníollacha Cashback (http://approjects.co.za/?big=bing/rebates-terms). Tá feidhm ag critéir áirithe incháilitheachta, srianta, agus teorainneacha eile maidir le do rannpháirtíocht in Cashback; gheofar tuilleadh eolais ar Cashback FAQ (https://www.bing.com/rebates/faq).

• m. Microsoft Rewards.
  • i. Eolas Ginearálta. Tá cead isteach saor in aisce in Microsoft Rewards ("Clár Rewards") agus cuireann sé ar do chumas pointí ("Pointí") a thuilleamh as gníomhaíochtaí áirithe agus as Microsoft áirithe táirgí agus seirbhísí a úsáid go pearsanta. Má tá Microsoft account agat agus tú lonnaithe i Réigiún rannpháirteach (sainithe thíos), cláraíodh tú go huathoibríoch sa Chlár Rewards agus is féidir leat tosú ag tuilleamh Pointí láithreach. Is féidir leat do rannpháirtíocht sa Chlár Rewards a chealú uair ar bith ach na treoracha thíos a leanúint.
  • ii. Is féidir leat do Phointí a fhuascailt ar bhealaí éagsúla ("Roghanna Fuascailte"), lena n-áirítear le haghaidh táirgí agus seirbhísí áirithe ar an Leathanach Fuascailte ag https://aka.ms/redeemrewards ("Rewards"). Le cáiliú chun do Phointí a fhuascailt le haghaidh aon Rogha Fuascailte, ní mór duit ar dtús do chuntas Chlár Rewards ("Cuntas Rewards") ar Phainéal Rewards ag https://rewards.microsoft.com/ nó ar láithreáin agus leathanaigh Microsoft áirithe eile. Ní chosnaíonn sé faic do Chuntas Rewards do ghníomhachtú.
  • iii. Tá srianta agus teorainneacha áirithe i bhfeidhm ó thaobh Pointí sa Chlár Rewards a thuilleamh, a fhuascailt agus a úsáid ar shlite eile. Gheofar tuilleadh faisnéise sa rannán Rewards ag https://support.microsoft.com ("FAQ").
  • iv. Riachtanais. Teastaíonn Microsoft account bailí uait agus ní mór duit cónaí i gceann de na ceantair gheografacha atá liostaithe sna Ceisteanna Coitianta ("Regions") chun do Chuntas Rewards a ghníomhachtú agus chun Pointí a thuilleamh, a fhuascailt nó a úsáid ar bhealach eile. Ní fhéadfaidh tú ach Cuntas Rewards amháin a oscailt agus a úsáid, fiú má tá seoltaí ríomhphoist iolracha agat. Sé Chuntas Rewards ar a mhéad a cheadaítear do gach líon tí. Do d'úsáid phearsanta agus neamhthráchtála amháin an Clár Rewards. Má úsáidtear líonra príobháideach fíorúil (VPN) nó teicneolaíocht nó seirbhís eile is féidir a úsáid chun do shuíomh geografach a cheilt nó a cheilt, d’fhéadfaí do Chuntas Rewards a chealú agus do Phointí cnuasaithe a fhorghéilleadh.
  • v. Pointí a Thuilleamh. Seans go dtabharfar deiseanna duit Pointí a thuilleamh as gníomhaíochtaí cáilitheacha áirithe (“Tairiscintí”), mar Chuardaigh, Éadálacha, úsáid táirgí agus seirbhísí áirithe de chuid Microsoft, agus deiseanna eile ó Microsoft. Ní mór Cuntas Rewards gníomhach a bheith agat chun leas a bhaint as Tairiscintí dá leithéid. Tar éis duit ceanglais maidir le Tairiscintí áirithe a chomhlánú, d’fhéadfadh go n-iarrfar ort na Pointí ar an bPainéal Rewards a éileamh sula ndéantar na Pointí a thuilleamh agus a chur le do Chuntas Rewards. Mura n-éilítear na Pointí laistigh den tréimhse ama atá sonraithe ag Microsoft, d'fhéadfaí na Pointí a fhorghéilleadh. Féadfaidh Tairiscintí Incháilithe a bheith éagsúil de réir Réigiúin agus b’fhéidir nach mbeidh siad ar fáil ach ar feadh tréimhse áirithe nó faoi réir srianta eile. Ní mór duit téarmaí agus coinníollacha uile Tairisceana ar leith a chomhlíonadh chun na Pointí a bronnadh leis an Tairiscint sin a thuilleamh. Is féidir Tairiscintí a thabhairt duit go díreach ar an bPainéal Rewards nó nuair a úsáideann tú táirgí agus seirbhísí áirithe Microsoft. Ó am go chéile, féadfaidh Microsoft Pointí breise a thairiscint nó a bhronnadh ort dá rogha féin amháin agus le fógra roimh ré nó gan é, lena n-áirítear do Chuardaigh agus idirghníomhaíochtaí eile le seirbhísí Microsoft a chinneann Microsoft a bheith de mheon macánta.
  • vi. Chun críocha an Chláir Rewards, is éard is “Cuardach” ann an gníomh a dhéantar nuair a iontrálann úsáideoir aonair téacs de láimh chun críche meon macánta torthaí cuardaigh Bing a fháil chun críocha taighde an úsáideora féin; ní fholaíonn “Cuardach” ceisteanna nach bhfuil beartaithe nó nach n-úsáidtear chun críocha taighde pearsanta de mheon macánta nó ceist a iontrálann bota, macra, nó ar mhodh uathoibrithe nó calaoiseach eile de chineál ar bith. Chun críocha Chlár Rewards, is ionann “Fáil” agus an próiseas trína gceannaítear earraí nó trína ndéantar ceadúnas d'inneachar digiteach a íoslódáil agus a fháil go díreach ó Microsoft, cibé saor in aisce nó íoctha. Ní thairgtear pointí do gach Éadáil ó Microsoft, agus d’fhéadfadh srianta áirithe a bheith i bhfeidhm.
  • vii. Srianta & Teorainneacha ar Phointí. Bronnann Microsoft pointí ar Chuntais Rewards aonair agus ní féidir iad a aistriú chuig aon duine nó aonán eile. D’ainneoin an méid thuas, féadfaidh Microsoft ó am go ham dá rogha féin amháin cead a thabhairt duit (i) do chuid Pointí a roinnt laistigh de do theaghlach (d’fhéadfadh teorainneacha a bheith i gceist), (ii) do chuid Pointí a thabhairt chun tacú le heagraíocht neamhbhrabúis atá liostaithe ar an Leathanach Fuascailte, nó (iii) ag brath ar do Réigiún agus faoi réir téarmaí agus coinníollacha eile, do chuid Pointí go léir nó cuid díobh a fhuascailt le haghaidh pointí i gcláir luaíochtaí nó dílseachta áirithe eile, lena n-áirítear cláir arna n-oibriú ag Microsoft nó tríú páirtithe údaraithe. Is maoin de chuid Microsoft iad pointí anois agus i gcónaí agus ní hionann iad agus do mhaoin phearsanta; níl aon luach airgid acu, agus ní fhéadfaidh tú aon airgead tirim nó airgead a fháil mar mhalairt orthu. Ar bhonn tionscnaimh amháin a bhronntar Pointí ort. Ní ceadmhach duit Pointí a cheannach. Féadfaidh Microsoft teorainn a chur leis an gcainníocht Pointí nó Rewards is féidir a thuilleamh nó a fhuascailt in aghaidh an duine, in aghaidh an teaghlaigh nó thar thréimhse socraithe (m.sh. lá) ar choinníoll nach bhfuil tú faoi mhíbhuntáiste mar shárú de mheon macánta; féach na Ceisteanna Coitianta le haghaidh teorainneacha is infheidhme faoi láthair. Mura sonraítear a mhalairt go sainráite i Rogha Tairisceana nó Fuascailte, níl Pointí a thuilltear sa Chlár bailí in aon chlár eile a thairgeann Microsoft nó tríú páirtithe, agus ní féidir iad a úsáid i dteannta a chéile. Téann Pointí Neamhfhuascailte a bhaineann le do Chuntas Rewards in éag mura dtuilleann tú nó mura bhfuasclaíonn tú Pointí ar bith i do Chuntas Rewards ar feadh 18 mí as a chéile.
  • viii. Fuascailtí Cuirfear Roghanna Fuascailte ar fáil duit ar an Leathanach Fuascailte agus ar shuíomhanna agus leathanaigh áirithe eile de chuid Microsoft. Ní mór duit na Pointí go léir a theastaíonn le haghaidh Rogha Fuascailte a thuilleamh agus a bheith ar fáil i do Chuntas Rewards sular féidir leat do chuid Pointí a fhuascailt don Rogha Fuascailte sin. Is féidir nach mbeidh ach líon teoranta de Reward ar leith ar fáil, agus cuirfear na Rewards sin ar fáil ar bhonn tús freastail ar an gceann is túisce. D’fhéadfadh go n-iarrfaí ort faisnéis bhreise a sholáthar, ar nós do sheoladh poist agus uimhir theileafóin (seachas uimhir VOIP nó uimhir saor ó dhola), agus b’fhéidir go n-iarrfar ort cód um chosc na calaoise a chur isteach nó doiciméid dlí breise a shíniú chun Pointí a fhuascailt le haghaidh Roghanna Fuascailte áirithe. Nuair a bheidh do Phointí fuascailte agat, ní féidir leat an Rogha Fuascailte le haghaidh aisíocaíocht Pointí a chealú ná a thabhairt ar ais ach amháin i gcás táirgí lochtacha nó mar a cheanglaítear é faoin dlí is infheidhme. Má roghnaíonn tú Rogha Fuascailte atá as stoc nó nach bhfuil ar fáil ar chúiseanna eile, féadfaimid Rogha Fuascailte de luach inchomparáide a ionadú nó do phointí a aisíoc dár lánrogha féin amháin.
  • ix. Féadfaidh Microsoft Roghanna Fuascailte sonracha a nuashonrú nó scor de bheith ag tairiscint Roghanna Fuascailte sonracha am ar bith ar chúis ar bith. D’fhéadfadh ceanglais incháilitheachta aoise nó Réigiúin a bheith ag roinnt Roghanna Fuascailte, nó téarmaí nó coinníollacha eile maidir lena bhfuascailt nó lena n-úsáid. Áireofar aon cheanglais nó coinníollacha den sórt sin sa tairiscint fuascailte ábhartha. Tá tú freagrach as gach cánacha agus as aon chostais eile a bhaineann leis an Rogha Fuascailte a ghlacadh agus a úsáid. Seolfar Rewards i ríomhphost chuig an seoladh ríomhphoist a ghabhann le do Microsoft account, mar sin bíodh do sheoladh ríomhphoist cothrom le dáta. Ní atheiseofar Rewards nach mbaineann ceann scríbe amach, mar sin caillfear iad. Ní ceadmhach Rewards a athdhíol. Ní fhéadfaidh tú níos mó ná 550,000 pointe a fhuascailt in aghaidh na bliana féilire sa Chlár Rewards.
  • x. Do Chuntas Rewards a Chealú. Mura mian leat páirt a ghlacadh sa Chlár Rewards a thuilleadh, lean na treoracha ar an leathanach díroghnaithe (https://account.microsoft.com/rewards/optout?confirm=false) chun do Chuntas Rewards a chealú. Má chuireann tú do Chuntas Rewards ar ceal, forghéillfidh tú do chuid Pointí tuillte go léir láithreach agus caillfidh tú do chumas Pointí nua a thuilleamh amach anseo. Chun tús a chur le Pointí a thuilleamh arís, ní mór duit Cuntas Rewards nua a oscailt (ach ní dhéanfaidh Microsoft Pointí ar bith a forghéilleadh roimhe seo a chur ar ais). Seans go gcuirfear do Chuntas Rewards ar ceal (agus do Phointí a fhorghéilleadh) mura logálann tú isteach ar do Microsoft account ar feadh 18 mí as a chéile.
  • xi. Athruithe nó Scor an Chláir. Coimeádann Microsoft an ceart an Clár Rewards nó aon chuid de a athrú, a mhodhnú, a scor nó a chur ar ceal ag am ar bith, dá rogha féin amháin, agus gan fógra a thabhairt roimh ré. Mar sin féin, má chuirtear an Clár Rewards ar ceal nó má scoirtear de, déanfaimid iarrachtaí réasúnta fógra a thabhairt duit trí ríomhphost agus ar an bPainéal Rewards agus 90 lá ar a laghad a sholáthar duit chun do Phointí cnuasaithe a fhuascailt, ach amháin má chinnimid go gcaithfidh an cealú sin teacht i bhfeidhm láithreach ar chúiseanna dlí nó slándála.
  • xii. Téarmaí Eile. Coimeádann Microsoft an ceart chun do Chuntas Rewards a chealú láithreach, tú a dhícháiliú ó rannpháirtíocht sa Chlár Rewards amach anseo, do Phointí tuillte go léir a fhorghéilleadh, agus aon Rogha Fuascailte atá faighte agat tríd an gClár Rewards a chealú nó a chur ar fionraí má chreideann Microsoft gur chuir tú isteach ar ghné ar bith den Chlár Rewards, mí-úsáid a bhaint as nó calaois a dhéanamh ar aon ghné den Chlár Rewards nó na téarmaí seo a shárú. Coimeádann Microsoft an ceart freisin chun aon Rogha Fuascailte a fuair tú nó a rinne tú iarracht a fháil tríd an gClár Rewards a chealú nó a chur ar fionraí má chinneann Microsoft nach bhfuil tú incháilithe an Rogha Fuascailte sin a fháil ar chúiseanna dlíthiúla (amhail dlíthe easpórtála). Cé go ndéanann Microsoft gach iarracht cruinneas a chinntiú, tarlaíonn earráidí ó am go chéile. Mar sin coimeádann Microsoft an ceart chun earráidí den sórt sin a cheartú am ar bith, fiú má chuireann sé isteach ar na Tairiscintí reatha nó ar do Phointí nó Luaíochtaí atá ar feitheamh, tuillte nó fuascailte. I gcás aon neamhréireachta nó neamhréire idir téarmaí an Chláir Rewards seo nó ráitis eile atá in aon ábhar nó fógraíocht ghaolmhar, is iad na téarmaí seo a bheidh i réim agus a rialóidh.

• n. Azure. Beidh an úsáid a bhaineann tú as seirbhís Azure faoi rialú ag téarmaí agus coinníollacha an chomhaontaithe faoina bhfuair tú na seirbhísí, mar a mhionsonraítear ar leathanach eolais dlí Microsoft Azure ag https://aka.ms/AA7z67v.

• o. Microsoft Soundscape. Admhaíonn tú nach bhfuil Microsoft Soundscape (1) deartha, ceaptha ná curtha ar fáil mar fheiste leighis, agus (2) nach bhfuil sé deartha ná ceaptha le bheith mar ionadach ar chomhairle ghairmiúil leighis, diagnóis, cóireáil nó breithiúnas agus nár cheart é a a úsáidtear chun comhairle ghairmiúil leighis, diagnóis, cóireáil nó breithiúnas a chur in ionad nó mar ionadach uirthi.

• p. Power Platform. Beidh an úsáid a bhaineann tú as seirbhís Power Platform faoi rialú ag téarmaí agus coinníollacha an chomhaontaithe ar leithligh faoina bhfuair tú na seirbhísí, mar a mhionsonraítear ar leathanach eolais dlí Power Platform ag Microsoft Power Platform (https://powerplatform.microsoft.com/en-us/business-applications/legal/).

• q. Dynamics 365. Bíonn an úsáid a bhaineann tú as Dynamics 365 faoi rialú théarmaí agus coinníollacha chomhaontaithe ar leith faoina bhfuair tú na seirbhísí, mar a shonraí ar leathanach Faisnéise Dlí Dynamics 365 ag Microsoft Dynamics 365 (https://dynamics.microsoft.com/business-applications/legal/).

• r. Eispéiris Copilot AI. Tá an úsáid a bhaineann tú as Eispéiris Copilot AI (seachas Copilot le cosaint sonraí tráchtála) á rialú ag na téarmaí agus na coinníollacha forlíontacha faoina bhfuair tú na seirbhísí sin mar atá sonraithe ag Copilot - Téarmaí Úsáide (bing.com) (https://www.bing.com/new/termsofuse#content-policy) mar aon leis na Téarmaí seo. Más úsáideoir Copilot de chuid Microsoft le cosaint sonraí tráchtála thú, téigh chuig an leathanach seo chun na téarmaí úsáide a bhaineann leat, mar aon leis na Téarmaí seo, a athbhreithniú: https://aka.ms/BCETermsOfUse.

• s. Seirbhísí AI. Is éard is “seirbhísí AI” ann seirbhísí atá lipéadaithe nó tuairiscithe ag Microsoft mar sheirbhísí ina bhfuil, a n-úsáideann, a chumhachtaítear nó atá i gceist i gcóras Intleachta Saorga (”AI”).
  • i. AI Cúntach. Níor dearadh seirbhísí AI, níor ceapadh iad ná níl siad le húsáid in áit comhairle ghairmiúil.
  • ii. Ais-innealtóireacht. Ní fhéadfaidh tú na seirbhísí AI a úsáid chun aon chomhpháirteanna bunúsacha de na samhlacha, na halgartaim agus na córais a fháil amach. Mar shampla, ní fhéadfaidh tú iarracht a dhéanamh meáchain samhlacha a chinneadh agus a bhaint nó aon chodanna de na seirbhísí AI a bhaint as do ghléas.
  • iii. Sonraí a Asbhaint. Mura gceadaítear sin go sainráite, ní ceadmhach duit úsáid a bhaint as scríobadh gréasáin, saothrú gréasáin, nó modhanna asbhainte sonraí gréasáin chun sonraí a asbhaint as na seirbhísí AI.
  • iv. Teorainneacha ar úsáid sonraí ó na Seirbhísí AI. Ní ceadmhach duit na seirbhísí AI, ná sonraí ó na seirbhísí AI, a úsáid chun aon seirbhís AI eile a chruthú, a oiliúint nó a fheabhsú (go díreach nó go hindíreach).
  • v. D'Inneachar a Úsáid. Mar chuid de sholáthar na seirbhísí AI, próiseálfaidh agus stórálfaidh Microsoft d’ionchuir isteach sa tseirbhís chomh maith le haschur ón tseirbhís, chun críocha monatóireachta agus cosc ​​a chur ar úsáidí nó aschuir mhí-úsáideacha nó díobhálacha den tseirbhís.
  • vi. Úinéireacht Inneachair. Ní mhaíonn Microsoft úinéireacht ar aon inneachar a sholáthraíonn tú, a phostálann tú, a ionchuireann tú, nó a chuireann tú isteach chuig, nó a fhaigheann tú ó, na seirbhísí AI (lena n-áirítear aiseolas agus moltaí). Beidh ort do chinneadh féin a dhéanamh maidir leis na cearta maoine intleachtúla atá agat maidir le hinneachar aschuir agus a inúsáidteacht, ag cur san áireamh, i measc rudaí eile, do chás(s) úsáide agus dlíthe na dlínse ábhartha. Barántaíonn tú agus léiríonn tú gur leatsa nó go rialaíonn tú ar bhealach eile na cearta ar fad ar d’inneachar mar a thuairiscítear sna Téarmaí seo lena n-áirítear, gan teorainn, na cearta go léir is gá chun an t-inneachar a sholáthar, a phostáil, a uaslódáil, a ionchur nó a sheoladh isteach.
  • vii. Faisnéis aitheantais inneachair. Nuair a úsáideann tú AI chun inneachar áirithe a ghiniúint lenár seirbhísí AI, stórálann Microsoft faisnéis faoina chruthú agus déanann sé an fhaisnéis seo agus an t-inneachar a chomhcheangal le hinneachar faisnéis aitheantais. Ní fhéadfaidh tú inneachar a chruthú chun faisnéis aitheantais inneachair nó modhanna, marcanna, nó comharthaí bunáitíochta eile lena léirítear gur seirbhísí AI a ghin a bhaint ná na seirbhísí AI a úsáid ar bhealach eile chun inneachar a chruthú ar mhaithe le daoine eile a chur amú faoi cibé an seirbhísí AI a ghin an t-aschur.
  • viii. Maímh thríú páirtí. Is tusa amháin atá freagrach as freagra a thabhairt ar aon éilimh tríú páirtí maidir leis an úsáid a bhaineann tú as na seirbhísí AI i gcomhréir leis na dlíthe is infheidhme (lena n-áirítear, ach gan a bheith teoranta do, sárú cóipchirt nó éilimh eile a bhaineann le haschur ábhair le linn na húsáide a bhaineann tú as na seirbhísí AI).

• t. An Ionstraim Eorpach um Inrochtaineacht / Treoir (AE) 2019/882. Tá seirbhísí atá faoi réir na hIonstraime deartha chun cloí le caighdeán inrochtaineachta ETSI EN 301 549. Chlúdaigh tástálacha Microsoft Seirbhísí chun comhlíonadh an chaighdeáin a mheasúnú. Gheofar cur síos ar Sheirbhísí aonair agus ar an tslí le hiad a úsáid ar an suíomh gréasáin don tSeirbhís nó laistigh den tSeirbhís féin.

14. Ilchineálach. Tiocfaidh an rannán seo, agus rannáin 1, 9 (i gcás méideanna a tabhaíodh roimh dheireadh na dTéarmaí seo), 10, 11, 12, 16 agus iad siúd a bhfágann a dtéarmaí go gcuirfear i bhfeidhm é tar éis na críche, slán ar aon fhoirceannadh nó cealú ar na Téarmaí seo. Féadfaimid ár gcearta agus oibleagáidí faoi na Téarmaí seo a shannadh, a aistriú nó a dhiúscairt, ina n-iomláine nó i bpáirt, aon uair ar bith gan fógra a thabhairt, sa mhéid nach dtéann sannadh, aistriú nó diúscairt dá leithéid chun dochar duit. Ní cheadaítear duit na Téarmaí seo ná aon cheart eile i leith úsáid na Seirbhísí a shannadh, a aistriú ná a dhiúscairt ar aon bhealach eile. Más sa Ghearmáin atá cónaí ort, ní choisctear thú ó aon éileamh airgeadais a shannadh in aghaidh Microsoft. Is é seo an comhaontú iomlán idir thú féin agus Microsoft maidir leis an úsáid a bhaineann tú as na Seirbhísí. Tagann sé in ionad aon chomhaontaithe eile roimhe seo idir tú féin agus Microsoft maidir leis an úsáid a bhaineann tú as na Seirbhísí. Tá gach cuid de na Téarmaí seo infheidhme sa mhéid a cheadaítear faoin dlí is infheidhme. Má chinneann cúirt nó eadránaí nach féidir na Téarmaí a fhorfheidhmiú mar a scríobhtar, measfar go gcuirfear téarmaí dá samhail in ionad na dtéarmaí seo sa mhéid is a bhfuil sé sin in-fheidhmithe faoin dlí ábhartha, ach ní dhéanfar athrú ar na Téarmaí eile. Ceaptar na Téarmaí seo chun sochair Microsoft agus chun do shochair féin, agus chucu sin amháin. Ní cheaptar iad chun sochair aon duine eile, seachas comharbaí agus sannaithe Microsoft. Luaitear ceannteidil rannáin chun críche tagartha amháin.

15. Tarscaoileadh forálacha um chosaint tomhaltóirí. Más micreaghnóthas, fiontar beag, nó eagraíocht sheachbhrabúsach sibh, comhaontaíonn tú le gach aon teidlíocht a bheadh agat in aon chás eile faoin gCód Eorpach um Chumarsáid Leictreonach (Treoir 2018/1972) Airteagal 102 míreanna 1, 3 agus 5, Airteagal 105 mír 1 agus Airteagal 107 míreanna 1 agus 3.

16. Dlíthe Easpórtála. Ní mór duit gach dlí agus rialachán intíre agus idirnáisiúnta easpórtála is infheidhme i leith na mbogearraí agus/nó Seirbhísí a chomhlíonadh, lena n-áirítear srianta ar spriocanna, úsáideoirí deiridh agus úsáid dheiridh. Chun tuilleadh faisnéise a fháil maidir le srianta geografacha agus easpórtála, téigh chuig http://approjects.co.za/?big=exporting.

17. Forchoimeád Ceart agus Aiseolas. Ach amháin sa mhéid is a fhoráiltear go sonrach faoi na Téarmaí seo, ní thugann Microsoft ceadúnas ná aon cheart eile d'aon chineál faoi phaitinní, fios gnó, cóipchearta, rúin cheirde, trádmharcanna ná maoin eile intleachtúil faoi úinéireacht nó rialú Microsoft nó aon eintiteas gaolmhar, lena n-áirítear ach gan teorainn d'aon ainm, dearadh, lógó nó a choibhéis. Má thugann tú aon smaoineamh, togra, moladh nó aiseolas do Microsoft, lena n-áirítear ach gan teorainn do smaointe do tháirgí, teicneolaíochtaí, promóisin, ainmneacha táirge, aiseolas táirge agus feabhsúcháin ar tháirgí ("Aiseolas"), deonaíonn tú le Microsoft, gan táille, ríchíosanna nó aon oibleagáid eile, an ceart chun saothair dhíorthaithe a chruthú nó a choimisiúnú, agus d'aiseolas a úsáid, a chomhroinnt agus a thráchtálú ar aon bhealach ar bith chun críoch ar bith. Ní sholáthróidh tú Aiseolas atá faoi réir ceadúnais a cheanglaíonn ar Microsoft a bhogearraí, teicneolaíocht ná doiciméid a cheadúnú d'aon tríú páirtí de bhrí go bhfuil d'Aiseolas áirithe ag Microsoft iontu.

Fógraí agus nós imeachta maidir le héilimh ar shárú maoine intleachtúla a dhéanamh. Tá meas ag Microsoft ar chearta maoine intleachtúla tríú páirtithe. Má tá éilimh ar shárú maoine intleachtúla agat, lena n-áirítear éilimh ar shárú cóipchirt, molfaimid duit fógra maidir leis sin a sheoladh chuig gníomhaí ainmnithe Microsoft. Gheofar sonraí agus faisnéis teagmhála ag Fógra agus Nós Imeachta chun Éilimh maidir le Sárú Cóipchirt a Dhéanamh (http://approjects.co.za/?big=legal/intellectualproperty/infringement), ar cuid de na Téarmaí seo na nósanna imeachta sin.

Úsáideann Microsoft na próisis atá leagtha amach i dTeideal 17, Cód na Stát Aontaithe, Alt 512, agus, nuair is infheidhme, Caibidil III de Rialachán (AE) 2022/2065, chun freagairt d’fhógraí faoi shárú cóipchirt. Sna dálaí cuí, féadfaidh Microsoft cuntais a dhíchumasú nó deireadh a chur le cuntais ar le húsáideoirí seirbhísí Microsoft iad a d’fhéadfadh na Téarmaí a shárú arís agus arís eile. Ina theannta sin, i gcúinsí cuí, féadfaidh Microsoft fógraí próiseála ó dhaoine aonair nó ó aonáin a chuireann fógraí gan bhunús isteach go minic a chur ar fionraí. Tá míniú breise ar na nósanna imeachta infheidhmithe do Sheirbhís ar leith, lena n-áirítear sásamh féideartha do chinntí a ghlac Microsoft mar chuid de na nósanna imeachta seo, le fáil ag Fógraí maidir le Sárú (http://approjects.co.za/?big=legal/intellectualproperty/infringement).

Fógraí agus nósanna imeachta maidir le húdair imní maoine intleachtúla i bhfógraíocht. Léigh ár dTreoirlínte Maoine Intleachtúla (https://go.microsoft.com/fwlink/?LinkId=243207) maidir le húdair imní maoine intleachtúla ar ár líonra fógraíochta.

Fógraí cóipchirt agus trádmhairc. Tá na Seirbhísí faoi chóipcheart © Microsoft Corporation agus/nó a sholáthraithe, One Microsoft Way, Redmond, WA 98052, SAM. Gach ceart ar cosaint. Corpraítear sna Téarmaí Treoirlínte Microsoft um Thrádmharcanna & Brandaí (http://approjects.co.za/?big=en-us/legal/intellectualproperty/trademarks/usage/general.aspx) (mar a leasaítear ó am go chéile). Féadfaidh Microsoft agus ainmneacha, lógónna agus deilbhíní tháirgí, bhogearraí agus sheirbhísí uile Microsoft a bheith ina dtrádmharcanna cláraithe nó neamhchláraithe de ghrúpa cuideachtaí Microsoft sna Stáit Aontaithe agus/nó i dtíortha eile. Seo a leanas liosta neamh-uileghabhálach de thrádmharcanna Microsoft ag http://approjects.co.za/?big=en-us/legal/intellectualproperty/trademarks/EN-US.aspx. Féadfaidh ainmneacha na gcuideachtaí agus na dtáirgí iarbhír a bheith ina dtrádmharcanna ag a n-úinéirí faoi seach. Forchoimeádtar gach ceart nach dtugtar go sainráite sna Téarmaí seo. Tá bogearraí áirithe a úsáidtear i bhfreastalaithe áirithe láithreáin Ghréasáin Microsoft bunaithe i bpáirt ar obair an Independent JPEG Group. Cóipcheart © 1991-1996 Thomas G. Lane. Gach ceart ar cosaint. Tá bogearraí "gnuplot" a úsáidtear i bhfreastalaithe láithreán gréasáin áirithe Microsoft faoi chóipcheart © 1986‑1993 Thomas Williams, Colin Kelley. Gach ceart ar cosaint.

Fógra leighis. Ní chuireann Microsoft comhairle dochtúra ná aon chomhairle, diagnóisiú nó cóir sláinte eile ar fáil. Iarr comhairle i gcónaí ar do dhochtúir nó ar sholáthraí cúram sláinte cáilithe eile má tá ceisteanna agat faoi riocht sláinte, faoi chlár cothaithe, corpacmhainne nó folláine. Ná tabhair neamhaird riamh ar chomhairle leighis ghairmiúil nó ná déan moill ó thaobh an chomhairle sin a lorg ag éirí as faisnéis a fuair tú ar nó trí na Seirbhísí.

Cuótaí stoic agus sonraí innéacs (lena n-áirítear luachanna innéacs). Ní chuirtear faisnéis airgeadais ar fáil trí na Seirbhísí, ach amháin le haghaidh d'úsáid phearsanta agus neamhthráchtála amháin. Ní ceadmhach duit úsáid a bhaint as aon sonraí airgeadais nó marcanna aon cheadúnóra tríú páirtí maidir le hionstraimí airgeadais nó táirgí infheistíochta a eisiúint, a chruthú, a urrú, a thrádáil, a mhargú nó a chur chun cinn (mar shampla díorthaigh, táirgí struchtúrtha, cistí infheistíochta, cistí trádáilte ar an malartán, punanna infheistíochta, srl., más rud é go bhfuil costas, toradh agus/nó feidhmíocht na hionstraime nó an táirge infheistíochta bunaithe ar na sonraí airgeadais, ag baint leo nó ceaptha lena rianú) gan comhaontú scríofa ar leith leis an gceadúnóir tríú páirtí.

Fógra airgeadais. Níl Microsoft ina bhróicéir/dhéileálaí ná ina chomhairleoir cláraithe infheistíochta faoin dlí feidearálach um urrúis de chuid na Stát Aontaithe nó faoi na dlíthe urrúis i ndlínsí eile agus ní thugann sé comhairle do dhaoine aonair i dtaobh ar cheart infheistiú in urrúis nó i dtáirgí nó seirbhísí airgeadais eile nó ar cheart iad a cheannach nó a dhíol. Ní hionann rud ar bith sna Seirbhísí agus tairiscint ná sirtheoireacht chun urrús a cheannach nó a dhíol. Ní dhéanann Microsoft ná ceadúnóirí na gcuótaí stoic nó na sonraí innéacs, táirgí nó seirbhísí áirithe airgeadais a cheadú ná a mholadh. Níl rud ar bith sna Seirbhísí ceaptha le bheith ina comhairle ghairmiúil, lena n-áirítear gan teorainn, comhairle infheistíochta nó cánach.

Fógra maidir le Físchaighdeáin H.264/AVC agus VC-1. Féadfaidh teicneolaíocht codec H.264/AVC agus/nó VC-1 atá ceadúnaithe ag MPEG LA, L.L.C. a bheith sna bogearraí. Is formáid í an teicneolaíocht seo chun faisnéis físeáin a chomhbhrú. Éilíonn MPEG LA, L.L.C. an fógra seo:

TÁ AN TÁIRGE SEO CEADÚNAITHE FAOI CHEADÚNAIS PUNANN H.264/AVC AGUS VC-1 D'ÚSÁID PEARSANTA AGUS NEAMHTHRÁCHTÁLA TOMHALTÓRA CHUN (A) FÍSEÁN A IONCHÓDÚ i gCOMHLÍONADH NA gCAIGHDEÁN (“CAIGHDEÁIN FÍSEÁN”) AGUS/NÓ (B) DÍCHÓDÚ A DHÉANAMH AR H.264/AVC AGUS FÍSEÁN VC-1 A D'IONCHÓDAIGH TOMHALTÓIR MAR CHUID DE GHNÍOMHAÍOCHT PHEARSANTA AGUS NEAMHTHRÁCHTÁLA AGUS/NÓ A FUARTHAS Ó SHOLÁTHRAÍ FÍSEÁN A CEADÚNAÍODH CHUN FÍSEÁN DEN SÓRT SIN A SHOLÁTHAR. NÍ CHUIRTEAR CEADÚNAS AR FÁIL NÁ NÍ MHEASFAR GUR CUIREADH D'AON ÚSÁID EILE. IS FÉIDIR FAISNÉIS BHREISE A FHÁIL Ó MPEG LA, L.L.C. FÉACH SUÍOMH GRÉASÁIN MPEG LA (https://www.mpegla.com).

Chun críocha soiléirithe amháin, ní chuireann an fógra seo teorainn le ná cosc ar úsáid na mbogearraí, a chuirtear ar fáil faoi na Téarmaí seo, le haghaidh gnáthúsáidí gnó an ghnóthais sin, nach gcuireann san áireamh (i) athdháileadh na mbogearraí ar thríú páirtithe nó (ii) ábhar a chruthú, trí theicneolaíochtaí a chloíonn leis na FÍSCHAIGHDEÁIN a úsáid, chun é a dháileadh ar thríú páirtithe.

Fógra maidir le Físchaighdeán H.265/HEVC. D'fhéadfadh teicneolaíocht códaithe H.265/HEVC a bheith sna bogearraí. Éilíonn Access Advance LLC an fógra seo:

MÁS ANN DÓ, TÁ AN TEICNEOLAÍOCHT H.265/HEVC SNA BOGEARRAÍ SEO CLÚDAITHE AG MAÍOMH AMHÁIN NÓ NÍOS MÓ DE NA PAITINNÍ HEVC ATÁ LIOSTAITHE AG: PATENTLIST.ACCESSADVANCE.COM. AG BRATH AR CONAS A FUAIR TÚ NA BOGEARRAÍ, IS FÉIDIR GO BHFUIL AN TÁIRGE SEO CEADÚNAITHE FAOI RÉAMHPHUNANN PAITINNE HEVC.

Má tá na bogearraí seo suiteáilte ar ghléas Microsoft, gheofar eolas breise faoi cheadúnú ag: aka.ms/HEVCVirtualPatentMarking.

TÉARMAÍ CAIGHDEÁNACHA CEADÚNAIS FEIDHMCHLÁIR
MAIDIR LE FEIDHMCHLÁIR A THAIRGTEAR SA LIMISTÉAR EORPACH EACNAMAÍOCH

MICROSOFT STORE, MICROSOFT STORE ON WINDOWS AGUS MICROSOFT STORE ON XBOX

Is ionann na téarmaí ceadúnais seo agus comhaontú idir tusa agus soláthraí an fheidhmchláir. Léigh iad, le do thoil. Tá feidhm acu maidir leis na feidhmchláir bhogearraí a íoslódálann tú ó Microsoft Store, Microsoft Store on Windows nó Microsoft Store on Xbox (a dtagraítear do gach ceann acu sna téarmaí ceadúnais seo mar "Store"), lena n-áirítear aon nuashonruithe nó forlíontaí don fheidhmchlár, mura bhfuil téarmaí ar leith ag gabháil leis an bhfeidhmchlár, agus beidh feidhm ag na téarmaí sin má tá.

MURA nGLACANN TÚ LEIS NA TÉARMAÍ SEO, NÍL AN CEART AGAT AN FEIDHMCHLÁR A ÚSÁID NÁ A ÍOSLÓDÁIL AGUS NÍL CEAD AGAT AMHLAIDH A DHÉANAMH.

Ciallaíonn foilsitheoir an fheidhmchláir an t-eintiteas a cheadúnaíonn an feidhmchlár duit, mar a aithníodh sa Store.

Má chomhlíonann tú na téarmaí ceadúnais seo, beidh agat na cearta thíos.

• 1. CEARTA SUITEÁLA AGUS ÚSÁIDE. Is féidir leat an feidhmchlár a shuiteáil agus a úsáid ar ghléasanna Windows nó consóil Xbox faoi mar a leagtar sna Rialacha maidir le húsáid (https://go.microsoft.com/fwlink/p/?LinkId=723143) ó Microsoft. Forchoimeádann Microsoft an ceart chun Rialacha úsáide Microsoft (https://go.microsoft.com/fwlink/p/?LinkId=723143) a mhionathrú uair ar bith.
• 2. SEIRBHÍSÍ ATÁ BUNAITHE AR AN IDIRLÍON.
  • a. Toiliú le seirbhísí atá bunaithe ar an Idirlíon nó le seirbhísí gan sreang. Má cheanglaíonn an feidhmchlár le ríomhchórais thar an Idirlíon, lena n-áirítear trí ghréasán gan sreang, is ionann an feidhmchlár a úsáid agus toiliú le faisnéis chaighdeánach gléis a tharchur (lena n-áirítear ach gan a bheith teoranta d'fhaisnéis theicniúil mar gheall ar do ghléas, córas, agus bogearraí feidhmchláir agus forimeallacha) i gcás seirbhísí bunaithe ar an Idirlíon nó seirbhísí gan sreang. Má chuirtear téarmaí eile i láthair maidir le húsáid na seirbhísí agat a dhéantar a rochtain ag úsáid an fheidhmchláir, beidh feidhm ag na téarmaí sin freisin.
  • b. Mí-úsáid seirbhísí atá bunaithe ar an Idirlíon. Ní fhéadfaidh tú úsáid a bhaint as aon seirbhís atá bunaithe ar an Idirlíon ar bhealach ar bith a d’fhéadfadh dochar a dhéanamh di ná a d’fhéadfadh an úsáid a bhaineann duine eile aisti ná as an líonra gan sreang a lagú. Ní ceadmhach duit an tseirbhís a úsáid chun rochtain neamhúdaraithe a fháil ar aon seirbhís, sonraí, cuntas ná líonra ar shlí ar bith.
• 3. RAON AN CHEADÚNAIS. Déantar an feidhmchlár a cheadúnú, seachas a dhíol. Ní fhaigheann tú ach cearta áirithe chun úsáid a bhaint as an bhfeidhmchlár de réir an chomhaontaithe seo. Má dhíchumasaíonn Microsoft an cumas chun na feidhmchláir a úsáid ar do ghléas de bhun do chomhaontaithe le Microsoft, foirceannfar aon chearta ceadúnais gaolmhara. Coimeádann foilsitheoir an fheidhmchláir gach ceart eile aige féin. Mura bhfaigheann tú tuilleadh ceart faoin dlí is infheidhme in ainneoin na teorann sin, ní féidir leat an feidhmchlár a úsáid ach ar an gcaoi atá ceadaithe go sainráite san chomhaontú seo. Sa chás sin, ní mór duit cloí le haon teorainn theicniúil san fheidhmchlár nach gceadaíonn duit ach é a úsáid ar bhealaí áirithe. Ní fhéadfaidh tú:
  • a. Fáil réidh le haon teorainn theicniúil san fheidhmchlár.
  • b. Ais-innealtóireacht, díthiomsú nó dídhíol a dhéanamh ar an bhfeidhmchlár, ach amháin agus a mhéad amháin atá ceadaithe go sainráite faoi fhorálacha an dlí chóipchirt is infheidhme le haghaidh ríomhchlár.
  • c. Níos mó cóipeanna den fheidhmchlár a dhéanamh ná mar atá sonraithe sa chomhaontú seo ná ceadaithe faoin dlí is infheidhme, in ainneoin na teorann seo.
  • d. An feidhmchlár a fhoilsiú ná a chur ar fáil do dhaoine eile lena chóipeáil ar bhealach eile.
  • e. An feidhmchlár a thabhairt ar cíos, ar léas nó ar iasacht.
  • f. An feidhmchlár nó an comhaontú seo a aistriú chuig tríú páirtí ar bith.
• 4. DOICIMÉID. Má chuirtear doiciméid ar fáil leis an bhfeidhmchlár, féadfaidh tú na doiciméid a chóipeáil agus a úsáid chun críocha tagartha pearsanta.
• 5. SRIANTA TEICNEOLAÍOCHTA AGUS EASPÓRTÁLA. Féadfaidh an feidhmchlár a bheith faoi réir ag rialú teicneolaíochta nó ag dlíthe agus rialacháin easpórtála de chuid na Stát Aontaithe nó idirnáisiúnta. Ní mór duit cloí leis na dlíthe agus na rialacháin easpórtála náisiúnta agus idirnáisiúnta go léir a bhfuil feidhm acu maidir leis an teicneolaíocht a úsáidtear san fheidhmchlár nó a bhfuil tacú ann di. Áirítear ar na dlíthe seo srianta ar cheann scríbe, úsáideoirí deiridh agus úsáid deiridh. Chun faisnéis a fháil faoi tháirgí brandáilte Microsoft, gabh chuig suíomh gréasáin easpórtála Microsoft (https://go.microsoft.com/fwlink/?linkid=868967).
• 6. SEIRBHÍSÍ TACAÍOCHTA. Déan teagmháil le foilsitheoir an fheidhmchláir chun a fháil amach an bhfuil seirbhísí tacaíochta ar fáil. Níl Microsoft, do dhéantóir crua-earraí ná d’iompróir líonra gan sreang freagrach as seirbhísí tacaíochta a chur ar fáil don fheidhmchlár (ach amháin más foilsitheoir an fheidhmchláir duine díobh).
• 7. AN COMHAONTÚ IOMLÁN. Is ionann an comhaontú seo, an pholasaí infheidhme príobháideachta, aon téarmaí breise a ghabhann leis an bhfeidhmchlár agus na téarmaí le haghaidh forlíontaí agus nuashonruithe agus an comhaontú iomlán ceadúnais idir tusa agus an foilsitheoir feidhmchláir an fheidhmchláir.
• 8. AN DLÍ IS INFHEIDHME.
  • a. Na Stáit Aontaithe agus Ceanada. Má fuair tú an feidhmchlár sna Stáit Aontaithe nó i gCeanada, rialaíonn dlíthe an stáit nó an chúige ina gcónaíonn tú (nó, más gnó thú, mar a bhfuil do phríomháit ghnó suite) léirmhíniú na dtéarmaí seo, éilimh maidir lena sárú agus gach éileamh eile (lena n-áirítear cosaint do thomhaltóirí, iomaíocht neamhchothrom agus éilimh maidir le tort), beag beann ar phrionsabail na gcoinbhleachtaí dlí.
  • b. Lasmuigh de na Stáit Aontaithe agus Ceanada. Más rud é go bhfuair tú an feidhmchlár i dtír éigin eile, bíonn feidhm ag dlíthe na tíre sin.
• 9. ÉIFEACHT DHLÍTHIÚIL. Déantar cur síos sa chomhaontú seo ar roinnt ceart dlíthiúil. Féadfaidh cearta eile a bheith agat faoi dhlíthe do stáit nó do thíre. Ní athraíonn an comhaontú seo do chearta faoi dhlíthe do stáit nó do thíre mura gceadaítear amhlaidh a dhéanamh faoi dhlíthe do stáit nó do thíre.
• 10. SÉANADH BARÁNTA. Ceadúnaítear an feidhmchlár “mar atá”, “le gach locht" agus “mar atá sé ar fáil". Ní thugann an foilsitheoir feidhmchláir, ar a shon féin, Microsoft (mura Microsoft an foilsitheoir feidhmchláir), iompróirí gan sreang a soláthraítear an feidhmchlár thar a líonra, agus gach ceann dár gcleamhnaithe, díoltóirí, gníomhairí agus soláthraithe (“Páirtithe clúdaithe”) faoi seach, aon bharántaí conarthacha, ráthaíochtaí, nó coinníollacha breise maidir leis an bhfeidhmchlár. Tá na barántaí éigeantacha go léir agat dá bhforáiltear de réir dlí, ach ní thugaimid aon bharánta eile duit. A mhéad a cheadaítear faoi dhlíthe áitiúla, ní áirítear ar Pháirtithe clúdaithe aon bharántaí éigeantacha intuigthe, lena n-áirítear barántaí indíoltachta, oiriúnacht do chuspóir ar leith, sábháilteacht, compord agus neamhshárú.
• 11. TEORAINN LE LEIGHSEANNA AGUS DAMÁISTÍ.
  • a. Ní bheidh forbróir an fheidhmchláir faoi dhliteanas maidir le haon inneachar úsáideora ná aon ábhar tríú páirtí eile, lena n-áirítear naisc chuig suíomhanna gréasáin tríú páirtí, agus gníomhaíochtaí a sholáthraíonn úsáideoirí. Níl an t-inneachar ná na gníomhaíochtaí sin inchurtha síos do fhoilsitheoir an fheidhmchláir nó ní léiríonn siad tuairim fhoilsitheoir an fheidhmchláir.
  • b. Ní bheidh forbróir an fheidhmchláir faoi dhliteanas ach amháin má sáraíodh oibleagáidí ábhartha na dtéarmaí ceadúnais seo.
  • c. Ní bheidh foilsitheoir an fheidhmchláir, a ghníomhairí ionadacha agus/nó a ionadaithe dlíthiúla faoi dhliteanas i leith aon damáiste nárbh fhéidir a thuar agus/nó aon chaillteanais airgeadais maidir le damáiste indíreach, lena n-áirítear caillteanas brabús, ach amháin sa chás go bhfuil foilsitheoir an fheidhmchláir, a ghníomhairí ionadacha agus/nó a ionadaithe dlíthiúla tar éis gníomhú le mórfhaillí nó le mí-iompar toiliúil nó níos mó.
  • d. Ní dhéanfaidh an teorannú dliteanais aon difear d'aon dliteanas reachtúil gan locht de chuid fhoilsitheoir an fheidhmchláir, gan teorannú, dliteanas faoin acht um dhliteanas táirge ná dliteanas reachtúil as sárú baránta. Is amhlaidh an cás maidir le dliteanas fhoilsitheoir an fheidhmchláir, a ghníomhairí ionadacha agus/nó a ionadaí dlíthiúil i gcás calaoise nó faillí a bhfuil díobháil phearsanta nó bás mar thoradh orthu.
  • e. Ní fhéadfaidh aon éileamh conarthach ná dlíthiúil seachas iad siúd a chlúdaítear i bhfo-rannáin (a) go (e) de rannán 11 eascairt ó na téarmaí ceadúnais feidhmchláir seo agus/nó úsáid an fheidhmchláir nó seirbhísí a chuirtear ar fáil tríd an bhfeidhmchlár.

Cumhdaíonn Comhaontú Seirbhísí Microsoft na táirgí, feidhmchláir agus seirbhísí seo a leanas. B’fhéidir nach bhfuil fáil orthu go léir i do mhargadh.

• Account.microsoft.com
• Aimsir MSN
• Airgeadas MSN
• Aisíocaíochtaí Bing
• An leagan in aisce de Microsoft 365
• Bailiúcháin Microsoft
• Bailiúcháin
• Bia & Deoch MSN
• Bing Image and News (iOS)
• Bing Search APIs/SDKs
• Bing Translator
• Bing Webmaster
• Bing.com
• Bingplaces.com
• Clipchamp
• Cluichí Minecraft
• Cluichí, feidhmchláir agus suíomhanna gréasáin Windows a fhoilsíonn Microsoft
• Cluichí, feidhmchláir agus suíomhanna gréasáin Xbox Game Studios
• Cortana skills by Microsoft
• Cortana
• Cruthaitheoir Íomhá ó Microsoft Designer
• Cuardach Cliste
• Cuardach Microsoft in Bing
• Cuntas Microsoft
• Cúlbhrat Microsoft
• Cúntóir Tacaíochta agus Athshlánaithe Microsoft le haghaidh Office 365
• Default Homepage and New Tab Page on Microsoft Edge
• Dev Center App
• Diailchaoi MSN
• Dictate
• Déantóir Scannáin Windows
• education.minecraft.net
• Eispéiris nasctha roghnacha Microsoft 365
• Face Swap
• Feedback Intake Tool for Azure Maps (aka “Azure Maps Feedback”)
• Feidhmchláir agus seirbhísí a áirítear le Microsoft 365 Basic
• Feidhmchláir agus seirbhísí a áirítear le Microsoft 365 Family
• Feidhmchláir agus seirbhísí a áirítear le Microsoft 365 Personal
• Feidhmchláir agus seirbhísí a áirítear le síntiúis tomhaltóra Microsoft 365
• Feidhmchláir Bing
• Feidhmchlár cuardaigh Bing
• Feidhmchlár Device Health
• Feidhmchlár Eagraí SMS
• Feidhmchlár mapaí
• Foclóir Bing
• Forms.microsoft.com
• forzamotorsport.net
• Gailearaí Grianghraf Windows
• Groove Music Pass
• Groove
• GroupMe
• Leathanaigh Bing
• LineBack
• Mapaí Bing
• Microsoft 365 Business Standard, Microsoft 365 Business Basic, Microsoft 365 Apps, Microsoft 365 app, Microsoft 365 Copilot and Microsoft 365 Copilot Chat^*
  • ^*Until a commercial domain is established for use of these services, at which time separate Microsoft commercial terms will govern instead.
• Microsoft 365 Consumer
• Microsoft 365 don ngréasán
• Microsoft 365 Family
• Microsoft 365 Personal
• Microsoft Academic
• Microsoft Add-Ins for Skype
• Microsoft Bots
• Microsoft Copilot
• Microsoft Defender don duine aonair
• Microsoft Educator Community
• Microsoft Launcher
• Microsoft Loop
• Microsoft Math Solver
• Microsoft Pay
• Microsoft Pix
• Microsoft Reading Coach
• Microsoft Research Interactive Science
• Microsoft Research Open Data
• Microsoft Rewards
• Microsoft Soundscape
• Microsoft Sway
• Microsoft Teams
• Microsoft Translator
• Minecraft Realms Plus and Minecraft Realms
• Mixer
• MSN (Microsoft Start, mar a thugtaí air)
• MSN Premium
• MSN.com
• Nasc fóin
• Nasc le Windows
• Next Lock Screen
• Nuacht MSN
• OneDrive.com
• OneDrive
• OneNote.com
• Outlook.com
• Paint 3D
• Presentation Translator
• rise4fun
• Ríomhphost Windows Live
• Scannáin & cláir theilifíse Microsoft
• Scríbhneoir Windows Live
• Seeing AI
• Send
• Siopa Office
• Siopa Windows
• Siopa
• Skype in the Classroom
• Skype Manager
• Skype.com
• Skype
• Sláinte & Folláine MSN
• Sláinte Microsoft
• Snip Insights
• Spreadsheet Keyboard
• Spóirt MSN
• Sway.com
• Taiscéalaí MSN
• Taisteal MSN
• Teaghlach Microsoft
• to-do.microsoft.com
• Translator for Microsoft Edge
• Translator Live
• Universal Human Relevance System (UHRS)
• UrWeather
• ux.microsoft.com
• Video Breakdown
• Visio Online
• Web Translator
• whiteboard.office.com
• Xbox Cloud Gaming
• Xbox Cloud Gaming
• Xbox Game Pass
• Xbox Live Gold
• Xbox Live
• Xbox Music
• Xbox Store

Níl aon aonán chonarthach chleamhnaithe ann faoi láthair. Is é Microsoft Ireland Operations Limited d’aonán conarthach.