Faisnéis maidir le feidhmiú an chirt tarraingt siar

An ceart tarraingt siar

Tá sé de cheart agat tarraingt siar ón gconradh seo laistigh de 14 lá gan aon chúis a thabhairt.
Rachaidh an tréimhse aistarraingthe in éag tar éis 14 lá ón lá a gheobhaidh tú, nó a gheobhaidh tríú páirtí seachas an t-iompróir agus a chuireann tú in iúl, seilbh fhisiciúil ar an earra deireanach nó i gcás conartha seirbhíse ón dáta a dtabharfar an conradh i gcrích.

Chun an ceart tarraingt siar a fheidhmiú, ní mór duit é a chur in iúl dúinne, Microsoft Ireland Operations Ltd, One Microsoft Place, Microsoft Store Withdrawals, South County Business Park, Baile na Lobhar, Baile Átha Cliath 18, Éire, Teil: 1800 71 0200, enwdrl@microsoft.com, gurb é do chinneadh tarraingt siar ón gconradh seo trí ráiteas aonchiallach (e.g. litir a sheoltar tríd an bpost nó trí ríomhphost). Is féidir leat an fhoirm shamplach aistarraingthe i gceangal a úsáid, ach níl sé éigeantach.

Chun an spriocdháta aistarraingthe a chomhlíonadh, is leor duit do theachtaireacht a sheoladh maidir le do cheart tarraingt siar a fheidhmiú sula mbeidh an tréimhse aistarraingthe imithe in éag.

Éifeachtaí tarraingt siar

Má tharraingíonn tú siar ón gconradh seo, aisíocfaimid leat na híocaíochtaí go léir a fuarthas uait, lena n-áirítear na costais seachadta (seachas na costais fhorlíontacha a eascraíonn as do rogha cineál seachadta seachas an cineál seachadta caighdeánach is lú costas a chuirimid ar fáil), gan moill mhíchuí agus in aon chás tráth nach déanaí ná 14 lá ón lá a chuirtear ar an eolas muid faoi do chinneadh tarraingt siar ó gconradh seo. Déanfaimid aisíocaíocht den sórt sin trí úsáid a bhaint as na modhanna íocaíochta céanna a d'úsáid tú don idirbheart tosaigh, ach amháin má chomhaontaigh tú a mhalairt go sainráite; i gcás ar bith, ní thabhóidh tú aon táillí mar thoradh ar aisíocaíocht den sórt sin. Féadfaimid aisíocaíocht a choinneáil siar go dtí go mbeidh na hearraí faighte ar ais againn nó go bhfuil fianaise curtha ar fáil agat gur sheol tú na hearraí ar ais, cibé acu is luaithe.

Seolfaidh tú na hearraí ar ais nó tabharfaidh tú ar láimh dúinn iad, gan moill mhíchuí agus in aon chás tráth nach déanaí ná 14 lá ón lá a chuireann tú d'aistarraingt ón gconradh seo in iúl dúinn. Comhlíontar an spriocdháta má sheolann tú na hearraí ar ais sula dtéann an tréimhse 14 lá in éag. Beidh ort an costas díreach a bhaineann leis na hearraí a thabhairt ar ais a íoc. Níl tú faoi dhliteanas ach amháin i leith aon luach laghdaithe ar na hearraí a eascraíonn as an láimhseáil seachas an méid is gá chun cineál, saintréithe agus feidhmiú na n-earraí a fháil amach.

Má d'iarr tú tús a chur le feidhmiú seirbhísí le linn na tréimhse aistarraingthe, íocfaidh tú méid linn atá i gcomhréir leis an méid a cuireadh ar fáil go dtí go mbeidh do tharraingt siar ón gconradh seo curtha in iúl agat dúinn, i gcomparáid le cumhdach iomlán an chonartha.

TABHAIR FAOI DEARA: Más mian leat táirgí a thabhairt ar ais agus tarraingt siar ón gconradh, molaimid duit aisíocaíocht a iarraidh ar líne nó do tharraingt siar a sheoladh chugainn trí ríomhphost chuig enwdrl@microsoft.com. Ar do chumarsáid a fháil, cuirfimid na treoracha ar ais agus an lipéad loingseoireachta fillte réamhíoctha chugat trí ríomhpho(i)st, más infheidhme. Fan le treoracha fillte le haghaidh táirgí fisiciúla agus ná seol aon táirgí isteach chuig an seoladh fisiciúil thíos. Léiríonn taithí gur féidir aistarraingt ar líne nó trí ríomhphost a phróiseáil go tapa agus go hiontaofa, agus d'fhéadfadh moilleanna nó fiosrúcháin bhreise a bheith mar thoradh ar tharraingt siar tríd an bpost. 

        Foirm Shamplach Aistarraingthe
(Ná comhlánaigh agus ná seol an fhoirm seo ar ais ach amháin más mian leat tarraingt siar ón gconradh)

Chuig
enwdrl@microsoft.com
Microsoft Ireland Operations Ltd, Aistarraingtí Microsoft Store
One Microsoft Place, Páirc Ghnó an Chontae Theas, Baile na Lobhar, Baile Átha Cliath 18, Éire

Tugaim/id (*) fógra leis seo go dtarraingím/imid (*) siar ó mo/ár gconradh (*) díolacháin maidir leis na hearraí seo a leanas (*)/maidir le soláthar na seirbhíse seo a leanas(*)

• Ordaithe ar (*)/faighte ar (*),
• Ainm an tomhaltóra/na dtomhaltóirí,
• Seoladh an tomhaltóra/na dtomhaltóirí,
• Uimhir ordaithe (**)
• Microsoft Account/Ríomhphost (**)
• Teileafón (**)
• Síniú an tomhaltóra/na dtomhaltóirí (ach amháin má thugtar fógra faoin bhfoirm seo ar pháipéar),
  
• Dáta

(*) scrios de réir mar is infheidhme
(**) roghnach, le haghaidh aitheantais agus fiosruithe