កិច្ចព្រមព្រៀងសេវា Microsoft

ឯកជនភាពរបស់អ្នក

1. ឯកជនភាពរបស់អ្នក។ ឯកជនភាពរបស់អ្នកមានសារៈសំខាន់ចំពោះយើង។ សូមអាន សេចក្ដីថ្លែងការណ៍របស់ Microsoft អំពីឯកជនភាព (https://go.microsoft.com/fwlink/?LinkId=521839) ("សេចក្ដីថ្លែងការណ៍អំពីឯកជនភាព") ព្រោះវាពណ៌នាអំពីប្រភេទនៃទិន្នន័យដែលយើងប្រមូលពីអ្នក និងឧបករណ៍អ្នក ("ទិន្នន័យ"), របៀបដែលយើងប្រើទិន្នន័យរបស់អ្នក និងមូលដ្ឋានផ្លូវច្បាប់ដែលយើងត្រូវដំណើរការទិន្នន័យរបស់អ្នក។ សេចក្ដីថ្លែងការណ៍អំពីឯកជនភាពក៏ពណ៌នាផងដែរអំពីរបៀបដែល Microsoft ប្រើខ្លឹមព័ត៌មានរបស់អ្នក ដែលជាការប្រាស្រ័យទាក់ទងរបស់អ្នកជាមួយអ្នកដទៃ; ការបង្ហោះដែលអ្នកបានប្រគល់ជូន Microsoft តាមសេវានានា; ព្រមទាំងឯកសារ រូបថត អូឌីយ៉ូ ស្នាដៃឌីជីថល ស្ទ្រីមផ្ទាល់ និងវីដេអូ ដែលអ្នកបញ្ជូន រក្សា ផ្សាយ បង្កើត ឬចែករំលែកតាមសេវានានា ឬក៏ធាតុចូលដែលអ្នកប្រគល់ ដើម្បីបង្កើតខ្លឹមព័ត៌មាន ("ខ្លឹមព័ត៌មានរបស់អ្នក")។ នៅកន្លែងដែលការដំណើរការគឺផ្អែកលើការយល់ព្រម និងក្រោមវិសាលភាពដែលច្បាប់អនុញ្ញាត ដោយយល់ព្រមតាមលក្ខខណ្ឌទាំងនេះ អ្នកយល់ព្រមឲ្យ Microsoft ប្រមូល ប្រើនិងបង្ហាញខ្លឹមព័ត៌មាននិងទិន្នន័យរបស់អ្នក ដូចបានពណ៌នាក្នុងសេចក្ដីថ្លែងអំពីឯកជនភាព។ ក្នុងករណីខ្លះ យើងផ្ដល់សេចក្ដីជូនដំណឹងដាច់ដោយឡែក និងស្នើការយល់ព្រមរបស់អ្នក ដូចបានយោងក្នុងសេចក្ដីថ្លែងអំពីឯកជនភាព។

ខ្លឹមព័ត៌មានរបស់អ្នក

2. ខ្លឹមព័ត៌មានរបស់អ្នក៖ សេវារបស់យើងភាគច្រើនអនុញ្ញាតឲ្យអ្នកបង្កើត រក្សា ឬចែករំលែកខ្លឹមព័ត៌មានរបស់អ្នក ឬទទួលឯកសារពីអ្នកដទៃ។ យើងមិនទាមទារកម្មសិទ្ធិភាពនៃខ្លឹមព័ត៌មានរបស់អ្នកឡើយ។ ខ្លឹមព័ត៌មានរបស់អ្នកនៅតែជារបស់អ្នកដដែល ហើយអ្នកត្រូវទទួលខុសត្រូវចំពោះវា។

a. នៅពេលអ្នកចែករំលែកខ្លឹមព័ត៌មានរបស់អ្នកជាមួយអ្នកដទៃ អ្នកដឹងថា ពួកគេប្រហែលជាអាចប្រើ រក្សាទុក ថតទុក ផលិតឡើងវិញ ផ្សាយ បញ្ជូន និងបង្ហាញខ្លឹមព័ត៌មានរបស់អ្នក ក្នុងគោលបំណងដែលអ្នកបានធ្វើឲ្យខ្លឹមព័ត៌មានរបស់អ្នកមានលើសេវាទាំងនេះ ដោយមិនផ្ដល់សំណងជូនអ្នក។ បើអ្នកមិនចង់ឲ្យអ្នកដទៃមានលទ្ធភាពនោះទេ ចូរកុំប្រើសេវាទាំងនេះដើម្បីចែករំលែកខ្លឹមព័ត៌មានរបស់អ្នក។ អ្នកអះអាងនិងធានាថា ក្នុងអំឡុងពេលនៃលក្ខខណ្ឌទាំងនេះ អ្នកមាន (ហើយនឹងមាន) សិទ្ធិទាំងអស់ដែលចាំបាច់សម្រាប់ខ្លឹមព័ត៌មានរបស់អ្នក ដែលបានបញ្ជូន រក្សាទុក ឬចែករំលែកលើឬតាមរយៈសេវានានា ព្រមទាំងថាសមូហកម្ម ការប្រើ និងការរក្សាខ្លឹមព័ត៌មានរបស់អ្នក នឹងមិនបំពានលើច្បាប់ឬសិទ្ធិរបស់អ្នកដទៃឡើយ។ Microsoft មិនមែនជាម្ចាស់ គ្រប់គ្រង ផ្ទៀងផ្ទាត់ បង់ប្រាក់ឲ្យ គាំទ្រ ឬមានការទទួលខុសត្រូវណាមួយសម្រាប់ខ្លឹមព័ត៌មានរបស់អ្នកឡើយ ហើយមិនទទួលខុសត្រូវអ្វីដែរចំពោះខ្លឹមព័ត៌មានរបស់អ្នក ឬឯកសារដែលអ្នកដទៃបញ្ជូន រក្សាទុក ឬចែករំលែក ដោយប្រើសេវានានា។
b. ក្រោមវិសាលភាពដែលចាំបាច់ដើម្បីផ្ដល់សេវានានាជូនអ្នកនិងអ្នកដទៃ, ដើម្បីការពារអ្នកនិងសេវានានា ព្រមទាំងដើម្បីកែលម្អផលិតផលនិងសេវា Microsoft អ្នកផ្ដល់ជូន Microsoft នូវអាជ្ញាបណ្ណកម្មសិទ្ធិបញ្ញាទូទាំងពិភពលោកនិងឥតគិតតម្លៃសិទ្ធិ ក្នុងការប្រើខ្លឹមព័ត៌មានរបស់អ្នក ឧទាហរណ៍ ដើម្បីបង្កើតសំណៅចម្លង រក្សា បញ្ជូន រៀបទ្រង់ទ្រាយឡើងវិញ បង្ហាញ និងចែកចាយតាមឧបករណ៍ប្រាស្រ័យទាក់ទងនូវខ្លឹមព័ត៌មានរបស់អ្នកនៅលើសេវានានា។ បើអ្នកផ្សាយខ្លឹមព័ត៌មានរបស់អ្នកក្នុងកន្លែងនៃសេវាដែលវាមានលើបណ្ដាញយ៉ាងទូលំទូលាយ ដោយគ្មានកំហិត ខ្លឹមព័ត៌មានរបស់អ្នកអាចលេចឡើងក្នុងការបង្ហាញ ឬឯកសារដែលជំរុញសេវានោះ។ សេវាខ្លះទទួលការគាំទ្រតាមរយៈការផ្សាយពាណិជ្ជកម្ម។ ការគ្រប់គ្រងអំពីរបៀបដែល Microsoft តម្រូវការផ្សាយពាណិជ្ជកម្មតាមបុគ្គលមាននៅ https://choice.live.com។ យើងមិនប្រើអ្វីដែលអ្នកនិយាយក្នុងអ៊ីមែល ឆាត ការហៅវីដេអូ ឬសំបុត្រសំឡេង ឬឯកសាររបស់អ្នក រូបថត ឬឯកសារផ្ទាល់ខ្លួនផ្សេងទៀត ដើម្បីផ្ដោតគោលដៅការផ្សាយពាណិជ្ជកម្មដល់អ្នកឡើយ។ គោលការណ៍នៃការផ្សាយពាណិជ្ជកម្មរបស់យើងត្រូវបានពណ៌នាលម្អិតក្នុងសេចក្ដីថ្លែងការណ៍ពីឯកជនភាព។

ក្រមប្រតិបត្តិ

3. ក្រមប្រតិបត្តិ៖ អ្នកត្រូវទទួលខុសត្រូវចំពោះការប្រតិបត្តិនិងខ្លឹមព័ត៌មានរបស់អ្នក នៅពេលប្រើសេវានានា។

a. ដោយយល់ព្រមតាមលក្ខខណ្ឌទាំងនេះ អ្នកកំពុងយល់ព្រមថា នៅពេលប្រើសេវានានា អ្នកនឹងធ្វើតាមវិធានទាំងនេះ៖
- i. កុំធ្វើអ្វីមួយខុសច្បាប់ ឬព្យាយាមបង្កើតឬចែករំលែកខ្លឹមព័ត៌មានដែលខុសច្បាប់។
- ii. កុំពាក់ព័ន្ធនឹងសកម្មភាពណាមួយដែលកេងប្រវ័ញ្ច បង្កអន្តរាយ ឬគំរាមកំហែងបង្កអន្តរាយដល់កុមារ។
- iii. កុំផ្ញើស្ប៉ាម ឬពាក់ព័ន្ធនឹងការលួចបន្លំព័ត៌មាន ឬព្យាយាមបង្កើតឬចែកចាយសុហ្វវែរព្យាបាទ។ ស្ប៉ាមគឺជាអ៊ីមែល, ការបង្ហោះ, សំណើទាក់ទង, SMS (សារអត្ថបទ), សារភ្លាមៗ ឬការប្រាស្រ័យទាក់ទងលក្ខណៈអេឡិចត្រូនិចស្រដៀងគ្នានេះដែលគេមិនចង់ទទួល។ ការលួចបន្លំព័ត៌មានគឺជាការផ្ញើអ៊ីមែលឬការប្រាស្រ័យទាក់ទងលក្ខណៈអេឡិចត្រូនិចផ្សេងទៀត ដើម្បីបញ្ចុះបញ្ចូលអ្នកទទួលដោយមិនស្មោះត្រង់ឬមិនស្របច្បាប់ថា នឹងលាតត្រដាងព័ត៌មានផ្ទាល់ខ្លួនឬព័ត៌មានរសើប ដូចជាពាក្យសម្ងាត់, ថ្ងៃខែឆ្នាំកំណើត, លេខសន្តិសុខសង្គម, លេខលិខិតឆ្លងដែន, ព័ត៌មានបណ្ណឥណទាន, ព័ត៌មានហិរញ្ញវត្ថុ ឬព័ត៌មានរសើបផ្សេងទៀត ឬក៏ដើម្បីទទួលសិទ្ធិចូលប្រើគណនីឬកំណត់ត្រា, ការលួចផ្ទេរឯកសារ ឬព័ត៌មានរសើបផ្សេងទៀត, ការបង់ប្រាក់ និង/ឬ ផលប្រយោជន៍ហិរញ្ញវត្ថុ។ សុហ្វវែរព្យាបាទរួមមានសកម្មភាពទាំងឡាយដែលបានរចនាដើម្បីបង្កអន្តរាយផ្នែកបច្ចេកទេស ដូចជាការផ្ដល់ឯកសារបញ្ចូលសុហ្វវែរព្យាបាទ, ការរៀបចំការវាយប្រហារបដិសេធសេវា ឬការគ្រប់គ្រងការបញ្ជា និងត្រួតត្រាសឺវើ។
- iv. កុំបង្ហាញឬប្រើសេវាទាំងនោះជាសាធារណៈ ដើម្បីបង្កើតឬចែករំលែកខ្លឹមព័ត៌មានឬឯកសារមិនសមស្រប (ឧ. ពាក់ព័ន្ធនឹងភាពអាក្រាត, តិរច្ឆានភាព, រូបអាសគ្រាម, ភាសាប្រមាថ, អំពើហិង្សាស្ដែងៗ, ការធ្វើបាបខ្លួនឯង ឬសកម្មភាពឧក្រិដ្ឋ) ឬក៏ខ្លឹមព័ត៌មានឬឯកសាររបស់អ្នកដែលមិនអនុលោមតាមច្បាប់ឬបទបញ្ជាក្នុងស្រុក។
- v. កុំពាក់ព័ន្ធនឹងសកម្មភាពដែលលួចបន្លំ ខុសឆ្គង ឬនាំឲ្យយល់ខុស (ឧទា. ការស្នើសុំលុយក្រោមការក្លែងខ្លួនដែលខុសឆ្គង, ការធ្វើពុតត្បុតជានរណាម្នាក់ផ្សេងទៀត, ការបង្កើតគណនីក្លែងក្លាយ, ការធ្វើស្វ័យប្រវត្តិកម្មសកម្មភាពមិនពិតប្រាកដ, ការបង្កើតឬការចែករំលែកខ្លឹមព័ត៌មានដែលមានបំណងបញ្ឆោត, ការបន្លំសេវាផ្សេងៗដើម្បីបង្កើនការរាប់ការលេង ឬប៉ះពាល់ដល់លំដាប់ថ្នាក់ ការឲ្យតម្លៃ ឬមតិ) ឬក៏ប្រមាថ ឬបង្ខូចកេរ្តិ៍។
- vi. កុំវាងកំហិតផ្សេងៗចំពោះការចូលប្រើ ការប្រើប្រាស់ ឬភាពមាននៃសេវា (ឧទា. ការប៉ុនប៉ង “ហែកគុក” ប្រព័ន្ធ AI មួយ ឬការស្រង់ទិន្នន័យដោយគ្មានការអនុញ្ញាត)។
- vii. កុំពាក់ព័ន្ធនឹងសកម្មភាពដែលប៉ះពាល់ដល់អ្នក, សេវានានា ឬអ្នកដទៃ (ឧទា. ការបញ្ជូនមេរោគ, ការឈ្លប, ការព្យាយាមបង្កើតឬចែករំលែកខ្លឹមព័ត៌មានដែលបៀតបៀន សម្លុត ឬគំរាមអ្នកដទៃ, ការបង្ហោះខ្លឹមព័ត៌មានភេរវកម្មឬហិង្សាជ្រុលនិយម, ការប្រាស្រ័យទាក់ទងដោយប្រើសម្ដីស្មោកគ្រោក ឬការគាំទ្រអំពើហិង្សាប្រឆាំងនឹងអ្នកដទៃ)។
- viii. កុំបំពានឬរំលោភសិទ្ធិអ្នកដទៃ (ឧទា. ការចែករំលែកតន្ដ្រីដែលបានរក្សាសិទ្ធិអ្នកនិពន្ធ ឬឯកសារដែលបានរក្សាសិទ្ធិអ្នកនិពន្ធផ្សេងទៀតដោយមិនទទួលសិទ្ធិ, ការលក់បន្ត ឬការចែកចាយ Bing Maps ផ្សេងទៀត ឬក៏ការថតរូបឬវីដេអូ/អូឌីយ៉ូរបស់អ្នកដទៃ ដោយគេមិនយល់ព្រម សម្រាប់ការដំណើរការជីវមាត្រ/ព័ត៌មានអត្តសញ្ញាណរបស់អ្នក ឬក្នុងគោលបំណងដទៃទៀតដែលប្រើសេវាទាំងឡាយនោះ)។
- ix. កុំពាក់ព័ន្ធនឹងសកម្មភាពដែលបំពានលើឯកជនភាព ឬសិទ្ធិការពារទិន្នន័យរបស់អ្នកដទៃ។
- x. កុំជួយអ្នកដទៃបំពានវិធានទាំងនេះ។
ព័ត៌មានបន្ថែមអំពីគោលការណ៍របស់យើង ដំណើរការនៃការសម្របសម្រួល និងការអនុវត្ត ព្រមទាំងលក្ខខណ្ឌជាក់លាក់នៃសេវា មាននៅ aka.ms/trustandsafety។

ការប្រើសេវានានា & ការគាំទ្រ

4. ការប្រើសេវានានា & ការគាំទ្រ៖

a. គណនី Microsoft៖ អ្នកនឹងត្រូវការគណនី Microsoft ដើម្បីចូលប្រើសេវាជាច្រើន។ គណនី Microsoft របស់អ្នក អនុញ្ញាតឲ្យអ្នកចុះឈ្មោះចូលប្រើផលិតផល វិបសៃ និងសេវានានា ដែលផ្ដល់ដោយ Microsoft និងដៃគូ Microsoft ខ្លះ។
- i. ការបង្កើតគណនីមួយ៖ អ្នកអាចបង្កើតគណនី Microsoft ដោយចុះឈ្មោះប្រើលើបណ្ដាញ។ អ្នកយល់ព្រមមិនប្រើព័ត៌មានមិនត្រឹមត្រូវ អសុក្រឹត ឬនាំឲ្យយល់ខុសឡើយ នៅពេលចុះឈ្មោះប្រើគណនី Microsoft របស់អ្នក។ ក្នុងករណីខ្លះ តតិយភាគីមួយ ដូចជាអ្នកផ្ដល់សេវាអ៊ីនធើណិតឲ្យអ្នក អាចចាត់តាំងគណនី Microsoft មួយឲ្យអ្នក។ បើអ្នកបានទទួលគណនី Microsoft របស់អ្នកពីតតិយភាគី តតិយភាគីនោះអាចមានសិទ្ធិបន្ថែមលើគណនីរបស់អ្នក ដូចជាលទ្ធភាពក្នុងការចូលប្រើ ឬលុបចោលគណនី Microsoft របស់អ្នក។ សូមត្រួតពិនិត្យលក្ខខណ្ឌបន្ថែមទៀតដែលតតិយភាគីបានផ្ដល់ជូនអ្នក ដោយសារ Microsoft គ្មានការទទួលខុសត្រូវ ពាក់ព័ន្ធនឹងលក្ខខណ្ឌបន្ថែមទៀតទាំងនេះឡើយ។ បើអ្នកបង្កើតគណនី Microsoft មួយ ក្នុងនាមជានីតិបុគ្គលមួយ ដូចជាអាជីវកម្ម ឬនិយោជករបស់អ្នក អ្នកអះអាងថា អ្នកមានសិទ្ធិតាមផ្លូវច្បាប់ ដើម្បីចងនីតិបុគ្គលនោះជាមួយលក្ខខណ្ឌទាំងនេះ។ អ្នកមិនអាចផ្ទេរព័ត៌មានអត្តសញ្ញាណនៃគណនី Microsoft របស់អ្នក ដល់អ្នកប្រើប្រាស់ឬនីតិបុគ្គលមួយផ្សេងទៀតឡើយ។ ដើម្បីការពារគណនីរបស់អ្នក សូមរក្សាព័ត៌មានលម្អិតនៃគណនីរបស់អ្នក និងព័ត៌មានសម្គាល់អត្តសញ្ញាណនៃពាក្យសម្ងាត់របស់អ្នក។ អ្នកទទួលខុសត្រូវចំពោះសកម្មភាពទាំងអស់ដែលកើតឡើងក្រោមគណនី Microsoft របស់អ្នក។
- ii. ការប្រើគណនី៖ អ្នកត្រូវតែប្រើគណនី Microsoft របស់អ្នក ដើម្បីរក្សាឲ្យវាសកម្ម។ នេះមានន័យថា អ្នកត្រូវតែចុះឈ្មោះចូលយ៉ាងតិចម្ដងក្នុងអំឡុងពេលពីរឆ្នាំ ដើម្បីរក្សាគណនី Microsoft របស់អ្នក និងសេវាពាក់ព័ន្ធឲ្យនៅសកម្ម លុះណាតែអំឡុងពេលវែងជាងនេះត្រូវបានផ្ដល់ជូនក្នុងគោលការណ៍សកម្មភាពនៃគណនី Microsoft ដែលមាននៅ https://go.microsoft.com/fwlink/p/?linkid=2086738 ឬក៏ក្នុងការផ្ដល់ជូនសម្រាប់ផ្នែកគិតថ្លៃនៃសេវានេះ។ បើអ្នកមិនចុះឈ្មោះចូលក្នុងអំឡុងពេលនេះទេ យើងនឹងសន្មតថា គណនី Microsoft របស់អ្នក អសកម្ម ហើយនឹងបិទវាឲ្យអ្នក។ សូមមើលប្រការ 4.a.iv.2 សម្រាប់ផលវិបាកនៃការបិទគណនី Microsoft។ អ្នកត្រូវតែចុះឈ្មោះចូលប្រអប់ទទួល Outlook.com របស់អ្នក និង OneDrive របស់អ្នក (ដាច់ដោយឡែក) យ៉ាងតិចម្ដង ក្នុងអំឡុងពេលមួយឆ្នាំ ពុំនោះសោត យើងនឹងបិទប្រអប់ទទួល Outlook.com របស់អ្នក និង OneDrive របស់អ្នក ឲ្យអ្នក។ បើយើងមានហេតុផលសង្ស័យថាគណនី Microsoft របស់អ្នកមានហានិភ័យនៃការប្រើប្រាស់ដោយតតិយភាគីលក្ខណៈក្លែងបន្លំ (ឧទាហរណ៍ ជាលទ្ធផលនៃសន្តិសុខគណនីចុះខ្សោយ) Microsoft អាចព្យួរគណនីរបស់អ្នក រហូតទាល់តែអ្នកអាចអះអាងពីភាពជាម្ចាស់ឡើងវិញ។ ផ្អែកលើសភាពនៃការចុះខ្សោយ យើងប្រហែលជាត្រូវបានតម្រូវឲ្យបិទការចូលប្រើខ្លឹមព័ត៌មានខ្លះឬទាំងអស់របស់អ្នក។ បើអ្នកកំពុងមានបញ្ហាចូលប្រើគណនី Microsoft របស់អ្នក សូមចូលមើលវិបសៃនេះ៖ https://go.microsoft.com/fwlink/?LinkId=238656។
- iii. កុមារ និងគណនី៖ ដោយបង្កើតគណនី Microsoft មួយ ឬដោយប្រើសេវានានា អ្នកព្រមទទួលនិងយល់ព្រមគោរពតាមលក្ខខណ្ឌទាំងនេះ ព្រមទាំងអះអាងថា អ្នកមានអាយុជា “នីតិជន” ឬ “អាចទទួលខុសត្រូវតាមផ្លូវច្បាប់” នៅកន្លែងដែលអ្នករស់នៅ ឬក៏ឪពុកម្ដាយឬអាណាព្យាបាលស្របច្បាប់របស់អ្នកយល់ព្រមគោរពតាមលក្ខខណ្ឌទាំងនេះក្នុងនាមអ្នក។ បើអ្នកមិនដឹងថាតើអ្នកមានអាយុជា “នីតិជន” ឬ “ការទទួលខុសត្រូវតាមផ្លូវច្បាប់” នៅកន្លែងដែលអ្នករស់នៅទេ ឬក៏មិនយល់ប្រការនេះទេ សូមសុំជំនួយពីឪពុកម្ដាយឬអាណាព្យាបាលស្របច្បាប់របស់អ្នក។ បើអ្នកជាឪពុកម្ដាយឬអាណាព្យាបាលស្របច្បាប់របស់អនីតិជន អ្នកនិងអនីតិជននោះយល់ព្រមគោរពតាមលក្ខខណ្ឌទាំងនេះ ហើយទទួលខុសត្រូវចំពោះការប្រើទាំងអស់លើគណនីឬសេវា Microsoft រួមទាំងការទិញ មិនថាគណនីរបស់អនីតិជននោះត្រូវបានបើកឥឡូវឬបង្កើតពេលក្រោយឡើយ។
- iv. ការបិទគណនីរបស់អ្នក៖
  - 1. អ្នកអាចបោះបង់សេវាជាក់លាក់ ឬបិទគណនី Microsoft របស់អ្នក នៅគ្រប់ពេល និងដោយសារមូលហេតុអ្វីក៏បាន។ ដើម្បីបិទគណនី Microsoft របស់អ្នក សូមចូលមើល https://go.microsoft.com/fwlink/p/?linkid=618278។ នៅពេលអ្នកសុំឲ្យយើងបិទគណនី Microsoft របស់អ្នក អ្នកអាចជ្រើសរើសដាក់វាក្នុងលក្ខណៈព្យួរ ក្នុងពេល 30 ឬ 60 ថ្ងៃ គឺដើម្បីបម្រុងក្នុងករណីដែលអ្នកប្ដូរចិត្តរបស់អ្នកប៉ុណ្ណោះ។ បន្ទាប់ពីអំឡុងពេល 30 ឬ 60 ថ្ងៃនោះ គណនី Microsoft របស់អ្នក នឹងត្រូវបានបិទ។ សូមមើលប្រការ 4.a.iv.2 ខាងក្រោម សម្រាប់ការពន្យល់ថាអ្វីនឹងកើតឡើង នៅពេលគណនី Microsoft របស់អ្នកត្រូវបានបិទ។ ការចុះឈ្មោះចូលវិញក្នុងអំឡុងពេលព្យួរ នឹងបើកដំណើរការគណនី Microsoft របស់អ្នកឡើងវិញ។
  - 2. បើគណនី Microsoft របស់អ្នកត្រូវបានបិទ (មិនថាដោយអ្នកឬយើងឡើយ) ចំណុចពីរបីខាងក្រោមនឹងកើតឡើង។ ទី១ សិទ្ធិរបស់អ្នកក្នុងការប្រើគណនី Microsoft ដើម្បីចូលប្រើសេវានានា នឹងឈប់ភ្លាមៗ។ ទី២ យើងនឹងលុបទិន្នន័យឬខ្លឹមព័ត៌មានរបស់អ្នកពាក់ព័ន្ធជាមួយគណនី Microsoft របស់អ្នក ឬក៏នឹងផ្ដាច់វាពីអ្នកនិងគណនី Microsoft របស់អ្នក (លុះណាតែយើងត្រូវបានតម្រូវដោយច្បាប់ឲ្យរក្សាវា ប្រគល់វាត្រឡប់វិញ ឬក៏ផ្ទេរវាជូនអ្នកឬតតិយភាគីដែលអ្នកបានកត់សម្គាល់)។ អ្នកគួរមានគម្រោងចម្លងទុកជាប្រចាំ ដោយសារ Microsoft នឹងមិនអាចទៅយកខ្លឹមព័ត៌មានឬទិន្នន័យរបស់អ្នកមកវិញឡើយ នៅពេលគណនីរបស់អ្នកត្រូវបានបិទ។ ទី៣ អ្នកអាចបាត់បង់ការចូលប្រើផលិតផលដែលអ្នកបានទទួល។
b. ការសម្របសម្រួល និងការអនុវត្ត៖ សេវាជាច្រើនរបស់យើងដែលអនុញ្ញាតឲ្យអ្នកធ្វើអន្តរកម្ម បង្កើត និងចែករំលែកខ្លឹមព័ត៌មានជាមួយអ្នកដទៃ លើកកម្ពស់ប្រព័ន្ធសុវត្ថិភាព ដើម្បីការពារសេវារបស់យើង និងអ្នកប្រើប្រាស់ផ្សេងទៀត។
- i. គោលការណ៍៖ ក្រមប្រតិបត្តិរបស់យើងកត់សម្គាល់អ្វីត្រូវបានហាមប្រាម នៅពេលប្រើសេវារបស់យើង។ ខ្លឹមព័ត៌មានរបស់យើង និងគោលការណ៍ប្រតិបត្តិអាចរកឃើញ នៅទីនេះ (http://approjects.co.za/?big=DigitalSafety/policies)។ សេវាជាក់លាក់មានគោលការណ៍បន្ថែម និងស្តង់ដាសហគមន៍ ដែលអនុវត្តចំពោះអ្នកប្រើប្រាស់ ដែលមាន នៅទីនេះ (https://aka.ms/trustandsafety)។
- ii. ការរាយការណ៍ក្ដីកង្វល់៖ អ្នកអាចរាយការណ៍ខ្លឹមព័ត៌មានដែលមានកង្វល់ ឬការប្រតិបត្តិដែលអាចបំពានក្រមប្រតិបត្តិរបស់យើង នៅទីនេះ (https://aka.ms/reportconcerns)។
- iii. ការត្រួតពិនិត្យ៖ នៅកន្លែងដែលអាចអនុវត្តបាន យើងអាចប្រើប្រព័ន្ធស្វ័យប្រវត្តិ ឬមនុស្ស ដើម្បីត្រួតពិនិត្យខ្លឹមព័ត៌មាន និងកត់សម្គាល់ស្ប៉ាម វីរុស ការគៃបន្លំ ការលួចព័ត៌មាន សុហ្វវែរព្យាបាទ ការហែកគុក ឬក៏ខ្លឹមព័ត៌មានឬការប្រតិបត្តិដែលខុសច្បាប់ឬបង្កអន្តរាយផ្សេងទៀត។
- iv. ការពង្រឹងច្បាប់៖ យើងសូមរក្សាសិទ្ធិក្នុងការបដិសេធខ្លឹមព័ត៌មាន បើវាលើសដែនកំណត់លើឃ្លាំងផ្ទុក ឬទំហំឯកសារដែលសេវាបានអនុញ្ញាត។ យើងអាចខ្ទប់ លុប ឬបដិសេធការបង្កើតខ្លឹមព័ត៌មាន បើវាលេចឡើងថាបំពានក្រមប្រតិបត្តិឬគោលការណ៍សេវាផ្សេងទៀត ឬក៏ច្បាប់បានតម្រូវ។ បើអ្នកបំពានលក្ខខណ្ឌទាំងនេះ ឬ គោលការណ៍នានា (https://aka.ms/trustandsafety) យើងអាចចាត់ការលើគណនីអ្នក។ នេះអាចរួមបញ្ចូលការកម្រិតការចូលប្រើមុខងារឬសេវាមួយចំនួន, ការបញ្ឈប់ការផ្ដល់សេវា, ការបិទគណនី Microsoft របស់អ្នកភ្លាមៗ ឬក៏ការខ្ទប់ការប្រគល់ការប្រាស្រ័យទាក់ទង (ដូចជាអ៊ីមែល ការចែករំលែកឯកសារ ឬសារភ្លាមៗ) ដល់ ឬពីសេវាទាំងនោះ។ ការបិទការចូលប្រើរបស់អ្នកទៅកាន់សេវាមួយ ឬគណនីអ្នក អាចនាំឲ្យមានការដកហូតអាជ្ញាបណ្ណខ្លឹមព័ត៌មាន, ខ្លឹមព័ត៌មានពាក់ព័ន្ធ, សមាជិកភាព និងសមតុល្យគណនី Microsoft ដែលពាក់ព័ន្ធជាមួយគណនីនោះ។ នៅពេលត្រួតពិនិត្យការបំពានលក្ខខណ្ឌដែលបានលើកឡើងទាំងនេះ, Microsoft សូមរក្សាសិទ្ធិក្នុងការត្រួតពិនិត្យខ្លឹមព័ត៌មាននោះ ដើម្បីដោះស្រាយបញ្ហា។ ទោះជាយ៉ាងនេះក៏ដោយ យើងមិនអាចត្រួតពិនិត្យសេវាទាំងមូល និងមិនធ្វើការប៉ុនប៉ងណាមួយក្នុងការធ្វើដូច្នោះឡើយ។ សម្រាប់ព័ត៌មានបន្ថែមអំពីដំណើរការនៃការសម្របសម្រួល និងការអនុវត្ត (http://approjects.co.za/?big=DigitalSafety/moderation-and-enforcement), លក្ខខណ្ឌជាក់លាក់នៃសេវា, គោលការណ៍និងមគ្គទេសក៍ណែនាំបន្ថែមនានា (http://approjects.co.za/?big=DigitalSafety/policies/additional-guidelines), ព្រមទាំងការតវ៉ា (http://approjects.co.za/?big=DigitalSafety/moderation-and-enforcement/appeals) សូមមើល https://aka.ms/trustandsafety។ ព័ត៌មានអំពីគោលការណ៍របស់យើងដែលពាក់ព័ន្ធជាមួយបណ្ដឹងអំពីការរំលោភកម្មសិទ្ធិបញ្ញាអាចរកឃើញនៅ សេចក្ដីជូនដំណឹង។
c. គណនីការងារឬសាលារៀន៖ អ្នកអាចចុះឈ្មោះចូលសេវា Microsoft មួយចំនួន ដោយប្រើអាសយដ្ឋានអ៊ីមែលការងារឬសាលារៀន។ បើអ្នកធ្វើដូច្នេះ អ្នកយល់ព្រមថា ម្ចាស់នៃដូមែនដែលពាក់ព័ន្ធជាមួយអាសយដ្ឋានអ៊ីមែលរបស់អ្នកអាចទទួលដំណឹងអំពីអត្ថិភាពនៃគណនី Microsoft របស់អ្នក និងការចុះឈ្មោះជាវពាក់ព័ន្ធនឹងវា, កាត្រួតត្រានិងការគ្រប់គ្រងគណនីរបស់អ្នក ព្រមទាំងចូលប្រើនិងដំណើរការទិន្នន័យរបស់អ្នក រួមទាំងខ្លឹមព័ត៌មាននៃការប្រាស្រ័យទាក់ទងនិងឯកសាររបស់អ្នក ហើយថា Microsoft អាចជូនដំណឹងម្ចាស់ដូមេន បើគណនីឬទិន្នន័យនោះត្រូវបានធ្វើឲ្យខូច។ អ្នកយល់ព្រមទៀតថា ការប្រើរបស់អ្នកលើសេវា Microsoft អាចស្ថិតក្រោមកិច្ចព្រមព្រៀងដែល Microsoft មានជាមួយអ្នកឬស្ថាប័នរបស់អ្នក ហើយលក្ខខណ្ឌទាំងនេះប្រហែលជាមិនអនុវត្តឡើយ។ បើអ្នកធ្លាប់មានគណនី Microsoft មួយ ហើយអ្នកប្រើអាសយដ្ឋានអ៊ីមែលការងារឬសាលារៀនដាច់ដោយឡែក ដើម្បីចូលប្រើសេវាដែលស្ថិតក្រោមលក្ខខណ្ឌទាំងនេះ អ្នកប្រហែលជាត្រូវបានសុំឲ្យធ្វើបច្ចុប្បន្នភាពអាសយដ្ឋានអ៊ីមែលពាក់ព័ន្ធជាមួយគណនី Microsoft របស់អ្នក ដើម្បីបន្តចូលប្រើសេវានោះ។
d. គ្រឿងបរិក្ខារបន្ថែម/គម្រោងទិន្នន័យ៖ ដើម្បីប្រើសេវាជាច្រើន អ្នកនឹងត្រូវការនូវការភ្ជាប់អ៊ីនធើណិត និង/ឬ គម្រោងទិន្នន័យ/ទូរសព្ទចល័ត។ អ្នកក៏អាចត្រូវការគ្រឿងបរិក្ខារបន្ថែម ដូចជាកាស កាមេរ៉ា ឬមីក្រូហ្វូនផងដែរ។ អ្នកត្រូវទទួលខុសត្រូវចំពោះការផ្ដល់ការភ្ជាប់ គម្រោង និង/ឬ គ្រឿងបរិក្ខារទាំងអស់ដែលត្រូវការ ដើម្បីប្រើសេវានានា និងសម្រាប់ការបង់ថ្លៃសេវា ដែលគិតថ្លៃដោយអ្នកផ្ដល់សេវាភ្ជាប់ គម្រោងនានា និងគ្រឿងបរិក្ខារ។ ថ្លៃសេវាទាំងនេះ គឺបន្ថែមលើថ្លៃសេវាទាំងឡាយដែលអ្នកបង់ឲ្យយើងចំពោះសេវានានា ហើយយើងនឹងមិនសងអ្នកវិញឡើយសម្រាប់ថ្លៃសេវាទាំងនោះ។ សូមប្រឹក្សាជាមួយអ្នកផ្ដល់សេវា ដើម្បីដឹងថាតើមានការគិតថ្លៃសេវាដែលអ្នកត្រូវបង់ដែរឬទេ។
e. ការជូនដំណឹងពីសេវា៖ នៅពេលមានអ្វីមួយដែលយើងត្រូវការប្រាប់អ្នកអំពីសេវាដែលអ្នកប្រើ យើងនឹងផ្ញើជូនអ្នកនូវការជូនដំណឹងពីសេវាទាំងនោះ។ បើអ្នកបានផ្ដល់ឲ្យយើងនូវអាសយដ្ឋានអ៊ីមែលឬលេខទូរសព្ទរបស់អ្នកជាប់ទាក់ទងជាមួយគណនី Microsoft របស់អ្នក នោះយើងអាចផ្ញើការជូនដំណឹងសេវាជូនអ្នកតាមអ៊ីមែល ឬតាម SMS (សារអត្ថបទ) រួមទាំងផ្ទៀងផ្ទាត់អត្តសញ្ញាណរបស់អ្នក មុនពេលចុះបញ្ជីលេខទូរសព្ទចល័តរបស់អ្នកនិងផ្ទៀងផ្ទាត់ការទិញរបស់អ្នក។ យើងក៏អាចផ្ញើជូនអ្នកនូវការជូនដំណឹងសេវាតាមមធ្យោបាយផ្សេងទៀតផងដែរ (ឧទាហរណ៍ តាមសារក្នុងផលិតផល)។ អាចគិតអត្រាទិន្នន័យ ឬសារ នៅពេលទទួលការជូនដំណឹងតាម SMS។
f. ការគាំទ្រ៖ ការគាំទ្រអតិថិជនសម្រាប់សេវាខ្លះមាននៅ https://support.microsoft.com។ សេវាមួយចំនួនអាចផ្ដល់នូវការគាំទ្រអតិថិជនដាច់ដោយឡែកឬបន្ថែម ស្ថិតក្រោមលក្ខខណ្ឌដែលមាននៅ https://microsoft.com/support-service-agreement លុះណាតែបានបញ្ជាក់ផ្សេងពីនេះ។ ការគាំទ្រប្រហែលជាមិនមានឡើយសម្រាប់កំណែសាកមើលឬបែតានៃលក្ខណៈពិសេសឬសេវានានា។ សេវានានាអាចមិនត្រូវគ្នាជាមួយសុហ្វវែរឬសេវាដែលតតិយភាគីបានផ្ដល់ឲ្យ ហើយអ្នកត្រូវទទួលខុសត្រូវចំពោះការធ្វើឲ្យខ្លួនអ្នកថ្នឹកជាមួយតម្រូវការនៃភាពត្រូវគ្នា។
- i. ចំពោះអ្នកប្រើប្រាស់ដែលរស់នៅអូស្ត្រាលី៖ បើអ្នកកំពុងប្រើផលិតផលឬសេវាដែលស្ថិតក្រោមក្រមការពារអ្នកប្រើប្រាស់ទូរគមនាគមន៍ អ្នកទទួលសិទ្ធិក្នុងការប្រើជំនួយការ ដើម្បីប្រាស្រ័យទាក់ទងជាមួយ Microsoft; បុគ្គលម្នាក់ដែលដើរតួជាជំនួយការរបស់អ្នកគ្មានអំណាចធ្វើសកម្មភាពក្នុងនាមអ្នក ឬក៏ចូលប្រើព័ត៌មានរបស់អ្នកដោយអវត្តមានអ្នក ឬអ្នកមិនយល់ព្រមចំពោះសកម្មភាពនោះឡើយ។ អ្នកក៏ទទួលសិទ្ធិផងដែរក្នុងការចាត់តាំងអ្នកតំណាងដែលទទួលសិទ្ធិ ដែលមានអំណាចចូលប្រើព័ត៌មានអ្នក និងធ្វើសកម្មភាពក្នុងនាមអ្នក ជាភ្នាក់ងាររបស់អ្នក។
g. ការបញ្ចប់សេវារបស់អ្នក៖ បើសេវារបស់អ្នកត្រូវបានលុបចោល (មិនថាដោយអ្នក ឬយើងឡើយ) ទី១ សិទ្ធិរបស់អ្នកក្នុងការចូលប្រើសេវានានានឹងអស់ភ្លាមៗ ហើយអាជ្ញាបណ្ណរបស់អ្នកចំពោះសុហ្វវែរពាក់ព័ន្ធនឹងសេវានោះនឹងបញ្ចប់។ ទី២ យើងនឹងលុបទិន្នន័យ ឬខ្លឹមព័ត៌មានរបស់អ្នកពាក់ព័ន្ធជាមួយសេវារបស់អ្នក ឬក៏នឹងផ្ដាច់វាពីអ្នកនិងគណនី Microsoft របស់អ្នក (លុះណាតែយើងត្រូវបានតម្រូវដោយច្បាប់ឲ្យរក្សាវា ប្រគល់វាត្រឡប់វិញ ឬក៏ផ្ទេរវាជូនអ្នកឬតតិយភាគីដែលអ្នកបានកត់សម្គាល់)។ ជាលទ្ធផល អ្នកប្រហែលជាលែងអាចចូលប្រើសេវាទាំងឡាយទៀតហើយ (ឬខ្លឹមព័ត៌មានរបស់អ្នកដែលអ្នកបានរក្សាទុកលើសេវាទាំងនោះ)។ អ្នកគួរមានគម្រោងចម្លងទុកជាប្រចាំ។ ទី៣ អ្នកអាចបាត់បង់ការចូលប្រើផលិតផលដែលអ្នកបានទទួល។ បើអ្នកបានបោះបង់គណនី Microsoft របស់អ្នក ហើយគ្មានគណនីផ្សេងទៀតអាចចូលប្រើសេវានានា នោះសេវារបស់អ្នកអាចត្រូវបានបោះបង់ភ្លាមៗ។

ការប្រើកម្មវិធីនិងសេវាតតីយភាគី

5. ការប្រើកម្មវិធីនិងសេវាតតីយភាគី៖ សេវានានាអាចអនុញ្ញាតឲ្យអ្នកចូលប្រើឬទទួលផលិតផល សេវា វិបសៃ តំណ ខ្លឹមព័ត៌មាន ឯកសារ ហ្គេម ជំនាញ ការបញ្ចូលគ្នា រ៉ូបូ ឬកម្មវិធីពីតតីយភាគីឯករាជ្យ (ក្រុមហ៊ុនឬមនុស្សដែលមិនមែនជា Microsoft) ("កម្មវិធីនិងសេវាតតីយភាគី")។ សេវារបស់យើងជាច្រើនក៏ជួយផងដែរឲ្យអ្នករក ធ្វើសំណើទៅកាន់ ឬធ្វើអន្តរកម្មជាមួយកម្មវិធីនិងសេវាតតីយភាគី ហើយប្រហែលជាអនុញ្ញាតឬតម្រូវឲ្យអ្នកចែករំលែកខ្លឹមព័ត៌មានឬទិន្នន័យរបស់អ្នកជាមួយកម្មវិធីនិងសេវាតតីយភាគីនោះ ហើយអ្នកដឹងថា ដោយប្រើសេវារបស់យើង អ្នកកំពុងបង្គាប់ពួកវាដើម្បីធ្វើឲ្យកម្មវិធីនិងសេវាតតីយភាគីមានចំពោះអ្នក។ កម្មវិធីនិងសេវាតតីយភាគីនេះប្រហែលជាអនុញ្ញាតឬតម្រូវឲ្យអ្នករក្សាទុកនូវខ្លឹមព័ត៌មានឬទិន្នន័យរបស់អ្នកជាមួយអ្នកផ្សាយ អ្នកផ្ដល់ ឬប្រតិបត្តិករនៃកម្មវិធីនិងសេវាតតីយភាគី។ កម្មវិធីនិងសេវាតតីយភាគីអាចបង្ហាញជូនអ្នកនូវគោលការណ៍ភាពឯកជន ឬក៏តម្រូវឲ្យអ្នកព្រមទទួលលក្ខខណ្ឌរបស់ពួកវា មុនពេលអ្នកអាចដំឡើងឬប្រើកម្មវិធីឬសេវាតតីយភាគីនោះ។ មើលប្រការ 13.b សម្រាប់លក្ខខណ្ឌបន្ថែមនៃកម្មវិធីដែលបានទទួលតាមហាងមួយចំនួនរបស់ ឬក៏ធ្វើប្រតិបត្តិការដោយ Microsoft ឬសម្ពន្ធរបស់ខ្លួន (មានជាអាទិ៍ Office Store, Microsoft Store លើ Xbox និង Microsoft Store លើ Windows)។ អ្នកគួរត្រួតពិនិត្យលក្ខខណ្ឌនិងគោលការណ៍ភាពឯកជនរបស់តតីយភាគីនោះ មុនពេលទទួល ប្រើ ស្នើ ឬក៏តគណនី Microsoft របស់អ្នកជាមួយកម្មវិធីឬសេវាតតីយភាគីណាមួយ។ លក្ខខណ្ឌទាំងឡាយរបស់តតីយភាគីមិនកែលក្ខខណ្ឌទាំងនេះទេ។ Microsoft មិនផ្ដល់អាជ្ញាបណ្ណកម្មសិទ្ធិបញ្ញាណាមួយជូនអ្នកជាផ្នែកមួយនៃកម្មវិធី និងសេវាតតីយភាគីឡើយ។ អ្នកយល់ព្រមទទួលហានិភ័យ និងការទទួលខុសត្រូវទាំងអស់ពីការប្រើរបស់អ្នកលើកម្មវិធី និងសេវាតតីយភាគីទាំងនេះ ព្រមទាំងយល់ព្រមថា Microsoft មិនទទួលខុសត្រូវចំពោះបញ្ហាទាំងឡាយ ដែលកើតឡើងពីការប្រើរបស់អ្នកលើពួកវាឡើយ។ Microsoft មិនទទួលខុសត្រូវចំពោះអ្នកឬអ្នកដទៃឡើយ ចំពោះព័ត៌មានឬសេវាដែលកម្មវិធីនិងសេវារបស់តតីយភាគីណាមួយបានផ្ដល់ជូន។

ភាពមាននៃសេវា

6. ភាពមាននៃសេវា៖

a. សេវានានា, កម្មវិធី និងសេវាតតីយភាគី ឬក៏ឯកសារ ឬផលិតផល ដែលបានផ្ដល់ឲ្យតាមរយៈសេវានានា អាចមិនមានពីពេលមួយទៅពេលមួយ, អាចត្រូវបានផ្ដល់ជូនតាមមូលដ្ឋានមានកម្រិត ឬអាចខុសគ្នាតាមតំបន់ ឬឧបករណ៍របស់អ្នក។ បើអ្នកប្ដូរទីកន្លែងដែលពាក់ព័ន្ធជាមួយគណនី Microsoft របស់អ្នក អ្នកអាចត្រូវការទទួលម្ដងទៀតនូវឯកសារ ឬកម្មវិធី ដែលមានចំពោះអ្នក និងបានគិតថ្លៃក្នុងតំបន់ពីមុនរបស់អ្នក។ អ្នកយល់ព្រមមិនចូលប្រើ ឬប្រើឯកសារ ឬសេវានានា ដែលខុសច្បាប់ ឬមិនទទួលអាជ្ញាបណ្ណសម្រាប់ការប្រើក្នុងប្រទេស ដែលអ្នកចូលប្រើ ឬប្រើឯកសារ ឬសេវានោះ ឬដើម្បីលាតត្រដាង ឬបង្ហាញមិនពិតពីទីកន្លែង ឬអត្តសញ្ញាណរបស់អ្នក ដើម្បីចូលប្រើ ឬប្រើឯកសារ ឬសេវាទាំងនោះឡើយ។
b. យើងខិតខំរក្សាឲ្យសេវាទាំងឡាយដំណើរការល្អ ប៉ុន្តែសេវាលើបណ្ដាញទាំងអស់អាចអាក់ខាន និងខូចម្ដងម្កាល ហើយ Microsoft មិនទទួលខុសត្រូវចំពោះការអាក់ខាន ឬការបាត់បង់ ដែលអ្នកអាចទទួល ដោយសារមូលហេតុនេះឡើយ។ ក្នុងព្រឹត្តិការណ៍មានការខូចជាបណ្ដោះអាសន្ន អ្នកមិនអាចទៅយកខ្លឹមព័ត៌មាន ឬទិន្នន័យរបស់អ្នក ដែលអ្នកបានរក្សាទុកឡើយ។ យើងឲ្យយោបល់អ្នកចម្លងទុកជាប្រចាំនូវខ្លឹមព័ត៌មាននិងទិន្នន័យរបស់អ្នក ដែលអ្នករក្សាទុកលើសេវានានា ឬក៏រក្សាទុកដោយប្រើកម្មវិធីនិងសេវាតតីយភាគី។

បច្ចុប្បន្នភាពចំពោះសេវាឬសុហ្វវែរ ព្រមទាំងការផ្លាស់ប្ដូរចំពោះលក្ខខណ្ឌទាំងនេះ

7. បច្ចុប្បន្នភាពចំពោះសេវានានា ឬសុហ្វវែរ និងការផ្លាស់ប្ដូរចំពោះលក្ខខណ្ឌទាំងនេះ៖

a. យើងអាចផ្លាស់ប្ដូរលក្ខខណ្ឌទាំងនេះនៅគ្រប់ពេល ហើយយើងនឹងប្រាប់អ្នក នៅពេលយើងធ្វើ។ ការប្រើសេវានានាបន្ទាប់ពីការផ្លាស់ប្ដូរមានប្រសិទ្ធភាព មានន័យថា អ្នកយល់ព្រមចំពោះលក្ខខណ្ឌថ្មីៗនោះ។ បើអ្នកមិនយល់ព្រមតាមលក្ខខណ្ឌថ្មីៗទេ អ្នកត្រូវតែបញ្ឈប់ការប្រើសេវានានា បិទគណនី Microsoft របស់អ្នក ហើយបើអ្នកគឺជាឪពុកម្ដាយឬអាណាព្យាបាល សូមជួយកូនជាអនីតិជនរបស់អ្នកក្នុងការបិទគណនី Microsoft របស់គេ។
b. ពេលខ្លះ អ្នកនឹងត្រូវការបច្ចុប្បន្នភាពនៃសុហ្វវែរ ដើម្បីរក្សាការប្រើសេវានានា។ យើងអាចពិនិត្យកំណែសុហ្វវែររបស់អ្នកដោយស្វ័យប្រវត្តិ ព្រមទាំងទាញយកបច្ចុប្បន្នភាពនៃសុហ្វវែរ ឬក៏ការផ្លាស់ប្ដូរការកំណត់រចនាសម្ពន្ធ។ អ្នកក៏អាចត្រូវបានតម្រូវឲ្យធ្វើបច្ចុប្បន្នភាពសុហ្វវែរផងដែរ ដើម្បីបន្តការប្រើសេវានានា។ បច្ចុប្បន្នភាពទាំងនោះស្ថិតក្រោមលក្ខខណ្ឌទាំងនេះ លុះណាតែលក្ខខណ្ឌផ្សេងទៀតអមជាមួយបច្ចុប្បន្នភាពទាំងនោះ ដែលក្នុងករណីនោះ លក្ខខណ្ឌដទៃផ្សេងទៀតនឹងអនុវត្ត។ Microsoft គ្មានកាតព្វកិច្ចក្នុងការធ្វើឲ្យមានបច្ចុប្បន្នភាពនានាឡើយ ហើយក៏មិនធានាថា យើងនឹងគាំទ្រកំណែនៃប្រព័ន្ធសុហ្វវែរ កម្មវិធី ខ្លឹមព័ត៌មាន ឬផលិតផលដទៃទៀត ដែលអ្នកបានទិញឬបានទទួលអាជ្ញាបណ្ណឡើយ។ បច្ចុប្បន្នភាពនោះអាចមិនត្រូវគ្នាជាមួយសុហ្វវែរ ឬសេវាដែលតតិយភាគីបានផ្ដល់ឲ្យ។ អ្នកអាចដកការយល់ព្រមរបស់អ្នកចំពោះបច្ចុប្បន្នភាពនៃសុហ្វវែរនាពេលអនាគត នៅគ្រប់ពេល ដោយលុបសុហ្វវែរនោះ។
c. បន្ថែមលើនេះ អាចមានពេលខ្លះ ដែលអ្នកត្រូវការលុប ឬប្ដូរមុខងារ ឬភាពធ្វើមុខងារនៃសេវា ឬបញ្ឈប់ការផ្ដល់សេវា ឬចូលប្រើកម្មវិធី និងសេវាតតិយភាគី ជាមួយគ្នា។ លើកលែងក្រោមវិសាលភាពដែលច្បាប់ជាធរមានត្រូវការ យើងមានកាតព្វកិច្ចផ្ដល់ការទាញយកឡើងវិញ ឬក៏ការជំនួសឯកសារទាំងឡាយ, ទំនិញឌីជីថល (ដូចបានឲ្យអត្ថន័យក្នុងប្រការ 13.i) ឬក៏កម្មវិធីដែលបានទិញពីមុន។ យើងអាចបញ្ចេញសេវានានាឬមុខងារនៃសេវាទាំងនោះក្នុងការបង្ហាញឬកំណែបែតា ដែលអាចដំណើរការមិនត្រឹមត្រូវ ឬក៏ដូចគ្នានឹងអ្វីដែលកំណែចុងក្រោយដំណើរការ។
d. ដូច្នេះហើយ អ្នកអាចប្រើឯកសារដែលបានការពារដោយការគ្រប់គ្រងសិទ្ធិឌីជីថល (DRM) ដូចជាតន្ដ្រី ហ្គេម កុន សៀវភៅ ជាដើម នោះសុហ្វវែរ DRM អាចទាក់ទងសឺវើសិទ្ធិលើបណ្ដាញដោយស្វ័យប្រវត្តិ ព្រមទាំងទាញយកនិងដំឡើងបច្ចុប្បន្នភាព DRM។

អាជ្ញាបណ្ណសុហ្វវែរ

8. អាជ្ញាបណ្ណសុហ្វវែរ៖ លុះត្រាតែអមដោយកិច្ចព្រមព្រៀងអាជ្ញាបណ្ណ Microsoft ដាច់ដោយឡែក (ឧទាហរណ៍ បើអ្នកកំពុងប្រើកម្មវិធី Microsoft ដែលរួមបញ្ចូលជាមួយ និងជាផ្នែកមួយនៃ Windows នោះលក្ខខណ្ឌអាជ្ញាបណ្ណសុហ្វវែរ Microsoft សម្រាប់ប្រព័ន្ធប្រតិបត្តិការ Windows នឹងគ្របដណ្ដប់លើសុហ្វវែរនោះ) សុហ្វវែរទាំងឡាយដែលយើងបានផ្ដល់ជូនអ្នកជាផ្នែកមួយនៃសេវានានា ស្ថិតក្រោមលក្ខខណ្ឌទាំងនេះ។ កម្មវិធីដែលបានទទួលតាមហាងមួយចំនួនដែលជារបស់ឬធ្វើប្រតិបត្តិការដោយ Microsoft ឬសម្ពន្ធរបស់ខ្លួន (មានជាអាទិ៍ Office Store, Microsoft Store លើ Windows និង Microsoft Store លើ Xbox) ស្ថិតក្រោមប្រការ 13.b.i ខាងក្រោម។

a. បើអ្នកអនុលោមតាមលក្ខខណ្ឌទាំងនេះ យើងផ្ដល់ជូនអ្នកនូវសិទ្ធិក្នុងការដំឡើង និងប្រើសំណៅចម្លងមួយនៃសុហ្វវែរនេះ នៅលើឧបករណ៍មួយ តាមមូលដ្ឋានទូទាំងពិភពលោក សម្រាប់ការប្រើដោយបុគ្គលតែម្នាក់ប៉ុណ្ណោះ ក្នុងពេលមួយ ជាផ្នែកមួយនៃការប្រើរបស់អ្នកលើសេវានានា។ ចំពោះឧបករណ៍មួយចំនួន ដូចជាសុហ្វវែរ អាចត្រូវបានដំឡើងជាមុនសម្រាប់ការប្រើប្រាស់ផ្ទាល់ខ្លួន មិនមែនពាណិជ្ជកម្មប៉ុណ្ណោះ លើសេវាទាំងនោះ។ សុហ្វវែរ ឬវិបសៃដែលជាផ្នែកមួយនៃសេវានានា អាចរួមបញ្ចូលកូដរបស់តតីយភាគី។ ស្គ្រីប ឬកូដរបស់តតីយភាគីទាំងឡាយ ដែលបានតទៅ ឬបានយោងពីសុហ្វវែរ ឬវិបសៃ ត្រូវបានផ្ដល់អាជ្ញាបណ្ណជូនអ្នក ដោយតតីយភាគីដែលជាម្ចាស់នៃកូដទាំងនោះ មិនមែនដោយ Microsoft ឡើយ។ សេចក្ដីជូនដំណឹង បើមាន សម្រាប់កូដរបស់តតីយភាគី ត្រូវបានរួមបញ្ចូលសម្រាប់ជាព័ត៌មានរបស់អ្នកប៉ុណ្ណោះ។
b. សុហ្វវែរនេះត្រូវបានផ្ដល់អាជ្ញាបណ្ណឲ្យ មិនមែនលក់ឲ្យទេ ហើយ Microsoft រក្សាសិទ្ធិទាំងអស់ចំពោះសុហ្វវែរដែលមិនបានផ្ដល់ឲ្យយ៉ាងជាក់ច្បាស់ដោយ Microsoft មិនថាតាមរយៈការជាប់ទាក់ទង វិធានច្បាប់ ឬក៏អ្វីផ្សេងទៀតឡើយ។ អាជ្ញាបណ្ណនេះមិនផ្តល់ជូនអ្នកនូវសិទ្ធិណាមួយក្នុងការ (ហើយអ្នកមិនត្រូវ)៖
- i. ជៀសវាង ឬរំលងវិធានការការពារបច្ចេកទេសណាមួយ ក្នុង ឬពាក់ព័ន្ធនឹងសុហ្វវែរ ឬសេវានានា;
- ii. រុះរើ ស្រាយ ឌីគ្រីប កកេះ ចម្លង ប្រវ័ញ្ច ឬធ្វើវិស្វកម្មបញ្ច្រាសលើសុហ្វវែរណាមួយ ឬទិដ្ឋភាពផ្សេងទៀតនៃសេវានានាដែលរួមបញ្ចូលក្នុង ឬអាចចូលប្រើបានតាមរយៈសេវានានា លើកលែង ហើយតែក្រោមវិសាលភាពដែលច្បាប់សិទ្ធិអ្នកនិពន្ធជាធរមានអនុញ្ញាតយ៉ាងជាក់ច្បាស់ឲ្យធ្វើដូច្នេះប៉ុណ្ណោះ;
- iii. សមាសភាពដាច់ដោយឡែកនៃសុហ្វវែរ ឬសេវានានា សម្រាប់ការប្រើលើឧបករណ៍ផ្សេង;
- iv. ផ្សាយ ចម្លង ជួល លក់ នាំចេញ នាំចូល ចែកចាយ ឬឲ្យខ្ចីសុហ្វវែរ ឬសេវានានា លុះត្រាតែ Microsoft ផ្ដល់សិទ្ធិយ៉ាងជាក់ច្បាស់ដល់អ្នកឲ្យធ្វើដូច្នោះ;
- v. ផ្ទេរសុហ្វវែរ អាជ្ញាបណ្ណសុហ្វវែរណាមួយ ឬសិទ្ធិណាមួយ ដើម្បីចូលប្រើ ឬប្រើសេវានានា;
- vi. ប្រើសេវានានាតាមវិធីដែលមិនទទួលការអនុញ្ញាតណាមួយ ដែលអាចបង្អាក់រំខានដល់ការប្រើ ឬក៏ចូលប្រើសេវា ទិន្នន័យ គណនី ឬបណ្ដាញ របស់អ្នកដទៃផ្សេងទៀត;
- vii. អនុញ្ញាតការចូលប្រើសេវាទាំងនោះ ឬក៏កែឧបករណ៍ដែលផ្ដល់សិទ្ធិដោយ Microsoft (ឧទា. កុងសូល Xbox, Microsoft Surface។ល។) ដោយកម្មវិធីតតីយភាគីដែលមិនបានទទួលសិទ្ធិ។

លក្ខខណ្ឌនៃការបង់ប្រាក់

9. លក្ខខណ្ឌនៃការបង់ប្រាក់៖ បើអ្នកទិញសេវាមួយ នោះលក្ខខណ្ឌនៃការបង់ប្រាក់ទាំងនេះ អនុវត្តចំពោះការទិញរបស់អ្នក ហើយអ្នកយល់ព្រមតាមពួកគេ។

a. ការគិតថ្លៃ៖ បើមានការគិតថ្លៃពាក់ព័ន្ធនឹងផ្នែកណាមួយនៃសេវាទាំងនោះ អ្នកយល់ព្រមបង់នូវថ្លៃនោះជារូបិយវត្ថុដែលបានបញ្ជាក់។ តម្លៃដែលបានបញ្ជាក់ចំពោះសេវានានា មិនរួមបញ្ចូលពន្ធទាំងអស់ដែលត្រូវបង់ និងការទូទាត់នៃការប្ដូររូបិយវត្ថុឡើយ លុះត្រាតែបានបញ្ជាក់ផ្សេងពីនេះ។ តម្លៃទាំងអស់សម្រាប់ផលិតផលគិតថ្លៃរបស់ Skype រួមបញ្ចូលទាំងពន្ធផងដែរ លុះត្រាតែបានបញ្ជាក់ផ្សេងពីនេះ។ អ្នកទទួលខុសត្រូវទាំងស្រុងចំពោះការបង់ពន្ធ និងការគិតថ្លៃផ្សេងៗទៀត។ Skype គណនាពន្ធផ្អែកលើអាសយដ្ឋានទីលំនៅពាក់ព័ន្ធជាមួយព័ត៌មានចេញវិក្កយបត្រឲ្យអ្នក។ អ្នកទទួលខុសត្រូវក្នុងការធានាឲ្យបានថា អាសយដ្ឋាននេះទាន់សម័យនិងសុក្រឹត។ លើកលែងចំពោះផលិតផល Skype ពន្ធនានាត្រូវបានគណនាដោយផ្អែកលើទីកន្លែងរបស់អ្នកនៅពេលគណនី Microsoft របស់អ្នកត្រូវបានចុះបញ្ជី លុះត្រាតែច្បាប់ក្នុងស្រុកតម្រូវឲ្យប្រើមូលដ្ឋានផ្សេងសម្រាប់ការគណនា។ យើងអាចព្យួរ ឬលុបចោលសេវានានា បើយើងមិនទទួលការបង់ប្រាក់ពេញលេញពីអ្នក ទាន់ពេលវេលា។ ការព្យួរ ឬការលុបចោលសេវានានា ដោយមិនបង់ប្រាក់ អាចនាំឲ្យបាត់បង់ការចូលប្រើ ព្រមទាំងការប្រើគណនីរបស់អ្នក និងខ្លឹមព័ត៌មានរបស់វា។ ការភ្ជាប់ទៅអ៊ីនធើណិតតាមបណ្ដាញរបស់ក្រុមហ៊ុនឬបណ្ដាញឯកជនផ្សេងទៀតដែលបំបាំងទីកន្លែងរបស់អ្នក អាចធ្វើឲ្យមានការគិតថ្លៃខុសពីអ្វីដែលបានបង្ហាញសម្រាប់ទីកន្លែងជាក់ស្ដែងរបស់អ្នក។ អាស្រ័យលើទីកន្លែងរបស់អ្នក ប្រតិបត្តិការខ្លះអាចតម្រូវឲ្យបំលែងរូបិយវត្ថុបរទេស ឬក៏ដំណើរការក្នុងប្រទេសផ្សេង។ ធនាគាររបស់អ្នកអាចគិតថ្លៃបន្ថែមពីអ្នកសម្រាប់សេវាទាំងនោះ នៅពេលអ្នកប្រើបណ្ណឥណពន្ធឬឥណទាន។ សូមទាក់ទងធនាគាររបស់អ្នកដើម្បីទទួលព័ត៌មានលម្អិត។
b. គណនីចេញវិក្កយបត្ររបស់អ្នក៖ ដើម្បីបង់ថ្លៃសេវាមួយ អ្នកនឹងត្រូវបានសុំឲ្យផ្ដល់វិធីបង់ប្រាក់មួយ នៅពេលអ្នកចុះឈ្មោះប្រើសេវានោះ។ សម្រាប់សេវាទាំងអស់ក្រៅពី Skype អ្នកអាចចូលនិងប្ដូរព័ត៌មានចេញវិក្កយបត្ររបស់អ្នកនិងវិធីបង់ប្រាក់លើ វិបសៃគ្រប់គ្រងគណនី Microsoft (https://go.microsoft.com/fwlink/p/?linkid=618281) ហើយសម្រាប់សុហ្វវែរនិងផលិតផល Skype គឺតាមរយៈការចុះឈ្មោះចូលផតថលគណនីរបស់អ្នកនៅ https://skype.com/go/myaccount។ បន្ថែមលើនេះ អ្នកយល់ព្រមអនុញ្ញាតឲ្យ Microsoft ប្រើព័ត៌មានគណនីដែលបានធ្វើបច្ចុប្បន្នភាពទាំងឡាយ ពាក់ព័ន្ធនឹងវិធីបង់ប្រាក់ដែលអ្នកបានជ្រើស ដែលបានផ្ដល់ឲ្យដោយធនាគាររបស់អ្នក ឬបណ្ដាញបង់ប្រាក់ដែលមាន។ អ្នកយល់ព្រមធ្វើបច្ចុប្បន្នភាពគណនីនិងព័ត៌មានផ្សេងទៀតរបស់អ្នកភ្លាមៗ រួមទាំងអាសយដ្ឋានអ៊ីមែលនិងព័ត៌មានអំពីវិធីបង់ប្រាក់របស់អ្នក ដើម្បីឲ្យយើងអាចបំពេញប្រតិបត្តិការរបស់អ្នក ព្រមទាំងទាក់ទងអ្នកពាក់ព័ន្ធនឹងប្រតិបត្តិការរបស់អ្នកតាមត្រូវការ។ ការកែប្រែដែលធ្វើចំពោះគណនីចេញវិក្កយបត្ររបស់អ្នក នឹងមិនប៉ះពាល់ឡើយដល់ការគិតថ្លៃ ដែលយើងប្រគល់ជូនគណនីចេញវិក្កយបត្ររបស់អ្នក មុនពេលយើងអាចធ្វើសកម្មភាពសមហេតុផលលើការគិតថ្លៃពីអ្នកលើគណនីចេញវិក្កយបត្ររបស់អ្នក។
c. ការចេញវិក្កយបត្រ៖ ដោយផ្ដល់ជូន Microsoft នូវវិធីបង់ប្រាក់មួយ អ្នក (i) អះអាងថា អ្នកទទួលសិទ្ធិក្នុងការប្រើវិធីបង់ប្រាក់ដែលអ្នកបានផ្ដល់ជូននោះ ព្រមទាំងថាព័ត៌មានបង់ប្រាក់ទាំងឡាយ ដែលអ្នកផ្ដល់ឲ្យ គឺពិត និងសុក្រឹត; (ii) ផ្ដល់សិទ្ធិឲ្យ Microsoft គិតថ្លៃពីអ្នក ចំពោះសេវាឬខ្លឹមព័ត៌មានដែលមាន ដែលប្រើវិធីបង់ប្រាក់របស់អ្នក; និង (iii) ផ្ដល់សិទ្ធិឲ្យ Microsoft គិតថ្លៃពីអ្នក ចំពោះមុខងារគិតថ្លៃទាំងឡាយនៃសេវានានាដែលអ្នកជ្រើសរើសចុះឈ្មោះប្រើ ឬក៏ប្រើ ខណៈពេលលក្ខខណ្ឌទាំងនេះចូលជាធរមាន។ យើងអាចចេញវិក្កយបត្រឲ្យអ្នក (a) ជាមុន; (b) នៅពេលទិញ; (c) ភ្លាមៗ បន្ទាប់ពីទិញ; ឬ (d) តាមមូលដ្ឋានកើតឡើងវិញ ចំពោះសេវាចុះឈ្មោះជាវ។ ដូចគ្នានេះដែរ យើងអាចគិតថ្លៃពីអ្នកដល់ទៅចំនួនទឹកប្រាក់ដែលអ្នកបានយល់ព្រម ហើយយើងនឹងជូនដំណឹងអ្នកជាមុន ពីការកែប្រែចំនួនទឹកប្រាក់ដែលត្រូវគិត ចំពោះសេវាចុះឈ្មោះជាវឡើងវិញ។ យើងអាចចេញវិក្កយបត្រឲ្យអ្នកក្នុងពេលតែមួយ លើសពីម្ដងនៃអំឡុងពេលចេញវិក្កយបត្រមុនរបស់អ្នក ចំពោះចំនួនទឹកប្រាក់ដែលមិនទាន់បានសងពីមុន។
d. ការបង់ប្រាក់ឡើងវិញ៖ នៅពេលអ្នកទិញសេវានានាតាមមូលដ្ឋាននៃការចុះឈ្មោះជាវ (ឧទា. ប្រចាំខែ, រៀងរាល់ 3 ខែ ឬប្រចាំឆ្នាំ) អ្នកទទួលស្គាល់និងយល់ព្រមថា អ្នកកំពុងផ្ដល់ការអនុញ្ញាតដល់ការបង់ប្រាក់ឡើងវិញ ហើយការបង់ប្រាក់នោះនឹងធ្វើដល់ Microsoft តាមវិធីនៃការបង់ប្រាក់នោះ និង នៅចន្លោះពេលកើតឡើងវិញ ដែលអ្នកបានយល់ព្រម រហូតដល់ការចុះឈ្មោះចំពោះសេវានោះ ត្រូវបានបញ្ចប់ដោយអ្នកឬដោយ Microsoft។ អ្នកត្រូវតែបោះបង់សេវារបស់អ្នកមុនកាលបរិច្ឆេទចេញវិក្កយបត្រលើកក្រោយ ដើម្បីបញ្ឈប់ការគិតថ្លៃក្នុងការបន្តប្រើសេវារបស់អ្នក។ យើងនឹងផ្ដល់ជូនអ្នកនូវសេចក្ដីណែនាំអំពីរបៀបដែលអ្នកអាចបោះបង់សេវាទាំងនេះ។ ដោយផ្ដល់សិទ្ធិដល់ការបង់ប្រាក់ឡើងវិញ អ្នកកំពុងផ្ដល់សិទ្ធិឲ្យ Microsoft ដំណើរការការបង់ប្រាក់នោះជាឥណពន្ធអេឡិចត្រូនិក ឬការផ្ទេរប្រាក់ ឬជារូបិយាណត្តិអេឡិចត្រូនិក ពីគណនីដែលអ្នកបានកំណត់ (ចំពោះ Automated Clearing House ឬការបង់ប្រាក់ស្រដៀងនេះ) ឬជាការគិតថ្លៃចំពោះគណនីដែលអ្នកបានកំណត់ (សម្រាប់បណ្ណឥណទានឬការបង់ប្រាក់ស្រដៀងនេះ) (ជារួមហៅថា "ការបង់ប្រាក់អេឡិចត្រូនិក")។ ថ្លៃសេវានៃការចុះឈ្មោះជាវជាទូទៅត្រូវបានគិតថ្លៃមុនអំឡុងពេលនៃការចុះឈ្មោះជាវនោះ។ បើការបង់ប្រាក់ណាមួយត្រូវបានប្រគល់ដោយមិនគិតថ្លៃ ឬបើបណ្ណឥណទានណាមួយ ឬប្រតិបត្តិការស្រដៀងនេះត្រូវបានច្រានចោល ឬបដិសេធ Microsoft ឬអ្នកផ្ដល់សេវាឲ្យខ្លួនសូមរក្សាសិទ្ធិប្រមូលរបស់ត្រឡប់វិញទាំងនោះ ថ្លៃសេវាច្រានចោលឬប្រាក់មិនគ្រប់គ្រាន់ ព្រមទាំងដំណើរការការបង់ប្រាក់នោះ ជាការបង់ប្រាក់អេឡិចត្រូនិក។
e. របាយការណ៍លើបណ្ដាញនិងកំហុស៖ សម្រាប់សេវាទាំងអស់ក្រៅពី Skype, Microsoft នឹងផ្ដល់ជូនអ្នកនូវរបាយការណ៍ចេញវិក្កយបត្រលើបណ្ដាញនៅលើ វិបសៃគ្រប់គ្រងគណនី Microsoft (https://go.microsoft.com/fwlink/p/?linkid=618282) ដែលអ្នកអាចមើលនិងបោះពុម្ពរបាយការណ៍របស់អ្នក។ ចំពោះ Skype អ្នកអាចចូលមើលរបាយការណ៍លើបណ្ដាញរបស់អ្នក ដោយចុះឈ្មោះចូលគណនីរបស់អ្នកតាម www.skype.com (https://www.skype.com)។ នេះគឺជារបាយការណ៍ចេញវិក្កយបត្រតែមួយគត់ដែលយើងផ្ដល់ជូន។ បើយើងបង្កើតកំហុសមួយលើវិក្កយបត្ររបស់អ្នក អ្នកត្រូវតែប្រាប់យើងក្នុងរយៈពេល 90 ថ្ងៃ បន្ទាប់ពីកំហុសនោះលេចឡើងដំបូងលើវិក្កយបត្ររបស់អ្នក។ បន្ទាប់មក យើងនឹងស៊ើបអង្កេតភ្លាមៗលើការគិតថ្លៃនោះ។ បើអ្នកមិនប្រាប់យើងក្នុងអំឡុងពេលនោះទេ អ្នកព្រមឲ្យយើងរួចផុតពីការទទួលខុសត្រូវនិងបណ្ដឹងអំពីការបាត់បង់ ដែលកើតឡើងពីកំហុស ហើយយើងនឹងមិនត្រូវបានតម្រូវឲ្យកែកំហុសនោះ ឬក៏ផ្ដល់សំណងឡើយ លុះត្រាតែច្បាប់តម្រូវឲ្យធ្វើដូច្នោះ។ បើ Microsoft បានកត់សម្គាល់ឃើញកំហុសនៃការចេញវិក្កយបត្រ យើងនឹងកែកំហុសនោះ ក្នុងរយៈពេល 90 ថ្ងៃ។ គោលការណ៍នេះមិនប៉ះពាល់ដល់សិទ្ធិតាមខបញ្ញត្តិណាមួយ ដែលអាចអនុវត្តឡើយ។
f. គោលការណ៍សំណងប្រាក់វិញ៖ លុះត្រាតែច្បាប់ផ្ដល់សិទ្ធិឲ្យ ឬក៏លក្ខខណ្ឌនៃសេវាជាក់លាក់មួយផ្ដល់សិទ្ធិឲ្យ បើពុំនោះ ការទិញទាំងអស់គឺចុងក្រោយ និងមិនអាចសងប្រាក់វិញឡើយ។ បើអ្នកជឿជាក់ថា Microsoft បានគិតថ្លៃអ្នកដោយសារកំហុស អ្នកត្រូវតែទាក់ទងយើងក្នុងពេល 90 ថ្ងៃ នៃការគិតថ្លៃដូចនោះ។ គ្មានសំណងណាមួយនឹងផ្ដល់ជូនចំពោះការគិតថ្លៃណាមួយ លើសពីពេល 90 ថ្ងៃឡើយ លុះត្រាតែច្បាប់បានត្រូវឲ្យធ្វើដូច្នោះ។ យើងរក្សាសិទ្ធិក្នុងការចេញសំណងប្រាក់វិញ ឬក៏ឥណទាន តាមការសម្រេចចិត្តទាំងស្រុងរបស់យើង លុះត្រាតែច្បាប់បានតម្រូវផ្សេងពីនេះ។ បើយើងចេញការសងប្រាក់វិញ ឬឥណទាន យើងគ្មានកាតព្វកិច្ចណាមួយក្នុងការចេញការសងប្រាក់វិញដូចគ្នា ឬស្រដៀងគ្នានេះ នាពេលអនាគតឡើយ។ គោលការណ៍សងប្រាក់វិញនេះមិនប៉ះពាល់ដល់សិទ្ធិតាមខបញ្ញត្តិណាមួយ ដែលអាចអនុវត្តឡើយ។ ដើម្បីទទួលព័ត៌មានបន្ថែមអំពីសំណងប្រាក់វិញ សូមចូលមើល ប្រធានបទជំនួយ របស់យើង (https://go.microsoft.com/fwlink/p/?linkid=618283)។ បើអ្នករស់នៅក្នុងតៃវ៉ាន់ឬអ៊ីស្រាអែល សូមកត់សម្គាល់ថា យោងតាមច្បាប់ការពារអ្នកប្រើប្រាស់និងបទបញ្ជាពាក់ព័ន្ធ ការទិញទាំងអស់ទាក់ទងនឹងខ្លឹមព័ត៌មានឌីជីថលដែលបានផ្ដល់ជូនជាទ្រង់ទ្រាយអរូបីយ និង/ឬ សេវាលើបណ្ដាញ គឺជាការទិញចុងក្រោយ ហើយមិនសងប្រាក់វិញឡើយ នៅពេលខ្លឹមព័ត៌មានឬសេវាទាំងនោះត្រូវបានផ្ដល់ឲ្យតាមបណ្ដាញអ៊ីនធើណិត។ អ្នកមិនទទួលសិទ្ធិក្នុងការទាមទារអំឡុងពេលបន្ធូរណាមួយ ឬសំណងណាមួយឡើយ។
g. ការបោះបង់សេវានានា៖ អ្នកអាចលុបចោលសេវាមួយនៅគ្រប់ពេល ដោយមាន ឬដោយគ្មានមូលហេតុ។ ការបោះបង់សេវាគិតថ្លៃបញ្ឈប់ការគិតថ្លៃនាពេលអនាគត ដើម្បីបន្តសេវានោះ។ ដើម្បីបោះបង់សេវាមួយ និងស្នើសុំសំណង បើអ្នកទទួលសិទ្ធិ សូមចូលមើល វិបសៃការគ្រប់គ្រងគណនី Microsoft។ សម្រាប់ Skype សូមបំពេញទម្រង់បែបបទដក ដោយប្រើព័ត៌មានដែលបានផ្ដល់ជូន ទីនេះ (https://go.microsoft.com/fwlink/p/?linkid=618286)។ អ្នកគួរយោងត្រឡប់ទៅការផ្ដល់ជូនដែលបានពណ៌នាពីសេវានានា ព្រោះ (i) អ្នកអាចមិនទទួលប្រាក់សំណងប្រាក់វិញ នៅពេលលុបចោល; (ii) អ្នកអាចមានកាតព្វកិច្ចបង់ការគិតថ្លៃលុបចោល; (iii) អ្នកអាចមានកាតព្វកិច្ចបង់ថ្លៃទាំងអស់ ដែលបានគិតចំពោះគណនីគិតវិក្កយបត្ររបស់អ្នកចំពោះសេវានានា មុនកាលបរិច្ឆេទលុបចោល; និង (iv) អ្នកអាចបាត់បង់ការចូលប្រើនិងការប្រើគណនីរបស់អ្នក នៅពេលអ្នកលុបចោលសេវានានា; ឬក៏បើអ្នករស់នៅក្នុងតៃវ៉ាន់ឬអ៊ីស្រាអែល (v) អ្នកអាចទទួលសំណងប្រាក់វិញជាចំនួនទឹកប្រាក់ស្មើនឹងថ្លៃសេវាដែលមិនបានប្រើ ដែលអ្នកបានបង់សម្រាប់សេវាមួយ ដោយគណនានៅពេលលុបចោល។ បើអ្នករស់នៅអ៊ីស្រាអែល អ្នកអាចលុបចោលតាមមធ្យោបាយណាមួយដែលបានរាយលើ https://support.microsoft.com/help/4027815។ សូមទាក់ទងតំណាង Microsoft តាមទូរសព្ទ ដើម្បីទទួលសំណងប្រាក់វិញ បើអ្នកមានសិទ្ធិទទួលវា។ យើងនឹងដំណើរការទិន្នន័យរបស់អ្នក ដូចបានពណ៌នាខាងលើក្នុងប្រការ 4។ បើអ្នកលុបចោល ការចូលប្រើរបស់អ្នកចំពោះសេវានានានឹងបញ្ចប់នៅខាងចុងនៃអំឡុងពេលសេវាបច្ចុប្បន្នរបស់អ្នក ឬ បើយើងគិតថ្លៃពីគណនីរបស់អ្នកតាមអំឡុងពេល គឺនៅខាងចុងនៃអំឡុងពេលដែលអ្នកបានលុបចោល។ បើអ្នកចាប់ផ្ដើមការទារប្រាក់វិញ ឬក៏ការត្រឡប់ប្រាក់វិញជាមួយធនាគាររបស់អ្នក សម្រាប់ការបង់ប្រាក់របស់អ្នកលើសេវាទាំងឡាយ យើងនឹងសន្មតថា អ្នកបានបោះបង់ នៅកាលបរិច្ឆេទដែលធ្វើការបង់ប្រាក់ដំបូង ហើយអ្នកផ្ដល់សិទ្ធិឲ្យយើងបោះបង់ភ្លាមៗនូវសេវារបស់អ្នក និង/ឬ ដកហូតខ្លឹមព័ត៌មានទាំងឡាយដែលបានផ្ដល់ជូនអ្នក ដោយដោះដូរនឹងការបង់ប្រាក់នោះ។
h. ការផ្ដល់ជូនក្នុងអំឡុងពេលសាកល្បង៖ បើអ្នកកំពុងចូលរួមក្នុងការផ្ដល់ជូនក្នុងអំឡុងពេលសាកល្បង អ្នកប្រហែលជាត្រូវបានតម្រូវឲ្យបោះបង់សេវាសាកល្បងទាំងនោះក្នុងអំឡុងពេលដែលបានប្រាស្រ័យទាក់ទងទៅអ្នក នៅពេលអ្នកព្រមទទួលការផ្ដល់ជូន ដើម្បីជៀសវាងការគិតថ្លៃក្នុងការបន្តប្រើសេវាផ្សេងៗនៅចុងនៃអំឡុងពេលសាកល្បង។
i. ការផ្ដល់ជូនពិសេស៖ ពីពេលមួយទៅពេលមួយ Microsoft អាចផ្ដល់ជូនសេវានានាដោយឥតគិតថ្លៃ ក្នុងអំឡុងពេលសាកល្បង។ Microsoft រក្សាសិទ្ធិក្នុងការគិតថ្លៃអ្នកចំពោះសេវាទាំងនោះ (ក្នុងអត្រាធម្មតា) បើ Microsoft សម្រេច (តាមការសម្រេចចិត្តសមហេតុផលរបស់ខ្លួន) ថា អ្នកកំពុងបំពានលើលក្ខខណ្ឌនានានៃការផ្ដល់ជូននេះ។
j. ការផ្លាស់ប្ដូរតម្លៃ៖ យើងអាចកែប្រែតម្លៃនៃសេវានៅគ្រប់ពេល ហើយបើអ្នកមានការទិញឡើងវិញ យើងនឹងជូនដំណឹងអ្នកតាមអ៊ីមែលឬមធ្យោបាយសមហេតុផលផ្សេងទៀត យ៉ាងតិចក្នុងពេល 15 ថ្ងៃ មុនពេលកែប្រែតម្លៃនោះ។ បើអ្នកមិនយល់ព្រមតាមការកែប្រែតម្លៃនោះទេ អ្នកត្រូវតែលុបចោល និងបញ្ឈប់ការប្រើសេវានានា មុនពេលការកែប្រែតម្លៃនោះចាប់មានប្រសិទ្ធភាព។ បើមានអំឡុងពេល និងតម្លៃកំណត់ សម្រាប់ការផ្ដល់សេវាឲ្យអ្នក តម្លៃនោះនឹងនៅតែមានប្រសិទ្ធភាពដដែល នៅក្នុងអំឡុងពេលកំណត់នោះ។
k. ការទូទាត់ជូនអ្នក៖ បើយើងជំពាក់ប្រាក់អ្នក នោះអ្នកយល់ព្រមផ្ដល់ឲ្យយើងឲ្យទាន់ពេលវេលា និងយ៉ាងសុក្រឹត នូវព័ត៌មានទាំងឡាយដែលយើងត្រូវការដើម្បីអាចបង់ប្រាក់នោះជូនអ្នក។ ដោយស្ថិតក្រោមច្បាប់ជាធរមាន អ្នកទទួលខុសត្រូវចំពោះប្រាក់ពន្ធនិងការគិតថ្លៃទាំងឡាយដែលអ្នកអាចបង់ ដោយសារការបង់ប្រាក់ជូនអ្នកនេះ។ អ្នកក៏ត្រូវអនុលោមផងដែរតាមលក្ខខណ្ឌដទៃផ្សេងទៀត ដែលយើងដាក់លើសិទ្ធិរបស់អ្នកចំពោះការបង់ប្រាក់នានា។ បើអ្នកទទួលការបង់ប្រាក់មួយដោយសារកំហុស យើងអាចទាមទារ ឬតម្រូវឲ្យសង់ប្រាក់នោះត្រឡប់មកវិញ។ អ្នកយល់ព្រមសហការជាមួយយើង ដើម្បីធ្វើកិច្ចការនេះ។ យើងក៏អាចកាត់បន្ថយការបង់ប្រាក់ជូនអ្នក ដោយគ្មានការជូនដំណឹងផងដែរ ដើម្បីលៃតម្រូវការបង់ប្រាក់លើសពីមុន។
l. បណ្ណអំណោយ៖ ការលោះនិងការប្រើបណ្ណអំណោយ (ក្រៅពីបណ្ណអំណោយ Skype) ស្ថិតក្រោម ពេលវេលានិងលក្ខខណ្ឌនៃបណ្ណអំណោយ Microsoft (https://support.microsoft.com/help/10562/microsoft-account-gift-card-terms-and-conditions)។ ព័ត៌មានអំពីបណ្ណអំណោយ Skype មាននៅ ទំព័រជំនួយ (https://go.microsoft.com/fwlink/?LinkId=615383) របស់ Skype។
m. វិធីទូទាត់តាមគណនីធនាគា៖ អ្នកអាចចុះបញ្ជីគណនីធនាគារដែលទទួលសិទ្ធិជាមួយគណនី Microsoft របស់អ្នក ដើម្បីប្រើវាជាវិធីបង់ប្រាក់។ គណនីធនាគារដែលទទួលសិទ្ធិរួមមានគណនីដែលធ្វើនៅស្ថាប័នហិរញ្ញវត្ថុដែលមានសមត្ថភាពទទួលការបញ្ចូលឥណពន្ធដោយផ្ទាល់ (ឧទា. ស្ថាប័នហិរញ្ញវត្ថុមានមូលដ្ឋាននៅសហរដ្ឋអាមេរិក ដែលគាំទ្រការបញ្ចូល Automated Clearing House ("ACH"), ស្ថាប័នហិរញ្ញវត្ថុនៅអឺរ៉ុបដែលគាំទ្រ Single Euro Payments Area ("SEPA") ឬ "iDEAL" នៅហូឡង់)។ លក្ខខណ្ឌដែលអ្នកបានយល់ព្រមនៅពេលថែមគណនីធនាគាររបស់អ្នកជាវិធីបង់ប្រាក់ក្នុងគណនី Microsoft របស់អ្នក (ឧទា. "អាណត្តិ" ក្នុងករណី SEPA) ក៏អនុវត្តផងដែរ។ អ្នកអះអាងនិងធានាថា គណនីធនាគារដែលអ្នកបានចុះបញ្ជីមានឈ្មោះអ្នក ហើយអ្នកបានទទួលសិទ្ធិឲ្យចុះបញ្ជីនិងប្រើគណនីធនាគារនេះជាវិធីបង់ប្រាក់។ ដោយចុះបញ្ជីឬជ្រើសគណនីធនាគាររបស់អ្នកជាវិធីបង់ប្រាក់របស់អ្នក អ្នកផ្ដល់សិទ្ធិឲ្យ Microsoft (ឬភ្នាក់ងាររបស់ខ្លួន) ចាប់ផ្ដើមឥណពន្ធមួយឬច្រើនសម្រាប់ចំនួនទឹកប្រាក់នៃការទិញរបស់អ្នក ឬក៏ការគិតថ្លៃការចុះឈ្មោះជាវ (ស្របតាមលក្ខខណ្ឌនៃសេវាការចុះឈ្មោះជាវរបស់អ្នក) ពីគណនីធនាគាររបស់អ្នក (ហើយបើចាំបាច់ សូមចាប់ផ្ដើមឥណទានមួយឬច្រើនចំពោះគណនីធនាគាររបស់អ្នកដើម្បីកែកំហុស ចេញសំណងប្រាក់វិញ ឬគោលបំណងស្រដៀងគ្នា) ហើយអ្នកផ្ដល់សិទ្ធិដល់ស្ថាប័នហិរញ្ញវត្ថុដែលកាន់កាប់គណនីធនាគាររបស់អ្នក ដើម្បីកាត់បំណុលនោះ ឬក៏ព្រមទទួលឥណទាននោះ។ អ្នកដឹងថា ការផ្ដល់សិទ្ធិនេះនឹងនៅតែពេញលេញដដែល ហើយចាប់មានប្រសិទ្ធភាពរហូតទាល់តែអ្នកលុបព័ត៌មានគណនីធនាគាររបស់អ្នកពីគណនី Microsoft របស់អ្នក។ ទាក់ទងផ្នែកគាំទ្រអតិថិជនដូចបានគូសបញ្ជាក់ខាងលើក្នុងប្រការ 4.e ភ្លាមៗតាមដែលអាចធ្វើបាន បើអ្នកជឿជាក់ថា អ្នកត្រូវបានគិតថ្លៃដោយមានកំហុស។ ច្បាប់ដែលអនុវត្តក្នុងប្រទេសរបស់អ្នកក៏អាចកម្រិតការទទួលខុសត្រូវរបស់អ្នកផងដែរចំពោះប្រតិបត្តិការលួចបន្លំ ភាន់ច្រឡំ ឬមិនទទួលសិទ្ធិពីគណនីធនាគាររបស់អ្នក។ ដោយចុះបញ្ជីឬជ្រើសគណនីធនាគារមួយជាវិធីបង់ប្រាក់របស់អ្នក អ្នកទទួលស្គាល់ថា អ្នកបានអាន យល់ និងយល់ព្រមតាមលក្ខខណ្ឌទាំងនេះ។

នីតិបុគ្គលជាប់កិច្ចសន្យា, ជម្រើសច្បាប់ & ទីកន្លែងសម្រាប់ការដោះស្រាយទំនាស់

10. នីតិបុគ្គលជាប់កិច្ចសន្យា, ជម្រើសច្បាប់ & ទីកន្លែងសម្រាប់ការដោះស្រាយទំនាស់៖ ចំពោះការប្រើប្រាស់របស់អ្នកលើសេវាដែលមានម៉ាក Skype សម្រាប់អ្នកប្រើប្រាស់ឥតគិតថ្លៃនិងគិតថ្លៃ បើអ្នករស់នៅក្រៅអ៊ឺរ៉ុប មជ្ឈឹមបូព៌ា និងអាហ្វ្រិក អ្នកកំពុងចុះកិច្ចសន្យាជាមួយ (ហើយការសំដៅទាំងអស់ថា "Microsoft" នៅក្នុងលក្ខខណ្ឌទាំងនេះមានន័យថា) Skype Communications S.à.r.l, 23 – 29 Rives de Clausen, L-2165 Luxembourg លុះណាតែបានបញ្ជាក់ផ្សេងខាងក្រោម។ ចំពោះការប្រើប្រាស់របស់អ្នកលើសេវាដែលមានម៉ាក Skype សម្រាប់អ្នកប្រើប្រាស់ឥតគិតថ្លៃឬគិតថ្លៃ បើអ្នករស់នៅក្រៅអ៊ឺរ៉ុប មជ្ឈឹមបូព៌ា និងអាហ្វ្រិក ច្បាប់លុចសំប៊ួរគ្របដណ្ដប់លើការបកស្រាយលក្ខខណ្ឌទាំងនេះ ព្រមទាំងបណ្ដឹងសម្រាប់ការបំពាននានា ដោយមិនគិតពីទំនាស់នៃគោលការណ៍ច្បាប់។ ច្បាប់របស់ខេត្ត ឬប្រទេសដែលអ្នករស់នៅ គ្របដណ្ដប់លើបណ្ដឹងផ្សេងទៀតទាំងអស់ (រួមទាំងការការពារអ្នកប្រើប្រាស់ ការប្រកួតប្រជែងមិនស្មោះត្រង់ និងកំហុសរដ្ឋប្បវេណី)។ បើអ្នករស់នៅក្រៅអ៊ឺរ៉ុប មជ្ឈឹមបូព៌ា និងអាហ្វ្រិក អ្នកនិងយើងយល់ព្រមដោយពុំអាចប្រកែកបានចំពោះយុត្តាធិការនិងកន្លែងដាច់មុខនៅតុលាការលុចសំប៊ួរចំពោះទំនាស់ទាំងអស់ដែលកើតឡើងពី ឬក៏ជាប់ទាក់ទងជាមួយសេវាមានម៉ាក Skype សម្រាប់អ្នកប្រើប្រាស់។ ចំពោះសេវាដទៃផ្សេងទៀតទាំងអស់ នីតិបុគ្គលដែលអ្នកកំពុងចុះកិច្ចសន្យាជាមួយ ច្បាប់គ្របដណ្ដប់ និងទីកន្លែងក្នុងការដោះស្រាយទំនាស់មានដូចខាងក្រោម៖

a. កាណាដា៖ បើអ្នករស់នៅក្នុង (ឬបើជាអាជីវកម្ម ទីកន្លែងគោលនៃអាជីវកម្មរបស់អ្នកស្ថិតក្នុង) កាណាដា ហើយអ្នកកំពុងប្រើសេវាមានម៉ាក Skype សម្រាប់អ្នកប្រើប្រាស់គិតថ្លៃនៃសេវាទាំងនេះ ឬក៏បើអ្នកកំពុងប្រើផ្នែកឥតគិតថ្លៃនៃ Microsoft Teams អ្នកកំពុងចុះកិច្ចសន្យាជាមួយ Skype Communications US Corporation, 2215-B Renaissance Drive, Las Vegas, NV 89119, United States។ ចំពោះសេវាសម្រាប់អ្នកប្រើប្រាស់ឥតគិតថ្លៃនិងគិតថ្លៃផ្សេងទៀតទាំងអស់ អ្នកកំពុងចុះកិច្ចសន្យាជាមួយ Microsoft Corporation, One Microsoft Way, Redmond, WA 98052, U.S.A។ ច្បាប់នៃខេត្តដែលអ្នករស់នៅ (ឬបើជាអាជីវកម្ម ទីកន្លែងគោលនៃអាជីវកម្មរបស់អ្នក) គ្របដណ្ដប់លើការបកស្រាយលក្ខខណ្ឌទាំងនេះ បណ្ដឹងចំពោះការបំពានវា និងបណ្ដឹងដទៃទៀតទាំងអស់ (រួមទាំងការការពារអ្នកប្រើប្រាស់ ការប្រកួតប្រជែងមិនស្មោះត្រង់ និងកំហុសរដ្ឋប្បវេណី) ដោយមិនគិតពីទំនាស់នៃគោលការណ៍ច្បាប់។ អ្នក និងយើង យល់ព្រមដោយមិនអាចបដិសេធបានចំពោះយុត្តាធិការដាច់មុខ និងទីកន្លែងនៅក្នុងតុលាការ Ontario ចំពោះទំនាស់ទាំងអស់ដែលកើតឡើងពី ឬជាប់ទាក់ទងជាមួយលក្ខខណ្ឌ ឬសេវាទាំងនេះ។
b. អាមេរិកខាងជើង ឬខាងត្បូង នៅក្រៅសហរដ្ឋអាមេរិក និងកាណាដា៖ បើអ្នករស់នៅក្នុង (ឬបើជាអាជីវកម្ម ទីកន្លែងគោលនៃអាជីវកម្មរបស់អ្នកស្ថិតក្នុង) អាមេរិកខាងជើង ឬខាងត្បូង នៅក្រៅសហរដ្ឋអាមេរិក និងកាណាដា អ្នកកំពុងចុះកិច្ចសន្យាជាមួយ Microsoft Corporation, One Microsoft Way, Redmond, WA 98052, U.S.A.។ ច្បាប់នៃរដ្ឋវ៉ាស៊ីងតោន គ្របដណ្ដប់លើការបកស្រាយលក្ខខណ្ឌទាំងនេះ បណ្ដឹងចំពោះការបំពានវា ដោយមិនគិតពីជម្រើសនៃគោលការណ៍ច្បាប់។ ច្បាប់របស់ប្រទេសដែលយើងចាត់ការសេវារបស់អ្នក គ្របដណ្ដប់លើបណ្ដឹងផ្សេងទៀតទាំងអស់ (រួមទាំងការការពារអ្នកប្រើប្រាស់ ការប្រកួតប្រជែងមិនស្មោះត្រង់ និងកំហុសរដ្ឋប្បវេណី)។
c. មជ្ឈឹមបូព៌ា អាហ្វិក ឬអ៊ឺរ៉ុប៖ បើអ្នករស់នៅក្នុង (ឬបើជាអាជីវកម្ម ទីកន្លែងគោលនៃអាជីវកម្មរបស់អ្នកស្ថិតក្នុង) មជ្ឈឹមបូព៌ា អាហ្វិក ឬអ៊ឺរ៉ុប ដោយមិនរួមបញ្ចូលសហគមន៍អ៊ឺរ៉ុប (EU), អ៊ីស្លង់, លិចតិនស្ដាញ, ន័រវែស, ស្វីស និងចក្រភពអង់គ្លេស ហើយអ្នកកំពុងប្រើផ្នែកឥតគិតថ្លៃនៃសេវាទាំងនេះ (ដូចជា Bing និង MSN) អ្នកកំពុងចុះកិច្ចសន្យាជាមួយ Microsoft Corporation, One Microsoft Way, Redmond, WA 98052, U.S.A. លើកលែងតែក្នុងករណីដែលអ្នកកំពុងប្រើផ្នែកឥតគិតថ្លៃនៃ Skype ប៉ុណ្ណោះ ទើបអ្នកកំពុងចុះកិច្ចសន្យាជាមួយ Microsoft Ireland Operations Limited, One Microsoft Place, South County Business Park, Leopardstown, Dublin 18, Ireland។ បើអ្នកបានបង់ប្រាក់ដើម្បីប្រើផ្នែកមួយនៃសេវាទាំងនោះ អ្នកកំពុងចុះកិច្ចសន្យាជាមួយ Microsoft Ireland Operations Limited, One Microsoft Place, South County Business Park, Leopardstown, Dublin 18, Ireland។ ចំពោះសេវាឥតគិតថ្លៃ និងគិតថ្លៃ ច្បាប់អៀរឡង់គ្របដណ្ដប់លើការបកស្រាយលក្ខខណ្ឌ និងបណ្ដឹងទាំងនេះ សម្រាប់ការបំពាននានា ដោយមិនគិតពីទំនាស់នៃគោលការណ៍ច្បាប់។ ច្បាប់របស់ប្រទេសដែលយើងចាត់ការសេវារបស់អ្នក គ្របដណ្ដប់លើបណ្ដឹងផ្សេងទៀតទាំងអស់ (រួមទាំងការការពារអ្នកប្រើប្រាស់ ការប្រកួតប្រជែងមិនស្មោះត្រង់ និងកំហុសរដ្ឋប្បវេណី)។ អ្នក និងយើង យល់ព្រមដោយមិនអាចបដិសេធបានចំពោះយុត្តាធិការដាច់មុខ និងទីកន្លែងនៅក្នុងតុលាការអៀរឡង់ ចំពោះទំនាស់ទាំងអស់ដែលកើតឡើងពី ឬជាប់ទាក់ទងជាមួយលក្ខខណ្ឌ ឬសេវាទាំងនេះ។
d. អាស៊ី ឬប៉ាស៊ីហ្វិកខាងត្បូង លុះណាតែប្រទេសរបស់អ្នកត្រូវបានបញ្ជាក់ជាពិសេសខាងក្រោម៖ បើអ្នករស់នៅក្នុង (ឬបើជាអាជីវកម្ម ទីកន្លែងគោលនៃអាជីវកម្មរបស់អ្នកស្ថិតនៅ) អាស៊ី (លើកលែងចិន ជប៉ុន សាធារណរដ្ឋកូរ៉េ ឬតៃវ៉ាន់) ឬផាស៊ីហ្វិកខាងត្បូង ហើយអ្នកកំពុងប្រើផ្នែកឥតគិតថ្លៃនៃសេវាទាំងនេះ (ដូចជា Bing និង MSN) អ្នកកំពុងចុះកិច្ចសន្យាជាមួយ Microsoft Corporation, One Microsoft Way, Redmond, WA 98052, U.S.A. ឲ្យតែថា បើអ្នកកំពុងប្រើផ្នែកឥតគិតថ្លៃនៃ Microsoft Teams និងរស់នៅក្នុង (ឬបើជាអាជីវកម្ម ទីកន្លែងគោលនៃអាជីវកម្មស្ថិតនៅក្នុង) អូស្ត្រាលី អ្នកកំពុងចុះកិច្ចសន្យាជាមួយ Microsoft Ireland Operations Limited, One Microsoft Place, South County Business Park, Leopardstown, Dublin 18, Ireland (បានចុះបញ្ជីនៅការិយាល័យចុះបញ្ជីក្រុមហ៊ុននៅអៀរឡង់ ក្រោមលេខ 256796, លេខចុះបញ្ជី VAT៖ IE 8256796 U ដែលមានអាសយដ្ឋានចុះបញ្ជីនៅ 70 Sir John Rogerson’s Quay, Dublin 2, Ireland)។ បើអ្នកបានបង់ប្រាក់ដើម្បីប្រើផ្នែកមួយនៃសេវាទាំងនោះ ឬកំពុងប្រើសេវា Outlook.com ឥតគិតថ្លៃ នៅសិង្ហបុរី ឬហុងកុង អ្នកកំពុងចុះកិច្ចសន្យាជាមួយ Microsoft Regional Sales Pte Ltd. ដែលជាក្រុមហ៊ុនមួយត្រូវបានចាត់ចែងក្រោមច្បាប់សិង្ហបុរី ដោយមានអាសយដ្ឋានចុះបញ្ជីរបស់ខ្លួននៅ 182 Cecil Street, #13-01 Frasers Tower, Singapore 069547; ហើយក្នុងករណីបើអ្នករស់នៅក្នុង (ឬក៏បើជាអាជីវកម្ម ទីកន្លែងគោលនៃអាជីវកម្មរបស់អ្នកស្ថិតក្នុង) អូស្ត្រាលី អ្នកកំពុងចុះកិច្ចសន្យាជាមួយ Microsoft Pty Ltd, 1 Denison St, North Sydney, NSW 2060, Australia ហើយបើអ្នករស់នៅក្នុង (ឬក៏បើជាអាជីវកម្ម ទីកន្លែងគោលនៃអាជីវកម្មរបស់អ្នកស្ថិតក្នុង) ណូវែលសេឡង់ អ្នកកំពុងចុះកិច្ចសន្យាជាមួយ Microsoft New Zealand Limited, Level 5, 22 Viaduct Harbour Avenue, PO Box 8070 Symonds Street, Auckland, 1150 New Zealand។ ចំពោះសេវាឥតគិតថ្លៃនិងគិតថ្លៃ ច្បាប់នៃរដ្ឋវ៉ាស៊ីងតោន គ្របដណ្ដប់លើការបកស្រាយលក្ខខណ្ឌនិងបណ្ដឹងទាំងនេះ សម្រាប់ការបំពាននានា ដោយមិនគិតពីទំនាស់នៃគោលការណ៍ច្បាប់។ ច្បាប់របស់ប្រទេសដែលយើងចាត់ការសេវារបស់អ្នក គ្របដណ្ដប់លើបណ្ដឹងផ្សេងទៀតទាំងអស់ (រួមទាំងការការពារអ្នកប្រើប្រាស់ ការប្រកួតប្រជែងមិនស្មោះត្រង់ និងកំហុសរដ្ឋប្បវេណី)។ ទំនាស់ទាំងឡាយដែលកើតឡើងពី ឬជាប់ទាក់ទងជាមួយលក្ខខណ្ឌទាំងនេះ ឬសេវានានាក្រៅពី Skype រួមទាំងសំណួរនានាពាក់ព័ន្ធនឹងអត្ថិភាព សុពលភាព ឬការបញ្ចប់របស់ពួកវា នឹងត្រូវបានបញ្ជូនទៅ ហើយដោះស្រាយចុងក្រោយដោយមជ្ឈត្តវិនិច្ឆយក្នុងប្រទេសសិង្ហបុរី ស្របតាមវិធានមជ្ឈត្តវិនិច្ឆយនៃមជ្ឈមណ្ឌលមជ្ឈត្តវិនិច្ឆយអន្តរជាតិរបស់សិង្ហបុរី (SIAC) ដែលវិធាននោះត្រូវបានចាត់ទុកថារួមបញ្ចូលក្នុងខបញ្ញត្តិនេះ តាមរយៈការយោងនេះ។ សាលាក្ដីនឹងមានមជ្ឈត្តករម្នាក់ដែលទទួលការចាត់តាំងដោយប្រធាននៃ SIAC។ ភាសានៃមជ្ឈត្តវិនិច្ឆយនឹងប្រើភាសាអង់គ្លេស។ សេចក្ដីសម្រេចរបស់មជ្ឈត្តករនឹងជាសេចក្ដីសម្រេចស្ថាពរ ចងកាតព្វកិច្ច និងមិនអាចតវ៉ាបាន ហើយវានឹងត្រូវបានប្រើជាមូលដ្ឋានគ្រឹះសម្រាប់ការវិនិច្ឆយនៅក្នុងប្រទេស ឬតំបន់ទាំងឡាយ។
e. ជប៉ុន៖ បើអ្នករស់នៅក្នុង (ឬបើជាអាជីវកម្ម ទីកន្លែងគោលនៃអាជីវកម្មរបស់អ្នកស្ថិតក្នុង) ជប៉ុន ហើយអ្នកកំពុងប្រើផ្នែកឥតគិតថ្លៃនៃសេវានានា (ដូចជា Bing និង MSN) អ្នកកំពុងចុះកិច្ចសន្យាជាមួយ Microsoft Corporation, One Microsoft Way, Redmond, WA 98052, U.S.A.។ បើអ្នកបានបង់ប្រាក់ដើម្បីប្រើផ្នែកមួយនៃសេវាទាំងនោះ អ្នកកំពុងចុះកិច្ចសន្យាជាមួយ Microsoft Japan Co., Ltd (MSKK), Shinagawa Grand Central Tower, 2-16-3 Konan Minato-ku, Tokyo 108-0075។ ចំពោះសេវាឥតគិតថ្លៃ និងគិតថ្លៃ ច្បាប់នៃប្រទេសជប៉ុនគ្របដណ្ដប់លើលក្ខខណ្ឌទាំងនេះ និងបញ្ហាទាំងឡាយដែលកើតឡើងពី ឬពាក់ព័ន្ធនឹងពួកគេ ឬសេវានានា។ អ្នក និងយើង យល់ព្រមដោយមិនអាចបដិសេធបានចំពោះយុត្តាធិការដើមដាច់មុខ និងទីកន្លែងនៅក្នុងតុលាការស្រុកតូក្យូ (Tokyo District Court) ចំពោះទំនាស់ទាំងអស់ដែលកើតឡើងពី ឬជាប់ទាក់ទងជាមួយលក្ខខណ្ឌ ឬសេវាទាំងនេះ។
f. សាធារណរដ្ឋកូរ៉េ៖
- i. បើអ្នករស់នៅក្នុង (ឬបើជាអាជីវកម្ម ទីកន្លែងគោលនៃអាជីវកម្មរបស់អ្នកស្ថិតក្នុង) សាធារណរដ្ឋកូរ៉េ ហើយអ្នកកំពុងប្រើផ្នែកឥតគិតថ្លៃនៃសេវានានា (ដូចជា Bing និង MSN) អ្នកកំពុងចុះកិច្ចសន្យាជាមួយ Microsoft Corporation, One Microsoft Way, Redmond, WA 98052, U.S.A.។ បើអ្នកបានបង់ប្រាក់ដើម្បីប្រើផ្នែកមួយនៃសេវាទាំងនោះ អ្នកកំពុងចុះកិច្ចសន្យាជាមួយ Microsoft Korea, Inc., 12th Floor, Tower A, The K-Twin Tower, Jongro 1 gil 50, Jongro-gu, Seoul, Republic of Korea, 03142។ ចំពោះសេវាឥតគិតថ្លៃ និងគិតថ្លៃ ច្បាប់នៃសាធារណរដ្ឋកូរ៉េគ្របដណ្ដប់លើលក្ខខណ្ឌទាំងនេះ និងបញ្ហាទាំងឡាយដែលកើតឡើងពី ឬពាក់ព័ន្ធនឹងពួកគេ ឬសេវានានា។ អ្នក និងយើង យល់ព្រមដោយមិនអាចបដិសេធបានចំពោះយុត្តាធិការដើមមិនដាច់មុខ និងទីកន្លែងនៅក្នុងតុលាការភូមិភាគកណ្ដាលសេអ៊ូល (Seoul Central District Court) ចំពោះទំនាស់ទាំងអស់ដែលកើតឡើងពី ឬជាប់ទាក់ទងជាមួយលក្ខខណ្ឌ ឬសេវាទាំងនេះ។
- ii. បើអ្នករស់នៅក្នុងសាធារណរដ្ឋកូរ៉េ តាមច្បាប់ អ្នកអាចមានសិទ្ធិមួយចំនួនដែលមិនអាចកម្រិតត្រឹមកិច្ចសន្យាមួយដូចលក្ខខណ្ឌទាំងនេះឡើយ។ គ្មានវិធីណាមួយដែលលក្ខខណ្ឌទាំងនេះមានបំណងកំហិតសិទ្ធិទាំងនោះ ឬកំហិតការទទួលខុសត្រូវរបស់ Microsoft ដែលច្បាប់បានដាក់ចេញឡើយ។ ទោះមានអ្វីមួយផ្ទុយនឹងលក្ខខណ្ឌដែលចែងនៅទីនេះក៏ដោយ លក្ខខណ្ឌទាំងនេះគួរមានប្រសិទ្ធភាពក្រោមវិសាលភាពដែលច្បាប់អនុញ្ញាត។ ការផ្លាស់ប្ដូរណាមួយចំពោះលក្ខខណ្ឌទាំងនេះ (និងការកែប្រែចំនួនទឹកប្រាក់ដែលត្រូវគិត ចំពោះសេវាចុះឈ្មោះជាវឡើងវិញ បើមាន) គួរធ្វើស្របតាមតម្រូវការច្បាប់។
g. តៃវ៉ាន់៖ បើអ្នករស់នៅក្នុង (ឬបើជាអាជីវកម្ម ទីកន្លែងគោលនៃអាជីវកម្មរបស់អ្នកស្ថិតក្នុង) តៃវ៉ាន់ ហើយអ្នកកំពុងប្រើផ្នែកឥតគិតថ្លៃនៃសេវាទាំងនេះ (ដូចជា Bing និង MSN) អ្នកកំពុងចុះកិច្ចសន្យាជាមួយ Microsoft Corporation, One Microsoft Way, Redmond, WA 98052, U.S.A។ បើអ្នកបានបង់ប្រាក់ប្រើផ្នែកឥតគិតថ្លៃនៃសេវាទាំងនោះ អ្នកកំពុងចុះកិច្ចសន្យាជាមួយ Microsoft Taiwan Corp., 18F, No. 68, Sec. 5, Zhongxiao E. Rd., Xinyi District, Taipei 11065, Taiwan។ ចំពោះសេវាឥតគិតថ្លៃនិងគិតថ្លៃ ច្បាប់របស់តៃវ៉ាន់គ្របដណ្ដប់លើលក្ខខណ្ឌទាំងនេះ និងបញ្ហាទាំងឡាយដែលកើតឡើងពី ឬពាក់ព័ន្ធនឹងពួកគេ ឬសេវានានា។ សម្រាប់ព័ត៌មានលម្អិតច្រើនទៀតពាក់ព័ន្ធនឹង Microsoft Taiwan Corp. សូមមើលវិបសៃដែលបានផ្ដល់ឲ្យដោយ ក្រសួងកិច្ចការសេដ្ឋកិច្ច R.O.C. (https://gcis.nat.gov.tw/mainNew/). អ្នក និងយើង ជ្រើសរើសដោយមិនអាចបដិសេធបាននូវតុលាការស្រុកតៃប៉ិ (Taipei District Court) ជាតុលាការនៃបណ្ដឹងដំបូង ដែលមានយុត្តាធិការលើទំនាស់ទាំងឡាយ ដែលកើតឡើង ឬជាប់ទាក់ទងជាមួយលក្ខខណ្ឌទាំងនេះ ឬសេវានានា ក្រោមវិសាលភាពដែលច្បាប់តៃវ៉ាន់បានអនុញ្ញាត។

ច្បាប់អ្នកប្រើប្រាស់ក្នុងស្រុករបស់អ្នកអាចតម្រូវឲ្យច្បាប់ក្នុងស្រុកខ្លះគ្របដណ្ដប់ ឬផ្ដល់ជូនអ្នកនូវសិទ្ធិក្នុងការដោះស្រាយទំនាស់ នៅក្នុងវេទិកាផ្សេងទៀត ក្រៅពីលក្ខខណ្ឌទាំងនេះ។ បើដូច្នេះ ជម្រើសនៃបទបញ្ញត្តិច្បាប់ និងវេទិកាក្នុងប្រការ 10 អនុវត្តកាន់តែច្រើនតាមដែលច្បាប់អ្នកប្រើប្រាស់ក្នុងស្រុករបស់អ្នកអនុញ្ញាត។

ការធានា

11. ការធានា៖

a. MICROSOFT និងសម្ពន្ធរបស់យើង អ្នកលក់រាយ អ្នកចែកចាយ និងអ្នកផ្គត់ផ្គង់ មិនធ្វើការធានា ឬផ្ដល់លក្ខខណ្ឌអ្វីឡើយ ទោះជាការបញ្ជាក់ ឬបង្កប់ន័យក្ដី ពាក់ព័ន្ធនឹងការប្រើរបស់អ្នកលើសេវានានា។ អ្នកដឹងថា ការប្រើសេវានានាគឺជាហានិភ័យផ្ទាល់ខ្លួនរបស់អ្នក និងថា យើងផ្ដល់សេវានានាតាមមូលដ្ឋាន "ដូចដែលមាន" "ជាមួយកំហុសទាំងអស់" និង "តាមដែលមាន"។ MICROSOFT មិនធានាពីសុក្រឹតភាពឬភាពទាន់ពេលវេលានៃសេវាទាំងនេះឡើយ។ អ្នកអាចមានសិទ្ធិមួយចំនួនក្រោមច្បាប់ក្នុងស្រុករបស់អ្នក។ គ្មានអ្វីនៅក្នុងលក្ខខណ្ឌទាំងនេះមានបំណងនាំឲ្យប៉ះពាល់ដល់សិទ្ធិទាំងនោះឡើយ បើពួកវាអាចអនុវត្តបាន។ អ្នកទទួលស្គាល់ថា កុំព្យូទ័រ និងប្រព័ន្ធទូរគមនាគមន៍ មិនមែនមិនដែលគ្មានកំហុសឡើយ ហើយម្ដងម្កាលអាចមានការខូច។ យើងមិនធានាថា សេវានានានឹងគ្មានការបង្អាក់រំខាន មានភាពទាន់ពេលវេលា មានសន្តិសុខ ឬគ្មានកំហុស ឬក៏ថាគ្មានការបាត់បង់ខ្លឹមព័ត៌មានឡើយ ហើយយើងក៏មិនធានានូវការភ្ជាប់ទាំងឡាយជាមួយបណ្ដាញកុំព្យូទ័រ ឬការបញ្ជូនពីបណ្ដាញកុំព្យូទ័រដែរ។
b. ក្រោមវិសាលភាពដែលច្បាប់ក្នុងស្រុកបានអនុញ្ញាត យើងដកចេញនូវការធានាដែលបានបង្កប់ន័យនានា រួមទាំងចំពោះភាពជាទំនិញ គុណភាពបំពេញចិត្ត ភាពសមស្របក្នុងគោលបំណងជាក់លាក់ កិច្ចខំប្រឹងប្រែងលើទឹកដៃ និងភាពមិនរំលោភបំពាន។
c. សម្រាប់អ្នកប្រើប្រាស់ដែលរស់នៅក្នុងអូស្ត្រាលី៖ ទំនិញនិងសេវារបស់យើងអមមកជាមួយការធានាដែលមិនអាចដកចេញក្រោមច្បាប់អ្នកប្រើប្រាស់នៅអូស្ត្រាលី។ ចំពោះការខូចធំៗជាមួយសេវានេះ អ្នកមានសិទ្ធិ៖
បោះបង់កិច្ចសន្យាសេវារបស់អ្នកជាមួយយើង; និង
ទទួលសំណងប្រាក់វិញសម្រាប់ផ្នែកមិនបានប្រើ ឬក៏ទទួលសំណងសម្រាប់តម្លៃដែលបានរម្លស់របស់វា។
អ្នកក៏មានសិទ្ធិផងដែរក្នុងការជ្រើសសំណងប្រាក់វិញ ឬក៏ការជំនួសសម្រាប់ការខូចធំៗជាមួយទំនិញផ្សេងៗ។ បើការខូចជាមួយទំនិញឬសេវាមួយមិនគិតថាជាការខូចធំទេ អ្នកមានសិទ្ធិទទួលការកែតម្រូវការខូចនោះក្នុងពេលវេលាសមហេតុផល។ បើការណ៍នេះមិនត្រូវបានធ្វើទេ អ្នកមានសិទ្ធិទទួលសំណងប្រាក់វិញសម្រាប់ទំនិញទាំងនោះ ព្រមទាំងបោះបង់កិច្ចសន្យាសម្រាប់សេវានោះនិងទទួលសំណងប្រាក់វិញចំពោះផ្នែកដែលមិនបានប្រើនានា។ អ្នកក៏មានសិទ្ធិទទួលសំណងផងដែរចំពោះការបាត់បង់ឬការខូចខាតសមស្របផ្សេងទៀតពីការខូចលើទំនិញនិងសេវាទាំងនោះ។
d. សម្រាប់អ្នកប្រើប្រាស់ដែលរស់នៅប្រទេសនូវែលសេឡង់ អ្នកអាចមានសិទ្ធិតាមផ្លូវច្បាប់ក្រោមច្បាប់ធានាអ្នកប្រើប្រាស់នៅនូវែលសេឡង់ ហើយគ្មានអ្វីក្នុងលក្ខខណ្ឌទាំងនេះ មានបំណងឲ្យប៉ះពាល់ដល់សិទ្ធិទាំងនេះឡើយ។

ដែនកំណត់នៃការទទួលខុសត្រូវ

12. ដែនកំណត់នៃការទទួលខុសត្រូវ៖

a. បើអ្នកមានមូលដ្ឋានណាមួយសម្រាប់ការទាមទារមកវិញនូវការខូចខាត (រួមទាំងការបំពានលើលក្ខខណ្ឌទាំងនេះ) ក្រោមវិសាលភាពដែលច្បាប់ជាធរមានបានអនុញ្ញាត អ្នកយល់ព្រមថា ការកែខៃដាច់មុខរបស់អ្នក គឺទាមទារមកវិញពី Microsoft ឬសម្ពន្ធណាមួយ អ្នកលក់រាយ អ្នកចែកចាយ អ្នកផ្ដល់កម្មវិធី និងសេវាជាតតីយភាគី ព្រមទាំងអ្នកលក់ នូវការខូចខាតដោយផ្ទាល់ដល់ចំនួនទឹកប្រាក់ស្មើនឹងថ្លៃសេវាដែលអ្នកបង់ក្នុងខែដែលការបាត់បង់ឬការបំពាននោះបានកើតឡើងប៉ុណ្ណោះ (ឬដល់ទៅ USD$10.00 បើសេវានោះឥតគិតថ្លៃ)។
b. ក្រោមវិសាលភាពដែលច្បាប់ជាធរមានបានអនុញ្ញាត អ្នកមិនអាចទាមទារមកវិញនូវ (i) ការបាត់បង់ឬការខូចខាតជាផលវិបាកណាមួយ; (ii) ការបាត់បង់ប្រាក់ចំណេញជាក់ស្ដែងឬប្រមើលឃើញណាមួយ (មិនថាដោយផ្ទាល់ឬប្រយោល); (iii) ការបាត់បង់ចំណូលជាក់ស្ដែងឬប្រមើលឃើញណាមួយ (មិនថាដោយផ្ទាល់ឬប្រយោល); (iv) ការបាត់បង់កិច្ចសន្យាឬធុរកិច្ច ឬក៏ការបាត់បង់ឬការខូចខាតផ្សេងទៀតដែលកើតឡើងពីការប្រើរបស់អ្នកលើសេវានានាដែលមិនមែនសម្រាប់បុគ្គល; (v) ការបាត់បង់ឬការខូចខាតជាពិសេស ដោយប្រយោល ជាឧប្បត្តិហេតុ ឬក៏ជាទណ្ឌកម្ម; ព្រមទាំង (vi) ការបាត់បង់ឬការខូចខាតលើសពីកម្រិតដែលបានបញ្ជាក់ក្នុងប្រការ 12.a ខាងលើឡើយ ក្រោមវិសាលភាពដែលច្បាប់បានអនុញ្ញាត។ ដែនកំណត់ និងការដកចេញទាំងនេះ អនុវត្តតែក្នុងករណីដែលការកែខៃនេះ មិនសងអ្នកទាំងស្រុង ចំពោះបាត់បង់ ឬការខូចខាតណាមួយខុសពីគោលបំណងសំខាន់របស់វាប៉ុណ្ណោះ ឬក៏បើយើងបានដឹង ឬគួរបានដឹងអំពីលទ្ធភាពនៃការខូចខាតទាំងនោះ។ ក្រោមវិសាលភាពអតិបរមាដែលច្បាប់អនុញ្ញាត ដែនកំណត់ និងការដកចេញទាំងនេះអនុវត្តចំពោះអ្វីៗ ឬបណ្ដឹងទាំងឡាយ ដែលពាក់ព័ន្ធនឹងលក្ខខណ្ឌទាំងនេះ សេវានានា ឬសុហ្វវែរដែលពាក់ព័ន្ធនឹងសេវានានាប៉ុណ្ណោះ។
c. Microsoft មិនទទួលខុសត្រូវចំពោះភាពបរាជ័យណាមួយក្នុងការធ្វើ ឬការពន្យាពេលក្នុងការធ្វើកាតព្វកិច្ចរបស់ខ្លួន ក្រោមលក្ខខណ្ឌទាំងនេះឡើយ ក្រោមវិសាលភាពដែលភាពបរាជ័យ ឬការពន្យានោះ បង្កឡើងដោយស្ថានភាពក្រៅពីការគ្រប់គ្រងសមហេតុផលរបស់ Microsoft (ដូចជាទំនាស់លើពលកម្ម គ្រោះធម្មជាតិ សង្គ្រាម ឬសកម្មភាពរបស់ភេរវករ ការខូចខាតដោយសារការព្យាបាទ គ្រោះថ្នាក់ ឬអនុលោមភាពតាមច្បាប់ជាធរមាន ឬក៏បទបញ្ជារបស់រដ្ឋាភិបាលទាំងឡាយ)។ Microsoft នឹងខំប្រឹងខ្នះខ្នែងបង្រួមផលប៉ះពាល់នៃព្រឹត្តិការណ៍ទាំងនេះឲ្យនៅតិចបំផុត និងធ្វើកាតព្វកិច្ចដែលមិនទទួលរងផលប៉ះពាល់។

លក្ខខណ្ឌជាក់លាក់តាមសេវា

13. លក្ខខណ្ឌជាក់លាក់តាមសេវា៖ លក្ខខណ្ឌមុន និងបន្ទាប់ពីប្រការ 13 អនុវត្តជាទូទៅចំពោះសេវាទាំងអស់។ ប្រការនេះមានលក្ខខណ្ឌជាក់លាក់តាមសេវា ដែលបន្ថែមលើលក្ខខណ្ឌទូទៅ។ លក្ខខណ្ឌជាក់លាក់តាមសេវាទាំងនេះនឹងគ្របដណ្ដប់ បើមានទំនាស់ណាមួយជាមួយលក្ខខណ្ឌទូទៅ។

Xbox

a. Xbox៖
- i. ការប្រើប្រាស់ផ្ទាល់ខ្លួន មិនមែនពាណិជ្ជកម្ម៖ សេវាលើបណ្ដាញ Xbox, ហ្គេម Xbox Game Studios (រួមទាំង Mojang Games) (https://www.xbox.com/xbox-game-studios), កម្មវិធី, ការចុះឈ្មោះជាវ (ឧទា. ការផ្ដល់សេវាចុះឈ្មោះជាវ Xbox Game Pass), សេវានានា (ឧទា. Xbox Cloud Gaming) ព្រមទាំងខ្លឹមព័ត៌មានដែលផ្ដល់ជូនដោយ Microsoft (ជារួមហៅថា "សេវា Xbox") គឺសម្រាប់ការប្រើប្រាស់ផ្ទាល់ខ្លួនមិនមែនពាណិជ្ជកម្មរបស់អ្នកប៉ុណ្ណោះ។
- ii. សេវា Xbox៖ នៅពេលអ្នកចុះឈ្មោះប្រើដើម្បីទទួលសេវា Xbox, ព័ត៌មានអំពីការលេងហ្គេម សកម្មភាព ព្រមទាំងការប្រើប្រាស់ហ្គេមនិងសេវា Xbox របស់អ្នក នឹងត្រូវបានតាមដាននិងចែករំលែកជាមួយតតិយភាគីជាធរមាន រួមទាំងអភិវឌ្ឍនករនិងអ្នកផ្សាយហ្គេម ដើម្បីឲ្យ Microsoft ផ្ដល់សេវា Xbox និងដើម្បីឲ្យតតិយភាគីទាំងនោះធ្វើប្រតិបត្តិការហ្គេមនិងសេវាមិនមែន Microsoft។ បន្ថែមលើនេះ បើសេវា Xbox ត្រូវបានចូលប្រើតាមផ្លេតហ្វមរបស់តតិយភាគី ព័ត៌មានអំពីការលេងហ្គេម សកម្មភាព ព្រមទាំងការប្រើប្រាស់ហ្គេមនិងសេវា Xbox របស់អ្នក ប្រហែលជាត្រូវបានតាមដាននិងចែករំលែកដោយផ្លេតហ្វមរបស់តតិយភាគី អាស្រ័យលើលក្ខខណ្ឌនិងគោលការណ៍ភាពឯកជនរបស់តតិយភាគីនោះ។ បើអ្នកជ្រើសរើសតភ្ជាប់គណនីសេវា Microsoft Xbox របស់អ្នក ជាមួយគណនីរបស់អ្នក លើសេវាមិនមែន Microsoft ឬក៏ចុះឈ្មោះចូលគណនីសេវា Xbox របស់អ្នក ដើម្បីចូលប្រើសេវាក្រៅពី Microsoft (ឧទាហរណ៍អ្នកផ្សាយហ្គេមមិនមែន Microsoft នៃកម្មវិធីនិងសេវាតតិយភាគី) អ្នកយល់ព្រមថា៖ (a) Microsoft អាចចែករំលែកព័ត៌មានគណនីមានកម្រិត និងពាក់ព័ន្ធនឹងការប្រើប្រាស់ (រួមទាំង ដោយមិនកម្រិតត្រឹម ស្លាកអ្នកលេងហ្គេម ពិន្ទុអ្នកលេងហ្គេម ពិន្ទុហ្គេម ប្រវត្តិហ្គេម និងបញ្ជីមិត្តភក្ដិ) ជាមួយភាគីមិនមែន Microsoft នោះ ដូចបានចែងក្នុងសេចក្ដីថ្លែងការណ៍ពីភាពឯកជនរបស់ Microsoft និង (b) បើអនុញ្ញាតដោយការកំណត់ភាពឯកជន Xbox របស់អ្នក ភាគីមិនមែន Microsoft ក៏អាចចូលប្រើខ្លឹមព័ត៌មានរបស់អ្នក ពីការទំនាក់ទំនងក្នុងហ្គេម ឬកម្មវិធីផ្សេងទៀតដែលអ្នកប្រើផងដែរ នៅពេលអ្នកបានចុះឈ្មោះចូលគណនីរបស់អ្នក ជាមួយភាគីមិនមែន Microsoft នោះ។ ដូចគ្នានេះដែរ បើបានអនុញ្ញាតដោយការកំណត់ភាពឯកជន Xbox របស់អ្នក Microsoft អាចផ្សព្វផ្សាយឈ្មោះ ស្លាកអ្នកលេងហ្គេម រូបអ្នកលេងហ្គេម ភាសិត អវតារ ឈុតហ្គេម និងហ្គេមដែលអ្នកបានលេងក្នុងការប្រាស្រ័យទាក់ទងនានាជូនមនុស្សដែលអ្នកអនុញ្ញាត។
- iii. ខ្លឹមព័ត៌មានរបស់អ្នក៖ ជាផ្នែកមួយនៃការបង្កើតសហគមន៍សេវា Xbox អ្នកផ្ដល់ជូន Microsoft និងសម្ពន្ធរបស់ខ្លួន និងអ្នកទទួលអាជ្ញាបណ្ណបន្ត នូវសិទ្ធិឥតគិតថ្លៃនិងទូទាំងពិភពលោក ក្នុងការប្រើ កែ ផលិតឡើងវិញ ចែកចាយ ផ្សព្វផ្សាយ ចែករំលែក និងបង្ហាញខ្លឹមព័ត៌មានរបស់អ្នក ឬឈ្មោះរបស់អ្នក ស្លាកអ្នកលេងហ្គេម បាវចនា ឬអវតារ ដែលអ្នកបានប្រកាសសម្រាប់សេវា Xbox នានា។
- iv. អ្នកគ្រប់គ្រងហ្គេម៖ ហ្គេមខ្លះអាចប្រើអ្នកគ្រប់គ្រងហ្គេម, ទូត និងម្ចាស់ផ្ទះហ្គេម។ អ្នកគ្រប់គ្រងហ្គេម និងម្ចាស់ផ្ទះហ្គេម មិនមែនជាអ្នកនាំពាក្យរបស់ Microsoft ដែលទទួលសិទ្ធិឡើយ។ ទស្សនៈរបស់ពួកគេមិនឆ្លុះបញ្ចាំងពីទស្សនៈរបស់ Microsoft ឡើយ។
- v. កុមារលើ Xbox៖ បើអ្នកគឺជាអនីតិជនដែលកំពុងប្រើសេវា Xbox ឪពុកម្ដាយឬអាណាព្យាបាលរបស់អ្នកអាចមានការត្រួតត្រាលើទិដ្ឋភាពជាច្រើននៃគណនីរបស់អ្នកនៅលើផ្លេតហ្វម Xbox ហើយអាចទទួលរបាយការណ៍អំពីការប្រើប្រាស់សេវា Xbox។ មុខងារទាំងនេះគឺដាច់មុខចំពោះសេវា Xbox ហើយប្រហែលជាមិនអាចផ្ទេរទៅផ្លេតហ្វមផ្សេងទៀតឡើយ។
- vi. រូបិយវត្ថុហ្គេម ឬ ទំនិញនិម្មិត៖ សេវា Xbox អាចរួមបញ្ចូលរូបិយវត្ថុហ្គេមនិម្មិត (ដូចជាមាស កាក់ ឬពិន្ទុ) ដែលអាចទិញពី ឬក៏ក្នុងនាម Microsoft ដោយប្រើឧបករណ៍រូបិយវត្ថុជាក់ស្ដែង បើអ្នកបានឈានដល់អាយុជា "នីតិជន" នៅកន្លែងដែលអ្នករស់នៅ។ សេវា Xbox ក៏អាចរួមបញ្ចូលផងដែរនូវរបស់ឬទំនិញឌីជីថលនិម្មិត ដែលអាចទិញពី ឬក៏ក្នុងនាម Microsoft ដោយប្រើឧបករណ៍រូបិយវត្ថុជាក់ស្ដែង ឬក៏ប្រើរូបិយវត្ថុហ្គេម។ រូបិយវត្ថុហ្គេមនិងទំនិញនិម្មិតមិនអាចលោះយកឧបករណ៍រូបិយវត្ថុជាក់ស្ដែង ទំនិញ ឬធាតុផ្សេងទៀតដែលមានតម្លៃជារូបិយវត្ថុ ពី Microsoft ឬភាគីដទៃផ្សេងទៀតឡើយ។ ក្រៅពីអាជ្ញាបណ្ណមានកម្រិត ផ្ទាល់ខ្លួន អាចដកហូតវិញបាន មិនអាចផ្ទេរបាន មិនអាចផ្ដល់បន្ត ដើម្បីប្រើរូបិយវត្ថុហ្គេមនិងទំនិញនិម្មិតនៅក្នុងសេវា Xbox អ្នកមិនមានសិទ្ធិអ្វីឡើយនៅក្នុង ឬចំពោះរូបិយវត្ថុហ្គេមទាំងនោះ ឬទំនិញនិម្មិតដែលលេចឡើង ឬមានដើមកំណើតក្នុងសេវា Xbox ឬគុណលក្ខណៈដទៃផ្សេងទៀតដែលពាក់ព័ន្ធជាមួយនឹងការប្រើសេវានានា ឬក៏រក្សាទុកនៅក្នុងសេវា Xbox ទាំងនោះ។ នៅគ្រប់ពេល Microsoft អាចនិយត ត្រួតត្រា កែ និង/ឬ លុបបំបាត់រូបិយវត្ថុហ្គេម និង/ឬ ទំនិញនិម្មិត ពាក់ព័ន្ធជាមួយហ្គេមឬកម្មវិធី Xbox មួយឬច្រើន ឲ្យតែក្រុមហ៊ុនមើលឃើញថាសមស្របតាមឆន្ទានុសិទ្ធិតែឯងរបស់ខ្លួន ក្រោមវិសាលភាពអតិបរមាដែលច្បាប់ក្នុងស្រុករបស់អ្នកអនុញ្ញាត។
- vii. បច្ចុប្បន្នភាពនៃសុហ្វវែរ៖ ចំពោះឧបករណ៍ណាមួយដែលអាចភ្ជាប់ទៅសេវា Xbox យើងអាចពិនិត្យដោយស្វ័យប្រវត្តិនូវកំណែរបស់អ្នកលើសុហ្វវែរកុងសូល Xbox ឬ សុហ្វវែរកម្មវិធី Xbox ព្រមទាំងទាញយកបច្ចុប្បន្នភាពឬការផ្លាស់ប្ដូរការកំណត់រចនាសម្ពន្ធនៃកុងសូល Xbox ឬ កម្មវិធី Xbox រួមទាំងការផ្លាស់ប្ដូរដែលរារាំងអ្នកមិនឲ្យចូលប្រើសេវា Xbox ដោយប្រើហ្គេម Xbox ឬកម្មវិធី Xbox ដែលមិនទទួលសិទ្ធិ ឬក៏ពីការប្រើឧបករណ៍ហាដវែរដែលមិនទទួលសិទ្ធិជាមួយកុងសូល Xbox។
- viii. ការបន្លំនិងការអុកឡុកសុហ្វវែរ៖ ចំពោះឧបករណ៍ណាមួយដែលអាចភ្ជាប់ទៅសេវា Xbox យើងអាចពិនិត្យឧបករណ៍នោះដោយស្វ័យប្រវត្តិរកមើលហាដវែរឬសុហ្វវែរដែលមិនទទួលសិទ្ធិ ព្រមទាំងបានបន្លំឬអុកឡុក បំពានលើក្រមប្រតិបត្តិ ឬក៏លក្ខខណ្ឌទាំងនេះ ព្រមទាំងទាញយកអាប់ដែតនៃសុហ្វវែរកម្មវិធី Xbox ឬក៏ការផ្លាស់ប្ដូរការកំណត់រចនាសម្ពន្ធ រួមទាំងការផ្លាស់ប្ដូរដែលរារាំងអ្នកមិនឲ្យចូលប្រើសេវា Xbox ឬក៏ពីការប្រើហាដវែរឬសុហ្វវែរដែលមិនទទួលសិទ្ធិ ព្រមទាំងបានបន្លំឬអុកឡុក។
- ix. ពេលវេលានិងលក្ខខណ្ឌបន្ថែមនៃការចុះឈ្មោះជាវ៖ ការចុះឈ្មោះជាវ Xbox Services ស្ថិតក្រោមពេលវេលានិងលក្ខខណ្ឌបន្ថែម ដែលបានចែងក្នុង ពេលវេលា & លក្ខខណ្ឌនៃការចុះឈ្មោះជាវ Xbox | Xbox (https://www.xbox.com/legal/subscription-terms)។
- x. ការចុះឈ្មោះជាវ Xbox Service អសកម្ម៖ Microsoft អាចបិទការគិតវិក្កយបត្រកើតឡើងវិញរបស់អ្នក និងបញ្ឈប់ការគិតថ្លៃកើតឡើងវិញក្នុងប្រទេសខ្លះ បើអ្នកមិនប្រើការចុះឈ្មោះជាវ Xbox Services របស់អ្នក ក្នុងអំឡុងពេលមួយ។ Microsoft នឹងផ្ដល់សេចក្ដីជូនដំណឹងដល់អ្នក មុនពេលបិទការគិតវិក្កយបត្រកើតឡើងវិញ។ សម្រាប់ព័ត៌មានបន្ថែម រួមទាំងអំឡុងពេលអសកម្មភាពជាធរមាន សូមមើល FAQ អសកម្មភាពចុះឈ្មោះជាវ | ការគាំទ្រ Xbox (https://support.xbox.com/en-GB/help/subscriptions-billing/manage-subscriptions/xbox-subscription-inactivity-policy)។
- xi. កិច្ចព្រមព្រៀងអាជ្ញាបណ្ណអ្នកប្រើប្រាស់ចុងក្រោយ និងក្រមប្រតិបត្តិបន្ថែមទៀត៖ សេវា Xbox ខ្លះ ប្រហែលជាមានលក្ខខណ្ឌនៃការប្រើប្រាស់និងក្រមប្រតិបត្តិផ្ទាល់ខ្លួន។

ហាង

b. ហាង៖ "ហាង" សំដៅលើសេវាមួយដែលអនុញ្ញាតឲ្យអ្នកបើកមើល ទាញយក ទិញ ព្រមទាំងឲ្យតម្លៃនិងធ្វើវិវេចនាលើកម្មវិធី (ពាក្យ “កម្មវិធី” រួមបញ្ចូលទាំងហ្គេម) និងខ្លឹមព័ត៌មានឌីជីថលផ្សេងទៀត។ លក្ខខណ្ឌទាំងនេះគ្របដណ្ដប់លើការប្រើប្រាស់ហាងមួយចំនួនដែលជារបស់ឬធ្វើប្រតិបត្តិការដោយ Microsoft ឬសម្ពន្ធរបស់ខ្លួន (មានជាអាទិ៍ Office Store, Microsoft Store លើ Windows និង Microsoft Store លើ Xbox)។ “Office Store” មានន័យថាហាងសម្រាប់ផលិតផលនិងកម្មវិធី Office សម្រាប់ Office, Microsoft 365, SharePoint, Exchange, Access និង Project (កំណែ 2013 ឬក្រោយនោះ) ឬក៏បទពិសោធន៍ដទៃផ្សេងទៀតដែលមានម៉ាក Office Store។ “Microsoft Store លើ Windows” មានន័យថាហាងដែលជារបស់ឬធ្វើប្រតិបត្តិការដោយ Microsoft ឬសម្ពន្ធរបស់ខ្លួនសម្រាប់ឧបករណ៍ Windows ដូចជាទូរសព្ទ, PC និងថេប្លិត ឬក៏បទពិសោធន៍ដទៃផ្សេងទៀតដែលមានម៉ាក Microsoft Store ហើយអាចចូលប្រើបានលើឧបករណ៍ Windows ដូចជាទូរសព្ទ, PC ឬថេប្លិត។ “Microsoft Store លើ Xbox” មានន័យថាហាងរបស់ ឬក៏ធ្វើប្រតិបត្តិការដោយ Microsoft ឬសម្ពន្ធរបស់ខ្លួនសម្រាប់កុងសូល Xbox ឬក៏បទពិសោធន៍ដទៃផ្សេងទៀតដែលមានម៉ាក Microsoft Store និងធ្វើឲ្យមានលើកុងសូល Xbox។
- i. លក្ខខណ្ឌអាជ្ញាបណ្ណ៖ យើងនឹងកត់សម្គាល់អ្នកចេញផ្សាយកម្មវិធីនីមួយៗដែលអាចរកបានក្នុងហាងដែលពាក់ព័ន្ធ។ លុះត្រាតែលក្ខខណ្ឌនៃអាជ្ញាបណ្ណផ្សេងត្រូវបានផ្ដល់ជូនជាមួយកម្មវិធីនេះប៉ុណ្ណោះ បើពុំនោះ លក្ខខណ្ឌនៃអាជ្ញាបណ្ណកម្មវិធីស្តង់ដា ("SALT") នៅចុងបញ្ចប់នៃលក្ខខណ្ឌទាំងនេះ គឺជាកិច្ចព្រមព្រៀងរវាងអ្នកនិងអ្នកផ្សាយកម្មវិធីដែលបានចែងអំពីលក្ខខណ្ឌអាជ្ញាបណ្ណដែលអនុវត្តចំពោះកម្មវិធីមួយដែលអ្នកទាញយកតាមហាងណាមួយដែលជារបស់ឬធ្វើប្រតិបត្តិការដោយ Microsoft ឬសម្ពន្ធរបស់ខ្លួន (មិនរួមបញ្ចូល Office Store)។ សម្រាប់ការបញ្ជាក់ លក្ខខណ្ឌទាំងនេះគ្របដណ្ដប់លើការប្រើ (និងសេវាដែលបានផ្ដល់ជូនដោយ) សេវា Microsoft។ ប្រការ 5 នៃលក្ខខណ្ឌទាំងនេះក៏អនុវត្តចំពោះកម្មវិធីនិងសេវារបស់តតីយភាគីទាំងឡាយដែលបានទទួលតាមរយៈហាងផងដែរ។ កម្មវិធីដែលបានទាញយកតាម Office Store មិនស្ថិតក្រោម SALT ឡើយ ហើយមានលក្ខខណ្ឌអាជ្ញាបណ្ណដាច់ដោយឡែក ដែលអនុវត្ត។
- ii. បច្ចុប្បន្នភាព៖ Microsoft នឹងពិនិត្យរកដោយស្វ័យប្រវត្តិ និងទាញយកបច្ចុប្បន្នភាពចំពោះកម្មវិធីរបស់អ្នក សូម្បីអ្នកមិនបានចុះឈ្មោះចូលហាងពាក់ព័ន្ធក៏ដោយ។ អ្នកអាចប្ដូរការកំណត់នៃហាងរបស់អ្នក ឬការកំណត់ប្រព័ន្ធ បើអ្នកមិនចង់ទទួលបច្ចុប្បន្នភាពស្វ័យប្រវត្តិចំពោះកម្មវិធីហាងទេ។ ទោះជាយ៉ាងនេះក្ដី កម្មវិធី Office Store មួយចំនួនដែលហូស្តទាំងស្រុងឬមួយផ្នែក អាចត្រូវបានធ្វើបច្ចុប្បន្នភាពនៅគ្រប់ពេល ដោយអភិវឌ្ឍនករកម្មវិធី ហើយអាចមិនត្រូវការនូវការអនុញ្ញាតរបស់អ្នកដើម្បីធ្វើបច្ចុប្បន្នភាព។
- iii. ការឲ្យតម្លៃ និងវិវេចនា៖ បើអ្នកឲ្យតម្លៃ ឬក៏ធ្វើវិវេចនាលើកម្មវិធីមួយឬទំនិញឌីជីថលផ្សេងទៀតក្នុងហាង អ្នកអាចទទួលអ៊ីមែលពី Microsoft ដែលមានខ្លឹមព័ត៌មានពីអ្នកចេញផ្សាយកម្មវិធីឬទំនិញឌីជីថល។ អ៊ីមែលទាំងនោះចេញពី Microsoft; យើងមិនចែករំលែកអាសយដ្ឋានអ៊ីមែលរបស់អ្នកជាមួយអ្នកចេញផ្សាយកម្មវិធីទាំងឡាយឬទំនិញឌីជីថលផ្សេងទៀតដែលអ្នកទទួលតាមរយៈហាងឡើយ។
- iv. ការព្រមានពីសុវត្ថិភាព៖ ដើម្បីជៀសវាងលទ្ធភាពរងរបួស អផាសុក ឬឈឺភ្នែក អ្នកគួរសម្រាកពីការលេងហ្គេមឬប្រើកម្មវិធីផ្សេងទៀត តាមពេល ជាពិសេស បើអ្នកមានអារម្មណ៍ថាឈឺ ឬ អស់កម្លាំង ដោយសារការប្រើប្រាស់នេះ។ បើអ្នកអផាសុក សូមសម្រាក។ អផាសុកអាចរួមមានអារម្មណ៍ចង់ក្អួត ការឈឺពេលកម្រើក ការវិលមុខ វិលវល់ ឈឺក្បាល អស់កម្លាំង ឈឺភ្នែក ឬស្ងួតភ្នែក។ ការប្រើប្រាស់កម្មវិធីទាំងនេះអាចបន្លប់អ្នកនិងរារាំងបរិស្ថានជុំវិញអ្នក។ សូមជៀសវាងគ្រោះថ្នាក់ពីការធ្វើដំណើរ ការឡើងជណ្ដើរ ពិដានទាប របស់ងាយបែកបាក់ឬរបស់មានតម្លៃដែលអាចខូច។ មនុស្សភាគតិចបំផុតអាចជួបប្រទះជំងឺស្កន្ទ នៅពេលមើលរូបមួយចំនួន ដូចជាពន្លឺភ្លាស ឬលំនាំដែលអាចកើតមានក្នុងកម្មវិធី។ សូម្បីមនុស្សដែលគ្មានប្រវត្តិមានជំងឺស្កន្ទក៏ដោយ ក៏អាចមានស្ថានភាពដែលអាចបង្កជំងឺស្កន្ទទាំងនេះផងដែរ ទោះមិនធ្លាប់ធ្វើរោគវិនិច្ឆយឃើញពីមុនក៏ដោយ។ រោគសញ្ញាទាំងនោះអាចរួមបញ្ចូលការឈឺក្បាលតិចៗ ស្រវាំងភ្នែក កន្ត្រាក់ ញាក់ញ័រដៃជើង វង្វេងស្មារតី ភាន់ច្រឡំ បាត់បង់ស្មារតី ឬការប្រកាច់។ សូមបញ្ឈប់ការប្រើប្រាស់ភ្លាមៗ ហើយពិគ្រោះជាមួយវេជ្ជបណ្ឌិត បើអ្នកមានរោគសញ្ញាទាំងនេះ ឬពិគ្រោះជាមួយវេជ្ជបណ្ឌិត មុនពេលប្រើកម្មវិធីនានា បើអ្នកធ្លាប់មានរោគសញ្ញាដែលជាប់ទាក់ទងនឹងជំងឺស្កន្ទ។ ឪពុកម្ដាយគួរត្រួតពិនិត្យការប្រើប្រាស់របស់កូនពួកគេ លើកម្មវិធីនានា ថាមានសញ្ញាណាមួយនៃរោគសញ្ញាទាំងនោះទេ។

មុខងារ Microsoft Family

c. មុខងារ Microsoft Family៖ ឪពុកម្ដាយនិងកូនៗអាចប្រើមុខងារគ្រួសារ Microsoft រួមទាំងសុវត្ថិភាពគ្រួសារ Microsoft ដើម្បីបង្កើតទំនុកចិត្តផ្អែកលើការយល់ដឹងរួមថាតើអាកប្បកិរិយា វិបសៃ កម្មវិធី ហ្គេម ទីកន្លែងជាក់ស្ដែង និងការចំណាយបែបណាដែលត្រឹមត្រូវសម្រាប់គ្រួសាររបស់ពួកគេ។ ឪពុកម្ដាយអាចបង្កើតគ្រួសារមួយដោយចូលទៅ https://account.microsoft.com/family (ឬដោយធ្វើតាមសេចក្ដីណែនាំលើឧបករណ៍ Windows របស់ពួកគេ ឬក៏កុងសូល Xbox) ហើយអញ្ជើញកូនឬឪពុកម្ដាយរបស់ពួកគេឲ្យចូលរួម។ មានមុខងារជាច្រើនសម្រាប់សមាជិកគ្រួសារ ដូច្នេះសូមត្រួតពិនិត្យដោយយកចិត្តទុកដាក់នូវព័ត៌មានដែលបានផ្ដល់ឲ្យ នៅពេលអ្នកយល់ព្រមបង្កើតឬចូលរួមក្នុងគ្រួសារមួយ។ ដោយបង្កើតឬចូលរួមក្នុងគ្រួសារមួយ អ្នកយល់ព្រមប្រើគ្រួសារនោះ ស្របតាមគោលបំណងរបស់វា ហើយនឹងមិនប្រើវាតាមវិធីដែលមិនទទួលសិទ្ធិ ដើម្បីអាចចូលប្រើព័ត៌មានរបស់បុគ្គលផ្សេងទៀតដោយខុសច្បាប់ឡើយ។ មុខងារ Microsoft Family គឺដាច់មុខចំពោះសេវា Microsoft ហើយប្រហែលជាមិនអាចផ្ទេរទៅផ្លេតហ្វមផ្សេងទៀតឡើយ។ ឧទាហរណ៍ ការកំណត់សុវត្ថិភាពគ្រួសារជាពិសេសសម្រាប់ Xbox នឹងអនុវត្តលើកុងសូល Xbox ឬតាម Xbox លើ PC ឬឧបករណ៍ចល័ត ប៉ុន្តែប្រហែលជាមិនអនុវត្តលើផ្លេតហ្វមផ្សេងទៀតឡើយ។

កម្មវិធីសារជាក្រុម

d. កម្មវិធីសារជាក្រុម៖ សេវា Microsoft ជាច្រើន អនុញ្ញាតឲ្យអ្នកផ្ញើសារជូនអ្នកដទៃតាម សំឡេង ឬ SMS ("សារ") និង/ឬ អនុញ្ញាតឲ្យ Microsoft ឬ សម្ពន្ធដែល Microsoft គ្រប់គ្រង ផ្ញើសារទាំងនោះជូនអ្នកនិងអ្នកប្រើប្រាស់ផ្សេងទៀតម្នាក់ឬច្រើននាក់ ក្នុងនាមអ្នក។ នៅពេលអ្នកណែនាំ MICROSOFT ឬ សម្ពន្ធដែល Microsoft គ្រប់គ្រង ឲ្យផ្ញើសារនោះជូនអ្នក ឬអ្នកដទៃ អ្នកអះអាងនិងធានាជូនយើងថា អ្នកនឹងបុគ្គលម្នាក់ៗដែលអ្នកបានណែនាំឲ្យយើងផ្ញើសារនោះ យល់ព្រមទទួលសារនោះនិងសារអត្ថបទរដ្ឋបាលពាក់ព័ន្ធផ្សេងទៀត ពី MICROSOFT និង សម្ពន្ធដែល MICROSOFT គ្រប់គ្រង។ “សារអត្ថបទរដ្ឋបាល” គឺជាសារប្រតិបត្តិការតាមពេលពីសេវា Microsoft ជាក់លាក់មួយ រួមទាំង ប៉ុន្តែមិនកម្រិតត្រឹម “សារស្វាគមន៍” ឬក៏សេចក្ដីណែនាំអំពីរបៀបបញ្ឈប់ការទទួលសារ។ អ្នកឬសមាជិកក្រុមដែលលែងចង់ទទួលសារនោះ អាចជ្រើសរើសមិនទទួលសារនោះបន្ថែមទៀតពី Microsoft ឬសម្ពន្ធដែល Microsoft គ្រប់គ្រង នៅគ្រប់ពេល ដោយធ្វើតាមសេចក្ដីណែនាំដែលបានផ្ដល់ឲ្យ។ បើអ្នកលែងចង់ទទួលសារនោះទៀត ឬក៏លែងចង់ចូលរួមក្នុងក្រុម អ្នកយល់ព្រមថា អ្នកនឹងជ្រើសរើសដកខ្លួនចេញតាមរយៈការណែនាំដែលផ្ដល់ជូនដោយកម្មវិធីឬសេវានោះ។ បើអ្នកមានមូលហេតុជឿជាក់ថា សមាជិកក្រុមណាម្នាក់លែងចង់ទទួលសារនោះ ឬក៏ចូលរួមក្នុងក្រុម អ្នកយល់ព្រមលុបពួកគេពីក្រុម។ អ្នកក៏អះអាងនិងធានាជូនយើងដែលថា អ្នកនិងបុគ្គលម្នាក់ៗដែលអ្នកបានណែនាំយើងឲ្យផ្ញើសារ ដឹងថា សមាជិកក្រុមម្នាក់ៗទទួលខុសត្រូវចំពោះសោហ៊ុយចំណាយនៃការគិតថ្លៃសារ ដែលចេញតម្លៃដោយក្រុមហ៊ុនទូរសព្ទចល័តរបស់គេ រួមទាំងការគិតថ្លៃសារអន្តរជាតិណាមួយ ដែលអាចអនុវត្ត នៅពេលសារត្រូវបានបញ្ជូនពីលេខដែលមានមូលដ្ឋានស្ថិតនៅសហរដ្ឋអាមេរិក។

Skype, Microsoft Teams និង GroupMe

e. Skype, Microsoft Teams និង GroupMe៖
- i. សេវាអាសន្ន៖ មានភាពខុសគ្នាសំខាន់ៗរវាងសេវាឧបករណ៍ចល័តបែបបុរាណឬបណ្ដាញអចល័ត ជាមួយនឹង Skype, Microsoft Teams និង GroupMe។ Microsoft បានកម្រិតកាតព្វកិច្ចក្រោមវិធាន បទបញ្ជា ឬច្បាប់ក្នុងស្រុកឬជាតិជាធរមាន ដើម្បីផ្ដល់ការចូលប្រើសេវាសង្គ្រោះបន្ទាន់ ដូចជាការហៅអាសន្ន 911 ឬ 112 ("សេវាអាសន្ន") តាម Skype, Microsoft Teams និង GroupMe។ កំណែសុហ្វវែរមានកម្រិតនៃមុខងារ Skype to Phone នៃ Skype ប៉ុណ្ណោះ ដែលអាចគាំទ្រការហៅទៅសេវាអាសន្ន ក្នុងប្រទេសមានកម្រិតខ្លាំងមួយចំនួន និងអាស្រ័យលើផ្លេតហ្វមដែលបានប្រើ។ អ្នកអាចរកព័ត៌មានលម្អិតអំពីភាពមាន និងរបៀបកំណត់រចនាសម្ពន្ធមុខងារនេះនៅទីនេះ៖ https://www.skype.com/go/emergency។ បើបានភ្ជាប់ការហៅអាសន្ន Skype to Phone អ្នកនឹងត្រូវផ្ដល់ព័ត៌មានលម្អិតនៃទីកន្លែងជាក់ស្ដែងរបស់អ្នក ដើម្បីអនុញ្ញាតឲ្យសេវាអាសន្នឆ្លើយតបនឹងអ្នក។
- ii. APIs ឬការផ្សាយ៖ បើអ្នកចង់ប្រើសុហ្វវែរនិងផលិតផល Skype ជាប់ទាក់ទងជាមួយការផ្សាយណាមួយ អ្នកត្រូវតែអនុលោមតាម "TOS នៃការផ្សាយ" ដែលមាននៅ https://www.skype.com/go/legal.broadcast។ បើអ្នកចង់ប្រើអ៊ីនធើហ្វេសកម្មវិធីណាមួយ ("API") ដែលបានដាក់ឬធ្វើឲ្យមានដោយ Skype អ្នកត្រូវតែអនុលោមតាមលក្ខខណ្ឌអាជ្ញាបណ្ណជាធរមាន ដែលមាននៅ www.skype.com/go/legal។
- iii. គោលការណ៍នៃការប្រើដោយស្មោះត្រង់៖ គោលការណ៍នៃការប្រើប្រាស់សមរម្យអនុវត្តចំពោះការប្រើរបស់អ្នកលើសុហ្វវែរនិងផលិតផល Skype ។ សូមពិនិត្យគោលការណ៍ទាំងនេះ ដែលត្រូវបានរចនាបង្កើតឡើងដើម្បីការពារប្រឆាំងនឹងការឆបោក និងការបំពាន ព្រមទាំងអាចដាក់កម្រិតលើប្រភេទ ថិរវេលា ឬកម្រិតសំឡេងនៃការហៅ ឬសារ ដែលអ្នកអាចធ្វើ។ គោលការណ៍ទាំងនេះរួមបញ្ចូលក្នុងលក្ខខណ្ឌទាំងនេះ តាមរយៈការយោង។ អ្នកអាចរកគោលការណ៍ទាំងនេះនៅ https://www.skype.com/go/terms.fairusage/។
- iv. ការប្រើផែនទី៖ សុហ្វវែរនិងផលិតផល Skype មានមុខងារដែលអនុញ្ញាតឲ្យអ្នកប្រគល់ព័ត៌មានជូន ឬក៏កំណត់ទីតាំងខ្លួនអ្នកលើផែនទីដោយប្រើសេវាផែនទី។ ដោយប្រើមុខងារទាំងនេះ អ្នកយល់ព្រមតាមលក្ខខណ្ឌទាំងនេះ និងលក្ខខណ្ឌនៃ Google Maps ដែលមាននៅ https://www.google.com/intl/en_ALL/help/terms_maps.html ឬក៏លក្ខខណ្ឌនៃ Google Maps ដែលមាននៅក្នុងប្រទេសរបស់អ្នក។
- v. ការប្រើប្រាស់ផ្ទាល់ខ្លួន/មិនមែនពាណិជ្ជកម្ម៖ ការប្រើប្រាស់សុហ្វវែរនិងផលិតផល Skype គឺសម្រាប់ការប្រើប្រាស់ផ្ទាល់ខ្លួនអ្នកនិងមិនមែនពាណិជ្ជកម្មប៉ុណ្ណោះ។ អ្នកត្រូវបានអនុញ្ញាតឲ្យប្រើ Skype នៅកន្លែងការងារ សម្រាប់ការប្រាស្រ័យទាក់ទងពាណិជ្ជកម្មផ្ទាល់ខ្លួនរបស់អ្នក។
- vi. លេខ Skype/Skype To Go៖ បើ Microsoft ផ្ដល់ជូនអ្នកនូវលេខ Skype ឬលេខ Skype To Go អ្នកយល់ព្រមថា អ្នកមិនមែនជាម្ចាស់លើលេខនោះ ឬក៏មានសិទ្ធិទទួលលេខនោះជារៀងរហូតទេ។ ក្នុងប្រទេសមួយចំនួន លេខមួយអាចប្រគល់ជូនអ្នកដោយដៃគូ Microsoft ជាជាង Microsoft ហើយអ្នកប្រហែលជាត្រូវធ្វើកិច្ចព្រមព្រៀងដាច់ដោយឡែកជាមួយដៃគូនោះ។ សម្រាប់ព័ត៌មានលម្អិតច្រើនទៀតអំពី Skype Number សូមមើល https://go.skype.com/home.skype-number។
- vii. Skype Manager៖ "គណនីអភិបាល Skype Manager" ត្រូវបានបង្កើតនិងគ្រប់គ្រងដោយអ្នក ដែលធ្វើសកម្មភាពជាអភិបាលនៃក្រុម Skype Manager និងមិនមែនជាអង្គភាពអាជីវកម្មមួយឡើយ។ អ្នកអាចតភ្ជាប់គណនី Microsoft មួយៗរបស់អ្នកជាមួយក្រុម Skype Manager ("គណនីដែលបានតភ្ជាប់")។ អ្នកអាចចាត់តាំងអភិបាលបន្ថែមដល់ក្រុម Skype Manager របស់អ្នក ក្រោមការយល់ព្រមទទួលលក្ខខណ្ឌទាំងនេះរបស់ពួកគេ។ បើអ្នកផ្ដល់លេខ Skype ដល់គណនីដែលបានតភ្ជាប់ អ្នកកំពុងទទួលខុសត្រូវចំពោះការអនុលោមតាមលក្ខខណ្ឌតម្រូវការទាំងឡាយដែលពាក់ព័ន្ធនឹងទីលំនៅ ឬទីកន្លែងនៃអ្នកប្រើប្រាស់គណនីដែលអ្នកបានតភ្ជាប់។ បើអ្នកជ្រើសរើសឈប់តភ្ជាប់គណនីដែលបានតភ្ជាប់ពីក្រុម Skype Manager ការចុះឈ្មោះដែលបានផ្ដល់ឲ្យទាំងឡាយ, ឥណទាន Skype ឬ លេខ Skype នឹងមិនអាចទាមទារមកវិញឡើយ ហើយការយល់ព្រមរបស់អ្នកឬឯកសារពាក់ព័ន្ធជាមួយគណនីដែលបានឈប់តភ្ជាប់ នឹងលែងឲ្យអ្នកអាចចូលប្រើទៀតហើយ។ អ្នកយល់ព្រមចំពោះការដំណើរការព័ត៌មានផ្ទាល់ខ្លួនទាំងឡាយរបស់អ្នកប្រើប្រាស់គណនីដែលអ្នកបានតភ្ជាប់ ស្របតាមច្បាប់ការពារទិន្នន័យដែលមានជាធរមានទាំងអស់។
- viii. ការគិតថ្លៃ Skype៖ តម្លៃទាំងអស់សម្រាប់ផលិតផលគិតថ្លៃរបស់ Skype រួមបញ្ចូលទាំងពន្ធផងដែរ លុះណាតែបានបញ្ជាក់ផ្សេងពីនេះ។ ការគិតថ្លៃដែលអាចបង់សម្រាប់ការហៅទូរសព្ទនៅក្រៅការចុះឈ្មោះ រួមមានថ្លៃសេវាការភ្ជាប់ (បានគិតថ្លៃ នៅពេលហៅម្ដងៗ) និងអត្រាក្នុងមួយនាទី ដែលបានកំណត់លើ www.skype.com/go/allrates។ ការគិតថ្លៃការហៅនឹងកាត់ពីសមតុល្យឥណទាន Skype របស់អ្នក។ Microsoft អាចផ្លាស់ប្ដូរអត្រាហៅរបស់ខ្លួននៅគ្រប់ពេលដោយប្រកាសការផ្លាស់ប្ដូរទាំងនោះនៅ www.skype.com/go/allrates។ អត្រាថ្មីនឹងអនុវត្តចំពោះការហៅលើកក្រោយរបស់អ្នក បន្ទាប់ពីការផ្សព្វផ្សាយអត្រាថ្មីនោះ។ សូមពិនិត្យអត្រាថ្មីបំផុត មុនពេលអ្នកធ្វើការហៅរបស់អ្នក។ នាទីហៅមួយភាគៗ និងការគិតថ្លៃមួយភាគៗ នឹងត្រូវបានបង្គត់ទៅជាឯកតាចំនួនគត់បន្ទាប់។ ក្នុងប្រទេសខ្លះ ផលិតផលគិតថ្លៃរបស់ Skype ត្រូវបានផ្ដល់ជូនដោយដៃគូក្នុងស្រុករបស់ Microsoft ហើយលក្ខខណ្ឌនៃការប្រើរបស់ដៃគូនោះនឹងអនុវត្តចំពោះប្រតិបត្តិការទាំងនោះ។ ថ្វីបើមានចែងខាងលើក៏ដោយ អ្នកអាចមានសិទ្ធិទទួលសំណងប្រាក់វិញ នៅពេលស្នើសុំ ក្រោមច្បាប់ជាធរមាន ចំពោះសមតុល្យចុះឈ្មោះជាវបង់ប្រាក់ជាមុន ក្នុងករណីដែលអ្នកប្ដូរ Skype Number របស់អ្នក ទៅអ្នកផ្ដល់សេវាមួយទៀត។
- ix. ឥណទាន Skype៖ Microsoft មិនធានាថា អ្នកនឹងអាចប្រើសមតុល្យឥណទាន Skype របស់អ្នក ដើម្បីទិញផលិតផលគិតថ្លៃរបស់ Skype ទាំងអស់ទេ។ បើអ្នកមិនប្រើឥណទាន Skype របស់អ្នកក្នុងអំឡុងពេល 180 ថ្ងៃ នោះ Microsoft នឹងដាក់ឲ្យឥណទាន Skype របស់អ្នកមានស្ថានភាពអកម្ម។ អ្នកអាចបើកដំណើរការឥណទាន Skype ដោយចូលតាមតំណបើកដំណើរការឡើងវិញតាម https://www.skype.com/go/store.reactivate.credit។ បើអ្នកស្ថិតក្នុងប្រទេសជប៉ុន ហើយអ្នកទិញឥណទាន Skype ពីវិបសៃ Skype ឃ្លាពីរខាងក្រោមមិនអនុវត្តចំពោះអ្នកឡើយ ហើយឥណទាន Skype របស់អ្នកត្រូវផុតកំណត់ក្នុងពេល 180 ថ្ងៃ បន្ទាប់ពីកាលបរិច្ឆេទនៃការទិញ។ នៅពេលឥណទានរបស់អ្នកផុតកំណត់ អ្នកនឹងលែងអាចបើកដំណើរការវាឡើងវិញ ឬក៏ប្រើវាទៀតហើយ។ អ្នកអាចបើកប្រើមុខងារគិតថ្លៃឡើងវិញដោយស្វ័យប្រវត្តិ នៅពេលអ្នកទិញឥណទាន Skype ដោយធីកក្នុងប្រអប់សមស្រប។ បើបានបើកប្រើ សមតុល្យឥណទាន Skype របស់អ្នក នឹងត្រូវបានបញ្ចូលឡើងវិញជាចំនួនទឹកប្រាក់ដដែលនិងវិធីបង់ប្រាក់ដែលអ្នកបានជ្រើសរើស គ្រប់ពេលដែលសមតុល្យ Skype របស់អ្នកនៅក្រោមបទដ្ឋាន ដែលបានកំណត់ដោយ Skype ពីពេលមួយទៅពេលមួយ។ បើអ្នកបានទិញការចុះឈ្មោះដោយប្រើវិធីបង់ប្រាក់ក្រៅពីបណ្ណឥណទាន, PayPal ឬ Moneybookers (Skrill) ហើយអ្នកបានបើកប្រើការគិតថ្លៃឡើងវិញដោយស្វ័យប្រវត្តិ នោះសមតុល្យឥណទាន Skype របស់អ្នក នឹងត្រូវបានគិតថ្លៃឡើងវិញជាមួយនឹងចំនួនទឹកប្រាក់ដែលចំាបាច់ ដើម្បីទិញការចុះឈ្មោះជាវឡើងវិញលើកក្រោយរបស់អ្នក។ អ្នកអាចបិទស្វ័យបញ្ចូលប្រាក់ឡើងវិញនៅគ្រប់ពេល ដោយចូលទៅនិងផ្លាស់ប្ដូរការកំណត់របស់អ្នកក្នុងផតថលគណនីរបស់អ្នកក្នុង Skype។
- x. ថ្លៃសេវាសារអន្តរជាតិ៖ GroupMe បច្ចុប្បន្នប្រើលេខដែលមានមូលដ្ឋាននៅសហរដ្ឋអាមេរិកសម្រាប់ក្រុមនីមួយៗដែលបានបង្កើត។ គ្រប់សារអត្ថបទដែលបានផ្ញើទៅឬទទួលពីលេខ GroupMe នឹងរាប់ជាសារអត្ថបទអន្តរជាតិដែលផ្ញើទៅ ឬបានទទួលពីសហរដ្ឋអាមេរិក។ អាស្រ័យលើទីកន្លែងអ្នក Microsoft Teams អាចប្រើលេខទូរសព្ទដែលអាចរាប់ជាសារអត្ថបទអន្តរជាតិ។ សូមពិគ្រោះជាមួយអ្នកផ្ដល់សេវាឲ្យអ្នកសម្រាប់អត្រាអន្តរជាតិដែលពាក់ព័ន្ធ។
- xi. Microsoft Teams SMS៖ Microsoft Teams អាចប្រើលេខមានមូលដ្ឋាននៅអូស្ត្រាលី ដែលផ្ដល់ឲ្យដោយ Belgacom International Carrier Services SA. ជាមួយកន្លែងបឋមនៃអាជីវកម្មរបស់ពួកគេនៅ Boulevard du Roi Albert II, 27 1030, Bruxelles Belgium ("BICS") សម្រាប់សារដែលបានផ្ញើទៅអ្នកទទួលជាមួយលេខអូស្ត្រាលី។ Microsoft និងសាខារបស់ខ្លួនមិនមានសម្ពន្ធជាមួយ BICS ទេ។

Bing និង MSN

f. Bing និង Microsoft Start (រួមទាំង MSN)៖
- i. ឯកសារ Bing និង Microsoft Start៖ អត្ថបទ អក្សរ រូបថត ផែនទី វីដេអូ កម្មវិធីចាក់វីដេអូ និងឯកសាររបស់តតិយភាគី ដែលមានលើ Bing និង Microsoft Start រួមទាំងតាមរ៉ូបូនិងកម្មវិធី Microsoft គឺសម្រាប់ការប្រើប្រាស់ផ្ទាល់ខ្លួនរបស់អ្នក មិនមែនពាណិជ្ជកម្មប៉ុណ្ណោះ។ ការប្រើប្រាស់ផ្សេងទៀត រួមទាំងការទាញយក ការចម្លង ឬការចែកចាយឯកសារទាំងនេះឡើងវិញ ឬក៏ការប្រើប្រាស់ឯកសារឬផលិតផលទាំងនេះ ដើម្បីបង្កើតផលិតផលផ្ទាល់ខ្លួនរបស់អ្នក ត្រូវបានអនុញ្ញាតតែក្រោមវិសាលភាពដែលទទួលសិទ្ធិជាពិសេសពី Microsoft ឬម្ចាស់សិទ្ធិ ឬបានអនុញ្ញាតដោយច្បាប់សិទ្ធិអ្នកនិពន្ធដែលមានជាធរមានប៉ុណ្ណោះ។ Microsoft ឬម្ចាស់សិទ្ធិផ្សេងទៀតសូមរក្សាសិទ្ធិគ្រប់យ៉ាងចំពោះឯកសារដែលមិនបានផ្ដល់ឲ្យយ៉ាងជាក់ច្បាស់ដោយ Microsoft ក្រោមលក្ខខណ្ឌនៃអាជ្ញាបណ្ណ មិនថាតាមរយៈការជាប់ទាក់ទង វិធានច្បាប់ ឬក៏អ្វីផ្សេងទៀតឡើយ។
- ii. Bing Maps៖ អ្នកមិនត្រូវប្រើរូបភ្នែកបក្សីនៃសហរដ្ឋអាមេរិក កាណាដា ម៉ិកស៊ិក នូវែលសេឡង់ អូស្ត្រាលី ឬជប៉ុន សម្រាប់ការប្រើប្រាស់របស់រដ្ឋាភិបាល ដោយគ្មានការយល់ព្រមជាលាយលក្ខណ៍ដាច់ដោយឡែករបស់យើងឡើយ។
- iii. Bing Places៖ នៅពេលអ្នកផ្ដល់ទិន្នន័យរបស់អ្នក ឬការយល់ព្រមរបស់អ្នកដល់ Bing Places អ្នកផ្ដល់ជូន Microsoft នូវអាជ្ញាបណ្ណមិនបង់ថ្លៃសិទ្ធិទូទាំងពិភពលោកក្នុងការប្រើ ផលិតឡើងវិញ រក្សាទុក កែ ប្រមូលផ្ដុំ ផ្សព្វផ្សាយ បញ្ជូន បង្ហាញ ឬចែកចាយទិន្នន័យអ្នក និងខ្លឹមព័ត៌មានរបស់អ្នក (រួមទាំងកម្មសិទ្ធិបញ្ញាលើទិន្នន័យរបស់អ្នក និងខ្លឹមព័ត៌មានរបស់អ្នក) ព្រមទាំងផ្ដល់អាជ្ញាបណ្ណសិទ្ធិដែលទើបបានលើកឡើងទាំងឡាយឬទាំងអស់បន្តដល់តតិយភាគី។

Cortana

g. Cortana៖
- i. ការប្រើប្រាស់ផ្ទាល់ខ្លួន មិនមែនពាណិជ្ជកម្ម៖ Cortana គឺជាសេវាជំនួយការផ្ទាល់ខ្លួនរបស់ Microsoft។ មុខងារ សេវា និងខ្លឹមព័ត៌មានដែល Cortana បានផ្ដល់ជូន (ជារួមហៅថា "សេវា Cortana") មានសម្រាប់ការប្រើប្រាស់ផ្ទាល់ខ្លួនអ្នកនិងមិនមែនពាណិជ្ជកម្មប៉ុណ្ណោះ។
- ii. ភាពធ្វើមុខងារនិងខ្លឹមព័ត៌មាន៖ Cortana ផ្ដល់មុខងារជាច្រើន ដែលមុខងារខ្លះត្រូវបានតម្រូវតាមបុគ្គល។ សេវា Cortana អាចអនុញ្ញាតឲ្យអ្នកចូលប្រើសេវា ព័ត៌មាន ឬភាពធ្វើមុខងារដែលបានផ្ដល់ជូនដោយសេវា Microsoft ផ្សេងទៀត ឬក៏កម្មវិធីនិងសេវាតតីយភាគី។ លក្ខខណ្ឌជាក់លាក់តាមសេវានៃប្រការ 13 ក៏អនុវត្តផងដែរចំពោះសេវា Microsoft ដែលមានជាធរមាន និង អាចចូលប្រើតាមសេវា Cortana។ Cortana ផ្ដល់ព័ត៌មានក្នុងគោលបំណងដើម្បីឲ្យអ្នករៀបគម្រោងប៉ុណ្ណោះ ហើយអ្នកគួរធ្វើការវិនិច្ឆយផ្ទាល់ខ្លួនអ្នក នៅពេលត្រួតពិនិត្យ និងពឹងផ្អែកលើព័ត៌មាននេះ។ Microsoft មិនធានាពីសុក្រឹតភាព ភាពមាន ឬភាពទាន់ពេលវេលានៃបទពិសោធន៍តាមបុគ្គល ដែល Cortana បានផ្ដល់ជូនឡើយ។ Microsoft មិនទទួលខុសត្រូវទេ បើមុខងារ Cortana ពន្យារពេលឬរារាំងអ្នកមិនឲ្យទទួល ត្រួតពិនិត្យ ឬក៏ផ្ញើការប្រាស្រ័យទាក់ទងឬការជូនដំណឹង ឬទទួលសេវាមួយ។
- iii. កម្មវិធីនិងសេវាតតីយភាគី៖ ជាផ្នែកមួយនៃការផ្ដល់សេវា Cortana, Cortana អាចស្នើនិងជួយអ្នកឲ្យធ្វើអន្តរកម្មជាមួយកម្មវិធីនិងសេវាតតីយភាគី (ជំនាញតតីយភាគីឬសេវាដែលបានភ្ជាប់)។ បើអ្នកជ្រើស នោះ Cortana អាចដោះដូរព័ត៌មានជាមួយកម្មវិធីនិងសេវាតតីយភាគី ដូចជាកូដតំបន់របស់អ្នក ព្រមទាំងសំណួរនិងការឆ្លើយតបដែលបានផ្ដល់ឲ្យដោយកម្មវិធីនិងសេវាតតីយភាគី ដើម្បីជួយអ្នកឲ្យទទួលសេវាដែលបានស្នើ។ Cortana អាចអនុញ្ញាតឲ្យអ្នកធ្វើការទិញតាមកម្មវិធីនិងសេវាតតីយភាគី ដោយប្រើចំណូលចិត្តគណនីនិងការកំណត់ដែលអ្នកបានបង្កើតដោយផ្ទាល់ជាមួយកម្មវិធីនិងសេវាតតីយភាគីទាំងនោះ។ អ្នកអាចផ្ដាច់សេវា Cortana របស់អ្នកពីកម្មវិធីនិងសេវាតតីយភាគីនៅគ្រប់ពេល។ ការប្រើប្រាស់របស់អ្នកលើសេវា Cortana ដើម្បីភ្ជាប់ជាមួយកម្មវិធីនិងសេវាតតីយភាគីស្ថិតក្រោមប្រការ 5 នៃលក្ខខណ្ឌទាំងនេះ។ អ្នកផ្សព្វផ្សាយកម្មវិធីនិងសេវាតតីយភាគីអាចផ្លាស់ប្ដូរឬបញ្ឈប់មុខងារឬលក្ខណៈពិសេសនៃកម្មវិធីនិងសេវាតតីយភាគីរបស់ពួកគេ ឬក៏ការបញ្ចូលគ្នាជាមួយសេវា Cortana។ Microsoft មិនទទួលខុសត្រូវចំពោះសុហ្វវែរឬហ្វឺមវែរដែលឧស្សាហករបានផ្ដល់ជូនឡើយ។
- iv. ឧបករណ៍ដែលបានបើកប្រើ Cortana៖ ឧបករណ៍ដែលបានបើកប្រើ Cortana គឺផលិតផលឬឧបករណ៍ដែលត្រូវបានបើកប្រើដើម្បីចូលប្រើសេវា Cortana ឬក៏ផលិតផលឬឧបករណ៍ដែលត្រូវគ្នាជាមួយសេវា Cortana។ ឧបករណ៍ដែលបានបើកប្រើ Cortana រួមមានឧបករណ៍ឬផលិតផលរបស់តតីយភាគីដែល Microsoft មិនមែនជាម្ចាស់ ផលិត ឬអភិវឌ្ឍ។ Microsoft មិនទទួលខុសត្រូវចំពោះឧបករណ៍ឬផលិតផលរបស់តតីយភាគីទាំងនេះឡើយ។
- v. បច្ចុប្បន្នភាពនៃសុហ្វវែរ៖ អ្នកអាចពិនិត្យកំណែនៃសេវា Cortana របស់អ្នកដោយស្វ័យប្រវត្តិ ព្រមទាំងទាញយកបច្ចុប្បន្នភាពនៃសុហ្វវែរឬការផ្លាស់ប្ដូរការកំណត់រចនាសម្ពន្ធ ឬក៏តម្រូវឲ្យឧស្សាហករណាមួយនៃឧបករណ៍ដែលបានបើកប្រើ Cortana រក្សាឲ្យសុហ្វវែរសេវា Cortana ទាន់សម័យ។

កម្មវិធីនិងសេវា Microsoft 365

h. កម្មវិធីនិងសេវា Microsoft 365៖
- i. លក្ខខណ្ឌនៃការប្រើ៖ Microsoft 365 Family, Microsoft 365 Personal, Microsoft 365 Basic, Sway, OneNote.com ព្រមទាំងកម្មវិធីឬសេវា Microsoft 365 ដទៃផ្សេងទៀត ឬក៏សេវា ឬសេវាដែលមានម៉ាក Office គឺសម្រាប់ការប្រើប្រាស់ផ្ទាល់ខ្លួនរបស់អ្នក មិនមែនពាណិជ្ជកម្មប៉ុណ្ណោះ លុះណាតែអ្នកមានសិទ្ធិប្រើប្រាស់លក្ខណៈពាណិជ្ជកម្មក្រោមកិច្ចព្រមព្រៀងដាច់ដោយឡែកជាមួយ Microsoft។ ការប្រើកម្មវិធីនានាដូចជា Word, Excel, PowerPoint, Outlook, OneDrive, Access និង Publisher ក្នុង Microsoft 365 Family, Microsoft 365 Personal ព្រមទាំងកម្មវិធីឬសេវាចុះឈ្មោះជាវ Microsoft 365 ដទៃផ្សេងទៀត ស្ថិតក្រោមលក្ខខណ្ឌអាជ្ញាបណ្ណបំពេញបន្ថែមដែលស្ថិតនៅ https://aka.ms/useterms ជាមួយគ្នានឹងលក្ខខណ្ឌទាំងនេះ។
- ii. លក្ខខណ្ឌបន្ថែមនៃ Outlook៖ Outlook រួមបញ្ចូលទាំងការប្រើ Bing Maps។ ខ្លឹមព័ត៌មានទាំងឡាយដែលបានផ្ដល់ជូនតាម Bing Maps រួមទាំងកូដភូមិសាស្ត្រ អាចត្រូវបានប្រើក្នុងផលិតផលនេះប៉ុណ្ណោះ ដែលតាមរយៈនោះ ខ្លឹមព័ត៌មានត្រូវបានផ្ដល់ជូន។ ការប្រើប្រាស់របស់អ្នកលើ Bing Maps ត្រូវបានគ្របដណ្ដប់ដោយលក្ខខណ្ឌនៃការប្រើប្រាស់ Bing Maps សម្រាប់អ្នកប្រើប្រាស់ចុងក្រោយ ដែលមាននៅ go.microsoft.com/?linkid=9710837 ព្រមទាំងសេចក្ដីថ្លែងការណ៍អំពីឯកជនភាព Microsoft ដែលមាននៅ go.microsoft.com/fwlink/?LinkID=248686។

ទំនិញឌីជីថល

i. ទំនិញឌីជីថល៖ តាមរយៈ Microsoft Groove, Microsoft Movies & TV, Store, Xbox Services ក៏ដូចជាសេវាពាក់ព័ន្ធ ព្រមទាំងសេវានាពេលអនាគតដទៃផ្សេងទៀត Microsoft អាចអនុញ្ញាតឲ្យអ្នកទទួល, ស្ដាប់, មើល, ចាក់ ឬក៏អាន (បើមានករណីនោះ) នូវតន្ដ្រី, រូប, វីដេអូ, អត្ថបទ, សៀវភៅ, ហ្គេម ឬក៏ឯកសារដទៃទៀត ("ទំនិញឌីជីថល") ដែលអ្នកអាចទទួលជាទ្រង់ទ្រាយឌីជីថល។ ទំនិញឌីជីថលគឺសម្រាប់ការប្រើប្រាស់លក្ខណៈកម្សាន្តផ្ទាល់ខ្លួន មិនមែនអាជីវកម្មប៉ុណ្ណោះ។ អ្នកយល់ព្រមមិនចែកចាយបន្ត ផ្សព្វផ្សាយ សម្ដែងជាសាធារណៈ ឬបង្ហាញជាសាធារណៈ ឬក៏ផ្ទេរសំណៅចម្លងណាមួយនៃទំនិញឌីជីថលទាំងនេះឡើយ។ ទំនិញឌីជីថលអាចជាកម្មសិទ្ធិរបស់ Microsoft ឬរបស់តតិយភាគី។ ក្នុងស្ថានការណ៍ទាំងអស់នោះ អ្នកដឹងនិងទទួលស្គាល់ថា សិទ្ធិរបស់អ្នកពាក់ព័ន្ធនឹងទំនិញឌីជីថលត្រូវបានកម្រិតដោយលក្ខខណ្ឌទាំងនេះ, ច្បាប់សិទ្ធិអ្នកនិពន្ធ និងវិធីនៃការប្រើប្រាស់ដែលស្ថិតនៅ https://go.microsoft.com/fwlink/p/?LinkId=723143។ អ្នកយល់ព្រមថា អ្នកនឹងមិនប៉ុនប៉ងកែទំនិញឌីជីថលណាមួយដែលបានទទួលតាមរយៈសេវាណាមួយ ដោយសារមូលហេតុអ្វីឡើយ រួមទាំងគោលបំណងនៃការញែកឬផ្លាស់ប្ដូរកម្មសិទ្ធិ ឬក៏ប្រភពនៃទំនិញឌីជីថល។ Microsoft ឬម្ចាស់ទំនិញឌីជីថលអាចលុបទំនិញឌីជីថលពីសេវានានា តាមពេល ដោយគ្មានការជូនដំណឹង។

Microsoft Storage

j. Microsoft Storage៖
- i. ការបែងចែកឃ្លាំងផ្ទុក OneDrive៖ បើអ្នកមានខ្លឹមព័ត៌មានដែលបានរក្សាទុកក្នុង OneDrive របស់អ្នក ច្រើនជាងអ្វីដែលបានផ្ដល់ឲ្យអ្នក ក្រោមលក្ខខណ្ឌនៃសេវាចុះឈ្មោះឥតគិតថ្លៃឬគិតថ្លៃរបស់អ្នកសម្រាប់ Microsoft Storage ហើយអ្នកមិនឆ្លើយតបនឹងសេចក្ដីជូនដំណឹងពី Microsoft ឲ្យកែគណនីរបស់អ្នក ដោយលុបខ្លឹមព័ត៌មានលើស ឬក៏ផ្លាស់ទីទៅគម្រោងចុះឈ្មោះជាវថ្មីមួយជាមួយឃ្លាំងផ្ទុកបន្ថែម យើងសូមរក្សាសិទ្ធិក្នុងការបិទគណនីអ្នក និងលុបឬបិទការចូលប្រើខ្លឹមព័ត៌មានរបស់អ្នកលើ OneDrive។ អានបន្ថែមទៀតអំពីកូតានៃ Microsoft Storage នៅទីនេះ (https://prod.support.services.microsoft.com/office/how-does-microsoft-storage-work-2a261b34-421c-4a47-9901-74ef5bd0c426)។
- ii. ប្រសិទ្ធផលនៃសេវា OneDrive៖ អាស្រ័យលើកត្តាដូចជាគ្រឿងបរិក្ខាររបស់អ្នក ការភ្ជាប់អ៊ីនធើណិត និងកិច្ចខំប្រឹងរបស់ Microsoft ដើម្បីរក្សាប្រសិទ្ធផលនិងសុចរិតភាពនៃសេវារបស់ខ្លួន អ្នកអាចជួបប្រទះការពន្យារពេលម្ដងម្កាលក្នុងការបញ្ជូន ឬការធ្វើសមកាលខ្លឹមព័ត៌មានលើ OneDrive។
- iii. ការបែងចែកឃ្លាំងផ្ទុក Outlook.com។ បើអ្នកលើសកូតាឃ្លាំងផ្ទុកប្រអប់សំបុត្រ Outlook.com របស់អ្នក ឬកូតា Microsoft Storage របស់អ្នក ដែលបានផ្ដល់ជូនអ្នកក្រោមការចុះឈ្មោះជាវឥតគិតថ្លៃ ឬគិតថ្លៃ អ្នកនឹងមិនអាចផ្ញើឬទទួលសារឡើយ ទាល់តែអ្នកលុបខ្លឹមព័ត៌មានលើសនោះចេញ ឬក៏ផ្លាស់ទីទៅការចុះឈ្មោះជាវថ្មីមួយដែលមានឃ្លាំងផ្ទុកគ្រប់គ្រាន់។ បើអ្នកខកខានលុបខ្លឹមព័ត៌មានលើស ឬទទួលឃ្លាំងផ្ទុកបន្ថែមគ្រប់គ្រាន់ បន្ទាប់ពីទទួលការជូនដំណឹងពី Microsoft យើងសូមរក្សាសិទ្ធិក្នុងការលុប ឬបិទការចូលប្រើឃ្លាំងផ្ទុករបស់អ្នក។ អានបន្ថែមទៀតអំពីកូតានៃ Microsoft Storage នៅទីនេះ (https://prod.support.services.microsoft.com/office/how-does-microsoft-storage-work-2a261b34-421c-4a47-9901-74ef5bd0c426)។

Microsoft Cashback

k. Microsoft Cashback៖ កម្មវិធី Microsoft Cashback (“Cashback”) អនុញ្ញាតឲ្យអតិថិជន Microsoft ទទួលបានរង្វាន់សាច់ប្រាក់ត្រឡប់វិញ នៅពេលទិញជាមួយអ្នកលក់រាយដែលបានចូលរួម ដោយប្រើផលិតផលនិងសេវា Microsoft មួយចំនួន ដូចជា Bing.com និង Microsoft Edge។ ដោយចុះបញ្ជីក្នុងកម្មវិធី Cashback ឬការបើកដំណើរការនូវការផ្ដល់ជូនរបស់ Cashback អ្នកទទួលយក និងយល់ព្រមចំពោះពេលវេលា & លក្ខខណ្ឌរបស់ Cashback (http://approjects.co.za/?big=bing/rebates-terms)។ លក្ខណៈវិនិច្ឆយអំពីភាពទទួលសិទ្ធិ កំហិត និងដែនកំណត់មួយចំនួនទៀតនឹងអនុវត្តចំពោះការចូលរួមរបស់អ្នកក្នុងកម្មវិធី Cashback; សម្រាប់ព័ត៌មានបន្ថែម សូមមើល Cashback FAQ (https://www.bing.com/rebates/faq)។

Microsoft Rewards

l. Microsoft Rewards៖
- i. ព័ត៌មានទូទៅ៖ Microsoft Rewards ("កម្មវិធីរង្វាន់") អាចចូលរួមបានដោយឥតគិតថ្លៃ ហើយវាអនុញ្ញាតឲ្យអ្នកទទួលពិន្ទុ ("ពិន្ទុ") សម្រាប់សកម្មភាពមួយចំនួន និងសម្រាប់ការប្រើប្រាស់ផ្ទាល់ខ្លួនលើផលិតផលនិងសេវា Microsoft មួយចំនួន។ បើអ្នកមានគណនី Microsoft មួយ និងស្ថិតក្នុងតំបន់ចូលរួម (ដូចបានឲ្យអត្ថន័យខាងក្រោម) អ្នកត្រូវបានចុះបញ្ជីដោយស្វ័យប្រវត្តិក្នុងកម្មវិធីរង្វាន់ និងអាចចាប់ផ្ដើមទទួលពិន្ទុភ្លាមៗ។ អ្នកអាចបោះបង់ការចូលរួមរបស់អ្នកក្នុងកម្មវិធីរង្វាន់នៅគ្រប់ពេល ដោយធ្វើតាមការណែនាំខាងក្រោម។
- ii. អ្នកអាចលោះពិន្ទុរបស់អ្នកតាមវិធីជាច្រើន ("ជម្រើសនៃការលោះ") រួមទាំងសម្រាប់ផលិតផលនិងសេវាមួយចំនួនដែលបានរាយលើ ទំព័រលោះ នៅ https://aka.ms/redeemrewards ("រង្វាន់")។ ដើម្បីអាចលោះពិន្ទុរបស់អ្នកសម្រាប់ជម្រើសលោះណាមួយ ដំបូងអ្នកត្រូវតែបើកដំណើរការគណនីកម្មវិធីរង្វាន់របស់អ្នក ("គណនីរង្វាន់") លើ ក្ដារប៉ាណូរង្វាន់ នៅ https://rewards.microsoft.com/ ឬវិបសៃនិងទំព័រ Microsoft ខ្លះទៀត។ ការបើកដំណើរការគណនីរង្វាន់របស់អ្នកមិនអស់សោហ៊ុយអ្វីទេ។
- iii. កំហិតនិងដែនកំណត់មួយចំនួនអនុវត្តចំពោះការទទួល ការលោះ និងការប្រើផ្សេងទៀតចំពោះពិន្ទុក្នុងកម្មវិធីរង្វាន់។ សម្រាប់ព័ត៌មានបន្ថែម សូមមើលផ្នែករង្វាន់នៅ https://support.microsoft.com ("FAQ")។
- iv. តម្រូវការ៖ អ្នកត្រូវការគណនី Microsoft ដែលមានសុពលភាពមួយ ហើយអ្នកត្រូវតែរស់នៅក្នុងទីកន្លែងភូមិសាស្ត្រណាមួយដែលបានរាយក្នុង FAQ ("តំបន់") ដើម្បីបើកដំណើរការគណនីរង្វាន់ និងដើម្បីទទួល លោះ ឬប្រើពិន្ទុ។ អ្នកអាចបើកនិងប្រើគណនីរង្វាន់មួយប៉ុណ្ណោះ សូម្បីអ្នកមានអាសយដ្ឋានអ៊ីមែលច្រើនក៏ដោយ។ គ្រួសារនីមួយៗត្រូវបានកម្រិតត្រឹមគណនីរង្វាន់ប្រាំមួយប៉ុណ្ណោះ។ កម្មវិធីរង្វាន់គឺដាច់មុខសម្រាប់ការប្រើប្រាស់ផ្ទាល់ខ្លួនរបស់អ្នកនិងមិនមែនពាណិជ្ជកម្ម។ ការប្រើបណ្ដាញឯកជននិម្មិត(VPN) ឬបច្ចេកវិទ្យាឬសេវាផ្សេងទៀត ដែលអាចប្រើដើម្បីបិទបាំងទីកន្លែងភូមិសាស្ត្ររបស់អ្នក អាចនាំឲ្យមានការលុបចោលគណនីរង្វាន់របស់អ្នក និងដកហូតពិន្ទុដែលអ្នកបានសន្សំ។
- v. ការទទួលពិន្ទុ៖ អ្នកអាចឃើញឱកាសទទួលពិន្ទុសម្រាប់សកម្មភាពដែលទទួលសិទ្ធិមួយចំនួន ("ការផ្ដល់ជូន") ដូចជាការស្វែងរក, ការទទួលបាន, ការប្រើផលិតផលនិងសេវា Microsoft មួយចំនួន ព្រមទាំងឱកាសផ្សេងទៀតពី Microsoft។ អ្នកត្រូវតែមានគណនីរង្វាន់សកម្មមួយ ដើម្បីទាញប្រយោជន៍ពីការផ្ដល់ជូននោះ។ បន្ទាប់ពីបំពេញតម្រូវការសម្រាប់ការផ្ដល់ជូនមួយចំនួន អ្នកប្រហែលជាត្រូវបានតម្រូវឲ្យទាមទារពិន្ទុនៅលើក្ដារប៉ាណូរង្វាន់ មុនពេលទទួលបានពិន្ទុនោះ និងថែមទៅគណនីរង្វាន់របស់អ្នក។ ការខកខានក្នុងការទាមទារពិន្ទុក្នុងអំឡុងពេលដែលបានបញ្ជាក់ដោយ Microsoft អាចនាំឲ្យបាត់បង់ពិន្ទុនោះ។ ការផ្ដល់ជូនដែលទទួលសិទ្ធិអាចខុសគ្នាតាមតំបន់ និងអាចមានតែក្នុងអំឡុងពេលមួយប៉ុណ្ណោះ ឬអាស្រ័យលើដែនកំណត់ផ្សេងទៀត។ អ្នកត្រូវតែអនុលោមតាមពេលវេលានិងលក្ខខណ្ឌទាំងអស់នៃការផ្ដល់ជូនជាពិសេស ដើម្បីទទួលពិន្ទុដែលបានផ្ដល់ឲ្យជាមួយការផ្ដល់ជូននោះ។ អ្នកអាចឃើញការផ្ដល់ជូនដោយផ្ទាល់លើក្ដារប៉ាណូរង្វាន់ ឬនៅពេលអ្នកប្រើផលិតផលនិងសេវា Microsoft មួយចំនួន។ ពីពេលមួយទៅពេលមួយ Microsoft ប្រហែលជាផ្ដល់ឬឲ្យរង្វាន់ដល់អ្នកជាពិន្ទុបន្ថែម តាមឆន្ទានុសិទ្ធិរបស់ខ្លួន ដោយមាន ឬគ្មានការជូនដំណឹងជាមុន រួមទាំងអ្វីដែល Microsoft បានកំណត់ថាជាការស្វែងរកដោយសុចរិត និងអន្តកម្មផ្សេងទៀតជាមួយសេវា Microsoft។
- vi. ក្នុងគោលបំណងនៃកម្មវិធីរង្វាន់ "ការស្វែងរក" គឺជាសកម្មភាពរបស់អ្នកប្រើប្រាស់ម្នាក់ៗដែលវាយបញ្ចូលអត្ថបទដោយដៃ ដោយសុចរិត ដើម្បីទទួលលទ្ធផលស្វែងរកពី Bing ក្នុងគោលបំណងស្រាវជ្រាវផ្ទាល់ខ្លួនរបស់អ្នកប្រើប្រាស់; "ការស្វែងរក" មិនរួមបញ្ចូលសំណួរដែលមិនមានបំណង ឬប្រើក្នុងគោលបំណងស្វែងរកផ្ទាល់ខ្លួនដោយសុចរិតពិត ឬក៏សំណួរណាមួយដែលវាយបញ្ចូលដោយរ៉ូបូ ម៉ាក្រូ ឬមធ្យោបាយស្វ័យប្រវត្តិឬក្លែងបន្លំផ្សេងទៀតឡើយ។ ក្នុងគោលបំណងនៃកម្មវិធីរង្វាន់ “ការទទួលបាន” គឺជាដំណើរការនៃការទិញទំនិញ ឬការទាញយកនិងការទទួលអាជ្ញាបណ្ណមួយសម្រាប់ខ្លឹមព័ត៌មានឌីជីថលដោយផ្ទាល់ពី Microsoft ទោះគិតថ្លៃក្ដី ឥតគិតថ្លៃក្ដី។ ពិន្ទុមិនត្រូវបានផ្ដល់ជូនសម្រាប់ការទទួលបាននីមួយៗពី Microsoft ឡើយ ហើយកំហិតមួយចំនួនអាចអនុវត្ត។
- vii. កំហិត & ដែនកំណត់ចំពោះពិន្ទុ៖ ពិន្ទុត្រូវបានផ្ដល់ឲ្យដោយ Microsoft ដល់គណនីរង្វាន់នីមួយៗ និងមិនអាចផ្ទេរឲ្យរូបវន្តបុគ្គលឬនីតិបុគ្គលផ្សេងទៀតឡើយ។ ថ្វីបើមានចែងខាងលើក៏ដោយ ពីពេលមួយទៅពេលមួយ តាមឆន្ទានុសិទ្ធិរបស់ខ្លួន Microsoft អាចអនុញ្ញាតឲ្យអ្នក (i) ចែករំលែកពិន្ទុរបស់អ្នកក្នុងគ្រួសារអ្នក (ដែនកំណត់អាចអនុវត្ត), (ii) វិភាគទានពិន្ទុអ្នកដើម្បីគាំទ្រដល់អង្គការមិនស្វែងរកប្រាក់ចំណេញដែលបានរាយលើទំព័រលោះ ឬ (iii) អាស្រ័យលើតំបន់របស់អ្នក និងស្ថិតក្រោមពេលវេលានិងលក្ខខណ្ឌផ្សេងទៀត ដើម្បីលោះពិន្ទុរបស់អ្នកទាំងអស់ ឬខ្លះ យកពិន្ទុក្នុងកម្មវិធីរង្វាន់ឬភក្ដីភាពផ្សេងទៀត រួមទាំងកម្មវិធីដែលធ្វើប្រតិបត្តិការដោយ Microsoft ឬតតិយភាគីដែលបានទទួលការអនុញ្ញាត។ ពិន្ទុជាទ្រព្យរបស់ Microsoft គ្រប់ពេលទាំងអស់ និងមិនមែនជាទ្រព្យផ្ទាល់ខ្លួនរបស់អ្នកទេ ហើយអ្នកក៏មិនអាចទទួលសាច់ប្រាក់ឬលុយដោយដោះដូរជាមួយពួកវាដែរ។ ពិន្ទុត្រូវបានផ្ដល់ជូនអ្នកតាមមូលដ្ឋានប្រូម៉ូសិនប៉ុណ្ណោះ។ អ្នកមិនអាចទិញពិន្ទុទេ។ Microsoft អាចកម្រិតបរិមាណពិន្ទុឬរង្វាន់ ដែលអាចទទួលឬលោះសម្រាប់បុគ្គលម្នាក់, មួយគ្រួសារ ឬក្នុងអំឡុងពេលដែលបានកំណត់ (ឧទា. មួយថ្ងៃ) ឲ្យតែអ្នកមិនបាត់បង់សិទ្ធិដោយសារការបំពានលើភាពសុចរិត; សូមមើល FAQ សម្រាប់ដែនកំណត់ដែលអាចអនុវត្តបានក្នុងពេលបច្ចុប្បន្ន។ លុះណាតែជម្រើសផ្ដល់ជូនឬលោះថ្លែងយ៉ាងច្បាស់ផ្សេងពីនេះ ពិន្ទុដែលបានទទួលក្នុងកម្មវិធីនេះមិនមានសុពលភាពឡើយក្នុង (ហើយមិនអាចប្រើផ្សំគ្នាជាមួយ) កម្មវិធីដទៃផ្សេងទៀតដែល Microsoft ឬតតិយភាគីបានផ្ដល់ជូន។ ពិន្ទុដែលមិនបានលោះដែលពាក់ព័ន្ធជាមួយគណនីរង្វាន់របស់អ្នកនឹងផុតកំណត់ បើអ្នកមិនសន្សំឬលោះពិន្ទុណាមួយក្នុងគណនីរង្វាន់របស់អ្នកក្នុងពេល 18 ខែជាប់គ្នា។
- viii. ការលោះ ជម្រើសលោះនឹងមានចំពោះអ្នកលើទំព័រលោះ និងលើវិបសៃនិងទំព័រ Microsoft មួយចំនួនទៀត។ អ្នកត្រូវតែរកនិងមានក្នុងគណនីរង្វាន់របស់អ្នកនូវពិន្ទុដែលចាំបាច់សម្រាប់ជម្រើសលោះ មុនពេលអ្នកអាចលោះពិន្ទុរបស់អ្នកសម្រាប់ជម្រើសលោះនោះ។ រង្វាន់ជាក់លាក់មួយអាចមានចំនួនកំណត់ ហើយរង្វាន់ទាំងនោះនឹងប្រគល់ជូនតាមមូលដ្ឋានមកមុន ផ្ដល់ជូនមុន។ អ្នកប្រហែលជាត្រូវបានតម្រូវឲ្យផ្ដល់ព័ត៌មានបន្ថែម ដូចជាអាសយដ្ឋានផ្ញើសំបុត្ររបស់អ្នក និងលេខទូរសព្ទ (ក្រៅពី VOIP ឬលេខឥតគិតថ្លៃ) ហើយអ្នកក៏ប្រហែលជាត្រូវបានសុំឲ្យវាយបញ្ចូលកូដបង្ការការលួចបន្លំ ឬចុះហត្ថលេខាលើឯកសារផ្លូវច្បាប់បន្ថែមទៀតផងដែរ ដើម្បីលោះពិន្ទុសម្រាប់ជម្រើសលោះមួយចំនួន។ នៅពេលអ្នកលោះពិន្ទុរបស់អ្នក អ្នកមិនអាចបោះបង់ឬត្រឡប់ជម្រើសលោះនោះដើម្បីទទួលពិន្ទុនោះមកវិញឡើយ លើកលែងក្នុងករណីដែលផលិតផលមានវិការៈ ឬច្បាប់ជាធរមានបានតម្រូវប៉ុណ្ណោះ។ បើអ្នកជ្រើសជម្រើសលោះដែលអស់ពីស្តុក ឬមិនមាន ដោយសារមូលហេតុណាមួយ យើងអាចជំនួសជម្រើសលោះដែលមានតម្លៃប្រៀបគ្នាបាន ឬសងពិន្ទុអ្នកវិញតាមឆន្ទានុសិទ្ធិរបស់យើង។
- ix. Microsoft អាចអាប់ដេត ឬបញ្ឈប់ការផ្ដល់ជូនជម្រើសលោះជាក់លាក់នៅគ្រប់ពេល ដោយសារមូលហេតុអ្វីក៏បាន។ ជម្រើសលោះខ្លះអាចមានតម្រូវការភាពទទួលសិទ្ធិតាមអាយុឬតំបន់ ឬក៏ពេលវេលាឬលក្ខខណ្ឌផ្សេងទៀតលើការលោះឬការប្រើរបស់ពួកគេ។ តម្រូវការឬលក្ខខណ្ឌទាំងនោះនឹងត្រូវបានរួមបញ្ចូលក្នុងការផ្ដល់ជូននៃការលោះពាក់ព័ន្ធ។ អ្នកត្រូវទទួលខុសត្រូវចំពោះពន្ធរបស់សហព័ន្ធ រដ្ឋ និងក្នុងស្រុកទាំងអស់ ព្រមទាំងសោហ៊ុយដទៃទៀតនៃការទទួលយក និងការប្រើជម្រើសលោះនោះ។ រង្វាន់នឹងត្រូវបានផ្ញើអ៊ីមែលទៅអាសយដ្ឋានអ៊ីមែលដែលពាក់ព័ន្ធជាមួយគណនី Microsoft របស់អ្នក ដូច្នេះសូមរក្សាបច្ចុប្បន្នភាពអាសយដ្ឋានអ៊ីមែលរបស់អ្នក។ រង្វាន់ដែលមិនអាចប្រគល់បាន នឹងមិនចេញឡើងវិញឡើយ ដូច្នេះហើយវានឹងត្រូវបានដកហូត។ រង្វាន់មិនអាចលក់បន្តឡើយ។ អ្នកអាចលោះមិនលើសពី 550,000 ពិន្ទុឡើយ ក្នុងមួយឆ្នាំប្រតិទិន នៅក្នុងកម្មវិធីរង្វាន់។
- x. ការបោះបង់គណនីរង្វាន់របស់អ្នក៖ បើអ្នកលែងចង់ចូលរួមក្នុងកម្មវិធីរង្វាន់ទៀត សូមធ្វើតាមសេចក្ដីណែនាំលើ ទំព័រដកខ្លួនចេញ (https://account.microsoft.com/rewards/optout?confirm=false) ដើម្បីបោះបង់គណនីរង្វាន់របស់អ្នក។ បើអ្នកបោះបង់គណនីរង្វាន់របស់អ្នក អ្នកនឹងបាត់បង់ពិន្ទុដែលអ្នកទទួលបានទាំងអស់ភ្លាមៗ ហើយនឹងបាត់បង់លទ្ធភាពរបស់អ្នកក្នុងការទទួលពិន្ទុថ្មីៗនាពេលអនាគត។ ដើម្បីចាប់ផ្ដើមទទួលពិន្ទុម្ដងទៀត អ្នកត្រូវតែបើកគណនីរង្វាន់ថ្មីមួយ (ប៉ុន្តែ Microsoft នឹងមិនផ្ដល់ពិន្ទុដែលបានដកហូតពីមុនឲ្យវិញឡើយ)។ គណនីរង្វាន់របស់អ្នកអាចត្រូវបានលុបចោល (ហើយពិន្ទុអ្នកត្រូវបានដកហូត) បើអ្នកមិនបានចុះឈ្មោះចូលគណនី Microsoft របស់អ្នក ក្នុងពេល 18 ខែជាប់គ្នា។
- xi. ការផ្លាស់ប្ដូរឬការបញ្ឈប់កម្មវិធី៖ Microsoft សូមរក្សាសិទ្ធិផ្លាស់ប្ដូរ កែ បញ្ឈប់ ឬបោះបង់កម្មវិធីរង្វាន់ ឬផ្នែកណាមួយនៅគ្រប់ពេល តាមឆន្ទានុសិទ្ធិរបស់ខ្លួន និងដោយគ្មានការជូនដំណឹងជាមុន។ ទោះជាយ៉ាងនេះក៏ដោយ បើកម្មវិធីពិន្ទុត្រូវបានបោះបង់ ឬបញ្ឈប់ យើងនឹងខំប្រឹងប្រែងសមហេតុផល ដើម្បីជូនដំណឹងអ្នកតាមអ៊ីមែល ឬតាមក្ដារប៉ាណូរង្វាន់ ព្រមទាំងដើម្បីផ្ដល់ជូនអ្នកយ៉ាងតិច 90ថ្ងៃ ក្នុងការលោះពិន្ទុដែលអ្នកបានសន្សំ លុះណាតែយើងសម្រេចថា ការលុបចោលនោះត្រូវចូលជាធរមានភ្លាមៗដោយសារមូលហេតុផ្លូវច្បាប់ឬសន្តិសុខ។
- xii. លក្ខខណ្ឌផ្សេងទៀត៖ Microsoft សូមរក្សាសិទ្ធិក្នុងការបោះបង់គណនីរង្វាន់របស់អ្នកភ្លាមៗ, ដកអ្នកមិនឲ្យចូលរួមនាពេលអនាគតក្នុងកម្មវិធីរង្វាន់, ដកហូតពិន្ទុដែលអ្នកបានទទួលទាំងអស់ ព្រមទាំងបោះបង់ឬព្យួរជម្រើសលោះទាំងឡាយដែលអ្នកបានទទួលតាមកម្មវិធីរង្វាន់ បើ Microsoft ជឿថា អ្នកបានអុកឡុក រំលោភបំពាន ឬបន្លំកម្មវិធីរង្វាន់តាមទិដ្ឋភាពណាមួយ ឬក៏បានបំពានលក្ខខណ្ឌទាំងនេះ។ Microsoft សូមរក្សាសិទ្ធិបន្ថែមទៀតក្នុងការលុបចោលឬព្យួរជម្រើសលោះទាំងឡាយណាដែលអ្នកបានទទួលឬបានប៉ុនប៉ងទទួលតាមកម្មវិធីរង្វាន់ បើ Microsoft សម្រេចថា អ្នកមិនមានសិទ្ធិទទួលជម្រើសលោះនោះដោយសារមូលហេតុផ្លូវច្បាប់ (ដូចជាច្បាប់នាំចេញ)។ ខណៈពេល Microsoft ខំប្រឹងប្រែងដើម្បីធានាឲ្យបាននូវសុក្រឹតភាព កំហុសអាចកើតឡើងម្ដងម្កាល។ ហេតុនេះ Microsoft សូមរក្សាសិទ្ធិកែកំហុសនោះនៅគ្រប់ពេល សូម្បីវាប៉ះពាល់ដល់ការផ្ដល់ជូនបច្ចុប្បន្ន ឬក៏ពិន្ទុឬរង្វាន់របស់អ្នកដែលនៅកំពុងរង់ចាំ បានទទួលហើយ ឬបានលោះហើយក៏ដោយ។ ក្នុងករណីមានភាពមិនត្រូវគ្នាឬខុសគ្នាដោយអន្លើរវាងលក្ខខណ្ឌនៃកម្មវិធីរង្វាន់ទាំងនេះ និងសេចក្ដីថ្លែងផ្សេងទៀតដែលមានក្នុងឯកសារពាក់ព័ន្ធឬការផ្សាយពាណិជ្ជកម្មណាមួយ លក្ខខណ្ឌទាំងនេះមានអាទិភាព គ្របដណ្ដប់ និងគ្រប់គ្រង។

Azure

m. Azure៖ ការប្រើប្រាស់របស់អ្នកលើសេវា Azure ត្រូវបានគ្របដណ្ដប់ដោយពេលវេលានិងលក្ខខណ្ឌនៃកិច្ចព្រមព្រៀងដាច់ដោយឡែក ដែលក្រោមលក្ខខណ្ឌទាំងនោះ អ្នកបានទទួលសេវាទាំងនេះ ដូចបានរាយលម្អិតលើទំព័រព័ត៌មានផ្លូវច្បាប់ Microsoft Azure នៅ https://aka.ms/AA7z67v។

Microsoft Soundscape

n. Microsoft Soundscape៖ អ្នកដឹងថា Microsoft Soundscape (1) មិនត្រូវបានរចនា មានបំណង ឬក៏ធ្វើឲ្យប្រើបានជាឧបករណ៍វេជ្ជសាស្ត្រមួយឡើយ និង (2) មិនត្រូវបានរចនាឬមានបំណងជំនួសដំបូន្មានវេជ្ជសាស្ត្ររបស់អ្នកជំនាញ, កំហុសវិនិច្ឆយ, ការព្យាបាល ឬការវិនិច្ឆយឡើយ ហើយមិនគួរត្រូវបានប្រើ ដើម្បីជំនួស ឬប្រើជារបស់ជំនួសដំបូន្មានវេជ្ជសាស្ត្ររបស់អ្នកជំនាញ កំហុសវិនិច្ឆយ ការព្យាបាល ឬការវិនិច្ឆយដែរ។

Power Platform

o. Power Platform៖ ការប្រើប្រាស់របស់អ្នកលើសេវា Power Platform ត្រូវបានគ្របដណ្ដប់ដោយពេលវេលានិងលក្ខខណ្ឌនៃកិច្ចព្រមព្រៀងដាច់ដោយឡែក ដែលក្រោមលក្ខខណ្ឌទាំងនោះ អ្នកបានទទួលសេវាទាំងនេះ ដូចបានរាយលម្អិតលើទំព័រព័ត៌មានផ្លូវច្បាប់ Power Platform នៅ Microsoft Power Platform (https://powerplatform.microsoft.com/en-us/business-applications/legal/)។

Dynamics 365

p. Dynamics 365៖ ការប្រើប្រាស់របស់អ្នកលើសេវា Dynamics 365 ត្រូវបានគ្របដណ្ដប់ដោយពេលវេលានិងលក្ខខណ្ឌនៃកិច្ចព្រមព្រៀងដាច់ដោយឡែក ដែលក្រោមលក្ខខណ្ឌទាំងនោះ អ្នកបានទទួលសេវាទាំងនេះ ដូចបានរាយលម្អិតលើទំព័រព័ត៌មានផ្លូវច្បាប់ Dynamics 365 នៅ Microsoft Dynamics 365 (https://dynamics.microsoft.com/business-applications/legal/)។

បទពិសោធន៍ AI របស់ Copilot

q. បទពិសោធន៍ AI របស់ Copilot៖ ការប្រើប្រាស់របស់អ្នកលើបទពិសោធន៍ AI របស់ Copilot (លើកលែង Copilot ដែលមានការការពារទិន្នន័យពាណិជ្ជកម្ម) ត្រូវបានគ្របដណ្ដប់ដោយពេលវេលានិងលក្ខខណ្ឌបំពេញបន្ថែម ដែលអ្នកបានទទួលសេវាទាំងនោះ ដូចបានលម្អិតនៅ Copilot - លក្ខខណ្ឌនៃការប្រើប្រាស់ (bing.com) (https://www.bing.com/new/termsofuse#content-policy) ជាមួយនឹងលក្ខខណ្ឌទាំងនេះ។ បើអ្នកជាអ្នកប្រើប្រាស់ Microsoft Copilot ដែលមានការការពារទិន្នន័យពាណិជ្ជកម្ម សូមចូលមើលទំព័រនេះ ដើម្បីត្រួតពិនិត្យលក្ខខណ្ឌនៃការប្រើប្រាស់ ដែលអនុវត្តចំពោះអ្នក ជាមួយគ្នានឹងលក្ខខណ្ឌទាំងនេះ៖ https://aka.ms/BCETermsOfUse។

សេវា AI

r. សេវា AI៖ "សេវា AI" ជាសេវាដែលត្រូវបានដាក់ស្លាកឬពណ៌នាដោយ Microsoft ថា រួមបញ្ចូល ប្រើ ផ្ដល់អានុភាពដោយ ឬភាពជាប្រព័ន្ធបញ្ញាសិប្បនិម្មិត ("AI")។
- i. ជំនួយ AI៖ សេវា AI មិនត្រូវបានរចនា មានបំណង និងឲ្យប្រើ ជំនួសដំបូន្មានរបស់អ្នកជំនាញឡើយ។
- ii. វិស្វកម្មបញ្ច្រាស៖ អ្នកមិនត្រូវប្រើសេវា AI ដើម្បីរុករកសមាសភាពបង្កប់នៃម៉ូដែល អាល់ហ្គោរីត និងប្រព័ន្ធណាមួយឡើយ។ ឧទាហរណ៍ អ្នកមិនគួរព្យាយាមកំណត់ឬលុបទម្ងន់របស់ម៉ូដែល ឬស្រង់ផ្នែកណាមយយនៃសេវា AI ពីឧបករណ៍អ្នកឡើយ។
- iii. ការស្រង់ទិន្នន័យ៖ លុះណាតែបានអនុញ្ញាតយ៉ាងស្ដែងច្បាស់ អ្នកមិនត្រូវប្រើការស្រង់ទិន្នន័យវិប, ការប្រមូលផលវិប ឬវិធីស្រង់ទិន្នន័យវិប ដើម្បីស្រង់ទិន្នន័យពីសេវា AI ឡើយ។
- iv. ដែនកំណត់អំពីការប្រើទិន្នន័យពីសេវា AI៖ អ្នកមិនត្រូវប្រើសេវា AI ឬទិន្នន័យពីសេវា AI ដើម្បីបង្កើត បណ្ដុះបណ្ដាល ឬកែលម្អ (ដោយផ្ទាល់ ឬប្រយោល) សេវា AI ដទៃទៀតឡើយ។
- v. ការប្រើខ្លឹមព័ត៌មានរបស់អ្នក៖ ជាផ្នែកមួយនៃការផ្ដល់សេវា AI, Microsoft នឹងដំណើរការឬរក្សាទុកធាតុចូលរបស់អ្នកចំពោះសេវានោះ ព្រមទាំងធាតុចេញពីសេវានោះ ក្នុងគោលបំណងនៃការត្រួតពិនិត្យនិងការបង្ការការប្រើប្រាស់ដែលរំលោភបំពាន ឬបង្កអន្តរាយចំពោះសេវានោះ។
- vi. កម្មសិទ្ធិភាពនៃខ្លឹមព័ត៌មាន៖ Microsoft មិនទាមទារកម្មសិទ្ធិភាពនៃខ្លឹមព័ត៌មានណាមួយដែលអ្នកផ្ដល់ឲ្យ បង្ហោះ បញ្ចូល ឬប្រគល់ ឬទទួលពីសេវា AI ឡើយ (រួមទាំងមតិតប និងសំណើ)។ អ្នកនឹងត្រូវធ្វើការកំណត់ដោយខ្លួនឯង ពាក់ព័ន្ធនឹងកម្មសិទ្ធិបញ្ញាដែលអ្នកមានក្នុងលទ្ធផលនិងភាពប្រើប្រាស់វា ដោយគិតជាអាទិ៍ សេណារីយ៉ូនៃការប្រើប្រាស់របស់អ្នក និងច្បាប់ក្នុងដែនដីយុត្តាធិការពាក់ព័ន្ធ។ អ្នកធានានិងអះអាងថា អ្នកជាម្ចាស់ ឬមានសិទ្ធិគ្រប់គ្រងលើសិទ្ធិទាំងអស់ចំពោះខ្លឹមព័ត៌មានរបស់អ្នក ដូចបានពណ៌នាក្នុងលក្ខខណ្ឌទាំងនេះ រួមមានជាអាទិ៍ សិទ្ធិទាំងអស់ដែលចាំបាច់ដើម្បីឲ្យអ្នកផ្ដល់ បង្ហោះ បញ្ជូន បញ្ចូល ឬប្រគល់ខ្លឹមព័ត៌មាន។
- vii. ភាពសម្ងាត់នៃខ្លឹមព័ត៌មាន៖ នៅពេលអ្នកប្រើ AI ដើម្បីបង្កើតខ្លឹមព័ត៌មានមួយចំនួនជាមួយសេវា AI របស់យើង Microsoft នឹងរក្សាព័ត៌មានអំពីការបង្កើតវា ហើយភ្ជាប់ព័ត៌មាននេះ និងខ្លឹមព័ត៌មាននោះជាមួយការសម្ងាត់នៃខ្លឹមព័ត៌មាន។ អ្នកមិនគួរបង្កើតខ្លឹមព័ត៌មានជាមួយគោលបំណងនៃការលុបឬកែព័ត៌មានសម្ងាត់នៃខ្លឹមព័ត៌មាន ឬក៏វិធីសាស្ត្រ ម៉ាក ឬសញ្ញាដើមផ្សេងទៀត ដែលបង្ហាញថាទិន្នផលមួយត្រូវបានបង្កើតដោយសេវា AI ឬក៏ប្រើសេវា AI ដើម្បីបង្កើតខ្លឹមព័ត៌មាន ក្នុងគោលបំណងនាំឲ្យអ្នកឯទៀតយល់ខុសអំពីទិន្នផលដែលបានបង្កើតដោយសេវា AI នោះ។
- viii. បណ្ដឹងរបស់តតិយភាគី៖ អ្នកត្រូវទទួលខុសត្រូវទាំងស្រុងចំពោះការឆ្លើយតបនឹងបណ្ដឹងរបស់តតិយភាគីទាំងឡាយ ពាក់ព័ន្ធនឹងការប្រើសេវា AI របស់អ្នក ដោយអនុលោមតាមច្បាប់ជាធរមាន (មានជាអាទិ៍ ការរំលោភសិទ្ធិអ្នកនិពន្ធ ឬបណ្ដឹងដទៃទៀតដែលពាក់ព័ន្ធនឹងធាតុចេញនៃខ្លឹមព័ត៌មាន ក្នុងអំឡុងការប្រើសេវា AI នោះ)។

ផ្សេងៗ

14. ផ្សេងៗ៖ ប្រការនេះ និង ប្រការ 1, 9 (សម្រាប់ចំនួនទឹកប្រាក់ដែលគិត មុនពេលបញ្ចប់លក្ខខណ្ឌទាំងនេះ), 10, 11, 12, 15, 17 ព្រមទាំងប្រការទាំងឡាយដែលលក្ខខណ្ឌរបស់ពួកវាអនុវត្ត បន្ទាប់ពីលក្ខខណ្ឌទាំងនេះបញ្ចប់ នឹងនៅមានប្រសិទ្ធភាពដដែល បន្ទាប់ពីការបញ្ចប់ ឬការលុបចោលលក្ខខណ្ឌទាំងនេះ។ ក្រោមវិសាលភាពដែលច្បាប់ជាធរមានអនុញ្ញាត យើងអាចប្រគល់លក្ខខណ្ឌទាំងនេះ ចុះកិច្ចសន្យាបន្តនូវកាតព្វកិច្ចរបស់យើង ក្រោមលក្ខខណ្ឌទាំងនេះ ឬក៏ផ្ដល់អាជ្ញាបណ្ណបន្តនូវសិទ្ធិរបស់យើងក្រោមលក្ខខណ្ឌទាំងនេះទាំងស្រុង ឬ មួយផ្នែក នៅគ្រប់ពេល ដោយគ្មានការជូនដំណឹងដល់អ្នក។ អ្នកមិនអាចចាត់តាំងលក្ខខណ្ឌទាំងនេះ ឬផ្ទេរសិទ្ធិណាមួយ ដើម្បីប្រើសេវានានាឡើយ។ នេះគឺជាកិច្ចព្រមព្រៀងទាំងស្រុងរវាងអ្នក និង Microsoft សម្រាប់ការប្រើរបស់អ្នកលើសេវានានា។ វាជំនួសកិច្ចព្រមព្រៀងពីមុនទាំងឡាយ រវាងអ្នក និង Microsoft សម្រាប់ការប្រើរបស់អ្នកលើសេវានានា។ ក្នុងការចុះលក្ខខណ្ឌទាំងនេះ អ្នកមិនបានពឹងផ្អែកលើសេចក្ដីថ្លែងការណ៍ណាមួយ ការអះអាង ការធានា ការយល់ដឹង ការអនុវត្ត ការសន្យា ឬការធានា ក្រៅពីអ្វីដែលបានចែងយ៉ាងច្បាស់ក្នុងលក្ខខណ្ឌទាំងនេះឡើយ។ គ្រប់ផ្នែកនៃលក្ខខណ្ឌទាំងនេះអនុវត្តដល់វិសាលភាពអតិបរមាដែលច្បាប់ពាក់ព័ន្ធអនុញ្ញាត។ បើតុលាការ ឬមជ្ឈត្តករប្រកាន់ថា យើងមិនអាចអនុវត្តផ្នែកណាមួយនៃលក្ខខណ្ឌទាំងនេះដូចដែលបានសរសេរជាលាយលក្ខណ៍អក្សរទេ យើងអាចជំនួសលក្ខខណ្ឌទាំងនោះដោយលក្ខខណ្ឌស្រដៀងនោះ ក្រោមវិសាលភាពដែលអាចអនុវត្តបាន ក្រោមច្បាប់ពាក់ព័ន្ធ ប៉ុន្តែផ្នែកដែលនៅសល់នៃលក្ខខណ្ឌទាំងនេះ នឹងមិនផ្លាស់ប្ដូរឡើយ។ លក្ខខណ្ឌទាំងនេះគឺដើម្បីផលប្រយោជន៍របស់អ្នក និងយើងប៉ុណ្ណោះ។ លក្ខខណ្ឌទាំងនេះមិនមែនដើម្បីផលប្រយោជន៍របស់បុគ្គលណាមួយឡើយ លើកលែងតែអ្នកស្នង និងអ្នកទទួលការចាត់តាំងពី Microsoft។ ចំណងជើងនៃប្រការគឺសម្រាប់ការយោងប៉ុណ្ណោះ និងគ្មានប្រសិទ្ធភាពតាមផ្លូវច្បាប់ឡើយ។

15. បណ្ដឹងត្រូវតែដាក់ក្នុងរយៈពេលមួយឆ្នាំ។ បណ្ដឹងទាមទារទាំងឡាយណាដែលពាក់ព័ន្ធជាមួយលក្ខខណ្ឌទាំងនេះ ឬក៏សេវានានា ត្រូវតែដាក់នៅតុលាការ (ឬក៏មជ្ឈត្តវិនិច្ឆយ បើប្រការ 10.d អនុវត្ត) ក្នុងពេលមួយឆ្នាំនៃកាលបរិច្ឆេទដែលអ្នកអាចដាក់ពាក្យបណ្ដឹងដំបូង លុះត្រាតែច្បាប់ក្នុងស្រុករបស់អ្នកត្រូវការពេលវែងជាងនេះដើម្បីដាក់បណ្ដឹង។ បើមិនបានដាក់ក្នុងអំឡុងពេលនោះទេ នោះវាត្រូវបានរារាំងជារៀងរហូត។

16. ច្បាប់នាំចេញ៖ អ្នកត្រូវតែអនុលោមតាមច្បាប់នាំចេញក្នុងស្រុក និងនាំចេញជាអន្តរជាតិទាំងអស់ ដែលអនុវត្តចំពោះសុហ្វវែរ និង/ឬសេវានានា ដែលរួមបញ្ចូលទាំងកំហិតនៅទីគោលដៅ អ្នកប្រើប្រាស់ចុងក្រោយ និងការប្រើប្រាស់ចុងក្រោយ។ សម្រាប់ព័ត៌មានបន្ថែមអំពីកំហិតតាមភូមិសាស្ត្រ និងកំហិតនៃការនាំចេញ សូមចូលមើល http://approjects.co.za/?big=exporting។

17. ការរក្សាសិទ្ធិនិងមតិតប៖ លើកលែងតែបានផ្ដល់ឲ្យយ៉ាងជាក់ច្បាស់ក្រោមលក្ខខណ្ឌទាំងនេះប៉ុណ្ណោះ Microsoft មិនផ្ដល់ជូនអ្នកនូវអាជ្ញាបណ្ណឬសិទ្ធិដទៃផ្សេងទៀតលើប្រភេទនានា ក្រោមប្រកាសនីយបត្រតក្កកម្មណាមួយ របៀបធ្វើ សិទ្ធិអ្នកនិពន្ធ ព័ត៌មានសម្ងាត់ពាណិជ្ជកម្ម ពាណិជ្ជសញ្ញា ឬកម្មសិទ្ធិបញ្ញាផ្សេងទៀត ដែលជារបស់ឬត្រួតត្រាដោយ Microsoft ឬអង្គភាពពាក់ព័ន្ធណាមួយ មានជាអាទិ៍ ឈ្មោះ ការតុបតែងពាណិជ្ជកម្ម ឡូហ្គោ ឬរបស់ដូចនេះ។ បើអ្នកផ្ដល់ឲ្យ Microsoft នូវគំនិត សេចក្ដីស្នើ សំណើ ឬមតិតបណាមួយ មានជាអាទិ៍ គំនិតសម្រាប់ផលិតផលថ្មីៗ បច្ចេកវិទ្យា ការលក់ផ្ដល់ជូនពិសេស ឈ្មោះផលិតផល មតិតបផលិតផល និងការកែលម្អផលិតផល ("មតិតប") អ្នកផ្ដល់ជូន Microsoft ដោយមិនគិតថ្លៃ ដោយគ្មានថ្លៃសិទ្ធិ ឬកាតព្វកិច្ចផ្សេងទៀតចំពោះអ្នក សិទ្ធិក្នុងការធ្វើ បានធ្វើ បង្កើតស្នាដៃក្លាយ ការប្រើ ការចែករំលែក និងការធ្វើពាណិជ្ជកម្មលើមតិតបរបស់អ្នក តាមវិធីណាមួយ ក្នុងគោលបំណងណាមួយ។ អ្នកមិនត្រូវផ្ដល់មតិតបដែលស្ថិតក្រោមអាជ្ញាបណ្ណមួយ ដែលតម្រូវឲ្យ Microsoft ផ្ដល់អាជ្ញាបណ្ណសុហ្វវែរ បច្ចេកវិទ្យា ឬឯកសាររបស់ខ្លួន ជូនតតិយភាគីណាមួយឡើយ ដោយសារតែ Microsoft រួមបញ្ចូលមតិតបរបស់អ្នកក្នុងនោះ។

សេចក្ដីជូនដំណឹង

សេចក្ដីជូនដំណឹង និងនីតិវិធីសម្រាប់ការបង្កើតបណ្ដឹងពីការបំពានលើកម្មសិទ្ធិបញ្ញា៖ Microsoft គោរពកម្មសិទ្ធិបញ្ញារបស់តតិយភាគី។ បើអ្នកចង់ផ្ញើការជូនដំណឹងពីការបំពានកម្មសិទ្ធិបញ្ញា រួមទាំងបណ្ដឹងពីការបំពានសិទ្ធិអ្នកនិពន្ធ សូមប្រើនីតិវិធីរបស់យើងសម្រាប់ការប្រគល់ សេចក្ដីជូនដំណឹងពីការរំលោភ (http://approjects.co.za/?big=en-us/legal/intellectualproperty/infringement) ដែលនីតិវិធីនោះគឺជាផ្នែកមួយនៃលក្ខខណ្ឌទាំងនេះ។ សំណួរដែលពាក់ព័ន្ធនឹងនីតិវិធីនេះប៉ុណ្ណោះ ដែលនឹងទទួលការឆ្លើយតប។

Microsoft ប្រើដំណើរការដែលបានចែងក្នុងចំណងជើង 17, ក្រមសហរដ្ឋអាមេរិក, មាត្រា 512 ហើយនៅកន្លែងដែលអាចអនុវត្តបានគឺ ជំពូក III នៃបទបញ្ជា (EU) 2022/2065 ចំពោះការឆ្លើយតបនឹងការរំលោភសិទ្ធិអ្នកនិពន្ធ។ ក្នុងស្ថានការណ៍សមស្រប, Microsoft ក៏អាចបិទ ឬបញ្ចប់គណនីរបស់អ្នកប្រើប្រាស់នៃសេវា Microsoft ដែលអាចជាអ្នកបំពានដដែលៗដែរ។ បន្ថែមលើនេះ ក្នុងស្ថានការណ៍សមស្រប, Microsoft អាចព្យួរសេចក្ដីជូនដំណឹងអំពីការដំណើរការដោយបុគ្គលឬនីតិបុគ្គល ដែលប្រគល់ការជូនដំណឹងដែលមិនបានរកឃើញញឹកញយ។ ការពន្យល់បន្ថែមអំពីនីតិវិធីដែលអាចអនុវត្តបានសម្រាប់សេវាដែលបានផ្ដល់ឲ្យ រួមទាំងការកែខៃសេចក្ដីសម្រេចចិត្តដែលធ្វើដោយ Microsoft ជាផ្នែកមួយនៃនីតិវិធីទាំងនេះ អាចរកឃើញក្នុង សេចក្ដីជូនដំណឹងអំពីការរំលោភ (http://approjects.co.za/?big=legal/intellectualproperty/infringement)។

សេចក្ដីជូនដំណឹង និងនីតិវិធីពាក់ព័ន្ធនឹងក្ដីកង្វល់ពីកម្មសិទ្ធិបញ្ញានៅក្នុងការផ្សាយពាណិជ្ជកម្ម។ សូមពិនិត្យ គោលការណ៍ណែនាំពីកម្មសិទ្ធិបញ្ញា របស់យើង (https://go.microsoft.com/fwlink/?LinkId=243207) ពាក់ព័ន្ធនឹងក្ដីកង្វល់ពីកម្មសិទ្ធិបញ្ញា នៅលើបណ្ដាញផ្សាយពាណិជ្ជកម្មរបស់យើង។

សេចក្ដីជូនដំណឹងពីសិទ្ធិអ្នកនិពន្ធ និងពាណិជ្ជសញ្ញា៖ សេវានានាត្រូវបានរក្សាសិទ្ធិអ្នកនិពន្ធ © Microsoft Corporation និង/ឬអ្នកផ្គត់ផ្គង់របស់ខ្លួន, One Microsoft Way, Redmond, WA 98052, U.S.A. រក្សាសិទ្ធិគ្រប់យ៉ាង។ លក្ខខណ្ឌទាំងនេះរួមបញ្ចូល ពាណិជ្ជសញ្ញា Microsoft & មគ្គទេសក៍ណែនាំអំពីម៉ាក (http://approjects.co.za/?big=en-us/legal/intellectualproperty/trademarks/usage/general.aspx) (ដូចបានធ្វើវិសោធនកម្មតាមពេល)។ Microsoft ព្រមទាំងឈ្មោះ ឡូហ្គោ និងអាយខុនរបស់ផលិតផល សុហ្វវែរ និងសេវា Microsoft ទាំងអស់ អាចជាពាណិជ្ជសញ្ញាដែលមិនបានចុះបញ្ជីឬបានចុះបញ្ជីរបស់បណ្ដុំក្រុមហ៊ុន Microsoft នៅក្នុងសហរដ្ឋអាមេរិក និង/ឬ ដែនដីយុត្តាធិការផ្សេងទៀត។ ទាំងនេះគឺជាបញ្ជីជាអាទិ៍នៃពាណិជ្ជសញ្ញាដែលបានចុះបញ្ជីរបស់ Microsoft http://approjects.co.za/?big=en-us/legal/intellectualproperty/trademarks/EN-US.aspx។ ឈ្មោះរបស់ក្រុមហ៊ុន និងផលិតផលជាក់ស្ដែង អាចជាពាណិជ្ជសញ្ញារបស់ម្ចាស់រៀងៗខ្លួនរបស់ពួកគេ។ សូមរក្សាសិទ្ធិទាំងឡាយណាដែលមិនបានផ្ដល់ឲ្យក្នុងលក្ខខណ្ឌទាំងនេះ។ សុហ្វវែរមួយចំនួនដែលបានប្រើក្នុងសឺវើវិបសៃ Microsoft មួយចំនួន គឺផ្អែកមួយផ្នែកលើស្នាដៃរបស់ Independent JPEG Group។ សិទ្ធិអ្នកនិពន្ធ © 1991-1996 Thomas G. Lane. រក្សាសិទ្ធិគ្រប់យ៉ាង។ សុហ្វវែរ "gnuplot" ដែលបានប្រើក្នុងសឺវើវិបសៃ Microsoft មួយចំនួនត្រូវបានរក្សាសិទ្ធិអ្នកនិពន្ធ © 1986‑1993 Thomas Williams, Colin Kelley។ រក្សាសិទ្ធិគ្រប់យ៉ាង។

សេចក្ដីជូនដំណឹងពីវេជ្ជសាស្ត្រ៖ Microsoft មិនផ្ដល់ដំបូន្មាន រោគវិនិច្ឆយ ឬការព្យាបាលវេជ្ជសាស្ត្រ ឬការថែទាំសុខភាពដទៃផ្សេងទៀតឡើយ។ ជានិច្ចកាល សូមស្វែងរកដំបូន្មានពីគ្រូពេទ្យរបស់អ្នក ឬអ្នកផ្ដល់ការថែទាំសុខភាពដែលមានគុណវុឌ្ឍិផ្សេងទៀត ចំពោះសំណួរនានាដែលអ្នកឆ្ងល់ពាក់ព័ន្ធនឹងស្ថានភាពវេជ្ជសាស្ត្រ របបអាហារ ភាពមាំទាំ ឬកម្មវិធីភាពមាំទាំ។ សូមកុំចោលដំបូន្មានវេជ្ជសាស្ត្ររបស់អ្នកជំនាញ ឬពន្យារពេលស្វែងរកដំបូន្មាននោះ ដោយសារតែព័ត៌មានដែលអ្នកទទួលបានលើ ឬតាមសេវានានា។

សម្រង់ភាគហ៊ុន និងទិន្នន័យសន្ទស្សន៍ (រួមទាំងតម្លៃសន្ទស្សន៍)៖ ព័ត៌មានហិរញ្ញវត្ថុដែលបានផ្ដល់ជូនតាមសេវាទាំងនេះគឺសម្រាប់ការប្រើប្រាស់ផ្ទាល់ខ្លួនអ្នកនិងមិនមែនពាណិជ្ជកម្មប៉ុណ្ណោះ។ អ្នកមិនត្រូវប្រើទិន្នន័យឬកំណត់សម្គាល់ហិរញ្ញវត្ថុរបស់អ្នកផ្ដល់អាជ្ញាបណ្ណជាតតិយភាគីណាមួយ ជាប់ពាក់ព័ន្ធជាមួយការចេញ ការបង្កើត ការឧបត្ថម្ភ ការជួញដូរ ការធ្វើទីផ្សារ ឬក៏ការលើកកម្ពស់ឧបករណ៍ហិរញ្ញវត្ថុ ឬផលិតផលវិនិយោគ (ឧទាហរណ៍ សន្ទស្សន៍ និស្សន្ទវត្ថុ ផលិតផលមានរចនាសម្ពន្ធ មូលនិធិវិនិយោគ មូលនិធិជួញដូរ ផលបត្រវិនិយោគ ជាដើម ដែលតម្លៃ ផល និង/ឬប្រសិទ្ធផលនៃឧបករណ៍ ឬផលិតផលវិនិយោគនោះផ្អែកលើ ពាក់ព័ន្ធនឹង ឬមានបំណងតាមដានទិន្នន័យហិរញ្ញវត្ថុនោះ) ដោយគ្មានការយល់ព្រមជាលាយលក្ខណ៍អក្សរដាច់ដោយឡែកជាមួយអ្នកផ្ដល់អាជ្ញាបណ្ណជាតតិយភាគីនោះឡើយ។

សេចក្ដីជូនដំណឹងពីហិរញ្ញវត្ថុ៖ Microsoft មិនមែនជាឈ្មួញកណ្ដាល/តំណាងលក់ ឬអ្នកផ្ដល់យោបល់ពីការវិនិយោគដែលបានចុះបញ្ជី ក្រោមច្បាប់មូលបត្ររបស់សហព័ន្ធសហរដ្ឋអាមេរិក ឬក៏ច្បាប់មូលបត្រនៅក្នុងដែនដីយុត្តាធិការផ្សេងទៀតឡើយ ហើយមិនឲ្យយោបល់ដល់នរណាម្នាក់ ដោយសារលទ្ធភាពផ្ដល់យោបល់ពីការវិនិយោគនោះក្នុងការទិញ ឬការលក់មូលបត្រ ឬផលិតផល ឬក៏សេវាហិរញ្ញវត្ថុផ្សេងទៀតដែរ។ គ្មានអ្វីដែលមានក្នុងសេវានានា គឺជាការផ្ដល់ជូន ឬការអង្គាស ដើម្បីទិញ ឬលក់មូលបត្រណាមួយឡើយ។ ទាំង Microsoft និងទាំងអ្នកផ្ដល់អាជ្ញាបណ្ណដល់ខ្លួនអំពីសម្រង់ភាគហ៊ុន ឬទិន្នន័យសន្ទស្សន៍នានា មិនយល់ព្រម ឬឲ្យយោបល់ពីផលិតផល ឬសេវាហិរញ្ញវត្ថុជាក់លាក់ណាមួយឡើយ។ គ្មានអ្វីក្នុងសេវានេះមានបំណងធ្វើជាដំបូន្មានរបស់អ្នកជំនាញ មានជាអាទិ៍ ដំបូន្មានអំពីការវិនិយោគឬពន្ធឡើយ។

សេចក្ដីជូនដំណឹងអំពីស្តង់ដាវីដេអូ H.264/AVC និង VC-1៖ សុហ្វវែរនេះអាចរួមបញ្ចូលបច្ចេកវិទ្យាកូដិក H.264/AVC និង/ឬ VC-1 ដែលបានទទួលអាជ្ញាបណ្ណពី MPEG LA, L.L.C។ បច្ចេកវិទ្យានេះគឺជាទ្រង់ទ្រាយមួយសម្រាប់ការបង្ហាប់ទិន្នន័យនៃព័ត៌មានវីដេអូ។ MPEG LA, L.L.C. តម្រូវឲ្យមានសេចក្ដីជូនដំណឹងនេះ៖

ផលិតផលនេះទទួលអាជ្ញាបណ្ណក្រោមអាជ្ញាបណ្ណសំពាយនៃប្រកាសនីយបត្រតក្កកម្ម H.264/AVC និង VC-1 សម្រាប់ការប្រើផ្ទាល់ខ្លួន និងមិនមែនអាជីវកម្ម ដើម្បី (A) អ៊ិនកូដវីដេអូ ស្របតាមស្តង់ដានានា (ស្តង់ដាវីដេអូ) និង/ឬ (B) ឌីកូដវីដេអូ H.264/AVC, រូប MPEG-4 និង VC-1 ដែលបានអ៊ិនកូដដោយអ្នកប្រើប្រាស់ ពាក់ព័ន្ធនឹងសកម្មភាពផ្ទាល់ខ្លួន និងមិនមែនអាជីវកម្ម និង/ឬ បានទទួលពីអ្នកផ្ដល់វីដេអូ ដែលបានទទួលអាជ្ញាបណ្ណ ដើម្បីផ្ដល់វីដេអូនោះ។ គ្មានអាជ្ញាបណ្ណណាមួយត្រូវបានផ្ដល់ឲ្យ ឬគួរត្រូវបានបង្កប់សម្រាប់ការប្រើដទៃផ្សេងទៀតឡើយ។ ព័ត៌មានបន្ថែមអាចទទួលបានពី MPEG LA, L.L.C.។ មើល វិបសៃ MPEG LA (https://www.mpegla.com)។

ក្នុងគោលបំណងនៃការបញ្ជាក់ប៉ុណ្ណោះ សេចក្ដីជូនដំណឹងនេះមិនកម្រិត ឬហាមប្រាមការប្រើសុហ្វវែរដែលបានផ្ដល់ឲ្យ ក្រោមលក្ខខណ្ឌទាំងនេះសម្រាប់ការប្រើប្រាស់ក្នុងអាជីវកម្មធម្មតាឡើយ ដែលការប្រើនោះមានលក្ខណៈផ្ទាល់ខ្លួនចំពោះអាជីវកម្មនោះ ហើយមិនរួមបញ្ចូល (i) ការចែកចាយឡើងវិញនូវសុហ្វវែរនេះដល់តតិយភាគី ឬ (ii) ការបង្កើតឯកសារជាមួយបច្ចេកវិទ្យាដែលអនុលោមតាមស្តង់ដាវីដេអូ សម្រាប់ការចែកចាយដល់តតិយភាគី។

សេចក្ដីជូនដំណឹងអំពីស្តង់ដាវីដេអូ H.265/HEVC៖ សុហ្វវែរនេះអាចរួមបញ្ចូលបច្ចេកវិទ្យាកូឌីង H.265/HEVC។ Access Advance LLC តម្រូវឲ្យមានសេចក្ដីជូនដំណឹងនេះ៖

បើបានរួមបញ្ចូល បច្ចេកវិទ្យា H.265/HEVC ក្នុងសុហ្វវែរនេះត្រូវបានគ្របដណ្ដប់ដោយការទាមទារមួយឬច្រើននៃប្រកាសនីយបត្រតក្កកម្ម HEVC ដែលបានរាយនៅ៖ PATENTLIST.ACCESSADVANCE.COM។ អាស្រ័យលើរបៀបដែលអ្នកបានទទួលសុហ្វវែរនេះ ផលិតផលនេះអាចត្រូវបានផ្ដល់អាជ្ញាបណ្ណក្រោមសំពាយនៃប្រកាសនីយបត្រតក្កកម្ម HEVC ADVANCE។

បើសុហ្វវែរនេះត្រូវបានដំឡើងលើឧបករណ៍ Microsoft ព័ត៌មានអាជ្ញាបណ្ណបន្ថែមអាចរកឃើញនៅ៖ aka.ms/HEVCVirtualPatentMarking។

លក្ខខណ្ឌស្តង់ដានៃអាជ្ញាបណ្ណកម្មវិធី

លក្ខខណ្ឌស្តង់ដានៃអាជ្ញាបណ្ណកម្មវិធី

MICROSOFT STORE, MICROSOFT STORE លើ WINDOWS និង MICROSOFT STORE លើ XBOX

លក្ខខណ្ឌអាជ្ញាបណ្ណទាំងនេះគឺជាកិច្ចព្រមព្រៀងរវាងអ្នក និងអ្នកចេញផ្សាយកម្មវិធី។ សូមអានលក្ខខណ្ឌទាំងនេះ។ ពួកវាអនុវត្តចំពោះកម្មវិធីសុហ្វវែរដែលអ្នកទាញយកពី Microsoft Store, Microsoft Store លើ Windows ឬ Microsoft Store លើ Xbox (ដែលត្រូវបានយោងក្នុងលក្ខខណ្ឌនៃអាជ្ញាបណ្ណទាំងនេះថា "ហាង") រួមទាំងបច្ចុប្បន្នភាពឬការបំពេញបន្ថែមនានាសម្រាប់កម្មវិធីនោះ លុះត្រាតែកម្មវិធីនោះអមមកជាមួយលក្ខខណ្ឌដាច់ដោយឡែក ដែលក្នុងករណីនោះ លក្ខខណ្ឌទាំងនោះនឹងអនុវត្ត។

ដោយទាញយក ឬប្រើកម្មវិធីនេះ ឬព្យាយាមធ្វើអ្វីមួយនៃកម្មវិធីទាំងនេះ អ្នកយល់ព្រមទទួលលក្ខខណ្ឌទាំងនេះ។ បើអ្នកមិនយល់ព្រមទទួលពួកវាទេ អ្នកមិនមានសិទ្ធិក្នុងការ និងមិនត្រូវទាញយក ឬប្រើកម្មវិធីនេះឡើយ។

អ្នកចេញផ្សាយកម្មវិធីមានន័យថា អង្គភាពដែលផ្ដល់អាជ្ញាបណ្ណកម្មវិធីនេះជូនអ្នក ដូចបានកត់សម្គាល់ក្នុងហាង។

បើអ្នកអនុលោមតាមលក្ខខណ្ឌអាជ្ញាបណ្ណទាំងនេះ អ្នកមានសិទ្ធិខាងក្រោម។

1. សិទ្ធិនៃការដំឡើង និងការប្រើ; ការផុតកំណត់៖ អ្នកអាចដំឡើងនិងប្រើកម្មវិធីលើឧបករណ៍ Windows ឬកុងសូល Xbox ដូចបានពណ៌នាក្នុង វិធាននៃការប្រើប្រាស់ របស់ Microsoft។ (https://go.microsoft.com/fwlink/p/?LinkId=723143)។ Microsoft សូមរក្សាសិទ្ធិក្នុងការកែ វិធាននៃការប្រើប្រាស់ របស់ Microsoft (https://go.microsoft.com/fwlink/p/?LinkId=723143) នៅគ្រប់ពេល។
2. សេវាផ្អែកលើអ៊ីនធើណិត៖
- a. ការយល់ព្រមចំពោះសេវាផ្អែកលើអ៊ីនធើណិត ឬសេវាឥតខ្សែ៖ បើកម្មវិធីភ្ជាប់ទៅប្រព័ន្ធកុំព្យូទ័រតាមអ៊ីនធើណិត ដែលអាចរួមបញ្ចូលតាមបណ្ដាញឥតខ្សែ ការប្រើកម្មវិធី ចាត់ទុកថាអ្នកយល់ព្រមចំពោះការបញ្ជូនព័ត៌មានឧបករណ៍ស្តង់ដា (រួមទាំង ប៉ុន្តែមិនកម្រិតត្រឹមព័ត៌មានបច្ចេកទេសអំពីឧបករណ៍របស់អ្នក ប្រព័ន្ធ និងសុហ្វវែរកម្មវិធី ព្រមទាំងគ្រឿងកុំព្យូទ័រ) សម្រាប់សេវាផ្អែកលើអ៊ីនធើណិត ឬសេវាឥតខ្សែ។ បើលក្ខខណ្ឌផ្សេងទៀតត្រូវបានបង្ហាញជាប់ទាក់ទងជាមួយការប្រើរបស់អ្នកលើសេវានានាដែលចូលប្រើដោយប្រើកម្មវិធីនេះ លក្ខខណ្ឌទាំងនោះក៏អនុវត្តផងដែរ។
- b. ការប្រើខុសលើសេវាផ្អែកលើអ៊ីនធើណិត៖ អ្នកមិនត្រូវប្រើសេវាផ្អែកលើអ៊ីនធើណិតណាមួយតាមវិធីណាមួយដែលអាចប៉ះពាល់វា ឬបង្អាក់រំខានដល់ការប្រើរបស់អ្នកដទៃផ្សេងទៀតលើវា ឬក៏បណ្ដាញឥតខ្សែឡើយ។ អ្នកមិនត្រូវប្រើសេវានេះដើម្បីព្យាយាមទទួលការចូលប្រើដោយគ្មានសិទ្ធិចំពោះសេវានានា ទិន្នន័យ គណនី ឬបណ្ដាញណាមួយ តាមមធ្យោបាយណាមួយឡើយ។
3. ដែនកំណត់នៃអាជ្ញាបណ្ណ៖ កម្មវិធីនេះត្រូវបានផ្ដល់អាជ្ញាបណ្ណឲ្យ មិនមែនលក់ឲ្យឡើយ។ កិច្ចព្រមព្រៀងនេះផ្ដល់ជូនអ្នកនូវសិទ្ធិខ្លះ ដើម្បីប្រើកម្មវិធីនេះ។ បើ Microsoft បិទលទ្ធភាពក្នុងការប្រើកម្មវិធីនានាលើឧបករណ៍របស់អ្នក អនុលោមតាមកិច្ចព្រមព្រៀងរបស់អ្នកជាមួយ Microsoft សិទ្ធិនៃអាជ្ញាបណ្ណពាក់ព័ន្ធទាំងឡាយនឹងបញ្ចប់។ អ្នកចេញផ្សាយកម្មវិធីសូមរក្សាសិទ្ធិផ្សេងទៀតទាំងអស់។ លុះត្រាតែច្បាប់ជាធរមានផ្ដល់ជូនអ្នកនូវសិទ្ធិបន្ថែមទៀតក្រៅពីដែនកំណត់នេះប៉ុណ្ណោះ បើពុំនោះ អ្នកអាចប្រើកម្មវិធីនេះតែតាមការអនុញ្ញាតយ៉ាងជាក់ច្បាស់ក្នុងកិច្ចព្រមព្រៀងនេះប៉ុណ្ណោះ។ ក្នុងករណីនេះ អ្នកត្រូវតែអនុលោមតាមដែនកំណត់បច្ចេកទេសទាំងឡាយនៅក្នុងកម្មវិធីដែលអនុញ្ញាតឲ្យអ្នកប្រើវាតាមវិធីមួយចំនួនប៉ុណ្ណោះ។ អ្នកមិនអាច៖
- a. ធ្វើការជុំវិញដែនកំណត់បច្ចេកទេសណាមួយនៅក្នុងកម្មវិធីនេះឡើយ។
- b. ធ្វើវិស្វកម្មបញ្ច្រាស, ស្រាយ ឬរុះរើកម្មវិធី លើកលែងតែក្រោមវិសាលភាពដែលច្បាប់ជាធរមានបានអនុញ្ញាតយ៉ាងជាក់ច្បាស់ ថ្វីបើមានដែនកំណត់នេះក៏ដោយ។
- c. បង្កើតសំណៅចម្លងច្រើនទៀតនៃកម្មវិធីដែលបានបញ្ជាក់ក្នុងកិច្ចព្រមព្រៀងនេះ ឬបានអនុញ្ញាតដោយច្បាប់ជាធរមាន ដោយមិនគិតពីដែនកំណត់នេះ។
- d. ចេញផ្សាយ ឬក៏ធ្វើឲ្យមានកម្មវិធីនោះ ដើម្បីឲ្យអ្នកដទៃចម្លង។
- e. ជួល ដាក់ឲ្យជួល ឬឲ្យខ្ចីកម្មវិធីនោះ។
- f. ផ្ទេរកម្មវិធីនោះឬកិច្ចព្រមព្រៀងនេះជូនតតិយភាគីណាមួយ។
4. ឯកសារ៖ បើមានឯកសារផ្ដល់ជូនជាមួយកម្មវិធីនេះ អ្នកអាចចម្លង និងប្រើឯកសារនោះក្នុងគោលបំណងសម្រាប់ការយោងផ្ទាល់ខ្លួន។
5. បច្ចេកវិទ្យា និងកំហិតនៃការនាំចេញ៖ កម្មវិធីនេះអាចស្ថិតក្រោមច្បាប់ និងបទបញ្ជានៃការគ្រប់គ្រង ឬការនាំចេញបច្ចេកវិទ្យារបស់សហរដ្ឋអាមេរិក ឬអន្តរជាតិ។ អ្នកត្រូវតែអនុលោមតាមច្បាប់ និងបញ្ញត្តិកម្មនាំចេញក្នុងស្រុក និងជាអន្តរជាតិ ដែលអនុវត្តចំពោះបច្ចេកវិទ្យាដែលបានប្រើ ឬគាំទ្រដោយកម្មវិធីនោះ។ ច្បាប់ទាំងនេះរួមបញ្ចូលកំហិតនៅទីគោលដៅ អ្នកប្រើប្រាស់ចុងក្រោយ និងការប្រើប្រាស់ចុងក្រោយ។ សម្រាប់ព័ត៌មានអំពីផលិតផលដែលមានម៉ាក Microsoft សូមចូលទៅ វិបសៃនៃការនាំចេញរបស់ Microsoft (https://go.microsoft.com/fwlink/?linkid=868967)។
6. សេវាគាំទ្រ៖ ទាក់ទងអ្នកចេញផ្សាយកម្មវិធី ដើម្បីដឹងថាតើមានសេវាគាំទ្រដែរឬទេ។ Microsoft, ឧស្សាហករហាដវែររបស់អ្នក និងអ្នកផ្ដល់សេវាឥតខ្សែឲ្យអ្នក (លុះត្រាតែមួយនៃពួកគេគឺជាអ្នកចេញផ្សាយកម្មវិធី) មិនទទួលខុសត្រូវចំពោះការផ្ដល់សេវាគាំទ្រសម្រាប់កម្មវិធីនោះឡើយ។
7. កិច្ចព្រមព្រៀងទាំងមូល៖ កិច្ចព្រមព្រៀងនេះ គោលការណ៍ភាពឯកជនដែលមានជាធរមាន លក្ខខណ្ឌបន្ថែមទាំងឡាយដែលអមមកជាមួយកម្មវិធីនោះ ព្រមទាំងលក្ខខណ្ឌសម្រាប់ការបំពេញបន្ថែមនិងបច្ចុប្បន្នភាព គឺជាកិច្ចព្រមព្រៀងអាជ្ញាបណ្ណទាំងមូលរវាងអ្នកនិងអ្នកចេញផ្សាយកម្មវិធីសម្រាប់កម្មវិធីនោះ។
8. ច្បាប់អនុវត្ត៖
- a. សហរដ្ឋអាមេរិក និងកាណាដា៖ បើអ្នកបានទទួលកម្មវិធីក្នុងសហរដ្ឋអាមេរិក ឬកាណាដា ច្បាប់នៃរដ្ឋ ឬខេត្ត ដែលអ្នករស់នៅ (ឬបើជាអាជីវកម្ម គឺកន្លែងគោលនៃអាជីវកម្មរបស់អ្នកស្ថិតនៅ) គ្របដណ្ដប់លើការបកស្រាយកិច្ចព្រមព្រៀងនេះ ហើយអនុវត្តចំពោះបណ្ដឹងលើការបំពានវា និងបណ្ដឹងផ្សេងទៀតទាំងអស់ (រួមទាំងការការពារអតិថិជន ការប្រកួតប្រជែងមិនស្មោះត្រង់ និងបណ្ដឹងរដ្ឋប្បវេណី) ដោយមិនគិតពីទំនាស់នៃគោលការណ៍ច្បាប់។
- b. ខាងក្រៅសហរដ្ឋអាមេរិក និងកាណាដា៖ បើអ្នកបានទទួលកម្មវិធីនេះក្នុងប្រទេសដទៃផ្សេងទៀត ច្បាប់នៃប្រទេសនោះនឹងអនុវត្ត។
9. ឥទ្ធិពលច្បាប់៖ កិច្ចព្រមព្រៀងនេះពណ៌នាពីសិទ្ធិស្របច្បាប់មួយចំនួន។ អ្នកអាចមានសិទ្ធិផ្សេងទៀតក្រោមច្បាប់នៃរដ្ឋ ឬប្រទេសរបស់អ្នក។ កិច្ចព្រមព្រៀងនេះមិនផ្លាស់ប្ដូរសិទ្ធិរបស់អ្នកក្រោមច្បាប់នៃរដ្ឋ ឬប្រទេសរបស់អ្នកឡើយ បើច្បាប់នៃរដ្ឋ ឬប្រទេសរបស់អ្នក មិនអនុញ្ញាតឲ្យធ្វើដូច្នោះ។
10. សេចក្ដីប្រកាសបដិសេធមិនទទួលខុសត្រូវ៖ ដោយស្ថិតក្រោមច្បាប់ជាធរមាន កម្មវិធីនេះបានទទួលអាជ្ញាបណ្ណ "ដូចដែលមាន", "ជាមួយនឹងកំហុសទាំងអស់" និង "តាមដែលមាន"។ អ្នកទទួលហានិភ័យទាំងស្រុងក្នុងការប្រើប្រាស់វា។ អ្នកចេញផ្សាយកម្មវិធី, ក្នុងនាមខ្លួនគេ, Microsoft (បើ Microsoft មិនមែនជាអ្នកចេញផ្សាយកម្មវិធី), ក្រុមហ៊ុនផ្ដល់សេវាឥតខ្សែដែលកម្មវិធីនេះត្រូវបានផ្ដល់ជូនតាមបណ្ដាញទាំងនោះ ព្រមទាំងសម្ពន្ធនីមួយៗរបស់យើង, អ្នកលក់, ភ្នាក់ងារ និងអ្នកផ្គត់ផ្គង់ (“ភាគីរ៉ាប់រង”) មិនផ្ដល់ការធានាណាមួយ ឬលក្ខខណ្ឌអ្វីឡើយ ពាក់ព័ន្ធនឹងកម្មវិធីនេះ។ អ្នកព្រមទទួលយកហានិភ័យទាំងស្រុងចំពោះគុណភាព សុវត្ថិភាព ផាសុក និងប្រសិទ្ធផលនៃកម្មវិធីនោះ។ បើកម្មវិធីនេះមានវិការៈ អ្នកត្រូវរ៉ាប់រងសោហ៊ុយទាំងស្រុងចំពោះការផ្ដល់សេវា ឬការជួសជុលដែលចាំបាច់ទាំងអស់។ អ្នកអាចមានសិទ្ធិបន្ថែមទៀតជាអ្នកប្រើប្រាស់ ក្រោមច្បាប់ក្នុងស្រុក ដែលកិច្ចព្រមព្រៀងនេះមិនអាចកែប្រែបានឡើយ។ ក្រោមវិសាលភាពដែលច្បាប់ក្នុងស្រុករបស់អ្នកអនុញ្ញាត ភាគីរ៉ាប់រងមិនរួមបញ្ចូលនូវការធានាឬលក្ខខណ្ឌបង្កប់ន័យ រួមទាំងភាពជាទំនិញរបស់វា ភាពសមស្របក្នុងគោលបំណងជាក់លាក់ សុវត្ថិភាព ផាសុក និងភាពមិនរំលោភបំពានឡើយ។
11. ដែនកំណត់ និងការដកចេញនូវការកែខៃ និងការខូចខាត៖ ក្រោមវិសាលភាពដែលច្បាប់មិនបានអនុញ្ញាត បើអ្នកមានមូលដ្ឋានសម្រាប់ការទាមទារមកវិញនូវការខូចខាត អ្នកអាចទាមទារមកវិញពីអ្នកចេញផ្សាយកម្មវិធីតែចំពោះការខូចខាតដោយផ្ទាល់ដល់ចំនួនទឹកប្រាក់ដែលអ្នកបានបង់សម្រាប់កម្មវិធីនោះ ឬ USD$1.00 ពោលគឺមួយណាដែលធំជាងប៉ុណ្ណោះ។ ដោយស្ថិតក្រោមច្បាប់ជាធរមាន អ្នកនឹងមិនស្វះស្វែង (ហើយលះបង់សិទ្ធិទាំងឡាយ) ដើម្បីទាមទារមកវិញពីអ្នកចេញផ្សាយកម្មវិធីនេះនូវការខូចខាតទាំងឡាយ រួមទាំងការខូចខាតជាផលវិបាក, ការបាត់បង់ប្រាក់ចំណេញ, ការខូចខាតជាពិសេស ដិតប្រយោល ឬជាឧប្បត្តិហេតុឡើយ។ បើច្បាប់ក្នុងស្រុករបស់អ្នកដាក់បន្ទុកឲ្យមានការធានា ការរ៉ាប់រង ឬលក្ខខណ្ណណាមួយ សូម្បីលក្ខខណ្ឌទាំងនេះមិនបានកំណត់ក៏ដោយ ដោយស្ថិតក្រោមច្បាប់ជាធរមាន អំឡុងពេលនោះត្រូវបានកម្រិតត្រឹម 90 ថ្ងៃ ពីពេលដែលអ្នកទាញយកកម្មវិធីនេះ។

ដែនកំណត់នេះអនុវត្តចំពោះ៖

អ្វីៗដែលពាក់ព័ន្ធនឹងកម្មវិធី សេវា ឬដែលមានតាមរយៈកម្មវិធីនោះ; និង
បណ្ដឹងចំពោះការបំពានកិច្ចសន្យា ការធានា ការរ៉ាប់រង ឬលក្ខខណ្ឌនានា; ការទទួលខុសត្រូវដាច់ខាត; ការធ្វេសប្រហែស ឬកំហុសរដ្ឋប្បវេណីផ្សេងទៀត; ការបំពានលើបទបញ្ញត្តិ ឬបទបញ្ជា; ការកែលម្អដោយមិនស្មោះត្រង់; ឬក្រោមទ្រឹស្ដីដទៃផ្សេងទៀត; អ្វីៗទាំងអស់ក្រោមវិសាលភាពអតិបរមាដែលច្បាប់ជាធរមានអនុញ្ញាត។

វាក៏អនុវត្តផងដែរ បើ៖

ការកែខៃនេះមិនសងអ្នកទាំងស្រុងសម្រាប់ការបាត់បង់ណាមួយ; ឬ
អ្នកចេញផ្សាយកម្មវិធីបានដឹង ឬគួរបានដឹងអំពីលទ្ធភាពនៃការខូចខាតនោះក៏ដោយ។

សេវាគ្របដណ្ដប់

ផលិតផលខាងក្រោម កម្មវិធី និងសេវានានា ស្ថិតក្រោមកិច្ចព្រមព្រៀងសេវា Microsoft ប៉ុន្តែអាចមិនមានក្នុងទីផ្សាររបស់អ្នក។

Account.microsoft.com
Bing Image and News (iOS)
Bing Search APIs/SDKs
Bing Translator
Bing Webmaster
Bing.com
Bingplaces.com
Clipchamp
Cortana skills by Microsoft
Cortana
Default Homepage and New Tab Page on Microsoft Edge
Dev Center App
Dictate
education.minecraft.net
Face Swap
Feedback Intake Tool for Azure Maps (aka “Azure Maps Feedback”)
Forms.microsoft.com
forzamotorsport.net
Groove Music Pass
Groove
GroupMe
LineBack
Microsoft 365 Business Standard, Microsoft 365 Business Basic, Microsoft 365 Apps, Microsoft 365 app, Microsoft 365 Copilot and Microsoft 365 Copilot Chat^*
- ^*Until a commercial domain is established for use of these services, at which time separate Microsoft commercial terms will govern instead.
Microsoft 365 Consumer
Microsoft 365 Family
Microsoft 365 Personal
Microsoft 365 សម្រាប់គេហទំព័រ
Microsoft Academic
Microsoft Add-Ins for Skype
Microsoft Bots
Microsoft Copilot
Microsoft Defender សម្រាប់បុគ្គល
Microsoft Educator Community
Microsoft Launcher
Microsoft Loop
Microsoft Math Solver
Microsoft Pay
Microsoft Pix
Microsoft Reading Coach
Microsoft Research Interactive Science
Microsoft Research Open Data
Microsoft Rewards
Microsoft Soundscape
Microsoft Sway
Microsoft Teams
Microsoft Translator
Minecraft Realms Plus and Minecraft Realms
Mixer
MSN (ពីមុនត្រូវបានគេស្គាល់ថាជា Microsoft Start)
MSN.com
Office Store
OneDrive.com
OneDrive
OneNote.com
Outlook.com
Paint 3D
Phone Link
Presentation Translator
rise4fun
Seeing AI
Send
Skype in the Classroom
Skype.com
Skype
Snip Insights
Spreadsheet Keyboard
Sway.com
to-do.microsoft.com
Translator for Microsoft Edge
Translator Live
Universal Human Relevance System (UHRS)
UrWeather
ux.microsoft.com
Video Breakdown
Visio Online
Web Translator
whiteboard.office.com
Windows Live Mail
Windows Live Writer
Windows Movie Maker
Windows Photo Gallery
Xbox Game Pass
Xbox Live Gold
Xbox Live
Xbox Music
Xbox Store
កម្មវិធី Bing
កម្មវិធី SMS Organizer
កម្មវិធី និងសេវាកម្មដែលបានរួមបញ្ចូលជាមួយនឹង Microsoft 365 Family
កម្មវិធី និងសេវាកម្មដែលបានរួមបញ្ចូលជាមួយនឹង Microsoft 365 Personal
កម្មវិធី និងសេវាកម្មដែលបានរួមបញ្ចូលជាមួយនឹងការជាវរបស់អតិថិជន Microsoft 365
កម្មវិធី និងសេវាកម្មដែលបានរួមបញ្ចូលជាមួយនឹងមូលដ្ឋានគ្រឹះ Microsoft 365
កម្មវិធីផែនទី
កម្មវិធីរុករក MSN
កម្មវិធីសុខភាពឧបករណ៍
កម្មវិធីស្វែងរក Bing
ការគាំទ្រនិងជំនួយការស្ដាររបស់ Microsoft សម្រាប់ Office 365
ការធ្វើដំណើរ MSN
ការបង្វិលប្រាក់សងរបស់ Bing
កីឡា MSN
កំណែឥតគិតថ្លៃរបស់ Microsoft 365
គណនី Microsoft
គ្រួសារ Microsoft
ដំណឹង MSN
តជាមួយ Windows
ទីផ្សារកម្មវិធី Windows
ទីផ្សារកម្មវិធី
ទំព័រ Bing
បណ្ដុំ Microsoft
បណ្ដុំ
បទពិសោធន៍ដែលបានតភ្ជាប់ជាជម្រើសរបស់ Microsoft 365
ប្រណិត MSN
ផែនទី Bing
ភ្ជាប់បណ្ដាញ MSN
មុខងារ Microsoft ស្វែងរក នៅក្នុង Bing
រូបផ្ទៃអេក្រង់ Microsoft
រឿង និងទូរទស្សន៍ Microsoft
លុយ MSN
វចនានុក្រម Bing
សុខភាព & ភាពមាំទាំ MSN
ស្វែងរកវៃឆ្លាត
ហ្គេម Minecraft
ហ្គេម កម្មវិធី និងគេហទំព័ររបស់ Windows ដែលបានផ្សព្វផ្សាយដោយ Microsoft
ហ្គេម កម្មវិធី និងគេហទំព័ររបស់ Xbox Game Studios
ឧបករណ៍បង្កើតរូបភាពពីអ្នករចនា Microsoft
អាកាសធាតុ MSN
អាហារ & ភេសជ្ជៈ MSN
អេក្រង់ជាប់សោបន្ទាប់
អ្នកគ្រប់គ្រង Skype