Samandrag av endringar i Microsofts tenesteavtale – 30. september 2024

Vi oppdaterer Microsofts tenesteavtale, som gjeld for Microsoft sine forbrukarprodukt og -tenester på nettet. Denne sida gir eit samandrag av dei meste vesentlege endringane i Microsofts tenesteavtale.

Dersom du vil sjå alle endringane, kan du lese heile Microsofts tenesteavtale her.

1. I overskrifta har vi oppdatert publiseringsdatoen til 30. juli 2024, og datoen for når avtalen trer i kraft, er 30. september 2024.
2. Under Bruk av tenester og kundestøtte, i avsnittet Moderasjon og handheving, har vi lagt til ei kopling til sida med retningsliner for å gjere innhaldet klårare og meir brukarvennleg.
3. I delen Betalingsvilkår har vi klargjort vilkåra knytte til å godta prisendring av tenesta di, og vi understrekar at du blir minna om korleis du avsluttar tenestene.
4. I delen Tenestespesifikke vilkår har vi gjort desse endringane og tilføyingane:
   • I Xbox-delen har vi klargjort at tredjepartsplattformar kan krevje at brukarar delar innhald og data for å kunne spele Xbox Game Studio-titlar, og at desse tredjepartsplattformane kan spore og dele dataa dine i samsvar med tredjepartane sine eigne vilkår. I punktet Barn på Xbox klargjer vi at familieinnstillingsfunksjonar kanskje ikkje er tilgjengelege når Xbox Game Studio-titlar blir brukte på tredjepartsplattformar. Vi presiserer at enkelte Xbox-tenester kan ha eigne bruksvilkår og etiske retningsliner.
   • I delen om Microsoft-familiefunksjonar understrekar vi at desse funksjonane er eksklusive for Microsoft-tenester og derfor kanskje ikkje tilgjengelege på andre plattformar.
   • Microsoft Cashback: Vi har lagt til eit avsnitt om Microsoft Cashback-programmet for å skildre det og informere om at aksept av vilkåra for Cashback er obligatorisk for å delta i programmet.
   • I Microsoft Rewards-delen har vi lagt til innhald for å klargjere korleis du gjer krav på poeng på Rewards-instrumentbordet, og at poeng berre blir gitt for søk som er brukte til personlege undersøkingsformål utførte i god tru.
   • Vi har lagt til eit avsnitt for å stadfeste vilkåra som styrer bruk av Copilot-tenester med KI-opplevingar.
   • Vi har oppdatert delen om KI-tenester for å skape klårleik rundt assisterande kunstig intelligens, eigarskap til innhald, innhaldsinformasjon og tredjepartskrav.
   • Vi har lagt til ein del som skildrar tilnærminga vår i samsvar med EUs tilgjengelegheitsdirektiv (EAA).
5. I Vilkåra har vi gjort endringar for å gjere innhaldet klarare og rette opp grammatiske feil, skrivefeil og liknande. Vi har også oppdatert namn og hyperkoplingar.